Ʋrɔm 1:1 - A SƐB-SÕW

¹ A mãa Pol, Yeezu Kɩrɩta tõ-tõ-bie, a Naaŋmɩn bʋɔlɩ mɛ̃ na k'ɩ̃ɩ wa ɩ nɩ-tona, ʋ kaa na ír mɛ̃ a ʋ Yel-nʋ̃ɔ̀ hieru ƴãw.

Ʋrɔm 1:1 ပူးပေါင်းရင်းမြစ်များ

1 Bibie za yel-manɩ 23:13

Amɩram bidɛbr: Aarɔ̃ nɩ Moyiir. A Aarɔ̃ nɩ a ʋ bʋʋrɛ tɩ be n bɛ tʋɔra a nʋɔr kʋ, kɛ́ bɛ so a zi-sõw kaafʋ. A tɩ fɛr'a kɛ́ bɛ mɩ́ de a parfɛ̃ de-kʋ̀b bome kʋ̀ a Sore, ɛ́ tone a Sore tome, ɛ́ ƴɛ̀rɛ nɔ-vla kʋ̀rɛ a nɩbɛ a Sore yúor ƴãw.

Ɩzayi 49:1

Nyɩ bɛrɛ wone a ɩ̃ ƴɛ̀rʋ, nyɩɩm nɩ-bʋʋrɛ na zãá a, nyɩ cɛlɛ be, nyɩɩm na kpɩɛr zi-zãána a. Ɩ̃ tɩ cãà nɩ a ɩ̃ mã vʋr pʋɔ ɛ́ a Sore bʋɔlɩ mɛ̃. Ɩ̃ tɩ cãà nɩ a ɩ̃ mã puori, ʋʋ bʋɔlɩ a ɩ̃ yúor.

Zeremi 1:5

«Ɩ̃ tɩ bãw fʋ na ɛ́ bɛ cɔbrɩ fʋ a fʋ mã puori sɛr ɛ, ɩ̃ tɩ ka n nũú ƴãw fʋ ɛ́ fʋ wa bãw dɔw, ɩ̃ tɩ ɩ na fʋ ɩ a ɩ̃ ƴɛ̀r-manɛ a nɩ-bʋʋr-yoru za zie.»

Markɩ 1:14

Bɛ na wa nyɔw a Zã pàw baar'a, a Yeezu tɩ wa n a Galile lowr wa hiere a Naaŋmɩn Yel-nʋ̃ɔ̀ yere nɩ:

Zã 12:26

Nɩr wa bɔbr k'ʋʋ tone a ɩ̃ tome a, ʋ tuur mɛ̃, ɛ́ zie nɛ za ɩ̃ na be a, be n'a a ɩ̃ tõ-tone mɩ̀ na be. Nɩr wa tone a ɩ̃ tome a, a ɩ̃ Sãà na ƴãwnɛ ʋ na.»

Zã 15:15

Ɩ̃ bɛ cãà bʋɔlɛ nyɩ tõ-tõ-biir ɛ, a tõ-tõ-bie na bɛ bãw ʋlɩ bom nɛ a ʋ nɩ-kpɛ̃ɛ na ɩrɛ a ƴãw. Ɩ̃ bʋɔlɛ nyɩ nɩ bárɩ, ɩ̃ na ɩ nyɩ bãw a yele al za a ɩ̃ Sãà na wul mɛ̃ a.

Zã 15:20

Nyɩ lɛb tɩɛrɩ a ƴɛ̀r-bir ŋa ɩ̃ na tɩ yel kʋ̀ nyɩ a: “Tõ-tõ-bie bɛ zuore a ʋ nɩ-kpɛ̃ɛ ɩ.” Bɛlɛ wa dɔwrɩ mɛ̃ a, bɛ mɩ̀ na dɔwrɩ nyɩ na, bɛlɛ wa sàw de a ɩ̃ ƴɛ̀rʋ a, bɛ mɩ̀ na sàw na de a nyɩ dem.

Nɩ-toni 13:9

Lɛ n'a a Vʋʋrʋ Sõw tɩ paalɩ a Sol, mɩ̀ na dɩ kɛ́ Pol a, ʋ jɩ́r a tɩtɩblɛ gbẽgbẽ

Nɩ-toni 20:24

Mãa zie a, a ɩ̃ nyɔ-vʋʋrʋ bɛ ɩ bʋ̃-sɩza kãw ɛ. Bom nɛ ɩ̃ na bɔbr tuo tuo a, ʋlɛ n'ɩ k'ɩ̃ɩ tʋ̃ɔ́ tõ a ɩ̃ tõ-nʋɔr tɩ ɓɩɩlɩ, lãwnɩ a ton a Sore Yeezu na kʋ̀ m a: a Naaŋmɩn maalʋ Yel-nʋ̃ɔ̀ hieru.»

Nɩ-toni 21:40

A sojarɩ túr nɩ-kpɛ̃ɛ tɩ sàw na kʋ̀ ʋ. A Pol tɩ ìr'a àr a tanɛ dɛ-mimie zu, ɛ́ zɛw nũu kabrɩ yel a nɩbɛ kɛ́ bɛ bɛr gɔmɛ. A nɩbɛ tɩ ŋmãa nɩ vʋʋrʋ ɛ́ a Pol de a ƴɛ̀rʋ nɩ a arameyɛ̃ kɔkɔr yel:

Nɩ-toni 22:21

Ɛcɛ ʋ tɩ yel mɛ̃ na: “Cere, zi-zãána nɩ-bʋʋr-yoru zie n'a mãa na tõ fʋ.”»

Nɩ-toni 22:7

Ɩ̃ tɩ lo na gã tẽw ɛ́ wõ kɔkɔr ʋ sowre mɛ̃: “Sol i, Sol i, bʋ̃ʋ ƴãw n'a fʋ dɔwrɛ mɛ̃?”

Nɩ-toni 26:1

A Agɩrɩpa tɩ yel'ɩ a Pol: «Fʋ tɛr'ɩ sɔ́r na ƴɛ̀r faa fʋ tʋɔra.» Lɛ n'a a Pol tɩ dɔl nũu ɛ́ de a ƴɛ̀rʋ yel:

Nɩ-toni 26:14

Tɩ za tɩ lo na gã tẽw, ɩ̃ɩ wõ kɔkɔr ʋ ƴɛ̀rɛ nɩ mɛ̃ arameyɛ̃ yere: “Sol i, Sol i, bʋ̃ʋ n'ʋ so fʋ dɔwrɛ mɛ̃? Fʋ̃ʋ n'ʋ lɛb ŋmɛlɩ ɩrɛ a kpɩɛr fʋ tʋɔra, mɛ̃ dʋ̃w na lɩɛb bà gbɛ́r a dabɔl bɛ na kparɛ nɩ ʋ a ƴãw a.”

Nɩ-toni 27:23

Bʋ̃ʋ n'ʋ vɛ̃, a tɩ̃ɩsɔw a, a ɩ̃ Naaŋmɩn ɩ̃ na tone a malkɩ kãw wa n a ɩ̃ zie

Nɩ-toni 9:15

Ɛcɛ a Sore tɩ yel ʋ na: «Cen, a nɩr ŋa ɩ n tõ-tõ-bom ɩ̃ na kaa ír k'ʋʋ ɩ a ɩ̃ yúor yi ta a nɩ-bʋʋr-yoru, a na-mɩnɛ nɩ a Ɩsɩrayɛl biir zie a.

Ʋrɔm 1:16

Ɩ̃ bɛ zɔrɛ vĩ a Yel-nʋ̃ɔ̀ hieru ƴãw ɛ: bʋ̃ʋ n'ʋ vɛ̃, ʋ ɩ n Naaŋmɩn kpɛnʋ na faarɛ nɩr za na sàw de a, a Zifʋ mɩnɛ n'ɩ a dãw-niwn dem, al pùorí a bɛl na bɛ ɩ Zifʋ mɩnɛ a.

Ʋrɔm 1:5

A ʋl ƴãw n'a ɩ̃ páw a maalʋ lɩɛbɩ nɩ-tona, k'ɩ̃ɩ tɛr a nɩ-bʋʋr-yoru nɩbɛ za wa n bɛ wa sàw de ʋ, ɛ́ sàwr a ʋ nʋɔr, a ʋ yúor zɛwfʋ ƴãw.

Ʋrɔm 1:9

Naaŋmɩn n'ɩ a ɩ̃ yel-mɩŋa sob, ʋl ɩ̃ na puore nɩ ɩ̃ pʋɔ za ɛ́ hiere a ʋ Bie Yel-nʋ̃ɔ̀ a. Ɩ̃ mɩ́ tɛr'ɩ a nyɩ tɩɛrʋ kʋralɛ,

Ʋrɔm 11:13

Ƴɛrɛŋa a, a nyɩɩm nɩ-bʋʋr-yoru zie n'a ɩ̃ ƴɛ̀rɛ: mãa n'ɩ a nɩ-bʋʋr-yoru nɩ-tona, ɛ́ a lɛ pʋɔ a, ɩ̃ íre nɩ a ɩ̃ tõ-nʋɔr ŋa yúor,

Ʋrɔm 15:16

k'ɩ̃ɩ ɩ a Yeezu Kɩrɩta tõ-tõ-bie a nɩ-bʋʋr-yoru ƴãw. Tõ-sõw n'ʋ ɩ̃ tone hiere a Naaŋmɩn Yel-nʋ̃ɔ̀, k'aa nɩ-bʋʋr-yoru lɩɛbɩ bàwr-maal-bom na nʋmɛ a Naaŋmɩn zie a, bàwr-maal-bom Vʋʋrʋ Sõw na ɩ k'ʋ ɩ sõw a.

Ʋrɔm 15:29

Ɩ̃ɩ bãwnɩ a na kɛ́ mãa wa waar a nyɩ zie a, a Kɩrɩta maalʋ yaga za n'a ɩ̃ na wa n.

Ʋrɔm 16:18

bʋ̃ʋ n'ʋ vɛ̃, a nɩbɛ bɛ ŋa taabɛ bɛ kaarɛ a Kɩrɩta tɩ Sore yele zie ɩ, bɛl nyagɛ zie n'a bɛ kaarɛ. Ƴɛ̀r-vɩɛlɩ nɩ nɔ-kãá n'a bɛ mɩ́ tɛr bɛ̀lɛ nɩ a nɩbɛ bɛl na bɛ tɛr a mɩnɛ kãw a.

Ʋrɔm 16:25

Naaŋmɩn so danʋ! Ʋ tɛr'ɩ fãw na ɩ tɩ kpɛmɛ a sàw-deb pʋɔ tu n a Yel-nʋ̃ɔ̀ ɩ̃ na hiere manɛ nɩ a Yeezu Kɩrɩta yele a, ɛ́ mɩ̀ tu n a Naaŋmɩn pʋ-tɩɛr-sɔwla ʋ na ɩ tɩ bãw a. A pʋ-tɩɛrʋ ŋa tɩ sɔwl'ɩ a dɩta-pɛ-yome za,

1 Korɛ̃tɩ 1:1

A mãa Pol, a Naaŋmɩn na nɔ̃w yã bʋɔlɩ k'ɩ̃ɩ wa ɩ a Kɩrɩta Yeezu nɩ-tona a, mãa n'ʋ sɛbr nyɩ, mãa nɩ a tɩ yɛb Sɔsɩtɛn.

1 Korɛ̃tɩ 9:1

Ɩ̃ bɛ so ɩ̃ tʋɔra bɩɩ? Ɩ̃ bɛ ɩ nɩ-tona bɩɩ? Ɩ̃ bɛ nyɛ̃ a Yeezu tɩ Sore ɩ? Nyɩmɛ bɛ nɛbɛ ɩ a ton ɩ̃ na tõ a Sore pʋɔ a ɩ?

2 Korɛ̃tɩ 1:1

A mãa Pol, a Naaŋmɩn na nɔ̃w yã ƴãw ɩ̃ ɩ a Kɩrɩta Yeezu nɩ-tona a, mãa nɩ a tɩ yɛb Timote, tɩmɛ nɛbɛ kʋ̀rɛ a sɛbɛ ŋa a Naaŋmɩn Lãw-yir na be a Korɛ̃tɩ tẽw a, lãwnɩ a kɩrɩta-nɩbɛ za na be a Akayi a.

2 Korɛ̃tɩ 11:5

Ɛcɛ, ɩ̃ bɛ tɩɛr kɛ́ a nyɩ nɩ-ton-gãdaar bɛ ŋa zuo mɛ̃ nɩ yel kãw za ƴãw ɛ.

2 Korɛ̃tɩ 11:7

Ɩ̃ na siwri ɩ̃ tʋɔra manɩ a Naaŋmɩn Yel-nʋ̃ɔ̀ kʋ̀ nyɩ mɔlɛ lɛ k'ɩ̃ɩ zɛw nyɩ a, sãwna n'a bɩɩ?

2 Korɛ̃tɩ 12:11

Mãa n'ɩ ŋan ƴɛ̀rɛ yãya-ƴɛ̀rʋ, ɛcɛ nyɩmɛ nɛbɛ fɛr mɛ̃ ƴãw. Nyɩmɛ nɛbɛ a tɩ sɛw kɛ́ nyɩ manɛ a ɩ̃ ɩ-vɩɛlɩ. Bʋ̃ʋ n'ʋ vɛ̃, ɩ̃ na saa bɛ ɩ nɩr a, a nɩ-ton-gãdaar bɛ ŋa kãw za bɛ zuo mɛ̃ bom kãw za ƴãw ɛ.

2 Korɛ̃tɩ 2:12

Ɩ̃ na tɩ ta a Tʋrʋwasɩ a Yeezu Kɩrɩta Yel-nʋ̃ɔ̀ hieru ƴãw a, a Sore na saa tɩ sàw ɩ̃ na tʋ̃ɔ́ tone vla vla za a,

2 Korɛ̃tɩ 4:5

Tɩɩm mɩŋa bɛ nɛbɛ tɩ hiere yere kʋ̀rɛ a nɩbɛ ɩ, Sore Yeezu Kɩrɩta n'ʋ. Tɩɩm a, tɩ yere na kɛ́ tɩ ɩ n a nyɩ tõ-tõ-biir a Yeezu zũú.

Galasi 1:1

A mãa Pol na ɩ nɩ-tona, ɛ́ a bɛ ɩ nɩsaalbɛ nɛbɛ so, bɩɩ nɩsaal zie n'a a yi, ɛ́ ɩ a Yeezu Kɩrɩta zie nɩ a Naaŋmɩn Sãà, na ɩ a Yeezu Kɩrɩta ʋ lɛb yi a kũuni pʋɔ a zie n'a a,

Efɛɛzɩ 1:1

A mãa Pol, Naaŋmɩn na nɔ̃w yã ƴãw ɩ̃ ɩ a Yeezu Kɩrɩta nɩ-tona a, mãa n'ʋ sɛbr a kɩrɩta-nɩbɛ na be a Efɛɛzɩ tẽw ɛ́ sàw de a Yeezu Kɩrɩta bɛ lɛbr pùor a.

Efɛɛzɩ 1:13

A Kɩrɩta nyɩ na lãw nɩ a ƴãw n'a nyɩ wõ a yel-mɩŋa ƴɛ̀rʋ, a Yel-nʋ̃ɔ̀ na faarɛ nyɩ a. A ʋl nyɩ na lãw nɩ a ƴãw mɩ̀ cãà n'a nyɩ sàw de, ɛ́ bɛ ŋmãa a Vʋʋrʋ a Naaŋmɩn na tɩr a bãwfʋ ƴãw nyɩ, a Vʋʋrʋ Sõw na ɩ

Efɛɛzɩ 4:11

Ɛ́ a bʋ̃-kʋ̀rɩ ʋ na tɩr a n'ɩ a nɩ-toni nɩ a naaŋmɩn-ƴɛ̀r-manbɛ, a Yel-nʋ̃ɔ̀ hierbɛ nɩ a nɩbɛ kaarbɛ nɩ a wul-wulbɛ,

Wulu-ayi-sob 10:8

A ʋlɩ vuo nɛ pʋɔ a, a Sore tɩ kʋ̀ n a Levi bʋʋrɛ tome á ŋá na ɩ a tʋɔra a: bɛ tuore a Sore wõ-taa dágá, bɛ mɩ́ àr a ʋ niŋé a ʋ tome tob ƴãw, bɛ mɩ́ ƴɛ̀r a nɔ-vla kʋ̀ a nɩbɛ a ʋ yúor ƴãw. A levitɩ mɩnɛ cãà na tone a tome á ŋá a dɩ̃a.

Filib 1:1

Pol nɩ Timote, na ɩ a Yeezu Kɩrɩta tõ-tõ-biir a, bɛlɛ nɛbɛ kʋ̀rɛ a sɛbɛ ŋa a Filib tẽw nɩbɛ bɛl za a Yeezu Kɩrɩta na ɩ bɛ pʋɔ a Naaŋmɩn nɩ-bʋʋrɛ pʋɔ a, bɛlɛ nɩ a bɛ kaarbɛ nɩ a bɛ dɩakɩr mɩnɛ.

Filib 2:11

ɛ́ bɛ za sàw yere kɛ́ a Yeezu Kɩrɩta n'ɩ a Sore, a Naaŋmɩn sãà yúor-vɩɛlʋ-danʋ ƴãw.

Kɔlɔsɩ 1:1

A mãa Pol, Naaŋmɩn na nɔ̃w yã ƴãw ɩ̃ ɩ Yeezu Kɩrɩta nɩ-tona a, nɩ a tɩ yɛb Timote,

Kɔlɔsɩ 1:25

Ɩ̃ lɩɛb'ɩ a Lãw-yir tõ-tõ-bie, a tõ-nʋɔr a Naaŋmɩn na kʋ̀ m a nyɩ ƴãw a zũú. Ɛ́ a tõ-nʋɔr ŋa n'ɩ k'ɩ̃ɩ hieri a Naaŋmɩn ƴɛ̀rʋ ʋ za kʋ̀ nyɩ,

1 Tesalonikɩ 2:2

Nyɩ mɩ̀ bãwnɩ a na a daar yɩ̃ɛ ŋa bɛ na tʋ tɩ ɛ́ dɔwrɩ tɩ a Filib tẽw a. Ɛcɛ Naaŋmɩn tɩ kʋ̀ tɩ nɩ fãw tɩ manɩ a ʋ Yel-nʋ̃ɔ̀ kʋ̀ nyɩ, a na saa tɩ ɩ mɔb yaga a.

1 Tesalonikɩ 2:8

Tɩ na tɩ nɔnɛ nyɩ yaga za a n'a so, tɩ bɛ tɩ bɔbr kɛ́ tɩ manɩ a Naaŋmɩn Yel-nʋ̃ɔ̀ tɛwr kʋ̀ nyɩ ɛ, tɩ mɩ̀ tɩ bɔbr'a kɛ́ tɩ nãá lãw de nɩ tɩ tʋɔra za kʋ̀ nyɩ, nyɩ na lɩɛbɩ tɩ nɩ-nɔnɩ za a ƴãw.

1 Tesalonikɩ 2:9

Yɛbr i, nyɩ lɛb tɩɛrɩ a tɩ kpɩɛrʋ nɩ a tɩ bàlʋ: tɩ tɩ tone nɩ mʋ̃tɔ̃w nɩ tɩ̃ɩsɔw za, ɛ́ cãà hiere a Yel-nʋ̃ɔ̀ kʋ̀rɛ nyɩ, kɛ́ nyɩ kãw za ta bàlɛ ʋ tʋɔra a tɩ ƴãw ɛ.

1 Timote 1:1

A mãa Pol, a Naaŋmɩn tɩ Faarɛ nɩ a Kɩrɩta Yeezu ƴãw tɩ na ƴãw a tɩ tɩɛrʋ a, bɛl na ƴãw ɩ̃ ɩ a Kɩrɩta Yeezu nɩ-tona a,

1 Timote 2:7

bɛ na ír mɛ̃ k'ɩ̃ɩ hiere yere, ɛ́ ɩ a nɩ-tona, ɛ́ ɩ a nɩ-bʋʋr-yoru wul-wule, kɛ́ bɛ tʋ̃ɔ́ sàw de a Naaŋmɩn ɛ́ bãw a yel-mɩŋa a. Yel-mɩŋa n'a ɩ̃ yere, ziri bɛ n'a ɩ.

2 Timote 1:11

A Yel-nʋ̃ɔ̀ ŋa n'ʋ a Naaŋmɩn ƴãw k'ɩ̃ɩ hiere, ɩ̃ na ɩ nɩ-tona nɩ wul-wule a.

Títɩ̀ 1:1

Mãa Pol, na ɩ Naaŋmɩn tõ-tõ-bie nɩ Yeezu Kɩrɩta nɩ-tona a, bɛ ƴãw na k'ɩ̃ɩ ɩ a Naaŋmɩn nɩ-kaa-íri tɛr naaŋmɩn-sàw-deb ɛ́ bãw a yel-mɩŋa na tu a Naaŋmɩn ƴãwfʋ a,

Ebre 5:4

Nɩr bɛ n'ʋ mɩ́ kʋ̀ ʋ tʋɔra a bàwr-maal-kara ƴãwfʋ ɛ, Naaŋmɩn n'ʋ mɩ́ bʋɔlɩ a sob ƴãw ʋ, mɛ̃ a lɛ a na tɩ ɩ a Aarɔ̃ zie a.

Ebre 7:26

A bàwr-maal-kara tɔr za n'ɩ à ŋà a na tɩ fɛr kɛ́ tɩ tɛr a: ʋ ɩ n sõw, ʋ bɛ tɛr sãwna ɩ, ʋ vɩɛl'ɩ ʋ za. Bɛ bʋ́r ʋ na ʋ bɛ pʋɔ a yel-bebe dem pʋɔ ɩ, ɛ́ zɛw ʋ k'ʋ do gãw a salom.

Zakɩ 1:1

A mãa Zakɩ na ɩ a Naaŋmɩn nɩ a Sore Yeezu Kɩrɩta tõ-tõ-bie a, ɩ̃ puore nɩ a Naaŋmɩn nɩ-bʋʋrɛ na yaarɩ be a tẽ-daa za zu a.

1 Pɩɛr 4:17

Sɩza n'a, a ƴɛ̀rʋ-maalʋ na tine a daar ta na. Ɛ́ a Naaŋmɩn nɩ-bʋʋrɛ nɛbɛ bɛ de niwn maal'ɩ a ƴɛ̀rʋ. Ɛcɛ alɛ wa tine a tɩ zie a, ŋmɩŋmɩn n'a a baarʋ daar a na ŋmɛ̃ a bɛlɩ dem na zawrɩ na sàw de a Naaŋmɩn Yel-nʋ̃ɔ̀ a zie?

2 Pɩɛr 1:1

A mãa Sɩmʋ̃ Pɩɛr na ɩ a Yeezu Kɩrɩta tõ-tone nɩ a ʋ nɩ-tona a, mãa n'ʋ sɛbr a bɛlɩ dem na páw a naaŋmɩn-sàwfʋ ʋ vɩɛl man a tɩ dem a. A tɩ Naaŋmɩn nɩ a tɩ Faarɛ Yeezu Kɩrɩta mɩnʋ zũú n'a bɛ páw a naaŋmɩn-sàwfʋ ŋa.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:1

A mãa Zid, Zakɩ yɛb, na ɩ a Yeezu Kɩrɩta tõ-tone a, ɩ̃ sɛbr'ɩ a bɛlɩ dem a Naaŋmɩn Sãà na bʋɔlɩ a, a bɛl ʋ na nɔnɛ ɛ́ ƴãw a Yeezu Kɩrɩta gù a.

Yel-wula 1:1

A yel-wula a Yeezu Kɩrɩta na páw a, a sɛbɛ ŋa pʋɔ n'a ʋ be. Naaŋmɩn wul ʋ nɩ a yel ŋa, k'aa Yeezu Kɩrɩta ɩ a Naaŋmɩn tõ-tõ-biir bãw a yel ʋl na kʋ̃ yaa kɛ́ ta a. A Kɩrɩta tõ n a ʋ malkɩ a ʋ tõ-tone Zã zie, k'ʋʋ tɩ ɩ ʋ bãw a yel ŋa.

Yel-wula 22:6

Al pùorí, a malkɩ tɩ yel mɛ̃ na: «A ƴɛ̀rʋ á ŋá ɩ n sɩza ɛ́ bɛ tɛr bʋnʋ ɛ. A Sore Naaŋmɩn na mɩ́ kʋ̀ a tɩɛrʋ a ʋ ƴɛ̀r-manbɛ a, ʋlɛ n'ʋ tõ a ʋ malkɩ ʋ wa wul a ʋ tõ-tõ-biir a yele na kʋ̃ yaa kɛ́ ta a.»

Yel-wula 22:9

Ɛcɛ, ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ a fʋ̃ʋ nɩ a fʋ yɛbr naaŋmɩn-ƴɛ̀r-manbɛ a, nɩ a bɛlɩ dem za na maal tɛr a sɛbɛ ŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru!»