Ɩ̃ be n a fʋ zie, ɩ̃ na gùre fʋ nɩ zie nɛ za fʋ na cere a, ɩ̃ɩ na lɛb'a tɛr fʋ wa n a tẽw ŋa pʋɔ. Ɩ̃ kʋ̃ zawrɩ fʋ bɛr ɛ, ɛ́ gù ɩ̃ tɩ maalɩ a lɛ za ɩ̃ na yel kʋ̀ b a.»
Ɩ̃ zɛlɛ fʋ na, sàw maalɩ a ɩ̃ yir, k'aa ɩ̃ bʋ̃-dɔwrɩ dɩrɛ a naalʋ kʋralɛ a fʋ niŋé. Sore Naaŋmɩn i, mɛ̃ a lɛ fʋ na yel a, a fʋ maalʋ, a be a ɩ̃ yir zu kʋralɛ.»
Ɩ̃ bɛ cãà a tẽ-daa zu ɛ, ɛcɛ bɛl cãà nɩ a tẽ-daa zu, ɛ́ mãa waar a fʋ zie. Ɩ̃ Sãà sõw i, a bɛlɩ dem fʋ na kʋ̀ m a, gùre bɛ a fʋ yúor ƴãw, kɛ̀ bɛ ɩ been mɛ̃ a tɩɩm a.
Bʋ̃ʋ n'ʋ vɛ̃, a Vʋʋrʋ Sõw yõ wa n'ʋ ƴãw fʋ puore yãanɩ puoru a, ŋmɩŋmɩn n'a a lãw pʋɔ nɩ-zawlɛ na ƴãw «Amɛn» sɔw a fʋ yãanɩ puoru, bɛ na bɛ bãw a lɛ fʋ na yere a?
A ƴã-ɓaarʋ Naaŋmɩn tɔr za, ʋ ɩ nyɩ ɩ son nyɩ za, ʋ gù a nyɩ nɩɩlʋ za, a tɩɛrʋ, a sɩ́ɛ nɩ a ƴã-gan, ʋ taa wa tɛr sãwna bɛ yere a tɩ Sore Yeezu Kɩrɩta waa daar ɛ.
