Sɔr-nɛ́ɛ 6:20 - A SƐB-SÕW

²⁰ A bàwr-maalɛ na de a na kʋ̀ a Sore, mɛ̃ a lɛ bɛ na mɩ́ tu tɩr a bom a. A bàwr-maalɛ so a bome á ŋá ƴãw pʋɔ a nyãa nɩ a pɛrɩ́ gbɛ́r na ɩ a ʋ sób a ƴãw. Al pùorí a, a naziir na tʋ̃ɔ́ na lɛb nyúur a divɛ̃.»

Sɔr-nɛ́ɛ 6:20 ပူးပေါင်းရင်းမြစ်များ

Ekilezɩasɩ 9:7

A lɛ pʋɔ a, mɩ́ dɩ a fʋ bʋ̃-dɩra nɩ nʋ̃ɔ̀, ɛ́ nyũ a fʋ divɛ̃ nɩ cɩlʋ, bʋ̃ʋ n'ʋ vɛ̃, koro kãw za n'a Naaŋmɩn sàw de a fʋ tome.

Ɩzayi 25:6

A Sore, a kpɛnʋ-za-sob, cɔbrɛ nɩ cuw dɩb a nɩ-bʋʋrɛ za ƴãw a Sɩyɔ̃ tãw zu, nɛn-kãánɩ nɩ divɛ̃-kore cuw dɩb, — nɛn-kãánɩ nɩ nɛn-buge, divɛ̃-kore na bɩ tɔ a —.

Ɩzayi 35:10

A bɛlɩ dem a Sore na na faa a na lɛb'a wa. Bɛ na ŋmɩɛr'ɩ nʋ̃ɔ̀ cɛlsɩ wa tarɛ nɩ a Sɩyɔ̃. Nʋ̃ɔ̀ na bɛ tɛr baarʋ a na caal'ɩ a bɛ niŋe. Cɩlʋ nɩ nʋ̃ɔ̀ na tuori bɛ na, ɛ́ pʋ-sãwna nɩ kon lɩɛb zɔ.

Levitɩ mɩnɛ 10:15

A fɛr'a k'aa Ɩsɩrayɛl nɩbɛ mɩ́ wa n a pɛrɩ́ gbɛ́r nɩ a nyãa, lãwnɩ a nɛn-kãánɩ bɛ na mɩ́ nyɩw a bàwr-maal-kuur zu a. Bɛlɛ wa tu a bom de-tɩrʋ tub baarɩ a Sore niŋé a, nyɩmɛ so a nɛnɛ á ŋá, mɛ̃ a lɛ a Sore na yel a, a nyɩ dem'ɩ à á ŋá kʋralɛ.»

Levitɩ mɩnɛ 23:11

A bàwr-maalɛ na de ʋ na kʋ̀ m tu n a bom de-tɩrʋ tub, a pɩ̃ɛnʋ-bibir dãw bio, k'aa ɩ̃ pʋɔ tʋ̃ɔ́ pɛlɩ a nyɩ ƴãw.

Levitɩ mɩnɛ 7:30

Ʋl mɩŋa na mɩ́ wa n nɩ a al a Sore na so a, a pɛr lɛ kɛ́ a nɛn-kãánɩ nɩ a dʋ̃w nyãa. A fɛr'a k'ʋʋ mɩ́ tu a bom tɩrʋ tub, kʋ̀ a Sore a dʋ̃w nyãa.

Levitɩ mɩnɛ 7:31

Lɛ n'a a bàwr-maalɛ na nyɩw a nɛn-kãánɩ a bàwr-maal-kuur zu. A nyãa ʋl a, a Aarɔ̃ nɩ a ʋ bidɛbr so ʋ.

Levitɩ mɩnɛ 7:32

A dʋ̃w nyɩ na maal'ɩ a bàwr a, nyɩ mɩ̀ na ír'ɩ a pɛrɩ́ dʋrʋ-gbɛ́r kʋ̀ a bàwr-maalɛ.

Levitɩ mɩnɛ 7:34

À ŋá sɩrɩ n'a a Sore ƴãwnɛ a nʋɔr kʋ̀rɛ nyɩ, nyɩɩm Ɩsɩrayɛl nɩbɛ ɛ: a dʋn nyɩ na mɩ́ kʋ maal'ɩ a lãw-taa bàwr a, nyɩ na mɩ́ ír'ɩ a nyãa nɩ a pɛrɩ́ dʋrʋ-gbɛ́r kʋ̀ a bàwr-maalɛ Aarɔ̃ nɩ a ʋ bidɛbr, bʋ̃ʋ n'ʋ vɛ̃, bɛlɛ so a nɛnɛ á ŋá kʋralɛ.»

Levitɩ mɩnɛ 9:21

A Aarɔ̃ tɩ tu n a bom de-tɩrʋ tub, de a nyarʋ nɩ a pɛrɩ́ dʋrʋ-gbɛ́r kʋ̀ a Sore mɛ̃ a lɛ a Moyiir na tɩ yel a.

Zakari 10:7

A Efarayim nɩbɛ na kpɛmɛ na mɛ̃ gãdaar a, nʋ̃ɔ̀ na ɩrɛ bɛ na mɛ̃ nɩbɛ na nyũ divɛ̃ a. A bɛ bibiir na nyɛ̃ bɛ na nʋ̃ɔ̀ ɩrɛ bɛ, bɛ na cɩlɛ nɩ bɛ za a Sore ƴãw.

Zakari 9:15

A Sore, a Kpɛnʋ-za-sob, na gù n a ʋ nɩ-bʋʋrɛ. Ʋ na lɔb'ɩ a sa-bi-kube sãw nɩ ɛ́ ŋmɛr ŋmɛr bom za na bà gbɛ́r a ʋ niŋé a bɛr: bɛ na ɩ na a dɔ̃ dem zɩ̃ɩ gbɔlɛ mɛ̃ divɛ̃, bɩɩ mɛ̃ a bàwr-maal-zɩ̃ɩ na paalɩ lali-mɩrɩ, ɛ́ pàw a bàwr-maal-kuur ɩ́lɛ́ a.

Zakari 9:17

Nyɛ̃ nʋ̃ɔ̀ na na ɩrɛ bɛ a! Nyɛ̃ bɛ na na vɩɛl a! A ble na mɩ́ kʋ̀ n fãw a pɔlbili ɛ́ a divɛ̃-paala kʋ̀ fãw a pɔwsɩrali.

Sɔr-nɛ́ɛ 18:18

Al pùorí, nyɩ na so nɩ a nɛn mɛ̃ a lɛ nyɩ na mɩ́ so dʋ̃w nyãa nɩ a dʋrʋ gbɛkpɛ̃ɛ bɛ na tu n a de-kʋ̀b tub lãw-taa bàwr pʋɔ a.

Sɔr-nɛ́ɛ 5:25

Ɛcɛ ʋ na de nɩ niwn lɛb de a nyuur de-kʋ̀b bom a pɔw nuru pʋɔ. Ʋ na tur ʋ na kʋ̀ a Sore, mɛ̃ a lɛ bɛ na mɩ́ tu de a bom tɩr a, ɛ́ wa n ʋ a bàwr-maal-kuur pɛr.

Sɔr-nɛ́ɛ 6:21

«A tub'ɩ à á ŋá na càarɩ a naziir na kõ a nʋɔr a. A bome ʋ na na mɩ́ kʋ̀ a Sore a al ƴãw a mɩ̀ n'ɩ à á ŋá. Ʋlɛ wa tɛr fãw na tʋ̃ɔ́ tɩr bome dɔwlɩ a, ʋ na tʋ̃ɔ́ na tɩr. Ɛcɛ a fɛrɛ ʋ na k'ʋʋ tu a lɛ ʋ na kõ a nʋɔr a, a nɛ́ɛ ʋ na ƴãw a ʋ nʋɔr-kob pʋɔ a.»

Matie 26:29

Ɩ̃ yere na kʋ̀rɛ nyɩ, dɩ̃a na ta a, ɩ̃ kʋ̃ lɛb nyũ a divɛ̃ á ŋá ɩ, ɛ́ gùre a ʋlɩ bibir nɛ ɩ̃ nãà lɛb wa lãwnɩ nyɩ nyũ divɛ̃-paala a ɩ̃ Sãà naalʋ pʋɔ a.»

Markɩ 14:25

Yel-mɩŋa sɩza, ɩ̃ yere na kʋ̀rɛ nyɩ, ɩ̃ kʋ̃ lɛb nyũ a divɛ̃ towtow ɛ, ɛ́ gùre a ʋlɩ bibir nɛ ɩ̃ na na lɛb nyũ a, a ɩ dã-paala a Naaŋmɩn Naalʋ pʋɔ a.»

Zã 19:30

A Yeezu tɩ nyũ n a dã-miiru, al pùorí ʋ yel: «A yele za nʋɔr kʋ na!» Ɛ́ pãa gʋɔ a zu, ɛ́ ŋmãa vʋʋrʋ.