Sɔr-nɛ́ɛ 35:6 - A SƐB-SÕW

⁶ Bɛ na kʋ̀ n a levitɩ mɩnɛ a naayir zɔ-kpɛb zie tẽ-bɛrɛ ayʋɔb, a be nɩr na bɛ bãw kɛ́ kʋ nɩr a, na na mɩ́ tʋ̃ɔ́ zɔ tɩ kpɛ a. Bɛ mɩ̀ na kʋ̀ bɛ nɩ tẽ-bɛrɛ lɩz'a ayi nɩ ayi ƴãw pʋɔ.

Sɔr-nɛ́ɛ 35:6 ပူးပေါင်းရင်းမြစ်များ

Sɛb-sõw yielu 9:9

Ʋlɛ n'ʋ dɩrɛ nɩ a tẽ-daa a ƴɛ̀rʋ nɩ mɩnʋ, ɛ́ mɩ́ bãw a nɩ-bʋʋrɛ yele kʋ̀ bɛ a tu sɔ́r.

Eziptɩ tẽw yib 21:13

Ɛcɛ ʋlɛ bɛ wa jɩɛrɩ ʋ, ɛ́ ɩ Naaŋmɩn n'ʋ ɩ k'ʋ lo a ʋ nuru pʋɔ a, ɩ̃ na wul nyɩ nɩ zie a sob na na tʋ̃ɔ́ zɔ tɩ kpɛ naayir a.

Ɩzayi 4:6

mɛ̃ váar gàr na mɩ́ tɩr ɓaarʋ a bibir tʋlʋ ƴãw, ɛ́ ɩ pib nɩ taw-lanʋ zie a saa na waar lãwnɩ sɛsɛb, nyɩwrʋ nɩ tanʋ a ƴãw.

Matie 11:28

Nyɩ wa a ɩ̃ zie, nyɩɩm za na tuo to-tɩbrʋ bàl a, ɩ̃ɩ na kʋ̀ nyɩ nɩ a pɩ̃ɛnʋ.

Ebre 6:18

A na ɩ à ŋá a, yele ayi na bɛ tɛr lɩɛbʋ a pʋɔ, Naaŋmɩn na kʋ̃ tʋ̃ɔ́ ŋmãa ziri a, alɛ n'a kʋ̀rɛ tɩ sõwfʋ kpɛ̃ɛ a tɩɩm na zɔ sɔwlɩ a ʋ zie a. Lɛ n'a tɩ na tʋ̃ɔ́ nyɔw a tɩɛrʋ tɩ na ƴãw a Naaŋmɩn ƴãw a kpɛ̃w za, a tɩɛrʋ ŋa bɛ na kʋ̀rɛ tɩ a.

Zozue 21:13

Tẽ-bɛrɛ á ŋá n'a bɛ tɩ kʋ̀ a bàwr-maalɛ Aarɔ̃ bʋʋrɛ: Ebrɔ̃ na ɩ a naayir zɔ-kpɛb zie tẽ-kpɛ̃ɛ kãw a, nɩ a ʋ dʋn mʋ̃ɔ 'wɔbrʋ ziir, Livina nɩ a ʋ dʋn mʋ̃ɔ 'wɔbrʋ ziir,

Zozue 21:21

Tẽ-bɛrɛ á ŋá n'a bɛ tɩ kʋ̀ bɛ: Sɩsɛm na ɩ a naayir zɔ-kpɛb zie tẽ-kpɛ̃ɛ kãw a, nɩ a ʋ dʋn mʋ̃ɔ 'wɔbrʋ ziir, a Efarayim tan vuo pʋɔ, Gezɛɛr nɩ a ʋ dʋn mʋ̃ɔ 'wɔbrʋ ziir,

Zozue 21:27

Tẽ-bɛrɛ ayi á ŋá n'a bɛ tɩ kʋ̀ a Gɛrson bʋʋrɛ levitɩ mɩnɛ yie: Golan na be a Basan pʋɔ a na ɩ a naayir zɔ-kpɛb zie tẽ-kpɛ̃ɛ kãw a, nɩ a ʋ dʋn mʋ̃ɔ 'wɔbrʋ ziir, Besitera nɩ a ʋ dʋn mʋ̃ɔ 'wɔbrʋ ziir.

Zozue 21:3

Lɛ n'a a Ɩsɩrayɛl nɩbɛ tɩ kaa ír tẽ-bɛrɛ nɩ a dʋn mʋ̃ɔ 'wɔbrʋ ziir, a ziir bɛ na so a pʋɔ kʋ̀ a levitɩ mɩnɛ, mɛ̃ a lɛ a Sore na tɩ yel a.

Zozue 21:32

Tẽ-bɛrɛ á ŋá n'a bɛ tɩ páw a Nɛfɩtali dɔwlʋ zie pʋɔ: Kedɛsɩ na be a Galile pʋɔ, ɛ́ ɩ a naayir zɔ-kpɛb zie tẽ-kpɛ̃ɛ kãw a, nɩ a ʋ dʋn mʋ̃ɔ 'wɔbrʋ ziir, Hamɔtɩ-Door nɩ a ʋ dʋn mʋ̃ɔ 'wɔbrʋ ziir, Kartan nɩ a ʋ dʋn mʋ̃ɔ 'wɔbrʋ ziir: a ɓã taa ɩ tẽ-bɛrɛ ata.

Zozue 21:36

A Urubɛn dɔwlʋ zie pʋɔ a, a Zurdɛ̃ saa-pɛrɩ́ na tori a Zeriko a, bɛ mɩ̀ tɩ páw nɩ tẽ-bɛrɛ anaar nɩ a dʋn mʋ̃ɔ 'wɔbrʋ ziir: Besɛɛr nɩ a ʋ dʋn mʋ̃ɔ 'wɔbrʋ ziir a wɛja-kpalɛ vuo pʋɔ, na ɩ a naayir zɔ-kpɛb zie tẽ-kpɛ̃ɛ kãw a, Yahasɩ nɩ a ʋ dʋn mʋ̃ɔ 'wɔbrʋ ziir,

Zozue 21:38

A Gadɩ dɔwlʋ zie pʋɔ a, tẽ-bɛrɛ á ŋá nɩ a dʋn mʋ̃ɔ-'wɔbr ziir'a bɛ tɩ páw: Aramɔtɩ na be a Galaadɩ, ɛ́ ɩ a naayir zɔ-kpɛb zie tẽ-kpɛ̃ɛ kãw a, nɩ a ʋ dʋn mʋ̃ɔ 'wɔbrʋ ziir, Mahanayim nɩ a ʋ dʋn mʋ̃ɔ 'wɔbrʋ ziir,