Sɔr-nɛ́ɛ 35:33 - A SƐB-SÕW

³³ Nyɩ bɛ dɛwr a tẽw nyɩ na na kpɩɛr a bɛrɛ ɩ. Ɛcɛ nɩr kʋb dɛwr'ɩ a tẽw. Ɛ́ a nɩ-kʋrɛ kũu yõ n'a pɛ́wr a zɩ̃ɩ na dɛw a tẽw a.

Sɔr-nɛ́ɛ 35:33 ပူးပေါင်းရင်းမြစ်များ

Yele-za-pɛr-tib 4:10

A Sore tɩ sɔw na: «Bʋ̃ʋ n'ɩ à à ŋá fʋ na ɩ a? A fʋ yɛb zɩ̃ɩ ɩ na mɛ̃ nɩr na cɩɩrɛ a yire a tẽsɔw tarɛ mɛ̃ a.

Yele-za-pɛr-tib 9:6

Nɩr wa ɩ nɩsaal zɩ̃ɩ a cir a, nɩsaal'ʋ na ɩ a ʋ zɩ̃ɩ a cir. Bʋ̃ʋ n'ʋ vɛ̃, Naaŋmɩn ír'ɩ a nɩsaal ʋ ɩ a ʋ ŋmɛ̃-ta-tɔ.

2 Samɩɛl 21:9

Ʋ tɩ de bɛ na ƴãw a Gabaɔ̃ tẽw dem nuru pʋɔ, bɛ yawlɩ bɛ kʋ a tãw zu, a Sore niŋé. Bɛ za ayopõi tɩ lãw na kpi. A ɔɔzʋ deb daar bibi-dãw-niwn sob daar'a bɛ tɩ kʋ bɛ.

2 Samɩɛl 3:29

A yele a kũu ŋa na na wa n a, a lo a Zowab nɩ a ʋ yir dem za zu! Bãbasʋ kʋ̃ɔ-saalʋ dɛwr bɩɩ kɔnʋ, a nyɔwr a dɛbr a Zowab yir pʋɔ kʋralɛ! A dɛbr, bɛ so pɔw-tome. Zɛbr-sɔ-kpɛ̃ɛ, ʋ kʋrɛ bɛ, ɛ́ bɛ mɩ́ bɔ dɩb gù!»

1 Na-mɩnɛ 2:31

A nãà yel ʋ: «Kʋ ʋ a be, mɛ̃ a lɛ ʋ na yel a, al pùorí, fʋ ɓáw ʋ ũù. À ŋá n'a mãa nɩ a ɩ̃ sãà yir za kʋ̃ tɛr sãwna a nɩbɛ ayi, a na bɛ tɛr pɛr, ɛ́ a Zowab kʋ a ƴãw ɛ.

2 Na-mɩnɛ 23:26

Ɛcɛ a Sore bɛ tɩ bɛr a ʋ su-kpɛ̃ɛ a Zuda naalʋ-tẽw ƴãw ɛ, a sãwna za a Manase na tɩ sãw ʋ a ƴãw.

2 Na-mɩnɛ 24:4

Ʋ tɩ ɩ na nɩ-yaga na bɛ sãw a kpi, a Zerizalɛm tẽ-kpɛ̃ɛ ɩ zɩ̃ɩ tɛwr, a Sore bɛ sàw dɩ suur ɛ.

2 Bibie za yel-manɩ 23:15

A sojarɩ tɩ vɩr ʋ na cen nɩ a nãà yir lowr, ɛ́ ʋ na tɩ ta a Wie dɩ̃dɔrɩ́ a, bɛ kʋ ʋ nɩ a be.

Sɛb-sõw yielu 106:28

Bɛ tɩ maal'ɩ a Pewɔɔr tẽw ŋmɩn Báàl, ɛ́ 'wɔb dʋn nɛnɛ bɛ na kʋ kʋ̀ kũuni a.

Sɛb-sõw yielu 106:38

Bɛ tɩ cir'ɩ nɩbɛ na bɛ tɛr sãwna a zɩ̃ɩ, — a bɛ bidɛbr nɩ a bɛ pɔwyaar bɛ na maal'ɩ bàwr kʋ̀ a Kanãa tẽw tɩbɛ a zɩ̃ɩ — ɛ́ a zɩ̃ɩ á ŋá tɩ dɛw a tẽw bɛr.

Ɩzayi 24:5

A nɩbɛ na kpɩɛr a tẽw a dɛw ʋ na bɛr, bʋ̃ʋ n'ʋ vɛ̃, bɛ zawr'ɩ a Sore wulu bɛr, bɛ bɛ tu a lɛ ʋ na yel a ɩ, bɛ sãw nɩ a wõ-taa na be kʋralɛ ʋ na maal'ɩ bɛ a bɛr.

Ɩzayi 26:21

Ʋlɛ n'ɩ ŋan yire a ʋ yir, k'ʋʋ wa kaa a tẽw nɩbɛ zie a bɛ yel-faar ƴãw. A tẽsɔw na bɛr'ɩ a zɩ̃ɩ a sãá, ʋ kʋ̃ cãà sɔwlɩ a nɩbɛ bɛ na kʋ a ɩ.

Zeremi 16:18

Ɩ̃ na ɩ na bɛ ya a bɛ sãwna san za kpɛ̃lɛ̃kpɛ̃lɛ̃, a sãwna tɔr za san nɩ a ʋ maal-ƴãwfʋ san. Bʋ̃ʋ n'ʋ vɛ̃, bɛ dɛw nɩ a ɩ̃ tẽw nɩ a bɛ tɩb-faar faar na bɛ vʋʋrɛ a. Bɛ paal'ɩ a ɩ̃ zi-sóra nɩ a bɛ ŋmɩn-bɛlɛbɛlɛ al na kpɛ faa a.»

Zeremi 26:15

Ɛcɛ, nyɩ bãwnɩ a vla, nyɩmɛ wa kʋ m a, a nyɩɩm, a tẽ-kpɛ̃ɛ ŋa nɩ a ʋ nɩbɛ za a, nyɩ na ɩ n sãwna dem, nyɩ na kʋ nɩr na bɛ tɛr sãwna a zũú. Bʋ̃ʋ n'ʋ vɛ̃, a Sore n'ʋ sɩrɩ tõ m k'ɩ̃ɩ wa ɩ nyɩ wõ a ƴɛ̀rʋ á ŋá za.»

Levitɩ mɩnɛ 18:25

A Kanãa tẽw tɔr za lɩɛb'ɩ tẽ-dɛwr a yel-sãwnɩ á ŋá ƴãw, ɩ̃ dɔwrɩ ʋ, ʋ zawrɩ a ʋ nɩbɛ bɛr.»

Mise 4:11

A ƴɛrɛŋa a, nɩ-bʋʋr-yaga tĩ na ɓanɛ taa a nyɩ ƴãw. Bɛ yere na: «A bɛ tẽ-kpɛ̃ɛ, ʋ́ nyɛ̃ vĩ, nyɩ wa tɩ jɩ́r a Zerizalɛm deboru wõ nʋ̃ɔ̀!»

Sɔr-nɛ́ɛ 35:32

Nyɩ mɩ̀ bɛ sàwr dier libir ɛ́ bɛrɛ nɩr ʋ zɔrɛ cere naayir zɔ-kpɛb zie tẽ-kpɛ̃ɛ pʋɔ, ɛ́ a pùorí ʋ lɛb cen a ʋ tẽw pʋɔ, ɛ́ a bàwr-maal-kara bɛ kpi sɛr ɛ.

Wulu-ayi-sob 19:10

À ŋá n'a bɛ kʋ̃ mɩ́ kʋ nɩr na bɛ tɛr sãwna a, a tẽw ʋl a Sore nyɩ Naaŋmɩn na na kʋ̀ nyɩ, nyɩ so a pʋɔ ɛ. Alɛ bɛ ɩ lɛ, nyɩmɛ na mɩ́ so a ʋ kũu sãwna.

Wulu-ayi-sob 19:13

Nyɩ kʋ̃ tɛr mimi-baalʋ a ʋ ƴãw ɛ. À à ŋá n'a nyɩ na ír a nɩr na bɛ tɛr sãwna a kʋrɛ a Ɩsɩrayɛl nɩbɛ sɔgɔ, ɛ́ a na vɩɛl'ɩ a nyɩ zie.

Wulu-ayi-sob 21:23

A ʋ ƴã-gan bɛ ganɛ a tɩɛ zu a tɩ̃ɩsɔw ɛ. A fɛr'a kɛ́ nyɩ ũù ʋ a ʋlɩ bibir nɛ tɔr za. Bʋ̃ʋ n'ʋ vɛ̃, kũu na yawlɩ tɩɛ zu à ŋá a, ʋ bʋɔlɛ nɩ Naaŋmɩn ŋmɛ-ƴãw ƴãwn a tẽw. A na ɩ à ŋá a, nyɩ gù vla taa dɛwr a tẽw a Sore nyɩ Naaŋmɩn na kʋ̀rɛ nyɩ kɛ́ nyɩ so a bɛrɛ ɩ.

Ƴɛ̀r-dɩrbɛ 9:24

À ŋá n'a bɛ za na páw a ɩ-faa bɛ na ɩ a sã-ya: a Abimelɛkɩ, ʋ na kʋ a ʋ yɛbr, a Yerubaal bidɛbr lɩz'a ata nɩ pie a, ɛ́ a Sɩsɛm ziir dem, bɛ na sõw ʋ ʋ kʋ a ʋ yɛbr a.