Sɔr-nɛ́ɛ 33:52 - A SƐB-SÕW

⁵² nyɩ na diw nɩ a tẽw dem za a nyɩ niŋé, nyɩ na ɩ n a bɛ ŋmɩmɛ dasuli za bɛ na maal'ɩ kʋsɛbɛ bɩɩ kure a, a bɔr, ɛ́ nyɩ sãw a bɛ maalʋ-ziir za bɛr.

Sɔr-nɛ́ɛ 33:52 ပူးပေါင်းရင်းမြစ်များ

1 Na-mɩnɛ 11:7

A lɛn daar a, a Salomɔ̃ tɩ cɔbrɩ maalʋ-zie, a tãw na àr tori a Zerizalɛm a zu, a Mowab tẽw dem ŋmɩn-faa faa Kemɔsɩ ƴãw. Ʋ mɩ̀ tɩ ƴãw na bɛ cɔbrɩ a kãw, a Amɔ̃ tẽw dem ŋmɩn-faa faa Mɩlkɔm ƴãw.

Eziptɩ tẽw yib 23:24

A lɛn daar a, nyɩ taa gbine dume gũune tɩ tʋɔr tẽw puore a bɛ ŋmɩmɛ ɩ, nyɩ taa cɔwrɛ a lɛ bɛ na mɩ́ maalɩ a a ɩ. Nyɩ nɩ̃ɛ ŋmɛ a ŋmɩmɛ á ŋá dasuli ŋmɛr, ɛ́ ŋmɛ a kʋsɛ-teli kar.

Levitɩ mɩnɛ 26:1

«Nyɩ taa maalɛ ŋmɩn-bɛlɛbɛlɛ a nyɩ ƴãw ɛ. Nyɩ taa bine tɩbɛ nɩ kʋsɛ-teli ɛ. Nyɩ taa bine kʋsɛ-wiri a nyɩ tẽw pʋɔ mɩ́ gbĩ dume gũu tɩ tɔ tẽw puori a ɩ. Bʋ̃ʋ n'ʋ vɛ̃, mãa n'ɩ a Sore nyɩ Naaŋmɩn.»

Wulu-ayi-sob 31:5

A Sore na ƴãw bɛ nɩ a nyɩ nuru pʋɔ, ɛ́ nyɩ na ɩ bɛ na mɛ̃ a lɛ tɔr za ɩ̃ na yel kʋ̀ nyɩ a.

Wulu-ayi-sob 33:29

Zu-nʋ̃ɔ̀ dem'ɩ nyɩ, Ɩsɩrayɛl nɩbɛ ɛ! A Sore faa nɩ nɩ-bʋʋrɛ kãw mɛ̃ a nyɩɩm a? A Sore ɩ na mɛ̃ zɛbr bom na piw nyɩ tɛr a, zɛbr-sɔ-kpɛ̃ɛ nyɩ na zɛb'ɩ tʋ̃ɔ́ a. A nyɩ dɔ̃ dem na bɔr'ɩ a nyɩ niŋé, ɛ́ a nyɩɩm a, nyɩ na so bɛ na.»

Zozue 11:15

A lɛ a Sore na tɩ yel kʋ̀ a ʋ tõ-tõ-bie Moyiir a, lɛ n'a a Moyiir mɩ̀ yel kʋ̀ a Zozue, ɛ́ lɛ tɔr za n'a a Zozue ɩ: ʋ bɛ tɩ zawrɩ bom kãw za a Sore na tɩ yel kʋ̀ a Moyiir a bɛr ɛ.

Zozue 23:7

Nyɩ taa kpɩɛr nyawr a nɩ-bʋʋrɛ bɛ ŋa na cãà kpɩɛr a nyɩ sɔgɔ a ɩ. Nyɩ taa puore a bɛ ŋmɩmɛ ɩ, nyɩ taa pore a bɛ ŋmɩmɛ yée a nyɩ pɔɛ pʋɔ ɩ, nyɩ taa gũune a niŋé kɛ́ nyɩ puori a ɩ.

Zozue 9:7

A Ɩsɩrayɛl nɩbɛ tɩ yel'ɩ a Hivitɩ mɩnɛ bɛ ŋa: «Ãa n'ʋ bãw nyɩ bɛ kpɩɛr pɩɛlɩ tɩ? Ɛ́ alɛ wa ɩ lɛ a, ŋmɩŋmɩn n'a tɩɩm nɩ nyɩɩm na tʋ̃ɔ́ maalɩ wõ-taa?»

Ƴɛ̀r-dɩrbɛ 2:2

Ɛ́ a nyɩɩm a, nyɩ kʋ̃ maalɛ nɩ a tẽw ŋa nɩbɛ wõ-taa ɩ. Nyɩ na ŋmɛr'ɩ a bɛ bàwr-maal-kube bɛr.” Ɛcɛ nyɩ bɛ bɛr wõ m ɛ! Bʋ̃ʋ n'ɩ à à ŋá nyɩ na ɩ a!