Sɔr-nɛ́ɛ 32:38 - A SƐB-SÕW

³⁸ Nebo, Baal-Mewon nɩ Sivima, ɛ́ por yo-paalɛ a tẽ-bɛrɛ a mɩnɛ bɛ na tɩ lɛb mɛ a.

Sɔr-nɛ́ɛ 32:38 ပူးပေါင်းရင်းမြစ်များ

Yele-za-pɛr-tib 26:18

Ʋ tɩ ƴãw na bɛ lɛb yaw a buli bɛ na tuw a ʋ sãà Abraham daar, ʋʋ wa kpi baarɩ a Filisɩtɛ̃ mɩnɛ sɩɛbɩ a. Ʋ tɩ lɛb'a por a a yée a ʋ sãà na tɩ por a a.

Ɛsɩdɩrasɩ 10:43

Nebo bʋ̃-dɔwrɩ pʋɔ: Yeyɩɛl, Matitɩa, Zavadɩ, Zevina, Yadaɩ, Yowɛl nɩ Benaya.

Sɛb-sõw yielu 16:4

Bɛlɩ dem na bɔbr ŋmɩn-yoru maalʋ a, a bɛl mɩŋa kpɩɛrʋ n'a bɛ na dɛ ɩrɛ a dɔwlɛ. A bagɛ bɛ na mɩ́ maalɩ de a zɩ̃ɩ kʋ̀ a ŋmɩmɛ á ŋá a, ɩ̃ kʋ̃ maalɩ a towtow ɛ. Ɩ̃ kʋ̃ por a ŋmɩmɛ á ŋá yúor tɔr za mɩ̀ ɛ.

Eziptɩ tẽw yib 23:13

«Nyɩ cɛlɛ à á ŋá za zie ɩ̃ na yel kʋ̀ nyɩ a. Nyɩ taa puore ŋmɩn-yoru towtow ɛ. Bɛ taa wone nyɩ pore a yée mɩ̀ ɛ.»

Ɩzayi 16:8

A Hɛsɩbon wɛrʋ ko na, nɩ a Sivima divɛ̃ tɩɩr póru. A divɛ̃ tɩɩr póru á ŋá divɛ̃ mɩ́ tɩ kuol'ɩ a bɛlɩ dem na so a nɩ-bʋʋrɛ a. A póru á ŋá mɩ́ tɩ cen na tɩ sãá Yazɛɛr, ɛ́ bɔr kpɛ a wɛja-kpalɛ pʋɔ. A tɩɩr wuli mɩ́ tɩ vo na tɩ gãw a kʋ̃ɔ-kpɛ̃ɛ-Kũu bɛr.

Ɩzayi 46:1

A ŋmɩn Bɛl gũu na, a ŋmɩn Nebo lo na. Bɛ de nɩ a dasuli tuo dʋn. A bome bɛ na mɩ́ tɩ tuo cɔrɩ cere nɩ a, alɛ n'ɩ a ŋan lɩɛbɩ tuor, to-tɩbrʋ dʋn na bàl a ƴãw.

Zeremi 48:1

A Mowab tẽw ƴãw. À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: «Nyɛ̃ kpɩɛrʋ na páw a Nebo tẽw a, bɛ sãw ʋ na bɛr! Nyɛ̃ vĩ na nyɔw a Kiriyatayim tẽ-kpɛ̃ɛ a, bɛ zɛb'a de ʋ! Nyɛ̃ vĩ na nyɔw a zɛbr-yir-kpɛ̃ɛ ŋa a, ʋ lo na!

Zeremi 48:21

A ƴɛ̀rʋ a Sore na dɩ a n'ʋ páwr a tã-sɛr vuo, nɩ Holon, Yahasɩ, Mefaatɩ,

Zeremi 48:23

Kiriyatayim, Bɛtɩ-Gamul, Bɛtɩ-Meon,

Ezekɩɛl 25:9

À à ŋá ƴãw a, ɩ̃ na ɩ n zɛbr lo a tẽ-bɛrɛ al na gùre a Mowab tẽw dɩ̃dɔr a zu. A dɔ̃ dem na sãw a na bɛr been been, tɩ lãwnɩ a al na vɩɛl zuo a za a: a Bɛtɩ-Yesimɔtɩ, a Baal-Mewon nɩ a Kiriyatayim.

Sɔr-nɛ́ɛ 22:41

A bio daarɩ́ biɓaara a, a Balakɩ tɩ tɛr'ɩ a Balaam do n Bamɔtɩ-Baal. A Balaam tɩ àr'ɩ a be, ɛ́ nyɛ̃ a Ɩsɩrayɛl nɩbɛ ŋmãa.

Sɔr-nɛ́ɛ 32:3

«A tẽ-bɛrɛ á ŋá: Atarɔtɩ, Divon, Yazɛɛr, Nɩmɩra, Hɛsɩbon, Eleale, Sevam, Nebo nɩ Bewon pʋɔ nɩ a tẽw

Sɔr-nɛ́ɛ 32:37

A Urubɛn bʋʋrɛ tɩ lɛb'a mɛ Hɛsɩbon, Eleale, Kiriyatayim,

Wulu-ayi-sob 32:50

Al pùorí, a tãw ŋa zu fʋ na na do a, kpi a be cen tɩ páw a fʋ sãà mɩnɛ, mɛ̃ a lɛ tɔr za a fʋ yɛb Aarɔ̃ na kpi a Hoor tãw zu, cen tɩ páw a ʋ sãà mɩnɛ a.

Zozue 23:7

Nyɩ taa kpɩɛr nyawr a nɩ-bʋʋrɛ bɛ ŋa na cãà kpɩɛr a nyɩ sɔgɔ a ɩ. Nyɩ taa puore a bɛ ŋmɩmɛ ɩ, nyɩ taa pore a bɛ ŋmɩmɛ yée a nyɩ pɔɛ pʋɔ ɩ, nyɩ taa gũune a niŋé kɛ́ nyɩ puori a ɩ.