Sɔr-nɛ́ɛ 32:14 - A SƐB-SÕW

¹⁴ Ɛ́ ƴɛrɛŋa, a nyɩɩm, yel-bebe dem bʋʋrɛ bɛ ŋa, nyɩ bɔbr kɛ́ nyɩ tu a nyɩ sãà mɩnɛ gbɛ́ɛ, ɩ a Sore suur lɛb ìr a Ɩsɩrayɛl nɩbɛ ƴãw!

Sɔr-nɛ́ɛ 32:14 ပူးပေါင်းရင်းမြစ်များ

Yele-za-pɛr-tib 5:3

A Adama tɩ tɛr'ɩ yome lɩz'a ayʋɔb nɩ pie (130), ɛ́ dɔw bidɛb, ʋ ɩ a ʋl tɔr za. Ʋ tɩ por ʋ nɩ Sɛtɩ.

Yele-za-pɛr-tib 8:21

A Sore tɩ wõ n a nyũu na nyu vla a, ɛ́ tɩɛr ʋ pʋɔ: «Ɩ̃ bɛ be za na lɛb ŋmɛ ƴãw a tẽsɔw a nɩsaal ƴãw ɛ. Sɩza n'a, a nɩsaal pɔ̀lʋ daarɩ́ za n'a a ʋ socir mɩ́ tu a faa pùor, ɛcɛ ɩ̃ bɛ be za na lɛb dɔwrɩ bʋ̃-vʋʋra za mɛ̃ à à ŋá ɩ̃ na ɩ a ɩ.

2 Bibie za yel-manɩ 28:13

Bɛ tɩ yel bɛ na: «Nyɩ ta wa n a nɩ-pàwrɩ bɛ ŋa a ka ɩ! Nyɩ na ɩ na tɩ tɛr sãwna kpɛ̃ɛ a Sore zie. A tɩ sãwna tɩbrɛ na zuo baarɩ, ɛ́ a Sore nyɛ̃ nɩ a Ɩsɩrayɛl suur, nyɩ bɔbr'a kɛ́ nyɩ ɩ a tɩ sãwna ʋ lɛb bãw tɩbrɛ dɔwlɩ bɩɩ?»

Ɛsɩdɩrasɩ 10:10

A bàwr-maalɛ Ɛsɩdɩrasɩ tɩ ìr'a àr ɛ́ yel bɛ à ŋá: «Ɩsɩrayɛl nɩbɛ ɛ, nyɩ maal'ɩ faa, nyɩ na kul a nɩ-bʋʋr-yoru pɔwbɛ a ƴãw. Yel-bier'ʋ nyɩ maalɩ dɔwlɩ a tɩ nɩbɛ yel-bebe za zu.

Neemi 13:18

À à ŋá n'a a nyɩ sãàkʋm-kore tɩ ɩ, ɛ́ a alɛ n'a so a tɩ Naaŋmɩn ɩ a kpɩɛrʋ na sɛw à ŋá a, ʋ páw tɩɩm nɩ a tɩ tẽ-kpɛ̃ɛ Zerizalɛm. Ɛ́ a nyɩɩm a, nyɩ na bɛ de a pɩ̃ɛnʋ-bibir k'ʋ ɩ sõw a, nyɩ lɛb'a damnɛ a Naaŋmɩn suur ƴãwnɛ a Ɩsɩrayɛl!»

A Zɔb sɛbɛ 14:4

Ãa n'ʋ na ɩ bʋ̃-vla yi bʋ̃-dɛwr pʋɔ? Nɩr bɛ ka be ɩ.

Sɛb-sõw yielu 78:57

Bɛ tɩ lo n sɔr-faa mɛ̃ a bɛ sãàkʋm-kore a, bɛ bɛ tɩ tu a Naaŋmɩn ɛ, ɛ́ ƴaw lɩɛbɩ mɛ̃ tam na pʋnɩ a.

Ɩzayi 1:4

Nyɛ̃ baw-bio a! Nɩ-bʋʋr-yel-bebe dem, nɩ-bʋʋrɛ na tuo sãwna a, yel-fa-maalbɛ bʋʋrɛ, bibiir na sãw bɛ za a! Nyɩ̀ zawr'ɩ a Sore bɛr, nyɩ̀ jewr'ɩ a Ɩsɩrayɛl Naaŋmɩn na ɩ sõw a, nyɩ̀ lɩɛb'ɩ zikur cɔw ʋ.

Ɩzayi 57:4

Ãa n'ʋ nyɩ kpɔwrɛ? Ãa ƴãw n'a nyɩ mɩ́ háa a nʋɔr a gbayala ɛ́ ír a zɛl? Sɩza bɛ n'a nyɩ ɩ bibi-gaarɩ ɛ? Zir-ŋmarbɛ bʋʋrɛ ɩ?

Ezekɩɛl 20:21

Ɛcɛ a bɛ bibiir mɩ̀ tɩ ìr'ɩ a ɩ̃ ƴãw. Bɛ bɛ tɩ sàw a ɩ̃ wulu ɛ, bɛ bɛ tɩ tu a ɩ̃ tub ɛ. Ɛcɛ alɛ n'a kʋ̀rɛ a nyɔ-vʋʋrʋ a bɛlɩ dem na sàwr a a. Bɛ tɩ jewr'ɩ a pɩ̃ɛnʋ-bibir. Tɩɛrʋ tɩ wa m'a k'ɩ̃ɩ bɛr a ɩ̃ su-yãyaar ʋ ìr a bɛ ƴãw, yɛ́r pàw bɛ a wɛja-kpalɛ pʋɔ.

Sɔr-nɛ́ɛ 32:15

A nyɩɩm, Urubɛn nɩ Gadɩ nɩbɛ, nyɩmɛ bɛ wa tu a Sore pùor a, ʋ na cãà na bɛr a tɩ nɩbɛ a wɛja-kpalɛ pʋɔ, ɛ́ nyɩmɛ nɛbɛ na so a bɛ bɔrʋ.»

Luka 11:48

À ŋá n'a nyɩ mɩ́ wul kɛ́ nyɩ sàw na de a nyɩ sãàkʋm-kore ɩ-ɩrɩ. Bɛl kʋ n a naaŋmɩn-ƴɛ̀r-manbɛ, ɛ́ nyɩɩm pãa maalɛ a naaŋmɩn-ƴɛ̀r-manbɛ yarʋ.

Wulu-ayi-sob 9:24

Ɩ̃ na dɛ bãw nyɩ a ʋlɩ bibir nɛ a n'a nyɩ ɩrɛ a bɛ-wõ-ɩb a Sore zie.