Sɔr-nɛ́ɛ 31:3 - A SƐB-SÕW

³ Lɛ n'a a Moyiir tɩ yel a Ɩsɩrayɛl nɩbɛ à ŋá: «A fɛr'a kɛ́ nyɩ mɩnɛ de a bɛ zɛbr bome cen nɩ tɩ zɛb'ɩ a Madian tẽw dem, yaa nɩ a san a Sore na yel a, a bɛ zu.

Sɔr-nɛ́ɛ 31:3 ပူးပေါင်းရင်းမြစ်များ

2 Na-mɩnɛ 10:30

A Sore tɩ yel'ɩ a Yehu: «Fʋ ɩ n vla, fʋ ɩ n a lɛ na tori a, a ɩ̃ zie: fʋ ɩ n a lɛ ɩ̃ na tɩ yel k'ɩ̃ɩ na ɩ n a Akab yir a, alɛ so a fʋ bʋʋrɛ na lɩɛrɛ fʋ dɩrɛ a naalʋ a Ɩsɩrayɛl tẽw pʋɔ, tɩ ta bɛ na dɔw lɩɛrɩ taa gb'a anaar a.»

2 Na-mɩnɛ 9:7

Fʋ na kʋ n a Akab, na dãw ɩ a fʋ nɩ-kpɛ̃ɛ a, yir dem. À ŋá n'a ɩ̃ na yáa a ɩ̃ ƴɛ̀r-manbɛ za nɩ a ɩ̃ tõ-tõ-biir za kũu san, a bɛl a Zezabɛl na ƴãw bɛ kʋ a.

Eziptɩ tẽw yib 17:16

Ʋ tɩ yel'a: «A Amalesitɩ mɩnɛ na sʋ̃ɔmɩ sàw zɛw nũu a Sore naalʋ-dà-kɔw ƴãw a, a Sore na zɛbr'ɩ bɛ nɩ kʋralɛ.»

Zeremi 46:10

Ɛcɛ a Sore, a kpɛnʋ-za-sob zie a, a bibir ŋa ɩ n san-yaafʋ bibir. Ʋ na yáa nɩ a san a ʋ dɔ̃ dem zu. A zɛbr-sɔ-kpɛ̃ɛ dɩrɛ bɛ na, ʋ dɩrɛ na tɩwr, a bɛ zɩ̃ɩ kuole ʋ na. A ɩ na mɛ̃ bàwr'ʋ a Sore, a kpɛnʋ-za-sob, ƴãw a saa-pɛrɩ́-gʋba-lowr, a Efaratɩ man nʋɔr a.

Zeremi 50:28

Nyɩ wone! Nɩbɛ n'a yi a Babɩlɔn tẽw zɔrɛ, nɩbɛ na cɩ̃ɛ a be a nɛbɛ waar wa yere a Sɩyɔ̃ tẽw pʋɔ: «A Sore tɩ Naaŋmɩn yáa nɩ a san kʋ̀ fʋ, ʋ yáa ʋ nɩ a ʋ yir-sõw ƴãw.»

Levitɩ mɩnɛ 26:25

Ɩ̃ na ɩ na zɛbr lo a nyɩ zu a ɩ̃ wõ-taa nyɩ na ɩ k'ʋ sãw a ƴãw. Nyɩ na zɔ na kpɛ a nyɩ tẽ-bɛrɛ pʋɔ. Ɩ̃ na ɩ na a jɛ̀lmɛ̃ bàalʋ páw nyɩ, ɛ́ a nyɩ dɔ̃ dem na so nyɩ na.

Sɔr-nɛ́ɛ 25:11

«A Pɩnasɩ na ɩ a bàwr-maalɛ ɛ́ ɩ Eleazaar bidɛb nɩ a Aarɔ̃ yãw a ɩ na ɩ̃ bɛ cãà tɛr'ɩ a Ɩsɩrayɛl nɩbɛ suur ɛ. Bʋ̃ʋ n'ʋ vɛ̃, ʋ bɛ tɛr mimi-baalʋ a bɛ zie mɛ̃ a mãa a ɩ. Alɛ n'a so ɩ̃ bɛ kʋ bɛ pàw pɛr ɛ, a na saa ɩ fɛrʋ a bɛ zie k'aa ɩ̃ yõ ɩ a bɛ Naaŋmɩn a.

Sɔr-nɛ́ɛ 25:13

A wõ-taa ŋa na ɩ n ʋlɛ nɩ a ʋ bʋʋrɛ ƴãw, ʋʋ na ɩ na bɛ ɩ bàwr-maalbɛ kʋralɛ. Bʋ̃ʋ n'ʋ vɛ̃, ʋ wul'a ʋ na tu a mãa ʋ Naaŋmɩn yõ tẽtẽ pùor, ɛ́ páw a yel-bebe suur-dɩ-kʋ̀b kʋ̀ a Ɩsɩrayɛl nɩbɛ a.»

Sɔr-nɛ́ɛ 31:4

Nyɩ kaa ír nɩbɛ túr (1 000) dɔwlʋ za pʋɔ, a al ƴãw.»

Ƴɛ̀r-dɩrbɛ 5:2

«A Ɩsɩrayɛl tẽw pʋɔ a, ŋa za cɔbr'a gù a zɛbr, a Naaŋmɩn nɩ-bʋʋrɛ de nɩ bɛ tʋɔra tɩr a zɛbr ƴãw: nyɩ puore a Sore yãanɩ!

Ƴɛ̀r-dɩrbɛ 5:23

A Sore malkɩ yere na: nyɩ ŋmɛ ƴãw a Merozi tẽw, nyɩ ŋmɛ ƴãw ʋ, nyɩ ŋmɛ ƴãw a nɩbɛ na kpɩɛr a ʋ pʋɔ a, bɛ na bɛ wa sõw a Sore a ƴãw, bɛ bɛ lãwnɩ a ʋ gãdaar zɛb ɛ.