Sɔr-nɛ́ɛ 29:17 - A SƐB-SÕW

^17-34 «A cuw bibie ayi sob tɩ tɔ a ayopõi sob a, nyɩ na mɩ́ kʋ n dʋn a ƴã-gan zie kãw za na bɛ sãw a, maal'ɩ bàwr, ƴãw pʋɔ a bibi-vɩɛrɩ za nyɩw-a-za-bàwr ƴãw. A zɔ̃ nɩ a divɛ̃ de-kʋ̀b na mɩ́ lãw nɩ nɩ a bagɛ á ŋá. A dʋn nyɩ na na mɩ́ maal'ɩ a bàwr a n'ɩ á ŋá: a bibie ayi sob: nadɛɛ pie nɩ ayi, pʋ́rɩ ayi, yũon-been peli pie nɩ anaar de nɩ bʋra. A bibie ata sob: nadɛɛ pie nɩ been, pʋ́rɩ ayi, yũon-been peli pie nɩ anaar, de nɩ bʋra. A bibie anaar sob: nadɛɛ pie, pʋ́rɩ ayi, yũon-been peli pie nɩ anaar, de nɩ bʋra. A bibie anũu sob: nadɛɛ piwaɩ, pʋ́rɩ ayi, yũon-been peli pie nɩ anaar, de nɩ bʋra. A bibie ayʋɔb sob: nadɛɛ ani, pʋ́rɩ ayi, yũon-been peli pie nɩ anaar, de nɩ bʋra. A bibie ayopõi sob: nadɛɛ ayopõi, pʋ́rɩ ayi, yũon-been peli pie nɩ anaar, de nɩ bʋra.»

Sɔr-nɛ́ɛ 29:17 ပူးပေါင်းရင်းမြစ်များ

Sɛb-sõw yielu 40:6

Sore ɩ̃ Naaŋmɩn i, a fʋ nɔ-ɓãa-yele tɛr'ɩ tɛwr ɩ? Fʋ bɛ tɛr fʋ tɔ ɩ! A yele fʋ na tɩɛrɩ ɛ́ maalɩ a tɩ ƴãw a, tɛr'ɩ tɛwr ɩ? A yãwmɛ na zuo ɩ̃ na na tʋ̃ɔ́ manɩ a za a, ɩ̃ na na tʋ̃ɔ́ yel a za a!

Sɛb-sõw yielu 69:31

Ɩ̃ na yiele na íre nɩ a fʋ yúor, ɩ̃ na danɛ fʋ na, fʋ na ɩ kpɛ̃ɛ a.

Eziptɩ tẽw yib 12:5

Nyɩ na kaa na ír yũon-been pʋrale bɩɩ bʋle a ƴã-gan zie kãw za na bɛ sãw a.

Ɩzayi 1:11

A Sore yere na: “Bʋ̃ʋ n'ʋ a nyɩ bàwr-yaga yaga ɩrɛ mɛ̃? Ɩ̃ sɛw na nɩ a pʋ́rɩ nyɩw-a-za-bagɛ nɩ a náli nɛn-kãánɩ! A nadɛɛ, a péli nɩ a bʋrali zɩ̃ɩ a, ɩ̃ bɛ cãà bɔbr a ɩ.

A naaŋmɩn-ƴèr-manɛ Oze sɛbɛ 6:6

Nɔ̃wfʋ n'a mɩ́ pɛlɩ a ɩ̃ pʋɔ, bagɛ bɛ n'a ɩ, ɛ́ nyɩ na bãw k'ɩ̃ɩ ɩ n Naaŋmɩn a vɩɛl'a zuo a nyɩw-a-za-bàwr.»

Levitɩ mɩnɛ 23:36

A da-ɓil bibir za a, nyɩ na mɩ́ maal'ɩ bàwr nyɩw a de-kʋ̀b bome kʋ̀ a Sore. A bibie ani sob a, nyɩ na lɛb'a ɓã taa a ɩ̃ ƴãwfʋ ƴãw, ɛ́ lɛb maalɩ bàwr nyɩw a de-kʋ̀b bome kʋ̀ a Sore: a na ɩ n a cuw nʋɔr kʋb bibir. Nyɩ bɛ tone tõ-kpɛ̃w kãw za ɩ.

Sɔr-nɛ́ɛ 29:13

A bibi-dãw-niwn sob a, nyɩ na mɩ́ maal'ɩ nyɩw-a-za-bàwr kʋ̀ m nɩ nadɛɛ pie nɩ ata, pʋ́rɩ ayi nɩ yũon-been peli pie nɩ anaar, dʋn a ƴã-gan zie kãw za na bɛ sãw a. A bàwr zʋ̀ʋ́r na nyùur vla a na mɩ́ pɛlɩ nɩ a ɩ̃ pʋɔ.

Ʋrɔm 12:1

A na ɩ à ŋá a, yɛbr i, ɩ̃ zɛlɛ nyɩ na a Naaŋmɩn su-ɓaarʋ zũú, kɛ́ nyɩ mɩ́ de nyɩ tʋɔra kʋ̀ a Naaŋmɩn mɛ̃ bàwr-maal-bʋ̃-vʋbɛ na ɩ son ɛ́ nʋmɛ a ʋ zie a: lɛ n'ɩ a nyɩ Naaŋmɩn puoru na ɩ sɩza a.

Ebre 8:13

A Naaŋmɩn na ƴɛ̀rɛ Wõ-ta-paala ƴɛ̀rʋ a, ʋ ɩ na a wõ-ta-dãw-niwn sob ʋ ɩ bʋ̃-kʋra, ɛcɛ bom na lɩɛbɩ bʋ̃-kʋra ɛ́ kore a, ʋ ta n baarʋ.