Sɔr-nɛ́ɛ 27:17 - A SƐB-SÕW

¹⁷ nɩ-kpɛ̃ɛ na na tʋ̃ɔ́ kaarɛ a bɛ zie a yele za pʋɔ a, a fʋ lãw nɩbɛ ta ɩ mɛ̃ píir na bɛ tɛr cɩ̃ɩnɛ a ɩ.»

Sɔr-nɛ́ɛ 27:17 ပူးပေါင်းရင်းမြစ်များ

2 Samɩɛl 5:2

A koro za a, a Sawul na tɩ ɩ a tɩ nãà a, fʋ̃ʋ n'ʋ mɩ́ tɩ tɛr a Ɩsɩrayɛl sojarɩ cen nɩ a zɛbr zie. Ɛ́ a Sore tɩ yel fʋ na: “Fʋ̃ʋ n'ʋ na cɩ̃ɩnɛ a ɩ̃ nɩ-bʋʋrɛ Ɩsɩrayɛl, fʋ̃ʋ n'ʋ na ɩ a Ɩsɩrayɛl nɩ-kpɛ̃ɛ.”»

1 Na-mɩnɛ 22:17

Lɛ n'a a Mise tɩ yel: «Ɩ̃ nyɛ̃ nɩ a Ɩsɩrayɛl nɩbɛ za bɛ yaarɩ pàw a tan, mɛ̃ píir na bɛ tɛr cɩ̃ɩnɛ a. Ɛ́ a Sore yel: “Bɛ bɛ cãà tɛr nɩ-kpɛ̃ɛ ɩ. Ŋa za mɩ́ ɓãá ƴãw ta a ʋ yir.”»

1 Na-mɩnɛ 3:7

Sore ɩ̃ Naaŋmɩn i, fʋ̃ʋ n'ʋ ƴãw k'ɩ̃ ɩ a nãà lɩɛrɩ a ɩ̃ sãà Daviir. Ɛcɛ ɩ̃ cãà na ɩ pɔlbil-vɛlvɛl, bɛ bãw a nɩ-kpɛ̃ɛnʋ dɩb ɛ.

2 Na-mɩnɛ 11:8

A sojarɩ za na àr'a viiri koli a nãà, ɛ́ ŋa mɩ́ tɛr a ʋ zɛbr bom a ʋ nũú. Bɛ na bɩɛlɛ ʋ nɩ zie nɛ za ʋ na cere a. Nɩr za wa tawr pɩɛlɛ nyɩ a, nyɩɩm kʋ ʋ.»

2 Bibie za yel-manɩ 1:10

A na ɩ à ŋá a, ɩ̃ zɛlɛ fʋ na, kʋ̀ m yã-bãwfʋ nɩ yele bãwfʋ ɩ̃ tʋ̃ɔ́ kaarɛ nɩ a nɩ-bʋʋrɛ bɛ ŋa zie. Alɛ bɛ ɩ lɛ, ãa n'ʋ na tʋ̃ɔ́ kaa a fʋ nɩ-bʋʋrɛ, a nɩ-bʋʋrɛ bɛ ŋa na sɛw à ŋá a zie?»

2 Bibie za yel-manɩ 18:16

Lɛ n'a a Mise tɩ sɔw: «Ɩ̃ nyɛ̃ nɩ a Ɩsɩrayɛl nɩ-bʋʋrɛ nɩbɛ bɛ yaarɩ be a tan zu mɛ̃ píir na bɛ tɛr cɩ̃ɩnɛ a. Ɛ́ a Sore yel'a: “Bɛ bɛ cãà tɛr niw-dierbɛ ɩ. Ŋa za, ʋ mɩ́ lɛb kul a ʋ yir nɩ ƴã-ɓaarʋ.”»

Ezekɩɛl 34:5

A píir yaar'ɩ a ziir za, a na bɛ tɩ tɛr cɩ̃ɩnɛ a ƴãw, ɛ́ a wɛ-dʋn za za a vɔl.

Zakari 10:2

A tɩbɛ nyɩ na mɩ́ sowri a, a mɩ́ ŋma n ziri kʋ̀ nyɩ. A bàwr-bʋwrbɛ mɩ́ wul'ɩ yele na bɛ ɩ sɩza a. A zánʋ bɛ na mɩ́ manɛ a, bɛ tɛr pɛr ɛ, a mɔwlʋ bɛ na mɩ́ tɩrɛ a, mɩ́ ɩ n bɛ̀lʋ. Alɛ n'a so a wone a nɩbɛ, bɛ yaarɛ gʋɔr, mɛ̃ dʋn na bɛ tɛr cɩ̃ɩnɛ a.

Zakari 13:7

À ŋá n'a a Sore, a Kpɛnʋ-za-sob, yere: «Zɛbr-sɔ-kpɛ̃ɛ ɛ, ìr a pi-cɩ̃ɩnɛ ƴãw, a ɩ̃ bá na kpɛ socir a ƴãw, kʋ a pi-cɩ̃ɩnɛ, ɛ́ a píir zɔ yaarɩ a ziir za, ɩ̃ɩ na lɩɛb'ɩ a péli ƴãw.»

Matie 10:6

Ɛcɛ nyɩ nɩ̃ɛ cen a Ɩsɩrayɛl bʋʋrɛ nɩbɛ na ɩ mɛ̃ píir na bɔr a zie.

Matie 15:24

A Yeezu tɩ sɔw na: «A Ɩsɩrayɛl bʋʋrɛ nɩbɛ, na ɩ mɛ̃ píir na bɔr a, tɛwr zie n'a bɛ tõ m.»

Matie 9:36

Ʋ na tɩ nyɛ̃ a zu-sɛbla a, nɩbaalʋ tɩ kpɛ ʋ nɩ a bɛ ƴãw. Bɛ tɩ bàl bàl'a gã mɛ̃ píir na bɛ tɛr cɩ̃ɩnɛ a.

Markɩ 6:34

A Yeezu na wa ta yire a gbor pʋɔ a, ʋ nyɛ̃ nɩ zu-sɛbla na bɛ tɛr vuo a. Nɩbaalʋ tɩ kpɛ ʋ nɩ a bɛ ƴãw, bɛ tɩ ɩ na mɛ̃ píir na bɛ tɛr cɩ̃ɩnɛ a. Ʋ tɩ nyɔw nɩ bɛ nɩ a kanʋ, kanɩ nɩ bɛ yel-yaga.

Zã 10:9

Mãa n'ɩ a dɩ̃dɔr. Nɩr wa tuur a ɩ̃ zie kpɩɛr a, ʋ na nyɛ̃ nɩ faafʋ. Ʋ na mɩ́ kpɛ na ɛ́ yi, ʋʋ na nyɛ̃ nɩ bʋ̃-dɩrɩ.

Wulu-ayi-sob 31:2

«Ɩ̃ tɛr'ɩ yome lɩz'a ayʋɔb (120) ƴɛrɛŋa, ɩ̃ kʋ̃ tʋ̃ɔ́ cãà ɩ a nyɩ nɩ-kpɛ̃ɛ ɩ, ɛ́ a Sore yel mɛ̃ k'ɩ̃ɩ kʋ̃ gãw a Zurdɛ̃ ɩ.

1 Pɩɛr 2:25

Nyɩ tɩ bɔrɛ na gʋɔr mɛ̃ píir a, ɛcɛ ƴɛrɛŋa a, nyɩ lɛb'a cen a sob nɛ na ɩ a nyɩ cɩ̃ɩnɛ nɩ a nyɩ kaarɛ a zie.

1 Samɩɛl 18:13

Lɛ so ʋ tɩ ƴãw a Daviir ɩ sojarɩ túr (1 000) nɩ-kpɛ̃ɛ, k'ʋʋ tʋ̃ɔ́ zãá nɩ ʋ. Lɛ n'a a Daviir mɩ́ tɩ de a ʋ sojarɩ niwn, bɛ cen a zɛbr,

1 Samɩɛl 8:20

Ɛ́ tɩ mɩ̀ na ɩ na mɛ̃ a nɩ-bʋʋrɛ za a. A tɩ nãà na dɩrɛ nɩ tɩ nɩ a ƴɛ̀rʋ, ʋ na dier'ɩ a tɩ sojarɩ niwn, ɛ́ zɛbr a tɩ zɛbr.»