Sɔr-nɛ́ɛ 25:6 - A SƐB-SÕW

⁶ Ɩsɩrayɛl nɩr kãw tɩ ta n a ʋ nɩbɛ zie, a pɛr nɛ pʋɔ, tɛr Madian tẽw pɔw. A Moyiir nɩ a Ɩsɩrayɛl nɩbɛ lãw za na tɩ ɓã taa a tuor-taa pɛn-sɛw dɩ̃dɔr nʋɔr kone a tɩ nyɛ̃ bɛ na.

Sɔr-nɛ́ɛ 25:6 ပူးပေါင်းရင်းမြစ်များ

Yele-za-pɛr-tib 37:28

Madian tẽw yɛ-yɛrbɛ kãw na tɩ tɔlɛ a be a tɩ ír'ɩ a Zuzɛb a sa-bie-kʋ̃ɔ-bɔw pʋɔ, kʋ̀ɔr'ʋ salm-pla libie lɩzɛr kʋ̀ a Ɩsɩmayɛl bʋʋrɛ, bɛ tɛr ʋ cen nɩ a Eziptɩ.

1 Na-mɩnɛ 11:18

Bɛ tɩ yi n Madian ɛ́ cen tɩ ta Paran wɛja-kpalɛ pʋɔ. Bɛ tɩ ɩ na nɩbɛ bɛ mɩnɛ páw bɛ a be, bɛ cen Eziptɩ tẽw, a tẽw ŋa nãà Faarawɔ̃ zie. A Faarawɔ̃ tɩ kʋ̀ n yir a Hadadɩ, nɩ tẽsɔwr, ɛ́ kaa a ʋ bʋ̃-dɩrɩ zie.

Sɛb-sõw yielu 94:16

Ãa n'ʋ na ìr ƴɛ̀r faa mɛ̃ a nɩ-faar bɛ ŋa nuru pʋɔ? Ãa n'ʋ na kpɛ m, ɛ́ bɛr a yel-fa-maalbɛ bɛ ŋa?

Ɩzayi 22:12

A ʋlɩ bibir nɛ a, a Sore, a Naaŋmɩn kpɛnʋ-za-sob, tɩ bʋɔlɛ nyɩ nɩ kon nɩ cɛlsɩ ŋmɛb ƴãw, a nyɩ zuru fɔrʋ nɩ vʋɔrɩ kparɩ sub ƴãw.

Zeremi 3:3

Lɛ n'a ɩ̃ bɛ tɩ bɛr a saa kʋ̀ b ɛ, ɛ́ a saa bɛ wa a sɩ̃ɔ ɛ. Ɛcɛ fʋ cãà na kpãa tobr tone a fʋ pɔw-yɛm tome, fʋ bɛ sàw a fʋ sãwna ɩ.

Zeremi 36:23

A Yehudɩ na mɩ́ tɩ kanɩ a sɛbɛ ziir ata bɩɩ anaar baar'a, a nãà mɩ́ tɩ ŋma a na nɩ a sɛ-sɛbrɛ sɔle lɔb a ƴãw vũumí. Ʋ tɩ ɩ n a lɛ tɩ nyɩw a sɛbɛ ʋ za bɛr.

Zeremi 8:12

Vĩ ɩrɛ bɛ na, bɛ na ɩ ɩ-faar na bɛ maal'ɩ wob a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ìr a bɛ ƴãw a.»

Zowɛl 2:17

A bàwr-maalbɛ na tone a Sore a, bɛ kone a Ŋmɩn-yir-kpɛ̃ɛ pʋɔ, a zawle nɩ a bàwr-maal-kuur cará. Bɛ lɔbr nuru zɛlɛ nɩ a Naaŋmɩn à ŋá: «Sore e, zɔ a fʋ nɩ-bʋʋrɛ nɩbaalʋ, ta ɩ a fʋ nɩbɛ nyɛ̃ vĩ ɛ, ta sàw nɩ-bʋʋr-yoru wa ɩrɛ tɩ laar yere nɩ: “Nyɩnɛ n'a a bɛ Naaŋmɩn be?”»

Sɔr-nɛ́ɛ 31:2

«A faa a Madian tẽw dem na maalɩ a Ɩsɩrayɛl nɩbɛ zie a, cen tɩ yáa a san a bɛ zu, ɛ́ a pùorí fʋ kpi cen tɩ páw a fʋ sãà mɩnɛ.»

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:13

Bɛ ŋmɛ̃ na mɛ̃ kʋ̃ɔ-kpɛ̃ɛ kʋ̃ɔ-mie na damnɛ nɩ fãw a, a bɛ vĩ yele na ɩ mɛ̃ a kʋ̃ɔ-puuru a mɩ́ de bɛ nɩ niwn. Bɛ ŋmɛ̃ na mɛ̃ ŋmar-bie na mɩ́ wa yi tʋ̃ɔ̀ a salom a. Naaŋmɩn bãwnɩ bɛ nɩ zie na liw ʋ za a, kʋralɛ ƴãw.

Ƴɛ̀r-dɩrbɛ 2:4

A Sore malkɩ na tɩ ƴɛ̀r a ƴɛ̀r-bie á ŋá za kʋ̀ a Ɩsɩrayɛl nɩbɛ za baar'a, bɛ tɩ ŋmɩɛrɩ cɛlsɩ kone nɩ.