Sɔr-nɛ́ɛ 25:13 - A SƐB-SÕW

¹³ A wõ-taa ŋa na ɩ n ʋlɛ nɩ a ʋ bʋʋrɛ ƴãw, ʋʋ na ɩ na bɛ ɩ bàwr-maalbɛ kʋralɛ. Bʋ̃ʋ n'ʋ vɛ̃, ʋ wul'a ʋ na tu a mãa ʋ Naaŋmɩn yõ tẽtẽ pùor, ɛ́ páw a yel-bebe suur-dɩ-kʋ̀b kʋ̀ a Ɩsɩrayɛl nɩbɛ a.»

Sɔr-nɛ́ɛ 25:13 ပူးပေါင်းရင်းမြစ်များ

2 Samɩɛl 21:3

A Daviir tɩ sowr'ɩ a Gabaɔ̃ tẽw dem: «Bʋ̃ʋ n'ʋ a fɛr k'ɩ̃ɩ ɩ a nyɩ ƴãw? Ŋmɩŋmɩn n'a ɩ̃ na ɩ maalɩ a faa bɛ na ɩ nyɩ a san ƴãw, kɛ̀ nyɩ tʋ̃ɔ́ ƴɛ̀r nɔ-vla kʋ̀ a nɩ-bʋʋrɛ a Naaŋmɩn na so a?»

1 Na-mɩnɛ 19:10

Ʋ sɔw: «Sore, Kpɛnʋ-za-sob i, nɔ̃wfʋ bɛ n'a ɩ̃ nɔnɛ fʋ ɛ! Ɛcɛ a Ɩsɩrayɛl nɩbɛ zawr'ɩ a fʋ wõ-taa bɛr, bɛ ŋmɛr'ɩ a fʋ bàwr-maal-kube bɛr, bɛ kʋ n a fʋ ƴɛ̀r-manbɛ. Mãa ɩ̃ yõ n'ʋ cɛ, bɛ bɔbr kɛ́ bɛ ír a ɩ̃ nyɔ-vʋʋrʋ.»

1 Na-mɩnɛ 19:14

Ʋ sɔw: «Sore, Kpɛnʋ-za-sob i, nɔ̃wfʋ bɛ n'a ɩ̃ nɔnɛ fʋ ɛ! Ɛcɛ a Ɩsɩrayɛl nɩbɛ zawr'ɩ a fʋ wõ-taa bɛr, bɛ ŋmɛr'ɩ a fʋ bàwr-maal-kube bɛr, bɛ kʋ n a fʋ ƴɛ̀r-manbɛ. Mãa ɩ̃ yõ n'ʋ cɛ, bɛ bɔbr kɛ́ bɛ ír a ɩ̃ nyɔ-vʋʋrʋ.»

1 Na-mɩnɛ 2:27

À ŋá n'a a Salomɔ̃ tɩ diw a Abɩataar bɛr a Sore bàwr-maalɛ tome tob ƴãw, tu a ƴɛ̀rʋ a Sore na tɩ ƴɛ̀r a bàwr-maal-kara Eli yir ƴãw, a Silo zi-sõw pʋɔ a.

Neemi 13:29

«Ɩ̃ Naaŋmɩn i, taa yiire towtow a vĩ bɛ na ƴãw a bàwr-maalbɛ tõ-nʋɔr a ɩ, nɩ a wõ-taa fʋ na maal'ɩ a bàwr-maalbɛ nɩ a levitɩ mɩnɛ a ɩ.»

Sɛb-sõw yielu 106:31

A Sore tɩ sàw na kʋ̀ ʋ k'ʋʋ ɩ n nɩ-mɩŋa, a yome yome za nɩ kʋralɛ.

Sɛb-sõw yielu 119:139

A nɔ̃wfʋ ɩ̃ na nɔnɛ fʋ a dɩrɛ mɛ̃ na mɛ̃ vũu a, a ɩ̃ dɔ̃ dem na yiire a fʋ ƴɛ̀rʋ bɛrɛ a ƴãw.

Sɛb-sõw yielu 69:9

Ɩ̃ lɩɛb'ɩ zawlɛ a ɩ̃ yɛbr zie, nɩr a ɩ̃ yɛbr tɩ na lãw sãà nɩ mã a na bɛ bãw a.

Eziptɩ tẽw yib 29:9

ɛ́ sɛ bɛ a bɛ kpàgɛ, vɔblɩ bɛ a bɛ kpawʋʋr. A lɛn daar a, bɛ na ɩ n a bàwr-maalbɛ. Nʋɔr'ʋ ƴãw gã kʋralɛ. Pãa nyɛ̃ a lɛ fʋ na na de a tome ƴãw a Aarɔ̃ nɩ a ʋ bidɛbr nuru pʋɔ a:

Eziptɩ tẽw yib 32:30

A Moyiir tɩ yel'ɩ a nɩbɛ a bio daarɩ́: «Nyɩ maal'ɩ yel-bier-kpɛ̃ɛ. Ƴɛrɛŋa a, ɩ̃ na lɛb'a do a Sore zie a tãw zu, a mɩnɛ kãw, ɩ̃ na tɩ zɛlɩ na páw a nyɩ yel-bier suur-dɩ-kʋ̀b.»

Eziptɩ tẽw yib 40:15

Fʋ na cir'ɩ kãá ƴãw a bɛ zurú ka nũu ƴãw bɛ mɛ̃ a bɛ sãà a, bɛ ɩ bàwr-maalbɛ tone a ɩ̃ tome. A kãá-cir-ƴãwfʋ ŋa na ɩ na bɛlɛ nɩ a bɛ bʋʋrɛ ɩ bàwr-maalbɛ kʋralɛ.»

Ɩzayi 61:6

Ɛcɛ a nyɩɩm a, bɛ na bʋɔlɛ nyɩ nɩ “Sore bàwr-maalbɛ.” A nyɩ yúor na dɩ n “Sore tɩ Naaŋmɩn tõ-tõ-biir.” Nyɩ na dɩ n a nɩ-bʋʋr-yoru na-bome, ɛ́ nyɩ na íre nɩ yúor nɩ a bɛ tɛra.

Zeremi 33:18

Lɛ mɩ̀ n'a a bàwr-maalbɛ na mɩ́ yi a Levi dɔwlʋ pʋɔ a ƴãw: bɛ na mɩ́ be n be kʋralɛ maalɛ a nyɩw-a-za-bagɛ, ɩrɛ a de-kʋ̀b bome zʋ̀ʋ́r dúor waar a ɩ̃ zie, ɛ́ maalɛ a lãw-taa bagɛ bibie za.»

Zeremi 33:22

Mɛ̃ a lɛ bɛ na kʋ̃ tʋ̃ɔ́ sɔ́r a ŋmar-bie na be a salom zu, nɩ a kʋ̃ɔ-kpɛ̃ɛ nʋɔr biire na bɛ dɩ vuo a, lɛ n'a ɩ̃ na ɩ a ɩ̃ tõ-tõ-bie Daviir bʋʋrɛ nɩ a Levi bʋʋrɛ na ɩ bàwr-maalbɛ tone a ɩ̃ tome a, bɛ yãwmɛ.»

Levitɩ mɩnɛ 15:15

A bàwr-maalɛ na de nɩ a lile kãw maal'ɩ yel-bier-ír-bɛrʋ bàwr, ɛ́ maal'ɩ a kãw nyɩw-a-za-bàwr, al pùorí, ʋ tu a tub na na ír a kʋ̃ɔ-ciru dɛwr bɛr a sob a.»

Malasɩ 2:8

Ɛcɛ, a nyɩɩm bàwr-maalbɛ, nyɩ nɩ̃ɛ na bɛr a sɔ́r. A nyɩ wulu tuli nɩ nɩ-yaga, nyɩ sãw nɩ mãa nɩ a levitɩ mɩnɛ wõ-taa bɛr, mãa n'ʋ yere, a mãa Sore Kpɛnʋ-za-sob.

Sɔr-nɛ́ɛ 17:12

A Aarɔ̃ tɩ de nɩ a parfɛ̃ nyɩwfʋ-kole mɛ̃ a lɛ a Moyiir na tɩ yel a, zɔ cen nɩ a lãw nɩbɛ sɔgɔ a bʋ̃-faa na tɩ tĩ baarɩ a. Ʋ tɩ nyɩw nɩ a tɩ-suur-zɔ̃-na-nyùur-vla-vla-a, ɛ́ tu a yel-bebe suur-dɩ-kʋ̀b tub a Ɩsɩrayɛl nɩbɛ ƴãw.

Sɔr-nɛ́ɛ 25:14

A Ɩsɩrayɛl nɩr ʋl bɛ na tɩ kʋ lãwnɩ a Madian tẽw pɔw a yúor tɩ dɩ na kɛ́ Zimiri na ɩ Salu bidɛb a. Sɩmɩ̃ɔ dɔwlʋ nɩ-kpɛ̃ɛ kãw tɩ n'ʋ.

Zã 2:17

A ʋ po-tuurbɛ tɩ lɛb'a tɩɛrɩ a ƴɛ̀r-bir ŋa na sɛb a Sɛb-sõw pʋɔ a: «A fʋ yir nɔ̃wfʋ tɩɛrʋ na dɩrɛ mɛ̃ na mɛ̃ vũu a.»

Ebre 2:17

Lɛ so a tɩ fɛr k'ʋʋ ŋmɛ̃ taa nɩ a ʋ yɛbr a yele za pʋɔ, ɩ bàwr-maal-kara na tɛr su-ɓaarʋ ɛ́ bɛ lɛbr pùor a Naaŋmɩn tome tob pʋɔ a, tʋ̃ɔ́ mɩ́ ír a nɩbɛ yel-bebe bɛr.

Ebre 7:11

A bàwr-maalɛ ɩb a Levi pal pʋɔ n'ʋ tɩ so a nʋɔr bɛ na kʋ̀ a Ɩsɩrayɛl nɩbɛ a. Ɛcɛ a Levi pal pʋɔ bàwr-maalbɛ tɩ tõ ton na vɩɛl ʋ za a, a kʋ̃ʋ lɛb fɛrɛ kɛ́ bàwr-maal-yũo yi ɩ mɛ̃ a Mɛlkɩsedɛkɩ na tɩ ɩ a bàwr-maalɛ a ɩ, ɛ́ bɛ ɩ mɛ̃ a lɛ a Aarɔ̃ na tɩ ɩ a bàwr-maalɛ a ɩ.

Zozue 7:12

A na ɩ à ŋá a, a Ɩsɩrayɛl nɩbɛ kʋ̃ lɛb tʋ̃ɔ́ bà gbɛ́r a bɛ dɔ̃ dem niŋé ɩ, bɛ na mɩ́ lɩɛb'a zɔ, bʋ̃ʋ n'ʋ vɛ̃, bɛ ɩ n nɩbɛ bɛ na na kʋ pàw pɛr a. Nyɩmɛ bɛ wa sãw a bome ɩ̃ na yel kɛ́ nyɩ taa dier a bɛr a nyɩ sɔgɔ a, ɩ̃ kʋ̃ cãà be a nyɩ zie ɩ.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

1 Zã 2:2

Bʋ̃ʋ n'ʋ vɛ̃, ʋ de nɩ ʋ tʋɔra maal'ɩ bàwr, kɛ́ Naaŋmɩn tʋ̃ɔ́ dɩ a tɩ yel-bebe suur kʋ̀ tɩ. Ɛcɛ tɩɩm yõ yel-bebe bɛ n'a ɩ, a nɩsaalbɛ za dem mɩ̀ n'a.

Yel-wula 1:6

Ʋ ɩ na tɩ ɩ na-mɩnɛ nɩ-bʋʋrɛ, bàwr-maalbɛ a Naaŋmɩn ʋ Sãà ƴãw. Ʋlɛ so yúor-vɩɛlʋ-danʋ nɩ kpɛnʋ a yome yome za. Amɛn.

1 Samɩɛl 2:30

A na ɩ à ŋá a, a mãa Sore, a Ɩsɩrayɛl Naaŋmɩn, à ŋá n'a ɩ̃ yere kʋ̀rɛ fʋ: ɩ̃ tɩ yel'a k'aa fʋ yir nɩbɛ nɩ a fʋ dɔwlʋ nɩbɛ mɔ̃ mɩ̀ na ɩ n a ɩ̃ bàwr-maalbɛ kʋralɛ. Ɛcɛ ƴɛrɛŋa a, mãa n'ʋ yere: lɛ bɛ cãà n'a ɩ. Bʋ̃ʋ n'ʋ vɛ̃, ɩ̃ ƴãwnɛ nɩ bɛlɩ dem na ƴãwnɛ mɛ̃ a, ɛ́ bɛlɩ dem na bɛ ƴãwnɛ mɛ̃ a, bɛ mɩ̀ kʋ̃ nyɛ̃ ƴãwfʋ ɛ.