Sɔr-nɛ́ɛ 25:11 - A SƐB-SÕW

¹¹ «A Pɩnasɩ na ɩ a bàwr-maalɛ ɛ́ ɩ Eleazaar bidɛb nɩ a Aarɔ̃ yãw a ɩ na ɩ̃ bɛ cãà tɛr'ɩ a Ɩsɩrayɛl nɩbɛ suur ɛ. Bʋ̃ʋ n'ʋ vɛ̃, ʋ bɛ tɛr mimi-baalʋ a bɛ zie mɛ̃ a mãa a ɩ. Alɛ n'a so ɩ̃ bɛ kʋ bɛ pàw pɛr ɛ, a na saa ɩ fɛrʋ a bɛ zie k'aa ɩ̃ yõ ɩ a bɛ Naaŋmɩn a.

Sɔr-nɛ́ɛ 25:11 ပူးပေါင်းရင်းမြစ်များ

2 Samɩɛl 21:14

cen nɩ tɩ lãwnɩ a Sawul nɩ a Zonatã kɔbɛ, ũù a Sawul sãà Kisɩ yaa pʋɔ a Sela, Bɛ̃zamɛ tẽw pʋɔ. Bɛ na tɩ ɩ a lɛ za a nãà na yel a baar'a, a Naaŋmɩn tɩ lɛb'a wul a ʋ nɔ̃wfʋ a tẽw.

1 Na-mɩnɛ 14:22

A Zuda dɔwlʋ nɩbɛ tɩ ɩ n a lɛ na bɛ vɩɛl a, a Sore zie. Bɛ tɩ sãw nɩ a ʋ suur nɩ a bɛ yel-bebe, zuo a lɛ a bɛ sãàkʋm-kore na tɩ ɩ a.

Sɛb-sõw yielu 106:23

Lɛ n'a a Naaŋmɩn tɩ yel k'ʋʋ na kʋ bɛ na pàw pɛr. Ɛcɛ a ʋ nɩ-kaa-íra Moyiir tɩ ŋmãa na yi àr a ʋ niŋé, bɛ sàw ʋ na kʋ bɛ pàw pɛr nɩ suur ɛ.

Sɛb-sõw yielu 106:30

Ɛcɛ Pɩnasɩ tɩ ìr'a maalɩ a yele, a yel-faa kpɛ̃ɛ ŋa tɛw.

Sɛb-sõw yielu 106:31

A Sore tɩ sàw na kʋ̀ ʋ k'ʋʋ ɩ n nɩ-mɩŋa, a yome yome za nɩ kʋralɛ.

Sɛb-sõw yielu 78:58

Bɛ tɩ tɛr'ɩ a bɛ maalʋ-ziir, ƴãw k'a Sore nyɛ̃ suur, bɛ tɩ tɛr'ɩ a bɛ ŋmɩmɛ dasuli, ɩ kɛ̀ nyuur ɩrɛ ʋ.

Eziptɩ tẽw yib 20:5

Fʋ kʋ̃ gbĩ dume gũu tɩ tɔ tẽw a ŋmɩmɛ á ŋá taabɛ niŋé, ɛ́ maalɩ a ɩ. Bʋ̃ʋ n'ʋ vɛ̃, mãa n'ɩ a Sore, a fʋ Naaŋmɩn, Naaŋmɩn na kpɛ nyuur a. A bɛlɩ dem na hɩ̃ɛn mɛ̃ a, ɩ̃ mɩ́ ƴãw bɛ nɩ dɔwrʋ, bɛlɛ nɩ a bɛ bʋʋrɛ na dɔw tu taa tɩ ta gb'a ata bɩɩ gb'a anaar a.

Eziptɩ tẽw yib 22:5

«Nɩr wa ƴãw vũu gɔ-tuwr ƴãw a dɩ tɩ nyɔw ble bɛ na ŋma ɓã taa, bɩɩ na cãà àr'ɩ a daar, bɩɩ na cãà ɩ va-sɛbla a, a vũu-ƴãwnɛ na ya n a bome na dɩ a.»

Eziptɩ tẽw yib 34:14

Nyɩ kʋ̃ gbĩ dume gũu tɩ tɔ tẽw ŋmɩn-yũo niŋé ɩ, bʋ̃ʋ n'ʋ vɛ̃, a mãa Sore a, a ɩ̃ yúor dɩ na kɛ́ “Nyuur sob”, ɩ̃ ɩ n Naaŋmɩn na kpɛ nyuur a.

Ezekɩɛl 16:38

Zerizalɛm i, ɩ̃ na dɩ n fʋ nɩ ƴɛ̀rʋ ƴãw fʋ dɔwrʋ, mɛ̃ a lɛ bɛ na mɩ́ dɩ n ƴɛ̀rʋ ƴãw dɔwrʋ a pɔw-pɩ̃ɔ-yel-maalbɛ nɩ a bɛl na kʋrɛ a nɩbɛ a. A ɩ̃ suur nɩ a ɩ̃ nyuur zũú a, ɩ̃ na ɩ na fʋ ɩ zɩ̃ɩ tɛwr.

Nahum 1:2

A Sore ɩ n Naaŋmɩn na kpɛ nyuur ɛ́ mɩ́ yáa a san a, a Sore mɩ́ yáa nɩ a san, a ʋ suur bɛ tɛr dɩ̃ɛnʋ ɛ. A Sore mɩ́ yáa nɩ a san a ʋ dɔ̃ dem zu, ʋ bɛ mɩ́ dɩ suur kʋ̀ bɛ ɩ.

Sofoni 1:18

A bɛ salm-pla nɩ a bɛ salm-zɩɛ kʋ̃ tʋ̃ɔ́ faa bɛ a Sore suur bibir ɛ. A ʋ suur vũu na dɩ n a tẽw za. A na sɩrɩ na ɩrɛ dɛ̃bɩ̃ɛ yaga: ʋ na kʋ n a tẽw zu nɩbɛ za pàw pɛr.

Sofoni 3:8

A na ɩ à ŋá a, a Sore yere na: nyɩ gùre a ɩ̃ waa, a bibir ʋl ɩ̃ na na wa, wa wul a nyɩ sãwna a. Ɩ̃ yel'a k'ɩ̃ɩ na ɓã n a nɩ-bʋʋr-yoru nɩ a naalʋ-ten nɩbɛ taa, ƴãw a ɩ̃ suur vũu dɩ bɛ. A ɩ̃ su-tʋlʋ-kpãkpã vũu na dɩ n a tẽw za.»

Sɔr-nɛ́ɛ 25:10

A Sore tɩ yel'ɩ a Moyiir à ŋá:

Zã 3:36

Sob nɛ na sàw de a Bie a páw nɩ a nyɔ-vʋʋrʋ na be kʋralɛ a. Ɛcɛ sob nɛ bɛ wa sàw de a Bie a, ʋ kʋ̃ páw a nyɔ-vʋʋrʋ ŋa ɩ, ɛ́ a Naaŋmɩn suur be n a ʋ sob ƴãw.»

1 Korɛ̃tɩ 10:22

Bɩɩ tɩ bɔbr'a kɛ́ tɩ ɩ a Sore nyuur ìr bɩɩ? Tɩ tɛr'ɩ fãw zuo ʋ bɩɩ?

2 Korɛ̃tɩ 11:2

Nyuur na yi Naaŋmɩn zie a ɩrɛ mɛ̃ nɩ a nyɩ ƴãw. Dɛb-been yõ tẽtẽ n'ʋ ɩ̃ ƴãw nɩ nyɩ a yúor, k'ɩ̃ɩ tʋ̃ɔ́ de nyɩ kʋ̀ a Kɩrɩta mɛ̃ pɔwsɩrale na bɛ tɛr dɛwr a.

Wulu-ayi-sob 29:20

A Sore na ír ʋ na bɛr a Ɩsɩrayɛl nɩbɛ pʋɔ, a tu a wulu sɛbɛ ŋa pʋɔ wõ-taa ŋmɛ-ƴãw, ɛ́ a na ɩ n a ʋ zu-bio.

Wulu-ayi-sob 32:16

A Ɩsɩrayɛl nɩbɛ tɩ ɩrɛ nɩ ɩb na bɛ maal'ɩ wob a, ƴãw a Sore nyɛrɛ suur. Bɛ tɩ maalɛ nɩ ŋmɩn-yoru ɩ kɛ̀ nyuur ɩrɛ ʋ.

Wulu-ayi-sob 32:21

Bɛ tɛr'ɩ ŋmɩn-ziri, ƴãw k'ɩ̃ kpɛ nyuur. Bɛ ɩ na nɩ a bɛ tɩɩb-zawlɛ, a ɩ̃ suur ìr. Mãa a, nɩbɛ na bɛ ɩ nɩ-bʋʋrɛ mɩ̀ a nɛbɛ, ɩ̃ na ɩ na kɛ̀ bɛ kpɛ nyuur. Nɩ-bʋʋrɛ na bɛ bãw yã a nɛbɛ, ɩ̃ na ɩ na a bɛ suur ìr.

Wulu-ayi-sob 4:24

Bʋ̃ʋ n'ʋ vɛ̃, a Sore nyɩ Naaŋmɩn ɩ n vũu na dɩrɛ bom za a, ʋ ɩ n Naaŋmɩn na kpɛ nyuur a!

Zozue 22:13

A Ɩsɩrayɛl nɩbɛ tɩ tõ n a bàwr-maalɛ Eleazaar bidɛb Pɩnasɩ a Galaadɩ tẽw, a Urubɛn dɔwlʋ nɩbɛ, a Gadɩ dɔwlʋ nɩbɛ, nɩ a Manase dɔwlʋ ŋmãa nɩbɛ zie.

Zozue 24:19

Lɛ n'a a Zozue tɩ yel a Ɩsɩrayɛl nɩbɛ: «Nyɩ kʋ̃ tʋ̃ɔ́ maalɛ a Sore ɩ, bʋ̃ʋ n'ʋ vɛ̃, Naaŋmɩn na ɩ sõw a n'ʋ, Naaŋmɩn na bɛ sàwr nyɩ maalɛ ŋmɩn-yoru a n'ʋ, nyɩmɛ wa zawr'ʋ bɛr a, nɩ nyɩmɛ wa maalɩ yel-bier a, ʋ bɛ bɛrɛ nyɩ ɛ.