Sɔr-nɛ́ɛ 24:14 - A SƐB-SÕW

¹⁴ Ƴɛrɛŋa a, ɩ̃ lɛbr'a kule a ɩ̃ nɩ-bʋʋrɛ zie. Ɛcɛ wa, ɩ̃ bɔbr'a k'ɩ̃ɩ yel a ʋlɩ bom nɛ a Ɩsɩrayɛl nɩbɛ na na ɩ a fʋ nɩ-bʋʋrɛ a nɩdaar a kʋ̀ b!»

Sɔr-nɛ́ɛ 24:14 ပူးပေါင်းရင်းမြစ်များ

Yele-za-pɛr-tib 49:1

A Zakɔb tɩ bʋɔl'ɩ a ʋ bidɛbr wa yel bɛ: «Nyɩ ɓã taa ɩ̃ manɩ a nyɩ nɩdaar yele kʋ̀ nyɩ.

Ɩzayi 24:22

Bɛ na ɓã n bɛ za taa mɛ̃ nɩ-pàwrɩ a a bɔw-zulu pʋɔ, bɛ na pàw bɛ nɩ gaso pʋɔ. A na tɩ cɛlɩ na, ɛ́ bɛ wa nyɛ̃ dɔwrʋ.

Zeremi 48:47

Ɛcɛ, a Sore yere na: «Bibir kãw a, ɩ̃ na lɛb'a maalɩ a Mowab tẽw ƴãw.» A ƴɛ̀rʋ a Sore na dɩ n a Mowab yel a, tɛwfʋ zie n'ɩ a ka.

Zeremi 49:39

Ʋ cãà na yere: «Ɛcɛ, bibir kãw a, ɩ̃ na lɛb'a maalɩ a Elam tẽw ƴãw.»

A naaŋmɩn-ƴèr-manɛ Oze sɛbɛ 3:5

Ɛ́ a pùorí, a Ɩsɩrayɛl bibiir na lɛb'a bɔbr a Sore bɛ Naaŋmɩn, nɩ a bɛ nãà Daviir. Nɩdaar kãw, bɛ na bɔbr'ɩ a Sore nɩ ƴãwfʋ, lãwnɩ a bʋ̃-tɛrɩ ʋ na tɩrɛ a.

Mise 6:5

Ɩ̃ nɩbɛ ɛ, nyɩ lɛb tɩɛrɩ a lɛ a Mowab tẽw nãà Balakɩ na tɩ bɔbr k'ʋʋ ɩ nyɩ faa a. Nyɩ lɛb tɩɛrɩ a lɛ a Bewɔɔr bidɛb Balaam na tɩ sɔw ʋ a. Al pùorí, ɩ̃ bɩɛlɩ nyɩ nɩ a Sitim tẽw tɩ sãá nɩ a Gilgal tẽw. Lɛ n'a nyɩ tʋ̃ɔ́ nyɛ̃ a gãda-tome a mãa Sore na tõ a nyɩ ƴãw a.»

Sɔr-nɛ́ɛ 24:17

Ɩ̃ nyɛ̃ nɩ a bom ʋl na na ɩ a, ɛcɛ ƴɛrɛŋa bɛ n'a ɩ, ɩ̃ nyɛ̃ nɩ yel kãw, ɛcɛ nɩdaar'a a yel ʋl na ɩ: Ŋmar-bir'ʋ pur a Zakɔb bʋʋrɛ pʋɔ, nãà ìr'ɩ a Ɩsɩrayɛl bʋʋrɛ sɔgɔ. Ʋ ŋmɩɛr'ɩ a Mowab tẽw dem tacɩlɛ nɩ a ʋ nãà dàa, ʋ kʋrɛ nɩ a tẽw nɩ-yʋɔrɩ.

Sɔr-nɛ́ɛ 24:25

A ƴɛ̀rʋ á ŋá pùorí a, a Balaam tɩ lo n a sɔ́r kule a ʋ tẽw, ɛ́ a Balakɩ mɩ̀ cere a ʋ cenu zie.

Nɩ-toni 2:17

“À ŋá n'a a Naaŋmɩn ƴɛ̀rɛ: a bibi-pɛ-baarɩ wa vɩɛ a, ɩ̃ na ƴãw nɩ a ɩ̃ Vʋʋrʋ nɩsaal za. A nyɩ bidɛbr nɩ a nyɩ pɔwyaar na lɩɛb'ɩ naaŋmɩn-ƴɛ̀r-manbɛ, a nyɩ pɔlbili na nyɛrɛ nɩ bʋ̃-nyɛrɩ, zánʋ na waar'ɩ a nyɩ dɛb-nyamɛ,

2 Timote 3:1

Bãw a yel ŋa vla vla: a bibi-pɛ-baarɩ daar, a zie na kpɛmɛ na.

Zozue 13:22

A Bewɔɔr bidɛb, Balaam, na ɩ bàwr-bʋwrɛ a tɩ pʋɔ nɩ a nɩbɛ bɛl pʋɔ a Ɩsɩrayɛl nɩbɛ na tɩ kʋ a lɛn daar a.

Yel-wula 2:10

Ta zɔrɛ a tuo fʋ na na wõ a dɛ̃bɩ̃ɛ ɩ. Nyɛ̃, a Gɛgɛra na ƴãw nɩ nyɩ mɩnɛ gaso pʋɔ k'ʋʋ ɩ nyɩ kaa, ɛ́ nyɩ na nyɛ̃ nɩ kpɩɛrʋ bibie pie. Taa lɛbr pùor ɛ, ɛ́ tɩ ta a fʋ kũu daar, ɩ̃ɩ na kʋ̀ b'ɩ a zɛb-tʋ̃ɔ́fʋ kpawʋɔ na ɩ a nyɔ-vʋʋrʋ a.

Yel-wula 2:14

Ɛcɛ, yele blã be n be, ɩ̃ na yere fʋ a al ƴãw: nɩbɛ be n a fʋ zie de a Balaam wulu. A Balaam ŋa n'ʋ tɩ wule a Balakɩ, k'ʋʋ bɛlɩ a Ɩsɩrayɛl nɩbɛ ƴãw bɛ 'wɔb tɩbɛ bàwr-maal-nɛnɛ ɛ́ maalɩ pɩ̃ɔ-yele.