Sɔr-nɛ́ɛ 23:24 - A SƐB-SÕW

²⁴ A nɩ-bʋʋrɛ bɛ ŋa ìre na mɛ̃ wɛ-dʋ̃-faa a, bɛ ìre na mɛ̃ gbẽw a. Ʋ bɛ lɛbr ganɛ ɩ, ʋlɛ bɛ wa 'wɔb a bom ʋ na nyɔw a nɛn baar'a ɩ, ʋlɛ bɛ wa nyũ a ʋ zɩ̃ɩ baar'a ɩ.»

Sɔr-nɛ́ɛ 23:24 ပူးပေါင်းရင်းမြစ်များ

Yele-za-pɛr-tib 49:27

Bɛ̃zamɛ ɩ n wɛ-baa na mɩ́ dʋ̃ taw cɩɛrɩ a. Ʋ mɩ́ 'wɔb'ɩ dʋ̃w a biɓaara, ɛ́ a zaanʋɔra ʋ pone a bome ʋ na fa a.»

Yele-za-pɛr-tib 49:9

Ɩ̃ bidɛb Zuda a, fʋ ɩ n gbẽw-pɔl na 'wɔb a dʋ̃w ʋ na nyɔw, ɛ́ lɛb cere a ʋ gaa-zie a. A gbẽw dɔm'a, ʋ gã na. Ãa n'ʋ na ɩ ʋ ìr?

1 Na-mɩnɛ 10:20

ɛ́ pie nɩ ayi àr a dɛr-mimie zu, ayʋɔb a gʋba lowr, ayʋɔb a dʋrʋ lowr. Nɩr bɛ maalɩ a bom ŋa tɔ naalʋ-tẽw kãw za pʋɔ ɩ.

2 Bibie za yel-manɩ 9:18

A nãà-dà-kɔw ŋa tɩ dɔwl'ɩ gboro na tɛr dɛr-mimie ayʋɔb a zu. A gbɛ́ɛ-dɔwlʋ zie tɩ ɩ n salm-zɩɛ, ɛ́ a kpãkpamɛ dɔwlʋ zie be ka lowr ɛ́ be ka lowr. Gben ayi bɛ na pɛnɩ a tɩ àr'ɩ a dà-kɔw dʋrʋ lowr nɩ a gʋba lowr,

Sɛb-sõw yielu 17:12

Bɛ ɩ na mɛ̃ gbẽw na ũú tuw pʋɔ gù bom a, mɛ̃ gbẽw-bile na ũú a ʋ bɔw pʋɔ gù bom a.

Ɩzayi 31:4

À ŋá n'a a Sore ƴɛ̀r a ɩ̃ zie: «A gbẽw bɩɩ a gbẽw-bile wa kone bɛ sàwr'ɩ a bom ʋ na nyɔw a ƴãw a, bɛlɛ saa bʋɔlɩ dʋ̃-cɩ̃ɩnbɛ yaga yaga ɓã taa a ʋ ƴãw a, a bɛ cɛlsɩ bɛ ɩrɛ ʋ dɛ̃bɩ̃ɛ ɩ, a bɛ gɔmɛ bɛ damnɛ ʋ ɛ. À ŋá n'a a na ŋmɛ̃ a lɛn daar a mãa, a Sore kpɛnʋ-za-sob, nãà wa siw a Sɩyɔ̃ tãw zu k'ɩ̃ɩ tɩ zɛb a zɛbr a.»

Amɔsɩ 3:8

Gbẽw ùor'a, ãa n'ʋ kʋ̃ zɔ dɛ̃bɩ̃ɛ? A Sore Naaŋmɩn ƴɛ̀r'a, ãa n'ʋ na vɛ̃ a ʋ ƴɛ̀rʋ manʋ?

Nahum 2:11

Zab, fab, zazawfʋ! Bɛ za kanyir baar'a, a dume màwr'a ŋmɩɛr taa, a ƴã-gamɛ màwr, ɛ́ a niŋe sɔb sɔb.

Nahum 2:12

A gbẽw kpɛb zie ɩ n ŋmɩn? A gbẽw-bili tɩ páwr'ɩ a bʋ̃-dɩrɩ a be. A gbẽw na mɩ́ tɩ yi cen a nabawlʋ a, nɩr za bɛ mɩ́ tɩ damnɛ a ʋ bili ɛ.

Zakari 12:6

A lɛn daar a, ɩ̃ na ɩ na a Zuda niw-dierbɛ ɩ mɛ̃ vũu na nyɔw dàar dɩrɛ a, bɩɩ mɛ̃ mɔ̃-'lena vũu bɛ na tõ ƴãw ble-dor pile a. A lõbowe za a, bɛ na sãw nɩ a nɩ-bʋʋrɛ na viiri koli bɛ a bɛr. Ɛcɛ a Zerizalɛm nɩbɛ na cãà na kpɩɛr a bɛ tẽw pʋɔ.»

Sɔr-nɛ́ɛ 23:25

A Balakɩ tɩ yel'ɩ a Balaam à ŋá: «Fʋ̃ʋ bɛ wa ŋmɩɛr ƴãwn bɛ a, fʋ̃ʋ ta ƴɛ̀rɛ nɔ-vla kʋ̀rɛ bɛ ɩ!»

Sɔr-nɛ́ɛ 24:17

Ɩ̃ nyɛ̃ nɩ a bom ʋl na na ɩ a, ɛcɛ ƴɛrɛŋa bɛ n'a ɩ, ɩ̃ nyɛ̃ nɩ yel kãw, ɛcɛ nɩdaar'a a yel ʋl na ɩ: Ŋmar-bir'ʋ pur a Zakɔb bʋʋrɛ pʋɔ, nãà ìr'ɩ a Ɩsɩrayɛl bʋʋrɛ sɔgɔ. Ʋ ŋmɩɛr'ɩ a Mowab tẽw dem tacɩlɛ nɩ a ʋ nãà dàa, ʋ kʋrɛ nɩ a tẽw nɩ-yʋɔrɩ.

Wulu-ayi-sob 33:20

A Gadɩ bʋʋrɛ ƴãw a, a Moyiir tɩ yel'a: «A Sore tɛr'ɩ puoru, ʋl na kʋ̀ a Gadɩ zie ʋ yɛlmɛ a! A Gadɩ gã na mɛ̃ gbẽw a, ʋ 'wɔbr'ɩ a dʋ̃w ʋ na nyɔw a bawŋman nɩ a zu mɔ̃ mɩ̀.

Yel-wula 5:5

Lɛ n'a a nɩ-kore ƴen sob tɩ yel mɛ̃: «Ta kone ɩ. Nyɛ̃, a Zuda dɔwlʋ gbẽw, a nãà Daviir bie zɛb'a tʋ̃ɔ́, ʋ na 'lawr'ɩ a sɩ-suur ayopõi ɛ́ yuo a sɛbɛ.»