Sɔr-nɛ́ɛ 23:21 - A SƐB-SÕW

²¹ A Sore bɛ nyɛ̃ yel-bɛ-sɛwra kãw za a Ɩsɩrayɛl nɩbɛ pʋɔ ɩ, ʋ bɛ nyɛ̃ yel-faa kãw za a Zakɔb bʋʋrɛ pʋɔ ɩ. Ʋlɛ n'ɩ a bɛ Naaŋmɩn, ʋ kpɩɛr'ɩ a bɛ pʋɔ, ʋ dier'ɩ a bɛ nʋ̃ɔ̀ cɛlsɩ bɛ na ŋmɩɛr ƴãwn ʋ mɛ̃ nãà a.

Sɔr-nɛ́ɛ 23:21 ပူးပေါင်းရင်းမြစ်များ

2 Bibie za yel-manɩ 13:12

Ƴɛrɛŋa a, a Naaŋmɩn mɩŋa n'ʋ de tɩ niwn. A ʋ bàwr-maalbɛ be n ka cɔbrɩ gù a wɩ́ɛ pɛblʋ kɛ́ bɛ lɔb a zɛbr cɛl a nyɩ ƴãw. A na ɩ à ŋá a, Ɩsɩrayɛl nɩbɛ ɛ, nyɩ ta ŋmãa nɩ a Sore, a nyɩ sãà mɩnɛ Naaŋmɩn, a zɛbr ɛ, nyɩ kʋ̃ zɛb tʋ̃ɔ́ ɩ.»

Sɛb-sõw yielu 103:12

Mɛ̃ a lɛ a mʋ̃tɔ̃w puru zie na zãá nɩ a kpɛb zie a, lɛ n'a ʋ mɩ́ ɩ a tɩ sãwna a zãá nɩ tɩ.

Sɛb-sõw yielu 118:15

Nʋ̃ɔ̀ cɛlsɩ nɩ zɛb-tʋ̃ɔ́fʋ cɛlsɩ n'a lɔbr a nɩ-mɩn pɛnɛ-sɛwr pʋɔ: «A Sore dʋrʋ nũu tõ n gãda-tome!

Sɛb-sõw yielu 135:21

Yãanɩ puoru, a yi a Sɩyɔ̃ a Sore ƴãw, ʋl na kpɩɛr a Zerizalɛm a. Aleluya!

Sɛb-sõw yielu 23:4

Mãa saa tuur yire a kũu bà-fʋɔl-lige pʋɔ a, ɩ̃ bɛ zɔrɛ yel-faa kãw za ɩ, fʋ na be a ɩ̃ zie a ƴãw: a fʋ dabɔl nɩ a fʋ dakʋra mɩ́ ɩ na k'ɩ̃ bɛr dɛ̃bɩ̃ɛ.

Sɛb-sõw yielu 32:2

Zu-nʋ̃ɔ̀ sob'ɩ a nɩr ʋl a Sore na mɩ́ de a sãwna bɛr a baar'a, ɛ́ ʋ bɛ tɛr nyãnyu-yã a!

Sɛb-sõw yielu 32:5

Ɛcɛ ɩ̃ yel'ɩ a ɩ̃ yel-bier kʋ̀ b, ɩ̃ bɛ sɔwlɩ a ɩ̃ sãwna ɩ. Ɩ̃ yel a: «Ɩ̃ na wo n a ɩ̃ sãwna a Sore zie.» Ɛ́ fʋ̃ʋ a, fʋ tow nɩ a ɩ̃ sãwna tuor bɛr mɛ̃. Tɛw-àrʋ

Sɛb-sõw yielu 46:11

Ʋ cɩɩrɛ na yere: «Nyɩ zɩ̃ zoom, ɛ́ bãw kɛ́ ɩ̃ ɩ n Naaŋmɩn! Ɩ̃ tʋ̃ɔ́ nɩ a nɩ-bʋʋrɛ za, ɩ̃ tʋ̃ɔ́ nɩ a tẽw za.»

Sɛb-sõw yielu 46:7

Nɩ-bʋʋrɛ ɩrɛ nɩ gɔmɛ, naalʋ-ten lore, ɛcɛ Naaŋmɩn ƴɛ̀r'a, a kɔkɔr yi, a tẽw nyɩl.

Sɛb-sõw yielu 97:1

A Sore ɩ n nãà: a tẽw, ʋ́ cɩlɛ ƴawr'ɩ, nʋ̃ɔ̀, a ɩrɛ a kʋ̃ɔ-kpɛ̃ɛ-sɔgɔ-ten na zãá a!

Sɛb-sõw yielu 99:2

A Sore ɩ n kpɛ̃ɛ a Sɩyɔ̃ tẽw pʋɔ, — ʋ do na gãw a nɩ-bʋʋrɛ za.

Eziptɩ tẽw yib 13:21

A Sore mɩŋa tɩ de bɛ nɩ niwn, mɩ́ ɩ zũzuwr na ɩ mɛ̃ kpul a, a mʋ̃tɔ̃w, k'ʋʋ wule bɛ a sɔ́r, ɛ́ ɩ vũu na ɩ mɛ̃ kpul a, a tɩ̃ɩsɔw, k'ʋʋ caalɛ bɛ. À ŋá n'a bɛ tɩ tʋ́ɔr cere mʋ̃tɔ̃w nɩ tɩ̃ɩsɔw.

Eziptɩ tẽw yib 3:12

A Naaŋmɩn yel: «Ɩ̃ na be n a fʋ zie. Ɛ́ a bãwfʋ n'ɩ ŋa kɛ́ mãa n'ʋ tone fʋ: fʋ̃ʋ wa tɛr a nɩbɛ yi n a Eziptɩ tẽw pʋɔ a, nyɩ na maalɩ mɛ̃ nɩ a tãw ŋa zu.»

Eziptɩ tẽw yib 34:9

Al pùorí ʋ yel: «Sore e, a fʋ pʋɔ na pɛlɩ a ɩ̃ ƴãw a, ɩ̃ zɛlɛ fʋ na, wa bɩɛlɛ tɩ. Ɩ̃ bãwnɩ a na a nɩbɛ bɛ ŋa zuru na kpɛmɛ a, ɛcɛ dɩ a tɩ yel-bebe nɩ a tɩ sãwna suur kʋ̀ tɩ, ɛ́ ɩ tɩ ɩ a fʋ sób.»

Ɩzayi 1:18

“A Sore yere na: «Nyɩ wa tɩ ŋmɛ nɔkpɛn. A nyɩ yel-bebe wa mʋ̃ɔ̀ ɓõɓõ a, a na lɩɛb'a pɛlɩ parpar. Alɛ wa mʋ̃ɔ̀ cõcõ a, a na lɩɛb'a pɛlɩ mɛ̃ pi-kɔblʋ pɛn-pla a.

Ɩzayi 12:6

Ŋmɩɛr nʋ̃ɔ̀ cɛlsɩ ɛ́ cɩlɛ, fʋ̃ʋ na kpɩɛr a Sɩyɔ̃ a. Bʋ̃ʋ n'ʋ vɛ̃, ʋ ɩ n kpɛ̃ɛ, a Ɩsɩrayɛl Naaŋmɩn na ɩ sõw a, na kpɩɛr a fʋ pʋɔ a.

Ɩzayi 33:21

Be n'a a Sore na wul tɩ a ʋ vɩɛlʋ na bɛ tɛr tɔ a. Ʋ na ɩ n bàrʋ nɩ man-bɛrɛ zie a zɛbr gbor-bɛrɛ na bɛ tɔlɛ a, a gbor-bɛrɛ na bɛ tuur tɔlɛ a.

Ɩzayi 33:22

A Sore n'ɩ a tɩ nɩ-kpɛ̃ɛ, ʋlɛ n'ʋ de tɩ a niwn. A Sore n'ɩ a tɩ nãà, ʋlɛ n'ɩ a tɩ faarɛ.

Ɩzayi 38:17

A ɩ̃ pʋ-sãwna yaga lɩɛb'ɩ nʋ̃ɔ̀. Bʋ̃ʋ n'ʋ vɛ̃, fʋ nɔ̃w mɛ̃ na bɛ sàw ɩ̃ kpi ɛ, fʋ lɔb'ɩ a ɩ̃ yel-bebe za bɛr a fʋ zikurí a zãá.

Ɩzayi 41:10

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ta ɩ dɛ̃bɩ̃ɛ sãá a fʋ jɩ́rʋ pʋɔ ɩ. Bʋ̃ʋ n'ʋ vɛ̃, a fʋ Naaŋmɩn a, mãa n'ʋ. Ɩ̃ ɩrɛ na fʋ kpɛmɛ, ɩ̃ waar'ɩ a fʋ sõwfʋ, ɩ̃ɩ gùre fʋ na nɩ a ɩ̃ nũu na kpɛmɛ ɛ́ mɩ́ zɛb tʋ̃ɔ́ a.

Ɩzayi 8:10

Nyɩmɛ nɔ̃w nyɩ tɩɛrɩ yele bin, a na wɛl'a yaarɩ. Nyɩ ŋmɛ a nɔkpɛn bin a lɛ nyɩ na na ɩ a ƴãw, a kʋ̃ nyɔw ɛ. Bʋ̃ʋ n'ʋ vɛ̃, a Naaŋmɩn be n tɩ zie.

Zeremi 50:20

A mãa, a Sore, mãa n'ʋ yere: A lɛn daar a, bɛ na bɔ n a Ɩsɩrayɛl sãwna, ɛ́ kʋ̃ nyɛ̃ ʋ ɛ. Bɛ na bɔ n a Zuda yel-bebe, ɛ́ kʋ̃ nyɛ̃ a ɩ. Bʋ̃ʋ n'ʋ vɛ̃, ɩ̃ na dɩ n suur kʋ̀ a bɛlɩ dem ɩ̃ na na bɛr bɛ cãà vʋʋrɛ a.

Ezekɩɛl 48:35

A dacine na na viiri koli a tẽ-kpɛ̃ɛ a wowr za na ɩ n mɛtɩr tùr-piwaɩ (9 000). A na dɛ tĩ a ʋlɩ bibir nɛ a, bɛ na bʋɔlɛ nɩ a tẽ-kpɛ̃ɛ kɛ́: “A-Sore-be-n-ka.”»

Zowɛl 2:27

Lɛ n'a nyɩ na bãw k'ɩ̃ɩ be n a nyɩ sɔgɔ, Ɩsɩrayɛl nɩbɛ ɛ, k'aa Sore nyɩ Naaŋmɩn a, mãa n'ʋ, kãw za bɛ lɛb be be ƴãw pʋɔ ɩ. A ɩ̃ nɩbɛ bɛ be za na lɛb nyɛ̃ vĩ towtow ɛ.»

Levitɩ mɩnɛ 9:24

Vũu-zɛl tɩ yi n a Sore niŋé dɩ a nyɩw-a-za-bagɛ nɩ a bàwr-yoru nɛn-kãánɩ a bàwr-maal-kuur zu. A nɩbɛ za tɩ nyɛ̃ a na. Bɛ tɩ lɔb'ɩ nʋ̃ɔ̀ cɛlsɩ, ɛ́ lo vɔblɩ muru.

Sɔr-nɛ́ɛ 14:18

“Mãa n'ɩ a Sore na nyɔwr a ɩ̃ suur, ɛ́ a nɔ̃wfʋ bɛ dɩ vuo a. Ɩ̃ mɩ́ nyɔw nɩ ɩ̃ tʋɔra a yel-bebe nɩ a nɛ́ɛ-zawrʋ ƴãw. Ɛcɛ ɩ̃ bɛ yere k'aa sãwna sob bɛ tɛr sãwna ɩ. Nɩr na maalɩ yel-bebe a, ɩ̃ mɩ́ dɔwr'ɩ a ʋ bʋʋrɛ a ʋ yel-bebe ƴãw tɩ ta bɛ na dɔw tu taa ta gb'a ata bɩɩ gb'a anaar a.”

Sɔr-nɛ́ɛ 14:19

Sore e, a fʋ nɔ̃wfʋ na bɛrmɛ sɛw à à ŋá a, cãà lɛb dɩ a fʋ nɩbɛ yel-bier suur kʋ̀ bɛ, mɛ̃ a lɛ bɛ na dɛ yi a Eziptɩ ɛ́ fʋ dɩrɛ a suur kʋ̀rɛ bɛ wa tɔ a ka a.»

Sɔr-nɛ́ɛ 16:3

Bɛ tɩ jil'a pàw a Moyiir nɩ a Aarɔ̃ ɛ́ yel bɛ à ŋá: «A pãa sɛw nɩ lɛ! Nyɩ ƴãw nɩ manʋ! A Ɩsɩrayɛl lãw nɩbɛ za ɩ n son, ɛ́ a Sore be a tɩ za sɔgɔ. Bʋ̃ʋ n'ʋ so nyɩ tɩ́ɛrɛ kɛ́ nyɩ zuo nɩ a Sore nɩbɛ ŋmãa?»

Sɔr-nɛ́ɛ 9:22

Ɛcɛ a zũzuwr mɩ́ wa tɩ àr a kpɛb-zi-sõw zu bibie ayi, cuw-been, bɩɩ zuo lɛ a, a Ɩsɩrayɛl nɩbɛ mɩ́ zɩ̃ na, bɛ bɛ mɩ́ tɩ lo a sɔ́r ɛ. A zũzuwr wa ìr do a n'a bɛ mɩ́ lɛb tɩ lo a sɔ́r.

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

Ʋrɔm 6:14

Bʋ̃ʋ n'ʋ vɛ̃, a yel-bier kʋ̃ cãà dɩrɛ naalʋ a nyɩ zu ɛ, a Naaŋmɩn wulu na bɛ cãà so nyɩ, ɛ́ Naaŋmɩn maalʋ so nyɩ a ƴãw.

Ʋrɔm 8:1

A na ɩ à ŋá a, a ƴɛrɛŋa a, a bɛlɩ dem na lãw nɩ a Yeezu Kɩrɩta a, sãwna dɔwrʋ kãw za bɛ cãà be a bɛ ƴãw ɛ.

2 Korɛ̃tɩ 2:14

Naaŋmɩn so yãanɩ! A Kɩrɩta ƴãw a, ʋ mɩ́ ƴãw na tɩ pʋɔ a ʋ zɛb-tʋ̃ɔ́fʋ nɩbɛ pʋɔ kʋralɛ, ɛ́ a tɩɩm zũú, ʋ ɩ bɛ bãw a Kɩrɩta ziir za mɛ̃ parfɛ̃ a nyũu na yi pàw a ziir za a.

2 Korɛ̃tɩ 5:19

Bʋ̃ʋ n'ʋ vɛ̃, a Kɩrɩta zũú, a Naaŋmɩn n'ʋ tone kɛ́ ʋlɛ nɩ a nɩsaalbɛ za lɛb kpɛ taa, lɛ so ʋ mɩ́ tɩ de a bɛ sãwna bɛr a baarɩ, ɛ́ ƴãw a lɛb-kpɛ-taa ƴɛ̀r-bie a tɩ nʋɔrɩ́.

2 Korɛ̃tɩ 6:16

Bʋ̃ʋ wõ-taa n'a na tʋ̃ɔ́ be a Naaŋmɩn yir nɩ a tɩbɛ cara pʋɔ? Bʋ̃ʋ n'ʋ vɛ̃, tɩmɛ nɛbɛ ɩ a Naaŋmɩn na vʋʋrɛ a yir, mɛ̃ a lɛ a Naaŋmɩn tɔr za na yel a: «Ɩ̃ na kpɩɛr'ɩ a bɛ pʋɔ, ɛ́ cere a bɛ sɔgɔ, ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩ-bʋʋrɛ.»

Wulu-ayi-sob 31:23

Al pùorí, a Sore tɩ ƴɛ̀r'ɩ a ʋ ƴɛ̀rʋ kʋ̀ a Nun bidɛb Zozue, ɛ́ yel ʋ: «Kpɛ socir ɛ́ kpɛmɛ! Fʋ̃ʋ n'ʋ na tɛr a Ɩsɩrayɛl nɩbɛ kpɛ n a tẽw ʋl pʋɔ ɩ̃ na pɔ yel k'ɩ̃ɩ na kʋ̀ bɛ na a. Ɛ́ mãa a, ɩ̃ na be n a fʋ zie.»

Wulu-ayi-sob 32:5

Ɛcɛ a nyɩɩm, nɩ-bʋʋr-faa nɩ nɩ-bʋʋr-sãwna, nyɩ sãw nɩ a Sore. Nyɩmɛ so vĩ wɛ! Nyɩ bɛ cãà ɩ a ʋ bibiir ɛ.

Wulu-ayi-sob 33:5

A lɛ a nɩbɛ nɩ-bɛrɛ na tɩ ɓã taa lãwnɩ a Ɩsɩrayɛl dɔwlʋ a, Yesurun tɩ páw nɩ nãà.»

Wulu-ayi-sob 9:24

Ɩ̃ na dɛ bãw nyɩ a ʋlɩ bibir nɛ a n'a nyɩ ɩrɛ a bɛ-wõ-ɩb a Sore zie.

Ƴɛ̀r-dɩrbɛ 6:13

A Zedeɔ̃ sɔw ʋ: «Ɩ̃ nɩ-kpɛ̃ɛ ɛ, gaafara! A Sore wa be a tɩ zie a, bʋ̃ʋ n'ʋ so à á ŋá za ta tɩ? A nɔ-ɓãa-yele al za a tɩ sãà mɩnɛ na tɩ manɛ kʋ̀rɛ tɩ a, nyɩnɛ n'a a cen? A al bɛ na mɩ́ tɩ manɩ tɩ kʋ a nʋɔr yel: “Sɩrɛ bɛ n'a a Sore tɛr tɩ yi n a Eziptɩ ɛ?” Ɛ́ ƴɛrɛŋa a, a Sore jɛ tɩ na bɛr kʋ̀ a Madian tẽw dem.»

1 Samɩɛl 25:28

Ɩ̃ zɛlɛ fʋ na, yãayãa, dɩ a ɩ̃ sãwna suur kʋ̀ m. Sɩza n'a, a Sore na ɩ n a fʋ yir dɩrɛ naalʋ kʋralɛ, bʋ̃ʋ n'ʋ vɛ̃, a ʋl ƴãw n'a fʋ zɛbr a zɛbr, ɛ́ bɛ bɛ nyɛ̃ faa kãw za a fʋ zie a fʋ cãafʋ daar za ɩ.