Sɔr-nɛ́ɛ 21:33 - A SƐB-SÕW

³³ Bɛ tɩ lɩɛb'a tu zi-yoru a pùorí, lo Basan sɔ́r. A Basan tẽw nãà, Ɔgɩ, tɩ yi n daadaalɛ, ʋlɛ nɩ a ʋ zɛbr-nɩbɛ za, tuori a Ɩsɩrayɛl nɩbɛ, k'ʋʋ zɛb'ɩ bɛ Edɩrɛyɩ.

Sɔr-nɛ́ɛ 21:33 ပူးပေါင်းရင်းမြစ်များ

Sɛb-sõw yielu 135:11

Amoritɩ mɩnɛ nãà Sihon, nɩ Basan tẽw nãà Ɔgɩ, nɩ a Kanãa tẽw na-mɩnɛ za.

Sɛb-sõw yielu 136:20

nɩ Basan tẽw nãà Ɔgɩ, a ʋ nɔ̃wfʋ na be kʋralɛ a ƴãw.

Sɛb-sõw yielu 22:12

Ƴɛrɛŋa a yel-faa na pɩɛlɩ, ɛ́ sõwfʋ bɛ ka be a, ta zãá nɩ mɛ̃ ɩ.

Sɛb-sõw yielu 68:15

A Kpɛnʋ-za-sob na tɩ diw a na-mɩnɛ yaarɩ a, sa-pupure tɩ lore nɩ a Salmon tãw zu.»

Sɛb-sõw yielu 68:22

Ɛcɛ Naaŋmɩn na ŋmɛr'ɩ a ʋ dɔ̃ dem zuru, ʋ na ŋmɛr'ɩ a zukɔbr-zãkʋrmɛ dem zuŋmamɛ, bɛl na nɔnɛ a ɩ-faar a.

Ɩzayi 33:9

A tẽw tɛr'ɩ wahala, kpiir. Vĩ nyɔw nɩ a Libã tãw, ʋ kore na. A Saron zi-tɩ̃tal ŋmɛ̃ na taa nɩ wɛja-kpalɛ. A Basan nɩ a Karmɛl tan bɛ cãà tɛr tɩɩr ɛ.

Ezekɩɛl 27:6

Bɛ cɛ n Basan tẽw sɛn tɩɩr kɛ́ bɛ maal'ɩ a fʋ vue. Bɛ maal'ɩ a fʋ gàr nɩ sɛɛdɩr tɩɩr na yi Gɩrɛkɩ mɩnɛ kʋ̃ɔ-kpɛ̃ɛ-sɔgɔ-ten, ɛ́ bɛ ƴãw wɔb nyɩmɛ pɩ̃ɛmɛ a.

Ezekɩɛl 39:18

Nyɩ na 'wɔb'ɩ a soja-gãdaar ƴã-gamɛ ɛ́ nyũ a tẽw ŋa nɩ-bɛrɛ bɛ na lɩɛr'ɩ a Basan tẽw pʋrɩ, péli, bʋrali nɩ nadeli-'wɔɩ maal'ɩ a bàwr a zɩ̃ɩ.

Amɔsɩ 4:1

Nyɩɩm pɔwbɛ na be a Samaari tãw zu ɩ zʋ̃zʋlɛ zʋ̃zʋlɛ mɛ̃ Basan tẽw nĩi a, nyɩ bɛrɛ wone a ƴɛ̀rʋ ŋa: nyɩ nɛbr'ɩ a bãbàalbɛ ɛ́ dɔwrɛ a nɩ-kɔmɛ, ɛ́ yere a nyɩ sɩrbɛ: «Nyɩ de a nyub wa n!»

Sɔr-nɛ́ɛ 32:33

A Moyiir tɩ de nɩ a Amoritɩ mɩnɛ nãà Sihon naalʋ-tẽw, nɩ a Basan nãà Ɔgɩ naalʋ-tẽw, lãwnɩ a tẽ-bɛrɛ nɩ a tẽsɔwr al na pɩɛl'a a, kʋ̀ a Gadɩ nɩ a Urubɛn dɔwlʋ, nɩ Zuzɛb bidɛb Manase dɔwlʋ nɩbɛ ŋmãa.

Wulu-ayi-sob 1:4

A Moyiir tɩ zɛb'a tʋ̃ɔ́ a Amoritɩ mɩnɛ nãà, Sihon, na tɩ kpɩɛr Hɛsɩbon a, ɛ́ mɩ̀ zɛb tʋ̃ɔ́ a Basan tẽw nãà, Ɔgɩ, na tɩ kpɩɛr Asɩtarɔtɩ na be Edɩrɛyɩ a.

Wulu-ayi-sob 2:30

Ɛcɛ a Hɛsɩbon nãà, Sihon, bɛ sàw tɩ tɔl a ʋ zie ɩ. Bʋ̃ʋ n'ʋ vɛ̃, a Sore nyɩ Naaŋmɩn tɩ ɩ na a ʋ tɩɛrʋ nɩ a ʋ socir kpawlɩ mɛ̃ kʋsɩɛr a, k'ʋʋ tʋ̃ɔ́ ƴãw ʋ a nyɩ nuru pʋɔ a ʋlɩ bibir nɛ.

Wulu-ayi-sob 29:7

Tɩ de nɩ a bɛ tẽw, põ kʋ̀ Urubɛn nɩ Gadɩ dɔwlʋ nɩbɛ, lãwnɩ Manase dɔwlʋ nɩbɛ põ-zɛ̃-taa zie.

Wulu-ayi-sob 32:14

A nĩi nɩ a píir tɩ kʋ̀rɛ bɛ nɩ bʋ̀rʋ, a peli, a pʋr-'wɔɛ nɩ a bʋrɩ tɩ kʋ̀rɛ bɛ nɩ nɛn. Ble na ɩ ble a n'a bɛ tɩ dɩrɛ, ɛ́ nyúur a bɛ divɛ̃ tɩɩr divɛ̃.

Wulu-ayi-sob 4:47

de a ʋ tẽw, lãwnɩ Basan nãà Ɔgɩ tẽw. — A Amoritɩ mɩnɛ na-mɩnɛ ayi bɛ ŋa tɩ dɩrɛ nɩ naalʋ a Zurdɛ̃ saa-pɛrɩ́. —

Zozue 12:4

A na-mɩnɛ ayi sob tɩ n'ɩ a Basan tẽw nãà, Ɔgɩ, Erefayitɩ bʋʋrɛ pɛ-baara kãw tɩ n'ʋ. Ʋ tɩ dɩrɛ nɩ naalʋ a Basan, ɛ́ kpɩɛr a Asɩtarɔtɩ bɩɩ a Edɩrɛyɩ.

Zozue 13:12

A Ɔgɩ naalʋ-tẽw, a Basan, mɩ̀ tɩ pʋɔ nɩ a bɛ zie pʋɔ. Erefayitɩ bʋʋrɛ nɩ-pɛ-baara kãw tɩ n'ɩ a Ɔgɩ, ɛ́ Asɩtarɔtɩ nɩ Edɩrɛyɩ n'a ʋ tɩ dɩrɛ a naalʋ. A Moyiir tɩ zɛb'a tʋ̃ɔ́ a voru á ŋá nɩbɛ, ɛ́ de a bɛ ten.

Zozue 13:30

A bɛ zie tʋr-bɔw a saa-pɛrɩ́-dʋrʋ-lowr tɩ n'ɩ a Mahanayim, ɛ́ a bɛ tẽw tɩ n'ɩ a Basan za, a Basan tẽw nãà Ɔgɩ naalʋ-tẽw za, nɩ a Yayiir tẽli lɩz'a ata na be a vuo ʋl pʋɔ a.

Zozue 9:10

nɩ a lɛ za ʋ na ɩ a Amoritɩ mɩnɛ na-mɩnɛ ayi na kpɩɛr a Zurdɛ̃ gãwn ŋa a: a Hɛsɩbon tẽw nãà Sihon, nɩ a Basan tẽw nãà Ɔgɩ, na kpɩɛr a Asɩtarɔtɩ a.