Sɔr-nɛ́ɛ 20:14 - A SƐB-SÕW

¹⁴ Kadɛsɩ n'a bɛ tɩ be, ɛ́ a Moyiir tõ nɩbɛ a Edɔm nãà zie, kɛ́ bɛ tɩ yel ʋ à ŋá: «Bɛr wõ a fʋ yɛbr Ɩsɩrayɛl nɩbɛ ƴɛ̀rʋ: Fʋ bãw nɩ a kpɩɛrʋ al za tɩ na nyɛ̃ a.

Sɔr-nɛ́ɛ 20:14 ပူးပေါင်းရင်းမြစ်များ

Yele-za-pɛr-tib 25:23

A Sore yel ʋ: «Ten ayi n'a be a fʋ púorí, nɩ-bʋʋrɛ ayi nɛbɛ fʋ na dɔw. A kãw na tɛr'ɩ fãw zuo a kãw, ɛ́ a kpɛ̃ɛ na ɩ n a bile tõ-tõ-bie.»

Yele-za-pɛr-tib 25:25

A dãw-niwn sob na yi a tɩ ɩ n zɩɛ. Ʋ tɩ ɩ n kɔblʋ tɛwr, mɛ̃ kɔblʋ kparʋ n'ʋ ʋ su a, ɛ́ bɛ tɩ por ʋ Ezawu.

Yele-za-pɛr-tib 25:26

A ʋ yɛb tɩ yi na tu, a ʋ nũu fɩɩrɩ a Ezawu gbɛnacʋ̃ʋn tɛr, bɛ por ʋ Zakɔb. A Ɩzaakɩ tɩ tɛr'ɩ yome lɩz'a ata a bɛ dɔwfʋ daar.

Yele-za-pɛr-tib 32:29

A sob nɛ lɛb yel: «Bɛ kʋ̃ cãà bʋɔlɛ fʋ Zakɔb ɛ, bɛ na bʋɔlɛ fʋ nɩ Ɩsɩrayɛl, bʋ̃ʋ n'ʋ vɛ̃, fʋ mɔ̃ nɩ nɩ a Naaŋmɩn nɩ a nɩsaalbɛ, ɛ́ tʋ̃ɔ́.»

Eziptɩ tẽw yib 18:8

Ʋ tɩ manɩ na kʋ̀ a ʋ dɩɛm-sãà a lɛ za a Sore na ɩ a Faarawɔ̃ nɩ a Eziptɩ tẽw nɩbɛ, ɛ́ a ɩ a Ɩsɩrayɛl nɩbɛ ƴãw n'a a, nɩ a kpɩɛrʋ al za bɛ na nyɛ̃ a sɔ́r zu, ɛ́ a Sore faa bɛ a.

Amɔsɩ 1:11

À ŋá n'a a Sore yere: «A Edɔm tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na vʋ̃ɔ zɛbr-sɔ-kpɛ̃ɛ diwr'ɩ a Ɩsɩrayɛl nɩbɛ na ɩ a bɛ yɛbr, ɛ́ bɛ sàw nɩbaalʋ kãw kpɛ bɛ a bɛ ƴãw a. A bɛ suur nɩ a bɛ pʋ-bier na bɛ tɛr baarʋ daar a zũú,

Malasɩ 1:2

A Sore yere nɩ a ʋ nɩbɛ zie: «Ɩ̃ nɔnɛ nyɩ na, ɛ́ nyɩɩm sowre mɛ̃: “Nyɩn lowr'a fʋ nɔnɛ tɩ?”» Ɩ̃ sɔwr nyɩ na: «A Zakɔb yɛb bɛ tɩ n'ɩ a Ezawu ɛ? Ɛcɛ ɩ̃ nɔ̃w nɩ a Zakɔb

Sɔr-nɛ́ɛ 13:26

Bɛ tɩ lɛb'a wa páw a Moyiir, a Aarɔ̃ nɩ a Ɩsɩrayɛl nɩbɛ lãw za a Paran wɛja-kpalɛ pʋɔ, a Kadɛsɩ. Bɛ tɩ yel'ɩ a alɩ bome nɛ bɛ na nyɛ̃ a kʋ̀ bɛ za, ɛ́ wul bɛ a tẽw tɩ-wɔmɛ.

Sɔr-nɛ́ɛ 20:15

Koro koro za n'a a tɩ sãàkʋm-kore cen a Eziptɩ, ɛ́ a tɩ nɩbɛ kpɛ n a be cɛlɩ. A Eziptɩ tẽw nɩbɛ dɔwrɩ tɩ na, a tɩ sãàkʋm-kore nɩ a tɩɩm.

Sɔr-nɛ́ɛ 20:22

A Ɩsɩrayɛl nɩbɛ lãw za tɩ yi n a Kadɛsɩ ɛ́ cen Hoor tãgɛ̃́

Wulu-ayi-sob 23:7

Lɛn daar za nyɩ na na cãà vʋʋrɛ a, nyɩ taa bɔbr a nɩ-bʋʋrɛ bɛ ŋa ayi tɛra nɩ a bɛ vla towtow ɛ.

Zozue 2:10

Bʋ̃ʋ n'ʋ vɛ̃, tɩ wõ na k'aa Sore tɩ ɩ na a Bàa-kɛkɛɛ kʋ̃ɔ-kpɛ̃ɛ ʋ ko a nyɩ Eziptɩ tẽw yib daar. Tɩ mɩ̀ wõ n a lɛ nyɩ na ɩ a Amoritɩ mɩnɛ na-mɩnɛ ayi a, a Sihon nɩ a Ɔgɩ a Zurdɛ̃ saa-pɛrɩ́ a: nyɩ kʋ bɛ na, ɛ́ sãw a bɛ bome za bɛr.

Zozue 2:9

tɩ yel bɛ: «Ɩ̃ bãwnɩ a na a Sore na kʋ̀ nyɩ a tẽw ŋa a. Nyɩ ƴãwnɛ tɩ nɩ dɛ̃bɩ̃ɛ bɛ dɩ vuo ɩ, ɛ́ a tẽw nɩbɛ za màwr a nyɩ niŋé.

Zozue 9:10

nɩ a lɛ za ʋ na ɩ a Amoritɩ mɩnɛ na-mɩnɛ ayi na kpɩɛr a Zurdɛ̃ gãwn ŋa a: a Hɛsɩbon tẽw nãà Sihon, nɩ a Basan tẽw nãà Ɔgɩ, na kpɩɛr a Asɩtarɔtɩ a.

Zozue 9:9

Bɛ sɔw: «Tẽ-zãána zãána n'a a fʋ tõ-tõ-biir yi waar a Sore fʋ Naaŋmɩn zũú, bʋ̃ʋ n'ʋ vɛ̃, tɩ wõ n a ʋ yúor na yi a, nɩ a lɛ za ʋ na ɩ a Eziptɩ tẽw a,