Sɔr-nɛ́ɛ 18:30 - A SƐB-SÕW

³⁰ Nyɩmɛ wa ír ʋ baar'a, nyɩ mɩ́ na tɛr'ɩ a al na cɛ a, mɛ̃ a lɛ a Ɩsɩrayɛl nɩbɛ na mɩ́ tɛr a bɛ ble, a bɛ divɛ̃ nɩ a bɛ kãá a.

Sɔr-nɛ́ɛ 18:30 ပူးပေါင်းရင်းမြစ်များ

Yele-za-pɛr-tib 43:11

A Zakɔb tɩ yel bɛ na: «A na faa ɩ fɛrʋ a, nyɩ nyɛ̃ a lɛ nyɩ na na ɩ a: nyɩ de a tɩ tẽw bʋ̃-vɩɛlɩ vɩɛlɩ ƴãw a nyɩ tuor pʋɔ tɩ kʋ̀ a Eziptɩ tẽw nɩr ŋa. Nyɩ tɛr tɩ-suur-zɔ̃-na-nyùur-vla-vla-a blã, sɩwr blã de nɩ gɔm, ladanum, pɩsɩtasɩ nɩ amãdɩ.

Yele-za-pɛr-tib 50:10

Bɛ tɩ ta n a Gʋ̀ɔ́ Gbãgbalá, a Zurdɛ̃ gãwn. Bɛ tɩ maal'ɩ ko-kpɛ̃ɛ, ko-tɩbrʋ a be. A Zuzɛb tɩ kõ n a ʋ sãà bibie ayopõi.

Eziptɩ tẽw yib 29:27

Fʋ na yel'a k'aa pʋ́ra ŋa nyãa nɩ a dʋrʋ pɛrɩ́ gbɛ́r bɛ na ír, ɛ́ tu a bom tɩrʋ tub tɩr a, ɩ n nɛn-son.

Malasɩ 1:8

A dʋ̃-zɔ̃w nyɩ na mɩ́ nyɔw maal'ɩ a bàwr kʋ̀ m a, a vɩɛl'a a? Nyɩ na mɩ́ wa wa n a kãw ʋ cɛwrɛ bɩɩ ɩ bàal a, a mɩ́ vɩɛl'a a? Nyɩ cen nɩ a dʋ̃w ŋa tɔ tɩ kʋ̀ a nyɩ na-kpɛ̃ɛ-lɩɛrɛ kɛ́ nyɛ̃! Nʋ̃ɔ̀ na kpɩɛr ʋ na a? Ʋ na jɩ́r nyɩ na kaa a? Mãa n'ʋ sowre nyɩ, mãa, a Sore Kpɛnʋ-za-sob.

Sɔr-nɛ́ɛ 18:29

A bome za bɛ na na mɩ́ kʋ̀ nyɩ a pʋɔ a, nyɩ na mɩ́ ír'ɩ a vla zie a za pʋɔ ʋ ɩ de-kʋ̀b bʋ̃-sõw.

Sɔr-nɛ́ɛ 18:31

Nyɩ na tʋ̃ɔ́ na mɩ́ dɩ a bome á ŋá zie za, nyɩmɛ nɩ a nyɩ yie dem za. Bʋ̃ʋ n'ʋ vɛ̃, a tome nyɩ na tone a tuor-taa pɛn-sɛw pʋɔ a sã-ya n'a.

Matie 6:33

Nyɩ mɩ́ de niwn bɔbr a Naaŋmɩn Naalʋ nɩ a ʋ nyɔ-vʋʋr-vla, ʋʋ na kʋ̀ nyɩ nɩ a al za na báa cɛ a dɔwlɩ.

Wulu-ayi-sob 6:5

Fʋ na nɔnɛ nɩ a Sore fʋ Naaŋmɩn nɩ a fʋ pʋɔ za, nɩ a fʋ sɩ́ɛ za, nɩ a fʋ fãw za.