Sɔr-nɛ́ɛ 18:24 - A SƐB-SÕW

²⁴ ɛcɛ a tɛra ziir piir al a na fɛr k'aa Ɩsɩrayɛl nɩbɛ mɩ́ de kʋ̀ m a, ɩ̃ kʋ̀rɛ bɛ nɩ a al k'aa ɩ a bɛ dem. Alɛ so ɩ̃ na tʋ̃ɔ́ yel kʋ̀ bɛ kɛ́ bɛ kʋ̃ tɛr tẽsɔwr mɛ̃ a dɔwlʋ al na cɛ a ɩ.»

Sɔr-nɛ́ɛ 18:24 ပူးပေါင်းရင်းမြစ်များ

Neemi 10:38

Tɩ mɩ̀ na mɩ́ wa n nɩ a tɩ zɔ̃-vla zie a mɩnɛ, a tɩ tɩ-wɔmɛ, a divɛ̃-paala nɩ a kãá de-kʋ̀b wa kʋ̀ bɛ, ɛ́ tɩ na mɩ́ bin a nɩ a Ŋmɩn-yir-kpɛ̃ɛ diru pʋɔ. Tɩ na mɩ́ kʋ̀ n a levitɩ mɩnɛ a tɩ bʋ̃-kʋ́ɔrɩ ziir pie sob. Bɛl mɩŋa na mɩ́ cen nɩ a ziir al tɩ na tone a tɩ de a bome á ŋá ziir piir sob.

Neemi 13:12

Lɛ n'a a Zifʋ mɩnɛ tɩ lɛb waar'ɩ a ble, a divɛ̃-paala nɩ a kãá ziir pie sob a diru al na tɩ be be a bome á ŋá binu ƴãw a pʋɔ.

Levitɩ mɩnɛ 27:30

Bɛ na mɩ́ de nɩ a tẽsɔw bʋ̃-kʋ́ɔrɩ nɩ a tɩ-wɔmɛ ziir pie sob kʋ̀ a Sore. A al ʋ na so a n'a.

Sɔr-nɛ́ɛ 18:25

A Sore tɩ yel'ɩ a Moyiir à ŋá:

Sɔr-nɛ́ɛ 18:26

«Tɩ ƴɛ̀r a levitɩ mɩnɛ zie yel bɛ à ŋá: A Ɩsɩrayɛl nɩbɛ mɩ́ wa wa n a tɛra ziir pie sob, ɩ̃ na kʋ̀rɛ nyɩ kɛ́ nyɩ so a wa kʋ̀ nyɩ a, a nyɩɩm tɛɛ za na mɩ́ ír'ɩ a tɛra ziir pie sob ŋa ziir pie sob kʋ̀ m.

Sɔr-nɛ́ɛ 26:62

A dɛbr za nɩ a dɛbli bɛl za na tɛr cuw-been nɩ dɔwlɛ ɛ́ ɩ levitɩ mɩnɛ a nʋɔr tɩ ɩ n tùr-lɩzɛr'ɩ ata (23 000). Bɛ bɛ tɩ sɔ́r bɛ lãwnɩ a Ɩsɩrayɛl nɩbɛ ŋmãa ɩ. Bʋ̃ʋ n'ʋ vɛ̃, a levitɩ mɩnɛ bɛ tɩ tɛr sɔ́r na tɛr tẽsɔw a Ɩsɩrayɛl nɩbɛ sɔgɔ ɩ.

Wulu-ayi-sob 10:9

Alɛ n'a so a Levi dɔwlʋ bɛ tɛr tẽsɔwr ʋ na so a, mɛ̃ a ʋ yɛbr a ɩ. A Sore n'ɩ a ʋ bom, mɛ̃ a lɛ a Sore nyɩ Naaŋmɩn na yel kʋ̀ ʋ a. —

Wulu-ayi-sob 26:12

A yome atarɩ za na mɩ́ ɩ n a “tɛra ziir pie sob yũon”. Nyɩmɛ wa ír a nyɩ bʋ̃-dieri tɛra ziir pie sob za baarɩ a, nyɩ na kʋ̀ a nɩ a levitɩ mɩnɛ, a nʋʋrɩ, a bi-kpebe nɩ a pɔw-kɔbɛ. À ŋá n'a bɛ na mɩ́ dɩ lɛ za bɛ na bɔbr a, a nyɩ tẽ-bɛrɛ pʋɔ.

Zozue 13:14

Ɛcɛ a Moyiir bɛ tɩ kʋ̀ zie a Levi dɔwlʋ nɩbɛ, ʋ ɩ a bɛ sób ɛ: a de-kʋ̀b bome bɛ na mɩ́ kʋ̀ a Sore, a Ɩsɩrayɛl Naaŋmɩn a, alɛ tɩ n'ɩ a bom bɛ na so a, mɛ̃ a lɛ a Sore tɔr za na tɩ yel a.