Sɔr-nɛ́ɛ 18:19 - A SƐB-SÕW

¹⁹ A na ɩ à ŋá a, ɩ̃ kʋ̀rɛ nyɩ nɩ a bome al za a Ɩsɩrayɛl nɩbɛ na mɩ́ de kʋ̀ m a ɩ de-kʋ̀b bʋ̃-son a. A na ɩ n a nyɩ dem kʋralɛ, a fʋ̃ʋ Aarɔ̃ nɩ a fʋ bidɛbr nɩ a fʋ pɔwyaar, wõ-taa na bɛ tɛr lɩɛbʋ a zũú, wõ-taa ɩ̃ na maal'ɩ fʋ̃ʋ nɩ a fʋ bʋʋrɛ a.»

Sɔr-nɛ́ɛ 18:19 ပူးပေါင်းရင်းမြစ်များ

2 Na-mɩnɛ 12:16

A nɩbɛ bɛl bɛ na mɩ́ tɩ kʋ̀ a libie á ŋá, kɛ́ bɛ ya a tõ-tõ-biir a, bɛ bɛ sowre bɛ bom ɛ, bʋ̃ʋ n'ʋ vɛ̃, bɛ mɩ́ tɩ ɩ n a ɩb a tori.

2 Bibie za yel-manɩ 13:5

Nyɩ bɛ bãwnɩ a k'aa Sore, a Ɩsɩrayɛl Naaŋmɩn, kʋ̀ n a Daviir nɩ a ʋ bidɛbr a naalʋ-dɩb a Ɩsɩrayɛl zu kʋralɛ ɩ? Nʋɔr na bɛ tɛr lɩɛbʋ a n'ʋ.

2 Bibie za yel-manɩ 31:4

Al pùorí, ʋ tɩ yel'ɩ a Zerizalɛm nɩbɛ kɛ́ bɛ kʋ̀ a bàwr-maalbɛ nɩ a levitɩ mɩnɛ bom nɛ za a na fɛr kɛ́ bɛ kʋ̀ bɛ a, lɛ n'a bɛ na tuur a Sore Wulu.

Eziptɩ tẽw yib 29:27

Fʋ na yel'a k'aa pʋ́ra ŋa nyãa nɩ a dʋrʋ pɛrɩ́ gbɛ́r bɛ na ír, ɛ́ tu a bom tɩrʋ tub tɩr a, ɩ n nɛn-son.

Ezekɩɛl 43:24

Fʋ na de a na wul a mãa Sore. A bàwr-maalbɛ na cir'ɩ nyaarʋ ƴãw a zu, ɛ́ de a maal'ɩ nyɩw-a-za-bàwr kʋ̀ m.

Levitɩ mɩnɛ 2:13

Nyɩ na mɩ́ dɔwlɩ nyaarʋ de-kʋ̀b bom za zu. Nyɩ kʋ̃ yiiri a nyaarʋ dɔwlʋ a nyɩ de-kʋ̀b bom zu towtow ɛ, bʋ̃ʋ n'ʋ vɛ̃, a nyaarʋ ɩ n a wõ-taa a Naaŋmɩn na maal'ɩ nyɩ a bãwfʋ. Alɛ n'a so nyɩ na mɩ́ tɩr a nyɩ de-kʋ̀b bom za lãwnɩ a nyaarʋ.

Levitɩ mɩnɛ 21:22

Ʋ na tʋ̃ɔ́ na mɩ́ dɩ a bàwr bɛ na maalɩ kʋ̀ m a bome, a bʋ̃-dɩrɩ al a mãa yõ na so a, nɩ a bʋ̃-dɩrɩ al na cɛ a.

Levitɩ mɩnɛ 7:14

Ʋ na ír'ɩ bʋ̃-beƴeni a de-kʋ̀b bome á ŋá pʋɔ a Sore ƴãw. A bàwr-maalɛ na mɩr a bàwr-maal-kuur kõkowe nɩ a zɩ̃ɩ a, ʋlɛ so a bome á ŋá.

Sɔr-nɛ́ɛ 18:11

A bome a Ɩsɩrayɛl nɩbɛ na mɩ́ de kʋ̀ m a, nyɩ mɩ̀ na tʋ̃ɔ́ na mɩ́ de a ŋmãa. A nyɩ dem ɩ̃ na kʋ̀rɛ nyɩ kʋralɛ ƴãw a n'a, fʋ̃ʋ nɩ a fʋ bidɛbr nɩ a fʋ pɔwyaar. Bɛlɩ dem za na bɛ tɛr dɛwr a fʋ yir pʋɔ a na tʋ̃ɔ́ na mɩ́ dɩ a.

Sɔr-nɛ́ɛ 18:8

A Sore tɩ yel'ɩ a Aarɔ̃ à ŋá: «Nyɛ̃, a de-kʋ̀b bome al za a Ɩsɩrayɛl nɩbɛ na kʋ̀rɛ mɛ̃ a, fʋ̃ʋ n'ʋ ɩ̃ dier a kʋ̀rɛ kɛ́ fʋ kaarɛ. Ɩ̃ dier a na kʋ̀rɛ fʋ, a fʋ dem'a, nɩ a fʋ bidɛbr dem kʋralɛ.

Sɔr-nɛ́ɛ 31:29

A ɩ̃ dem fʋ na na ír à à ŋá a, fʋ na de a na kʋ̀ a bàwr-maalɛ Eleazaar.

Sɔr-nɛ́ɛ 31:41

A Moyiir tɩ de nɩ a Sore bome á ŋá ʋ na ír a kʋ̀ a bàwr-maalɛ Eleazaar, mɛ̃ a lɛ a Sore na tɩ ƴãw a nʋɔr a.

Wulu-ayi-sob 12:26

Ɛcɛ a dʋn al a Sore na so a, nɩ a nʋɔr íru dʋn, al tɛwr'a nyɩ na mɩ́ wa n a zie ʋl a Sore na kaa ír a.

Wulu-ayi-sob 12:6

Be n'a nyɩ na mɩ́ wa n a nyɩ nyɩw-a-za-bagɛ nɩ a nyɩ lãw-taa bagɛ, a nyɩ tɛra ziir pie sob, a nyɩ nuru bome, a de-kʋ̀b bome nyɩ na nɔnɛ wa n a, bɩɩ nyɩ na wa n nʋɔr nyɩ na kõ a íru ƴãw a, de nɩ a nyɩ nĩi, a nyɩ píir nɩ a nyɩ bʋʋr bil-dãw-dɔwrɩ.