Sɔr-nɛ́ɛ 16:26 - A SƐB-SÕW

²⁶ A Moyiir tɩ yel'ɩ a lãw nɩbɛ za à ŋá: «Nyɩ taw zãá nɩ a nɩ-faar bɛ ŋa pɛnɛ-sɛwr. Nyɩ taa tʋɔr a bɛ bom kãw za ɩ, alɛ bɛ ɩ lɛ, nyɩ mɩ̀ na kpi n a bɛ yel-bebe za zũú.»

Sɔr-nɛ́ɛ 16:26 ပူးပေါင်းရင်းမြစ်များ

Yele-za-pɛr-tib 19:17

Bɛ na wa tɛr bɛ yi n a tẽw pʋɔ baar'a, a malkɩ kãw yel'ɩ a Lɔtɩ: «Zɔ faa a fʋ nyɔ-vʋʋrʋ. Taa ŋmɛlɛ kaar pùor ɛ, taa nɩɩnɛ a vuo ŋa pʋɔ zie kãw ɛ. Zɔ kpɛ a tan pʋɔ, fʋ̃ʋ wa bɔbr kɛ́ fʋ cãà vʋʋrɛ a.»

Ɩzayi 52:11

Nyɩ cere, nyɩ cere, nyɩɩm na tuo a Sore puoru bome lɛb waar'ɩ a! Nyɩ yi zaa a Babɩlɔn tẽw pʋɔ! Nyɩ taa tʋɔr bʋ̃-dɛwr kãw za ɩ, nyɩ vɩɛl yi n a tẽw ŋa pʋɔ.

Zeremi 51:6

Nyɩ yi záa a Babɩlɔn tẽw pʋɔ, ŋa mɩ́ zɔ faa ʋ tʋɔra! Alɛ bɛ ɩ lɛ, nyɩ na kpi n a lɛn daar ʋlɛ wa yarɛ a ʋ ɩ-faar san a. Bʋ̃ʋ n'ʋ vɛ̃, a Sore san-yaafʋ daar'ʋ ta. Ʋ na ya ʋ na mɛ̃ a lɛ a na sɛw taa nɩ ʋ a.

Sɔr-nɛ́ɛ 16:25

A Moyiir tɩ lɛb'a ìr cen a Datan nɩ a Abiram zie. A Ɩsɩrayɛl nɩbɛ nɩ-kore tɩ tu ʋ na cen.

Matie 10:14

Nɩr bɛ wa sàw de nyɩ a sãanʋ a, bɩɩ bɛ wa bɛrɛ wone a nyɩ ƴɛ̀rʋ a, nyɩ yi zaa a yir nɛ pʋɔ bɩɩ a tẽw nɛ pʋɔ, ɛ́ tɛb tɛb a nyɩ gbɛ́ɛ uuru bɛr.

Nɩ-toni 13:51

A Pol nɩ a Banabasɩ tɩ tɛb'ɩ a bɛ gbɛ́ɛ uuru ƴãw bɛ ɛ́ cen Ɩkonɩɔm.

Nɩ-toni 8:20

Ɛcɛ a Pɩɛr tɩ yel ʋ na: «Fʋ̃ʋ nɩ a fʋ libie za a, nyɩ wɛ! Fʋ na tɩɛrɛ kɛ́ fʋ na tʋ̃ɔ́ na dà n libie a Naaŋmɩn maalʋ ʋ na tɩrɛ zawlalɛ a!

2 Korɛ̃tɩ 6:17

Alɛ so a Sore yere: «Nyɩ yi zaa a nɩbɛ bɛ ŋa pʋɔ, nyɩ taw zãá nɩ bɛ. Nyɩ taa tʋɔr bom za na tɛr dɛwr a ɩ, ɩ̃ɩ na de nyɩ na.

Wulu-ayi-sob 13:17

Nyɩ na wob'ɩ a ʋ na-bome za ɓã taa a nɩ-yaga tuor-taa zie nyɩw a bɛr, ɛ́ nyɩw a tẽw bɛr. A na ɩ na mɛ̃ nyɩw-a-za-bàwr'ʋ a Sore nyɩ Naaŋmɩn ƴãw a. A tẽ-kpɛ̃ɛ ŋa na ɩ n debuo gã kʋralɛ. Bɛ bɛ be za na lɛb mɛ ʋ ɛ.

1 Timote 5:22

Ta zɛ̃zɛ̃ ír nuru dɔwlɩ nɩr kãw za zu kʋ̀ ʋ tõ-nʋɔr kãw a Lãw-yir pʋɔ ɩ, ta pʋɔ fʋ tɔ yel-bebe pʋɔ ɩ. Ɛ́ a fʋ̃ʋ mɩŋa a, ƴãw fãw tɛr a fʋ vɩɛlʋ.

Yel-wula 18:4

Ɩ̃ lɛb tɩ wõ n kɔkɔ-yũo ʋ yire a salom zu yere: «Ɩ̃ nɩbɛ ɛ, nyɩ yi zaa a ʋ pʋɔ, taa pʋɔrɛ a ʋ yel-bebe pʋɔ ɩ, ɛ́ mɩ̀ taa pʋɔrɛ a ʋ dɔwrʋ na waar a pʋɔ ɩ.