Sɔr-nɛ́ɛ 15:39 - A SƐB-SÕW

³⁹ A na ɩ lɛ a, nyɩ na suur'ɩ kparɩ na tɛr zʋɔrɛ a, ɛ́ nyɩmɛ mɩ́ wa nyɛ̃ a a, nyɩ na mɩ́ lɛb'a bãwnɩ a ɩ̃ nɛ-ƴãwnɩ ɛ́ tuur a. Lɛ n'a nyɩ kʋ̃ mɩ́ bɛr a nyɩ mimie nɩ a nyɩ socie tɛr nyɩ tu n a tɩbɛ pùor ɛ.

Sɔr-nɛ́ɛ 15:39 ပူးပေါင်းရင်းမြစ်များ

1 Na-mɩnɛ 12:33

A cuwr ani sob bibie pie nɩ anũu daar, a Zerobowam tɩ maal'ɩ cuw a Betɛl, a Ɩsɩrayɛl nɩbɛ ƴãw. Ʋl mɩŋa n'ʋ tɩ kaa ír a bibir ŋa. A cuw maalʋ daar a, ʋl mɩŋa tɩ maal'ɩ bagɛ a bàwr-maal-kuur ʋ na ƴãw bɛ mɛ a zu.

A Zɔb sɛbɛ 31:7

Mãa wa cen tuli a, a ɩ̃ pʋɔ wa bɔbr a ʋlɩ bom nɛ a ɩ̃ mimir na nyɛ̃ a, ɩ-faa wa mar a ɩ̃ nuru a,

Sɛb-sõw yielu 106:39

A bɛ ɩ-ɩrɩ tɩ ɩ na bɛ ɩ dɛwr dem, a bɛ tome tɩ ɩ n pɔw-yɛm tome.

Sɛb-sõw yielu 73:27

Bɛlɩ dem na zãá nɩ fʋ a, bɛ na kpi na, bɛlɩ dem na mɩ́ zawrɩ fʋ bɛr a, a bɛ yele mɩ́ baar'a.

Eziptɩ tẽw yib 13:9

A Sore kpãkpãw-kpɛ̃w n'ʋ ʋ ír'ɩ nyɩ yi n a Eziptɩ tẽw. A cuw ŋa na ɩ n cãà-bãwnɩ cuw a nyɩ zie, nɩ bãwfʋ a nyɩ kpãkpãw ƴãw nɩ a nyɩ gbẽé. Ʋ na ɩ na nyɩ bãwnɩ a, a na fɛrɛ nyɩ kɛ́ nyɩ hiere a Sore wulu a.

Zʋkpaɩ 28:26

Dãbol'ɩ a sob nɛ na mɩ́ ƴãw a tɩ́ɛrʋ a ʋl mɩŋa ƴãw a, ɛcɛ sob nɛ na ɩrɛ a ʋ ɩb nɩ yã-bãwfʋ a na nyɛ̃ nɩ faafʋ.

Zʋkpaɩ 3:1

Ɩ̃ bie e, taa wa yiire a ɩ̃ wulu bɛrɛ ɩ, tɛr a ɩ̃ nɛ-ƴãwnɩ a fʋ socir pʋɔ.

Ekilezɩasɩ 11:9

Pɔlbile e, wone a nʋ̃ɔ̀ a lɛn daar fʋ na cãà ɩ pɔlbile a, cɩlɛ a ʋlɩ daar nɛ. Ɩrɛ lɛ za fʋ na bɔbr nɩ lɛ za na pɛlɩ a fʋ pʋɔ a. Ɛcɛ bãwnɩ a a Naaŋmɩn na na dɩ n fʋ ƴɛ̀rʋ a fʋ ɩ-ɩrɩ za ƴãw a.

Zeremi 9:14

A na ɩ à ŋá a, à ŋá n'a a mãa, a Sore, a kpɛnʋ-za-sob, a Ɩsɩrayɛl Naaŋmɩn, yere: Ɩ̃ na ɩ na a nɩbɛ bɛ ŋa 'wɔb tɩ-va-tuo, ɛ́ nyũ kʋ̃ɔ na tɛr lɔw a.

Ezekɩɛl 6:9

Bɛ na tɛr'ɩ a ɩ̃ tɩɛrʋ a nɩ-bʋʋrɛ bɛl sɔgɔ bɛ na na diw bɛ cen nɩ a. Bɛ na lɛb'a tɩɛrɩ a lɛ ɩ̃ na tɩ sãw a bɛ soci-faar na bɛ tu m'a bɛr, ɛ́ kpol a bɛ mimie na jɩ́rɛ a ŋmɩmɛ a bɛr a. Lɛ n'a a bɛl mɩŋa vʋla kʋ̃ ɩrɛ bɛ ɩ, a ɩb na bɛ maal'ɩ wob bɛ na ɩ a ƴãw.

A naaŋmɩn-ƴèr-manɛ Oze sɛbɛ 2:2

A Zuda bibiir nɩ a Ɩsɩrayɛl bibiir na lɛb'a ɓã taa ɩ been, bɛ na kaa na ír nɩ-kpɛ̃ɛ been, ɛ́ bɛ na so nɩ a tẽw. Bʋ̃ʋ n'ʋ vɛ̃, a Izireyɛl bibir na ɩ n bibi-kpɛ̃ɛ.

Wulu-ayi-sob 29:19

a Sore kʋ̃ sàw dɩ suur kʋ̀ ʋ ɛ. A ʋ suur nɩ a ʋ nyuur na ír'ɩ a nɩr ŋa ƴãw. Ʋ na ɩ na a ŋmɛ-ƴãw na be a sɛbɛ ŋa pʋɔ a páw ʋ. Ʋ na ɩ na a ʋ yúor bɛ cãà pore a tẽw zu ɛ.

Wulu-ayi-sob 4:23

A na ɩ à ŋá a, nyɩ gù vla taa yiire a wõ-taa a Sore nyɩ Naaŋmɩn na maal'ɩ nyɩ a bɛrɛ ɩ. Nyɩ taa maalɛ tɩbɛ tɛrɛ ɩ. A bome al ʋ na yel kɛ́ nyɩ taa maalɛ a dasuli a, nyɩ taa maalɛ ɩ.

Wulu-ayi-sob 6:12

nyɩɩm gù vla a lɛn daar taa yiire a Sore bɛrɛ ɩ, ʋl na ɩ nyɩ yi a Eziptɩ tẽw, a be nyɩ na tɩ ɩ gbãgbaar a.

Wulu-ayi-sob 8:11

Ɛcɛ nyɩ gùre nyɩ tʋɔra vla taa yiire a Sore nyɩ Naaŋmɩn bɛrɛ, bɛ wa tuur a ʋ nɛ-ƴãwnɩ, a ʋ tub nɩ a ʋ wulu ɩ̃ na kʋ̀rɛ nyɩ a dɩ̃a a ɩ.

Wulu-ayi-sob 8:14

A lɛn daar a, nyɩ gù vla taa ɩrɛ pɔ̀lʋ tɩ yiir'ɩ a Sore nyɩ Naaŋmɩn na n'ʋ ɩ nyɩ yi a Eziptɩ a ɩ, a be nyɩ na tɩ ɩ gbãgbaar a.

Zakɩ 4:4

Naaŋmɩn bɛlbɛlbɛ bɛ ŋa! Nyɩ bɛ bãw kɛ́ nɩr wa ɩ a tẽ-daa bá a, ʋ mɩ́ lɩɛb'ɩ a Naaŋmɩn dɔ̃ sob ɛ? Lɛ so, ʋlɩ sob wa bɔbr k'ʋʋ ɩ a tẽ-daa bá a, ʋ mɩ́ lɩɛb'ɩ Naaŋmɩn dɔ̃ sob.