37 A Sore tɩ yel'ɩ a Moyiir à ŋá:
A lãw nɩbɛ za tɩ tɛr ʋ na yi zaa nɩ a laɩ pʋɔ tɩ lɔb'ɩ ʋ kʋsɛbɛ, ʋ kpi, mɛ̃ a lɛ a Sore na tɩ ƴãw a nʋɔr kʋ̀ a Moyiir a.
«Ƴɛ̀r a Ɩsɩrayɛl nɩbɛ zie yel à ŋá kʋ̀ bɛ: Nyɩɩm nɩ a nyɩ bʋʋrɛ a, nyɩ na ƴãw nɩ zʋɔrɛ a nyɩ kparɩ nɛ́ɛ ƴãw, ɛ́ ƴãw fomi-zɩɛ-mʋɔlɛ a zʋɔrɛ pʋɔ.
A ziir za ʋ na mɩ́ tɩ ta a, a tẽli, a tẽ-bɛrɛ bɩɩ a gue pʋɔ a, bɛ mɩ́ tɩ waar'ɩ nɩ a bàalbɛ wa gaalɛ a nɩ-yaga tuor-taa ziir ɛ́ zɛlɛ yãayãa, ʋʋ nɩ̃ɛ bɛr bɛ tɔ a ʋ kparʋ zʋɔrɛ. A bɛlɩ dem za na mɩ́ tɩ tɔ ʋ a, mɩ́ tɩ lɛb'a kpɛ̃w.
Nyɩ na mɩ́ ƴãw nɩ zʋɔrɛ a pɛn nyɩ na pili nɩ nyɩ tʋɔra a nɛ́ɛ anaar ƴãw.
