Sɔr-nɛ́ɛ 15:30 - A SƐB-SÕW

³⁰ «Ɛcɛ Ɩsɩrayɛl nɩr bɩɩ nʋʋra wa bãw kɛ́ sãw a, ʋ sãw mɛ̃ na, bɛ na ír ʋ na bɛr a ʋ bʋʋrɛ pʋɔ.

Sɔr-nɛ́ɛ 15:30 ပူးပေါင်းရင်းမြစ်များ

Yele-za-pɛr-tib 17:14

A dɛb ʋl yʋ̀ɔr nãà bɛ wa ŋmãa a, bɛ na ír ʋ na bɛr a ʋ bʋʋrɛ pʋɔ, ʋ na sãw a ɩ̃ wõ-taa bɛr a ƴãw.»

A Zɔb sɛbɛ 38:15

Ɛcɛ a nɩ-faar bɛ cãà be a lige pʋɔ ɩ, ɛ́ a nũu na tɩ zɛw a ŋmɛb ƴãw a ka.

Sɛb-sõw yielu 19:13

Ãa n'ʋ bɛ tule? Dɩ a ɩ̃ sãwna na sɔwlɩ a suur kʋ̀ m!

Sɛb-sõw yielu 69:9

Ɩ̃ lɩɛb'ɩ zawlɛ a ɩ̃ yɛbr zie, nɩr a ɩ̃ yɛbr tɩ na lãw sãà nɩ mã a na bɛ bãw a.

Sɛb-sõw yielu 74:18

Sore e, cãà bãwnɩ a yel ŋa: a fʋ dɔ̃ dem tʋʋr fʋ na, ɛ́ nɩ-bʋʋrɛ na gem a ɩrɛ fʋ laar.

Sɛb-sõw yielu 74:22

Naaŋmɩn i, ìr, kaa a fʋ yele zie. Bãwnɩ a zʋmɛ a dãbole bɛ ŋa na mɩ́ tʋʋr fʋ a bibie za a.

Sɛb-sõw yielu 79:12

Sore e, a nɩ-bʋʋrɛ bɛl na ɩ a tɩ sɩman dem a, bɛ tʋ b'ɩ zʋmɛ, yáa a bɛ zʋmɛ á ŋá san a bɛ zu gb'a ayopõi.

Sɛb-sõw yielu 89:51

Sore e, bãwnɩ a fʋ tõ-tõ-biir bɛ na tʋʋr a, a nɩ-bʋʋrɛ bɛ ŋa za fʋ na kʋ̀ m k'ɩ̃ɩ kaarɛ a.

Eziptɩ tẽw yib 21:14

Ɛcɛ nɩr na bãw kɛ́ maalɩ yã kʋ a ʋ tɔ sob a, nyɩ na vɩr ʋ na faa a ɩ̃ bàwr-maal-kuur tɔr za ƴãw, kʋ ʋ.»

Eziptɩ tẽw yib 30:33

Nɩr wa cɔwrɛ a nyaw-taa ŋa bʋʋrɛ, maalɩ kãá ƴãw nɩ-zawla ƴã-gan zu a, bɛ na ír ʋ na bɛr a lãw pʋɔ”.»

Zʋkpaɩ 14:31

Nɩr na dɔwrɛ a bãbàalbɛ a tʋʋr'ɩ a bɛ Íre, ɛcɛ nɩr na zɔrɛ a bɛ nɩbaalʋ a zɛwr'ɩ a bɛ Íre yúor.

Ezekɩɛl 20:27

«A na ɩ à ŋá a, nɩsaal bie e, yel kʋ̀ a Ɩsɩrayɛl nɩbɛ a bom nɛ a mãa Sore Naaŋmɩn na yere a: A nyɩ sãàkʋm-kore mɩ̀ sãw mɛ̃ na bɛ tu a ɩ̃ pùor ɛ.

Levitɩ mɩnɛ 20:10

«Nɩr wa maalɩ pɩ̃ɔ-yele nɩ a ʋ tɔ pɔw a, bɛ na kʋ n a dɛb nɩ a pɔw za.»

Levitɩ mɩnɛ 20:3

bʋ̃ʋ n'ʋ vɛ̃, mãa mɩŋa na ìr'ɩ a nɩr ŋa ƴãw. Ɩ̃ na ír ʋ na bɛr a Ɩsɩrayɛl nɩbɛ pʋɔ, ʋ na de a ʋ bie kʋ̀ a Molɛkɩ a ƴãw, nɩ ʋ na dɛw a ɩ̃ zi-sõw bɛr ɛ́ sãw a ɩ̃ yo-sõw a ƴãw.

Levitɩ mɩnɛ 20:6

«Nɩr wa sowre kpɩ̃ɩn, sowru bʋʋrɛ kãw za a, tɩbɛ maalʋ kãw n'a, ɩ̃ na ìr'ɩ a sob ƴãw, ír ʋ bɛr a Ɩsɩrayɛl bʋʋrɛ pʋɔ.»

Sɔr-nɛ́ɛ 15:29

A tub na ɩ n been a bɛlɩ dem za na bɛ mɩ́ nyɛ̃ kɛ́ sãw a zie, a Ɩsɩrayɛl nɩbɛ nɩ a nʋʋrɩ na kpɩɛr a bɛ pʋɔ a.»

Sɔr-nɛ́ɛ 9:13

Ɛcɛ nɩr bɛ wa tɛr dɛwr, bɛ wa yɔ a, ɛ́ bɛ maalɩ a Tɔl-gãw cuw a, bɛ na ír ʋ na bɛr a Ɩsɩrayɛl nɩbɛ lãw pʋɔ. Ʋ tɛr'ɩ sãwna, ʋ na bɛ wa n a ʋ de-kʋ̀b bom wa kʋ̀ m, a daar ʋl bɛ na ƴãw a zũú.

Matie 12:32

Nɩr wa ƴɛ̀r ƴɛ̀r-faa càar'ɩ a Nɩsaal Bie a, bɛ na dɩ n suur kʋ̀ ʋ, ɛcɛ nɩr wa ƴɛ̀r ƴɛ̀r-faa càar'ɩ a Vʋʋrʋ Sõw a, bɛ kʋ̃ dɩ suur kʋ̀ ʋ a dɩ̃a zie ŋa pʋɔ nɩ a nɩdaar zie na waar a pʋɔ ɩ.»

Wulu-ayi-sob 1:43

A lɛ n'a ɩ̃ tɩ kpãa nyɩ, ɛcɛ nyɩ bɛ tɩ bɛr wõ a ɩ̃ ƴɛ̀rʋ ɛ. Nyɩ tɩ zawr'ɩ a Sore nʋɔr, ɛ́ ɩ gãda-ɩb cen a tan vuo pʋɔ be.

Wulu-ayi-sob 32:27

Ɛcɛ ɩ̃ zɔ n dɛ̃bɩ̃ɛ, a bɛ dɔ̃ dem nãà wa ɩrɛ mɛ̃ laar a, bɛ nãà wa tuli yere: “A Sore bɛ n'ʋ kʋ bɛ pàw pɛr ɛ, tɩmɛ nɛbɛ ɩ à á ŋá za!”

Ebre 10:26

Bʋ̃ʋ n'ʋ vɛ̃, tɩmɛ wa bãw a yel-mɩŋa za baarɩ, ɛ́ cãà mɩ́ bãw kɛ́ maalɩ a yel-bier a, bàwr bɛ lɛb ka be na tʋ̃ɔ́ ír a yel-bebe bɛr ɛ.

Ebre 10:29

Nyɩ tɩɛr bãw kɛ́ sob nɛ na ɩ a Naaŋmɩn Bie la a, na nyɛ̃ a Wõ-taa zɩ̃ɩ na kʋ̀ ʋ a sonu a bɛ ɩ bom a, ɛ́ tʋ a Vʋʋrʋ na tɩrɛ a maalʋ a, nyɩ tɩɛr bãw k'aa sob nɛ kʋ̃ sɛwnɩ dɔwrʋ na kpɛ faa zuo lɛ a bɩɩ?

2 Pɩɛr 2:10

Ɛ́ baa zuo a za, ʋ na ƴãw nɩ dɔwrʋ a bɛlɩ dem na mɩ́ zɔrɛ tuur a ƴã-gan nʋ̃ɔ̀, a bɛ pɩ̃ɔ-yele tɩɛr-faa zũú, ɛ́ bɛ tobr bɛ ka be a Sore nɩ-kpɛ̃ɛnʋ ƴãw a. Bɛ kpɛ n pʋra ɛ́ ɩ pɔ̀lʋ dem, bɛ bɛ zɔrɛ dɛ̃bɩ̃ɛ a salom zu dem na tɛr yúor-vɩɛlʋ-danʋ a tʋb ƴãw ɛ.

1 Zã 5:16

Nɩr wa nyɛ̃ a ʋ yɛb ʋ maalɛ yel-bier na bɛ kʋrɛ a, ʋ puore, ɛ́ Naaŋmɩn na kʋ̀ n nyɔ-vʋʋrʋ a ʋ yɛb, a yel-bier ʋl wa sɩrɩ bɛ kʋrɛ a. Ɛcɛ, yel-bier kãw be n be kʋrɛ. A ʋl ƴãw bɛ n'a ɩ̃ yel kɛ́ nyɩ puore ɩ.

1 Samɩɛl 2:25

Nɩsaal wa sãw ʋ nɩsaal-tɔ a, Naaŋmɩn na bãw nɩ a sãwna sob. Ɛcɛ nɩsaal wa sãw Naaŋmɩn a, ãa n'ʋ na tʋ̃ɔ́ bãw a sãwna sob?» Ɛcɛ, bɛ bɛ tɩ bɛr wõ a bɛ sãà ƴɛ̀rʋ ɛ. A Sore tɩ sɩrɩ na yel k'aa fɛr'a kɛ́ bɛ kpi.

1 Samɩɛl 3:14

Alɛ n'a so ɩ̃ pɔ yel a Eli yir: bom za, bàwr bɩɩ de-kʋ̀b bom bɛ íre a Eli yir sãwna bɛrɛ ɩ.»