Sɔr-nɛ́ɛ 15:25 - A SƐB-SÕW

²⁵ Al pùorí, a bàwr-maalɛ na tu n a yel-bebe suur-dɩ-kʋ̀b tub a Ɩsɩrayɛl nɩbɛ za na ɓã taa a ƴãw, ɛ́ bɛ na páw nɩ a yel-bebe suur. Bʋ̃ʋ n'ʋ vɛ̃, a na ɩ n sãwna nyɩ na bɛ bãwnɩ kɛ́ sãw a ƴãw, nyɩ na wa n dʋ̃w wa maal'ɩ bàwr nyɩw bɛr a, nɩ yel-bier ír-bɛrʋ bàwr nyɩ na maalɩ a ƴãw.

Sɔr-nɛ́ɛ 15:25 ပူးပေါင်းရင်းမြစ်များ

Ekilezɩasɩ 5:6

A ƴɛ̀r-yaga yaga bɛ mɩ́ tɛr pɛr, mɛ̃ a lɛ a zán-yaga yaga mɩ̀ na bɛ mɩ́ tɛr pɛr a ɩ. Alɛ pʋɔ a, nɩ̃ɛ zɔrɛ a Naaŋmɩn.

Levitɩ mɩnɛ 15:15

A bàwr-maalɛ na de nɩ a lile kãw maal'ɩ yel-bier-ír-bɛrʋ bàwr, ɛ́ maal'ɩ a kãw nyɩw-a-za-bàwr, al pùorí, ʋ tu a tub na na ír a kʋ̃ɔ-ciru dɛwr bɛr a sob a.»

Levitɩ mɩnɛ 4:20

ʋ na ɩ n a nadɛr ŋa mɛ̃ a lɛ tɔr za ʋ na ɩ a nadɛr ʋ na maal'ɩ a bàwr a ʋl mɩŋa yel-bier ƴãw a. Ʋ na tu n a yel-bebe suur-dɩ-kʋ̀b tub a Ɩsɩrayɛl nɩbɛ ƴãw, ɛ́ a Naaŋmɩn dɩ a bɛ yel-bebe suur kʋ̀ bɛ.

Levitɩ mɩnɛ 4:26

Ʋ na nyɩw nɩ a dʋ̃w zi-kãánɩ za a bàwr-maal-kuur zu, mɛ̃ a lɛ a na mɩ́ ɩ a lãw-taa bàwr ƴãw a. Ʋ na tu n a yel-bebe suur-dɩ-kʋ̀b tub a nɩ-kpɛ̃ɛ nɛ ƴãw, ɛ́ a Naaŋmɩn dɩ a ʋ yel-bebe suur kʋ̀ ʋ.»

Levitɩ mɩnɛ 4:31

Bɛ na ír'ɩ a dʋ̃w zi-kãánɩ mɛ̃ a lɛ a na mɩ́ ɩ a lãw-taa bàwr ƴãw a. A bàwr-maalɛ na nyɩw a nɩ a bàwr-maal-kuur zu, k'aa bàwr ŋa zʋ̀ʋ́r na nyùur vla vla a pɛlɩ a Sore pʋɔ. Ʋ na tu n a yel-bebe suur-dɩ-kʋ̀b tub a sãwna sob ƴãw, ɛ́ a Naaŋmɩn dɩ a ʋ yel-bebe suur kʋ̀ ʋ.»

Levitɩ mɩnɛ 4:35

Bɛ na ír'ɩ a dʋ̃w zi-kãánɩ mɛ̃ a lɛ bɛ na mɩ́ ɩ pɛ́rʋ bɛ na maal'ɩ lãw-taa bàwr a ƴãw a, a bàwr-maalɛ na nyɩw a nɩ a bàwr-maal-kuur zu, lãwnɩ a bàwr nɛnɛ bɛ na nyɩw a Sore ƴãw a. Ʋ na tu n a yel-bebe suur-dɩ-kʋ̀b tub a sãwna sob ƴãw, ɛ́ a Naaŋmɩn dɩ a ʋ yel-bebe suur kʋ̀ ʋ.»

Luka 23:34

A Yeezu tɩ yel'a: «Ɩ̃ Sãà a, dɩ suur kʋ̀ bɛ: bʋ̃ʋ n'ʋ vɛ̃, bɛ bɛ bãw ʋlɩ bom nɛ bɛ na ɩrɛ a ɩ.» Al pùorí, bɛ tɩ gba n a ʋ kparɩ põ.

Nɩ-toni 13:39

a ʋl zie n'a nɩr za na sàw de a Naaŋmɩn a, mɩ́ páw ʋ.

Ʋrɔm 3:25

A Naaŋmɩn maal'ɩ ʋ nɩ bàwr, k'aa Kɩrɩta zɩ̃ɩ ƴãw, ʋ páw a yel-bebe suur kʋ̀ a bɛlɩ dem na sàw de ʋ a. À ŋá n'a a Naaŋmɩn wul k'ʋʋ ɩ n nɩ-mɩŋa kʋralɛ: ʋ tɩ ɩ ʋ nɩ a koro za, a lɛn daar ʋ na tɩ nyɔw ʋ tʋɔra bɛ dɔwrɩ a nɩsaalbɛ a bɛ yel-bebe ƴãw a. Ʋ ɩ ʋ nɩ a dɩ̃a zie ŋa pʋɔ, ʋ na ɩ nɩ-mɩŋa, ɛ́ mɩ̀ ɩ a bɛlɩ dem za na sàw de a Yeezu a bɛ ɩ nɩ-mɩn a.

Wulu-ayi-sob 21:21

A lɛ a, a tẽw nɩbɛ za na lɔb'ɩ ʋ nɩ kʋsɛbɛ kʋ. Nyɩ na ír'ɩ a faalʋ bɛr à à ŋá, a nyɩ sɔgɔ. A Ɩsɩrayɛl nɩbɛ za na wõ n a yel ŋa, ɛ́ bɛ na zɔrɛ nɩ dɛ̃bɩ̃ɛ.

Ebre 2:17

Lɛ so a tɩ fɛr k'ʋʋ ŋmɛ̃ taa nɩ a ʋ yɛbr a yele za pʋɔ, ɩ bàwr-maal-kara na tɛr su-ɓaarʋ ɛ́ bɛ lɛbr pùor a Naaŋmɩn tome tob pʋɔ a, tʋ̃ɔ́ mɩ́ ír a nɩbɛ yel-bebe bɛr.

Ebre 9:7

Ɛcɛ a ayi sob pʋɔ a, a bàwr-maal-kara yõ n'ʋ mɩ́ kpɛ, gb'a been a yũon za, ʋʋ bɛ kpɩɛr a be ɛ́ bɛ tɛr dʋ̃w zɩ̃ɩ kpɛ n tɩ de kʋ̀ a Naaŋmɩn ɛ, a ʋl mɩŋa sãwna ʋ na bɛ bãwnɩ kɛ́ sãw a ƴãw, nɩ a nɩbɛ dem ƴãw ɛ.

1 Zã 2:2

Bʋ̃ʋ n'ʋ vɛ̃, ʋ de nɩ ʋ tʋɔra maal'ɩ bàwr, kɛ́ Naaŋmɩn tʋ̃ɔ́ dɩ a tɩ yel-bebe suur kʋ̀ tɩ. Ɛcɛ tɩɩm yõ yel-bebe bɛ n'a ɩ, a nɩsaalbɛ za dem mɩ̀ n'a.