Sɔr-nɛ́ɛ 14:34 - A SƐB-SÕW

³⁴ Bibie lɩz'a ayi n'a nyɩ cɔlɩ jɩ́r a Kanãa tẽw. A na ɩ à ŋá a, yome lɩz'a ayi n'a nyɩ na wõ tuo a nyɩ sãwna ƴãw. Bibi-been za na mɩ́ ɩ n yũon. À ŋá n'a nyɩ na bãw a lɛ a ɩ̃ zawr-bɛrʋ na buore a.

Sɔr-nɛ́ɛ 14:34 ပူးပေါင်းရင်းမြစ်များ

1 Na-mɩnɛ 8:56

«A Sore tɛr'ɩ puoru! Ʋ kʋ̀ n a ƴã-ɓaarʋ a ʋ nɩ-bʋʋrɛ Ɩsɩrayɛl, mɛ̃ a lɛ ʋ na tɩ yel a. Bʋ̃ʋ n'ʋ vɛ̃, ʋ tu n a lɛ za ʋ na tɩ ƴãw a ʋ tõ-tõ-bie Moyiir yel a.

2 Bibie za yel-manɩ 36:21

À ŋá n'a a ƴɛ̀rʋ a Sore na tɩ ƴãw a ʋ ƴɛ̀r-manɛ Zeremi ƴɛ̀r a tɩ tu: «Bɛ na zawr'ɩ a tẽw bɛr tɩ maalɩ yome lɩz'a ata nɩ pie, ɛ́ gù a ʋ pɩ̃ɛnʋ daar tɩ baarɩ. A yome á ŋá na lɩɛr'ɩ a pɩ̃ɛnʋ voru al za bɛ na bɛ tu a.»

Sɛb-sõw yielu 105:42

Ʋ tɩ sɩrɩ na bãwnɩ a ʋ nɔ-sõw, ʋ na tɩ ƴɛ̀r a ʋ tõ-tõ-bie Abraham zie a.

Sɛb-sõw yielu 38:4

A ɩ̃ ƴã-gan zie za bɛ cɛ ɩ, a fʋ suur zũú. A ɩ̃ kɔbɛ zie za bɛ cɛ ɩ, a ɩ̃ yel-bier zũú.

Sɛb-sõw yielu 77:8

A Sore nɔ̃w jɛ tɩ na bɛr a baarɩ bɩɩ? Ʋ bɛ lɛb cãà bɔbr tɩ towtow bɩɩ?

Sɛb-sõw yielu 95:10

A nɩbɛ bɛ ŋa yele bàl mɛ̃ nɩ yaga yome lɩz'a ayi, ɛ́ ɩ̃ yel: Nɩ-bʋʋrɛ a tɩɛrʋ na bɔr a nɛbɛ, bɛ bɛ bãw a ɩ̃ pʋ-tɩɛrʋ sɛ́ɛ ɩ.»

Ezekɩɛl 14:10

A naaŋmɩn-ƴɛ̀r-manɛ ŋa nɩ a ʋlɩ sob na sowri ʋ a, bɛ za ayi so a sãwna been nɛ.

Ezekɩɛl 23:35

Alɛ n'a so a mãa Sore Naaŋmɩn yere à ŋá: Fʋ na faa yiiri mɛ̃ bɛr, jɛ m bɛr a, fʋ na tuo nɩ a fʋ pɔw-yɛm vĩ-ɩb.»

Ezekɩɛl 4:5

Ɩ̃ ƴãw na fʋ ɩrɛ à à ŋá bibie na man a yome lɛ nʋɔr a Ɩsɩrayɛl naalʋ-tẽw na maalɩ a yel-bebe a. A na ɩ à ŋá a, fʋ na tuo nɩ a ʋ yel-bebe tɩbrʋ bibie kɔbr ata dɔwlɩ lɩz'a anaar nɩ pie (390).

Ezekɩɛl 4:6

Fʋ̃ʋ wa baarɩ a bibie á ŋá a, fʋ̃ʋ lɩɛbɩ a dʋrʋ lõbowr zu, ɛ́ tuo a Zuda naalʋ-tẽw yel-bebe tɩbrʋ yome lɩz'a ayi. Ɩ̃ kʋ̀rɛ fʋ nɩ bibi-been yũon za ƴãw, a yome al za a Zuda na maalɩ a yel-bebe a.

A naaŋmɩn-ƴèr-manɛ Oze sɛbɛ 9:12

Bɛlɛ saa guole bibiir a, bɛ kʋ̃ mɩ́ ta nɩbɛ sɛr ɛ, ɩ̃ɩ ír bɛ a bɛ zie. Mãa dɛ wa ŋmɛlɛ kpaar cɔwr bɛ a, baw-bio páw bɛ na.

Levitɩ mɩnɛ 20:19

«Nyɩ bɛ ganɛ nɩ a nyɩ mã yɛb kãw bɩɩ a nyɩ pùre kãw ɛ. Nɩr wa gã nɩ a ʋ nɩr kãw a, bɛ za ayi na so nɩ a bɛ sãwna.»

Zakari 11:10

Ɩ̃ tɩ de nɩ a báalʋ dakʋra ka bɛr, k'ɩ̃ɩ sãw a báalʋ wõ-taa bɛr, a Sore na tɩ ɩ k'ʋ be a nɩ-bʋʋrɛ cara pʋɔ a.

Sɔr-nɛ́ɛ 13:25

A tɩ maal'ɩ bibie lɩz'a ayi ɛ́ a nɩbɛ na cen tɩ cɔlɩ jɩ́r a tẽw kaa a lɛb wa.

Sɔr-nɛ́ɛ 18:23

A levitɩ mɩnɛ tɛwr nɛbɛ na tone a tuor-taa pɛn-sɛw tome, ɛ́ mɩ́ so a sãwna bɛ nãà wa sãw a. Nyɩ na tuur'ɩ a nʋɔr ŋa kʋralɛ. A levitɩ mɩnɛ kʋ̃ tɛr tẽsɔwr mɛ̃ a Ɩsɩrayɛl dɔwlʋ al na cɛ a ɩ,

Sɔr-nɛ́ɛ 32:13

A Moyiir tɩ cãà na lɛb yel à ŋá: «A ɩ à à ŋá a Sore tɩ nyɛ̃ nɩ a Ɩsɩrayɛl nɩbɛ suur, ƴãw bɛ viiri a wɛja-kpalɛ pʋɔ yome lɩz'a ayi, a bʋʋrɛ bɛl tɩ baarɩ bɛ za, a bɛl na tɩ ɩ a ɩb a bɛ pɛlɩ a ʋ pʋɔ a.

Nɩ-toni 13:18

Ʋ tɩ guoli bɛ nɩ a wɛja-kpalɛ pʋɔ tɩ ta mɛ̃ yome lɩz'a ayi a.

Wulu-ayi-sob 2:7

Bʋ̃ʋ n'ʋ vɛ̃, a Sore nyɩ Naaŋmɩn maalɩ nyɩ nɩ a nyɩ tome za pʋɔ, ɛ́ gù nyɩ a wɛja-kpalɛ kpɛ̃ɛ ŋa pʋɔ nyɩ na tu tɔl a. Yome lɩz'a ayi n'ɩ à ŋá ʋ na be a nyɩ zie, ɛ́ nyɩ bɛ bɔ bom za gù a.

Ebre 4:1

A Naaŋmɩn nʋɔr na cãà ƴãw gã, kɛ́ tɩ na tʋ̃ɔ́ na ta a ʋ pɩ̃ɛnʋ zie a, nyɩ ɩ tɩ gù vla bɛ taa wa nyɛ̃ k'aa nyɩ kãw bɛ tʋ̃ɔ́ ta ɩ.

Zozue 14:10

Yome lɩz'a ayi nɩ anũu n'ɩ à ŋá a Sore na tɩ yel à à ŋá kʋ̀ a Moyiir a, a lɛn daar a Ɩsɩrayɛl nɩbɛ na tɩ tɔlɛ a wɛja-kpalɛ pʋɔ a. A lɛn daar za n'a a Sore gù a ɩ̃ nyɔ-vʋʋrʋ, mɛ̃ a lɛ ʋ na tɩ yel a, ɛ́ mãa n'ɩ ŋan tɛr yome lɩz'a anaar nɩ a anũu dɩ̃a.

Yel-wula 11:3

Ɩ̃ na ƴãw na a ɩ̃ dãsɩɛ dem ayi su ko-tuolu bʋ̃-suuri manɛ nɩ a ɩ̃ ƴɛ̀rʋ, bibie túr dɔwlɩ kɔbr ayi lɩz'a ata (1 260).»

1 Samɩɛl 2:30

A na ɩ à ŋá a, a mãa Sore, a Ɩsɩrayɛl Naaŋmɩn, à ŋá n'a ɩ̃ yere kʋ̀rɛ fʋ: ɩ̃ tɩ yel'a k'aa fʋ yir nɩbɛ nɩ a fʋ dɔwlʋ nɩbɛ mɔ̃ mɩ̀ na ɩ n a ɩ̃ bàwr-maalbɛ kʋralɛ. Ɛcɛ ƴɛrɛŋa a, mãa n'ʋ yere: lɛ bɛ cãà n'a ɩ. Bʋ̃ʋ n'ʋ vɛ̃, ɩ̃ ƴãwnɛ nɩ bɛlɩ dem na ƴãwnɛ mɛ̃ a, ɛ́ bɛlɩ dem na bɛ ƴãwnɛ mɛ̃ a, bɛ mɩ̀ kʋ̃ nyɛ̃ ƴãwfʋ ɛ.