Sɔr-nɛ́ɛ 14:33 - A SƐB-SÕW

³³ ɛ́ a nyɩ bibiir bɛl àr'ɩ a bɛ dʋn a be yome lɩz'a ayi. Bɛ na tuo nɩ a nyɩ-na-bɛ-tu-m-a sãwna dɔwrʋ, ɛ́ gù nyɩ za tɩ kpi a wɛja-kpalɛ pʋɔ.

Sɔr-nɛ́ɛ 14:33 ပူးပေါင်းရင်းမြစ်များ

Sɛb-sõw yielu 107:4

Bɛ mɩnɛ tɩ bɔrɛ na gʋɔr wɛja-kpal-faa pʋɔ ɛ́ bɛ nyɛrɛ zie nɩbɛ na kpɩɛr a sɔ́r ɛ.

Sɛb-sõw yielu 107:40

A Sore mɩ́ ɩ na a na-mɩnɛ ɩ nɩ-ɩ-laarɩ, ʋ mɩ́ bɛr bɛ na bɛ bɔrɛ gʋɔr wɛja-kpalɛ na bɛ tɛr sɛ́ɛ a pʋɔ.

Sɛb-sõw yielu 78:33

Lɛ n'a ʋ tɩ ɩ a bɛ bibie a bɔr mɛ̃ sɛsɛb a, ɛ́ a bɛ yome baarɩ pʋl-vʋ̃ɔ pʋɔ.

Eziptɩ tẽw yib 20:5

Fʋ kʋ̃ gbĩ dume gũu tɩ tɔ tẽw a ŋmɩmɛ á ŋá taabɛ niŋé, ɛ́ maalɩ a ɩ. Bʋ̃ʋ n'ʋ vɛ̃, mãa n'ɩ a Sore, a fʋ Naaŋmɩn, Naaŋmɩn na kpɛ nyuur a. A bɛlɩ dem na hɩ̃ɛn mɛ̃ a, ɩ̃ mɩ́ ƴãw bɛ nɩ dɔwrʋ, bɛlɛ nɩ a bɛ bʋʋrɛ na dɔw tu taa tɩ ta gb'a ata bɩɩ gb'a anaar a.

Ezekɩɛl 23:35

Alɛ n'a so a mãa Sore Naaŋmɩn yere à ŋá: Fʋ na faa yiiri mɛ̃ bɛr, jɛ m bɛr a, fʋ na tuo nɩ a fʋ pɔw-yɛm vĩ-ɩb.»

A naaŋmɩn-ƴèr-manɛ Oze sɛbɛ 9:1

Ɩsɩrayɛl ɩ, ta dɩ tuo cɩlɛ laar hele nɩ mɛ̃ a nɩ-bʋʋr-yoru a ɩ. Bʋ̃ʋ n'ʋ vɛ̃, fʋ tõ n pɔw-yɛm tome a taw fʋ zãá nɩ a fʋ Naaŋmɩn, ɛ́ fʋ nɔ̃w nɩ a tome á ŋá sã-ya a ble vab gbãgbalɩ za pʋɔ.

Sɔr-nɛ́ɛ 32:13

A Moyiir tɩ cãà na lɛb yel à ŋá: «A ɩ à à ŋá a Sore tɩ nyɛ̃ nɩ a Ɩsɩrayɛl nɩbɛ suur, ƴãw bɛ viiri a wɛja-kpalɛ pʋɔ yome lɩz'a ayi, a bʋʋrɛ bɛl tɩ baarɩ bɛ za, a bɛl na tɩ ɩ a ɩb a bɛ pɛlɩ a ʋ pʋɔ a.

Sɔr-nɛ́ɛ 33:38

A bàwr-maalɛ Aarɔ̃ tɩ do n a Hoor tãw zu a Sore ƴɛ̀rʋ zũú. Be n'a ʋ tɩ kpi, a ʋ yome lɩz'a ayʋɔb'ɩ ata (123) pʋɔ, a cuwr anũu sob bibi-dãw-niwn sob, a Ɩsɩrayɛl nɩbɛ na tɩ yi a Eziptɩ maalɩ yome lɩz'a ayi a.

Sɔr-nɛ́ɛ 5:31

Sãwna za bɛ bere a sɩr zie ɩ, ɛcɛ a pɔw wa sãw a, ʋlɛ n'ʋ na tuo a ʋ sãwna.»

Nɩ-toni 7:36

A Moyiir'ʋ tɛr bɛ yi n a Eziptɩ ɛ́ maalɩ yel-bãw-guuri nɩ nɔ-ɓãa-yele a Eziptɩ tẽw nɩ a Kʋ̃ɔ-kpɛ̃ɛ-zɩɛ ƴãw nɩ a wɛja-kpalɛ pʋɔ yome lɩz'a ayi.

Wulu-ayi-sob 1:3

Bɛ na tɩ yi a Eziptɩ a maalɩ yome lɩz'a ayi, a cuwr pie nɩ been sob bibi-dãw-niwn sob a n'a a Moyiir tɩ yel kʋ̀ a Ɩsɩrayɛl nɩbɛ, a alɩ bome nɛ za a Sore na tɩ yel k'ʋʋ yel kʋ̀ bɛ a.

Wulu-ayi-sob 2:14

A tɩ maal'ɩ yome lɩzɛr'ɩ pie nɩ ani, tɩ na tɩ yi a Kadɛsɩ-Barneya, ɛ́ cen tɩ ta a Zerɛdɩ fʋɔla gãwfʋ zie a. A lɛn daar a, a nɩbɛ bɛl na tɩ ta zɛbr maalʋ a sɔ́r loba daar a, a bɛ bʋʋrɛ za tɩ baar'a mɛ̃ a lɛ a Sore na tɩ pɔ yel kʋ̀ bɛ a.

Wulu-ayi-sob 2:7

Bʋ̃ʋ n'ʋ vɛ̃, a Sore nyɩ Naaŋmɩn maalɩ nyɩ nɩ a nyɩ tome za pʋɔ, ɛ́ gù nyɩ a wɛja-kpalɛ kpɛ̃ɛ ŋa pʋɔ nyɩ na tu tɔl a. Yome lɩz'a ayi n'ɩ à ŋá ʋ na be a nyɩ zie, ɛ́ nyɩ bɛ bɔ bom za gù a.

Wulu-ayi-sob 29:5

Dipɛ̃ bɛ n'a nyɩ 'wɔb ɛ, divɛ̃ bɩɩ dã-kpɛn bɛ n'a nyɩ nyũ ɛ. À á ŋá za ɩ na, kɛ́ nyɩ tʋ̃ɔ́ bãw k'aa Sore nyɩ Naaŋmɩn a, ʋlɛ n'ʋ.

Wulu-ayi-sob 8:2

Nyɩ lɛb tɩɛrɩ a sɔ́r ʋl za a Sore nyɩ Naaŋmɩn na ƴãw nyɩ cen a wɛja-kpalɛ pʋɔ, yome lɩz'a ayi a. Ʋ ɩ na nyɩ nyɛ̃ kpɩɛrʋ, k'ʋʋ ɩ nyɩ kaa, bãw ʋlɩ bom nɛ na be a nyɩ pʋ̃ɔmɩ a, ɛ́ mɩ̀ bãw, nyɩ na sàwr'ɩ a ʋ nɛ-ƴãwnɩ bɩɩ nyɩ kʋ̃ sàwr.

Wulu-ayi-sob 8:4

A nyɩ bʋ̃-suuri bɛ zaw ɛ, a nyɩ gbɛ́ɛ bɛ pi a yome lɩz'a ayi á ŋá pʋɔ ɩ.

Zozue 14:10

Yome lɩz'a ayi nɩ anũu n'ɩ à ŋá a Sore na tɩ yel à à ŋá kʋ̀ a Moyiir a, a lɛn daar a Ɩsɩrayɛl nɩbɛ na tɩ tɔlɛ a wɛja-kpalɛ pʋɔ a. A lɛn daar za n'a a Sore gù a ɩ̃ nyɔ-vʋʋrʋ, mɛ̃ a lɛ ʋ na tɩ yel a, ɛ́ mãa n'ɩ ŋan tɛr yome lɩz'a anaar nɩ a anũu dɩ̃a.

Zozue 5:6

A Ɩsɩrayɛl nɩbɛ tɩ cen nɩ a wɛja-kpalɛ pʋɔ yome lɩz'a ayi. A yome lɩz'a ayi á ŋá na wa tɔl a, a dɛbr bɛl za na tɩ ta a zɛbr a Eziptɩ tẽw yib daar a tɩ kpi n bɛ za, bɛ na tɩ zawrɩ a Sore nʋɔr a zũú. Lɛ n'a a Sore tɩ pɔ k'ʋʋ kʋ̃ bɛr bɛ bɛ nyɛ̃ a tẽw ʋl ʋ na tɩ yel kʋ̀ a tɩ sãàkʋm-kore, k'ʋʋ na kʋ̀ tɩ na a ɩ, tẽw bʋ̀rʋ nɩ sɩwr na gbɔlɛ a.