Sɔr-nɛ́ɛ 14:29 - A SƐB-SÕW

²⁹ Nyɩ na kpi n a wɛja-kpalɛ ŋa pʋɔ. Nyɩɩm za bɛ na sɔ́r, sɛb a nyɩ yée, ɛ́ nyɩ tɛr yome lɩzɛr'ɩ dɔwlɛ a. Nyɩ na kpi na nyɩ na faa zɛbr'ɩ mɛ̃ a.

Sɔr-nɛ́ɛ 14:29 ပူးပေါင်းရင်းမြစ်များ

Sɛb-sõw yielu 106:26

Lɛ n'a ʋ tɩ zɛw a nũu pɔ yel, k'ʋʋ na ɩ na bɛ kpi a wɛja-kpalɛ pʋɔ,

Sɛb-sõw yielu 78:33

Lɛ n'a ʋ tɩ ɩ a bɛ bibie a bɔr mɛ̃ sɛsɛb a, ɛ́ a bɛ yome baarɩ pʋl-vʋ̃ɔ pʋɔ.

Ezekɩɛl 20:38

Ɩ̃ na diw nɩ a bɛl na gaarɩ ɛ́ bɛ sàw a ɩ̃ nʋɔr a, a nyɩ pʋɔ. Ɩ̃ na ɩ na bɛ yi a ten al bɛ na kpɩɛr a, ɛcɛ bɛ kʋ̃ cen a Ɩsɩrayɛl tẽw pʋɔ ɩ. Lɛ n'a nyɩ na bãw kɛ́ mãa n'ɩ a Sore.

Sɔr-nɛ́ɛ 1:45

A Ɩsɩrayɛl nɩbɛ za bɛ na tɩ sɔ́r a yie yie a, a bɛl na tɩ tɛr yome lɩzɛr'ɩ dɔwlɛ ɛ́ na tʋ̃ɔ́ kpɛ a sojarɩ a,

Sɔr-nɛ́ɛ 1:46

a bɛ za nʋɔr tɩ ɩ n tùr-kɔbr ayʋɔb dɔwlɩ túr ata kɔbr anũu nɩ lɩz'a ayi nɩ pie (603 550)

Sɔr-nɛ́ɛ 26:64

A bɛ pʋɔ a, a nɩbɛ bɛl a Moyiir nɩ a bàwr-maalɛ Aarɔ̃ na tɩ sɔ́r a Sinayi wɛja-kpalɛ pʋɔ a, a bɛ been kãw za bɛ tɩ cãà be ɩ.

Sɔr-nɛ́ɛ 26:65

Bʋ̃ʋ n'ʋ vɛ̃, a Sore tɩ yel'a kʋ̀ bɛ kɛ́ bɛ na kpi n a wɛja-kpalɛ pʋɔ. A lɛ n'a bɛ been kãw za bɛ tɩ cɛ, alɛ bɛ ɩ Yefune bidɛb Kalɛb, nɩ Nun bidɛb Zozue ɩ.

1 Korɛ̃tɩ 10:5

Ɛcɛ a bɛ yaga zie bɛ tɩ pɛlɩ a Naaŋmɩn pʋɔ ɩ, lɛ so bɛ tɩ kpi pàw a wɛja-kpalɛ.

Wulu-ayi-sob 2:14

A tɩ maal'ɩ yome lɩzɛr'ɩ pie nɩ ani, tɩ na tɩ yi a Kadɛsɩ-Barneya, ɛ́ cen tɩ ta a Zerɛdɩ fʋɔla gãwfʋ zie a. A lɛn daar a, a nɩbɛ bɛl na tɩ ta zɛbr maalʋ a sɔ́r loba daar a, a bɛ bʋʋrɛ za tɩ baar'a mɛ̃ a lɛ a Sore na tɩ pɔ yel kʋ̀ bɛ a.

Ebre 3:17

Ɛ́ ã-mɩnɛ nɛbɛ a Naaŋmɩn tɩ nyɛ̃ nɩ suur yome lɩz'a ayi? A bɛlɩ dem na tɩ maalɩ a yel-bier ɛ́ lo kpi a wɛja-kpalɛ pʋɔ a bɛ nɛbɛ ɩ?

Zozue 5:6

A Ɩsɩrayɛl nɩbɛ tɩ cen nɩ a wɛja-kpalɛ pʋɔ yome lɩz'a ayi. A yome lɩz'a ayi á ŋá na wa tɔl a, a dɛbr bɛl za na tɩ ta a zɛbr a Eziptɩ tẽw yib daar a tɩ kpi n bɛ za, bɛ na tɩ zawrɩ a Sore nʋɔr a zũú. Lɛ n'a a Sore tɩ pɔ k'ʋʋ kʋ̃ bɛr bɛ bɛ nyɛ̃ a tẽw ʋl ʋ na tɩ yel kʋ̀ a tɩ sãàkʋm-kore, k'ʋʋ na kʋ̀ tɩ na a ɩ, tẽw bʋ̀rʋ nɩ sɩwr na gbɔlɛ a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:5

Nyɩ na saa bãw à á ŋá za baarɩ a, ɩ̃ cãà na bɔbr k'ɩ̃ɩ lɛb sɩ̃w a nyɩ tɩɛrʋ k'aa Sore na tɩ faa a ʋ nɩ-bʋʋrɛ Ɩsɩrayɛl a Eziptɩ tẽw pʋɔ baar'a, ʋ ɩ n a bɛlɩ dem na bɛ tɩ sàw de ʋ a bɛ kpi.