Sɔr-nɛ́ɛ 14:19 - A SƐB-SÕW

¹⁹ Sore e, a fʋ nɔ̃wfʋ na bɛrmɛ sɛw à à ŋá a, cãà lɛb dɩ a fʋ nɩbɛ yel-bier suur kʋ̀ bɛ, mɛ̃ a lɛ bɛ na dɛ yi a Eziptɩ ɛ́ fʋ dɩrɛ a suur kʋ̀rɛ bɛ wa tɔ a ka a.»

Sɔr-nɛ́ɛ 14:19 ပူးပေါင်းရင်းမြစ်များ

1 Na-mɩnɛ 8:34

fʋ̃ʋ a, Sore e, be a salom zu ɛ́ bɛr wõ, dɩ a fʋ nɩ-bʋʋrɛ Ɩsɩrayɛl yel-bebe suur kʋ̀ bɛ. Lɛb tɛr bɛ wa n a tẽw fʋ na kʋ̀ a bɛ sãàkʋm-kore a pʋɔ a.»

Sɛb-sõw yielu 106:45

Ʋ tɩ lɛb'a tɩɛrɩ a wõ-taa ʋ na maal'ɩ bɛ a, ʋ tɩ zɔ n bɛ nɩbaalʋ, a ʋ nɔ̃wfʋ na ɩ kpɛ̃ɛ a zũú.

Sɛb-sõw yielu 78:38

Ɛcɛ ʋl na ɩ su-ɓaarʋ sob a, ʋ mɩ́ tɩ dɩ n a bɛ sãwna suur kʋ̀ bɛ, ɛ́ bɛ ɩ bɛ kpi ɛ. Kʋralɛ, ʋ mɩ́ tɩ vɔl'ɩ suur, ʋ bɛ mɩ́ tɩ sàw bɛr a ʋ suur ʋ ìr ɛ,

Sɛb-sõw yielu 85:2

Sore e, fʋ ɩ na a nɔ̃wfʋ fʋ na nɔnɛ a fʋ tẽw a, ʋ sãá, fʋ ɩ na a Zakɔb bʋʋrɛ yi a gbãgbaalʋ pʋɔ lɛb wa.

Eziptɩ tẽw yib 32:32

Ɩ̃ zɛlɛ fʋ nɩ yãayãa, dɩ suur kʋ̀ bɛ! Alɛ bɛ ɩ lɛ, fʋ̃ʋ sãw a ɩ̃ yúor fʋ na sɛb a nyɔ-vʋʋrʋ sɛbɛ pʋɔ a bɛr.»

Eziptɩ tẽw yib 33:17

A Sore tɩ sɔw nɩ a Moyiir: «Ɩ̃ na ɩ n a lɛ fʋ na yel a ƴɛrɛŋa a, bʋ̃ʋ n'ʋ vɛ̃, ɩ̃ pʋɔ pɛlɩ nɩ a fʋ ƴãw, ɩ̃ɩ bãw fʋ pɩɩrɩ.»

Eziptɩ tẽw yib 34:9

Al pùorí ʋ yel: «Sore e, a fʋ pʋɔ na pɛlɩ a ɩ̃ ƴãw a, ɩ̃ zɛlɛ fʋ na, wa bɩɛlɛ tɩ. Ɩ̃ bãwnɩ a na a nɩbɛ bɛ ŋa zuru na kpɛmɛ a, ɛcɛ dɩ a tɩ yel-bebe nɩ a tɩ sãwna suur kʋ̀ tɩ, ɛ́ ɩ tɩ ɩ a fʋ sób.»

Ɩzayi 55:7

A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Amɔsɩ 7:2

A sãsoge na tɩ 'wɔb a mʋ̃ɔ za a tẽw pʋɔ a, ɩ̃ tɩ yel'a: «Sore ɩ̃ Naaŋmɩn i, ɩ̃ zɛlɛ fʋ na, dɩ suur! Alɛ bɛ ɩ lɛ, ŋmɩŋmɩn za n'a a fʋ nɩ-bʋʋrɛ na cãà? Bɛ ɩ n pʋrɩ zuo.»

Amɔsɩ 7:5

Lɛ n'a ɩ̃ tɩ yel: «Sore ɩ̃ Naaŋmɩn i, ɩ̃ zɛlɛ fʋ na, bɛr lɛ! Alɛ bɛ ɩ lɛ, ŋmɩŋmɩn za n'a a fʋ nɩ-bʋʋrɛ na cãà? Bɛ ɩ n pʋrɩ zuo.»

Zonasɩ 3:10

A Naaŋmɩn tɩ nyɛ̃ nɩ a Nɩnɩɩvʋ tẽw dem ɩ-ɩrɩ: ʋ tɩ nyɛ̃ na bɛ na bɛr a bɛ ɩ-faar a. Lɛ n'a ʋ tɩ lɛb bɛr a lɛ ʋ na tɩ tɩ́ɛrɛ k'ʋʋ ɩ a, ɛ́ bɛ dɔwrɩ bɛ nɩ a dɔwrʋ ʋ na tɩ yel k'ʋʋ na dɔwr'ɩ bɛ na a ɩ.

Zonasɩ 4:2

Ʋ tɩ puor'ɩ a Sore à ŋá: «Áa Sore e! À à ŋá tɔr za bɛ n'a ɩ̃ tɩ yere ɩ̃ na tɩ cãà be a ɩ̃ tẽw pʋɔ a ɩ? Alɛ n'a ɩ̃ tɩ yi fɔ̃w zɔrɛ cere a Tarsisɩ. Ɩ̃ tɩ bãwnɩ a na fʋ na ɩ Naaŋmɩn-su-ɓaarʋ sob nɩ nɩbaal-zɔrɛ a, Naaŋmɩn a suur na bɛ páwr, ɛ́ fʋ ɩ nɔ̃wfʋ tɛwr, ɛ́ mɩ́ lɛb bɛr a dɔwrʋ fʋ na tɩɛrɩ a.

Mise 7:18

Sore e, ŋmɩn kãw bɛ ŋmɛ̃ taa nɩ fʋ ɛ, fʋ mɩ́ de nɩ a sãwna bɛr a baarɩ, ɛ́ dɩ a yel-bebe suur kʋ̀ a fʋ nɩ-bʋʋrɛ na cɛ bɛ kpi a. Fʋ bɛ mɩ́ nyɛ̃ a suur ʋ ka baarʋ ɛ, a na nʋmɛ a fʋ zie kɛ́ fʋ mɩ́ wul tɩ a fʋ nɔ̃wfʋ a ƴãw.

Habakukɩ 3:2

Sore e, Sore e, ɩ̃ wõ n a fʋ gãda-tome yele, dɛ̃bɩ̃ɛ nyɔw mɛ̃. Tõ a tome á ŋá taabɛ a tɩ cãafʋ daar, ɩ a nɩsaalbɛ bãw a. Alɛ saa sɛw kɛ́ fʋ nyɛ̃ suur a, cãà tɛr su-ɓaarʋ a tɩ zie.

Sɔr-nɛ́ɛ 23:21

A Sore bɛ nyɛ̃ yel-bɛ-sɛwra kãw za a Ɩsɩrayɛl nɩbɛ pʋɔ ɩ, ʋ bɛ nyɛ̃ yel-faa kãw za a Zakɔb bʋʋrɛ pʋɔ ɩ. Ʋlɛ n'ɩ a bɛ Naaŋmɩn, ʋ kpɩɛr'ɩ a bɛ pʋɔ, ʋ dier'ɩ a bɛ nʋ̃ɔ̀ cɛlsɩ bɛ na ŋmɩɛr ƴãwn ʋ mɛ̃ nãà a.

Zakɩ 5:15

A puoru ŋa tɔ na puori nɩ naaŋmɩn-sàw-deb a na faa nɩ a bàal: a Sore na nyɔw ʋ na ʋ lɛb ìr, ɛ́ ʋlɛ wa tɛr yel-bebe a, Naaŋmɩn na dɩ n suur kʋ̀ ʋ.