Sɔr-nɛ́ɛ 14:14 - A SƐB-SÕW

¹⁴ Bɛ man ʋ na kʋ̀ a tẽw ŋa dem. A na ɩ lɛ a, a Kanãa tẽw wõ na k'aa fʋ̃ʋ, Sore, fʋ bɩɛlɛ nɩ a fʋ nɩ-bʋʋrɛ, fʋ mɩ́ ɩ na bɛ càarɩ nyɛ̃ b. Bɛ wõ na kɛ́ fʋ̃ʋ n'ʋ gùre a fʋ nɩ-bʋʋrɛ fʋ na mɩ́ de bɛ niwn ɩ zũzuwr na ɩ mɛ̃ kpul a a mʋ̃tɔ̃w, ɛ́ ɩ vũu na ɩ mɛ̃ kpul a a tɩ̃ɩsɔw a.

Sɔr-nɛ́ɛ 14:14 ပူးပေါင်းရင်းမြစ်များ

Yele-za-pɛr-tib 32:30

A Zakɔb tɩ yel ʋ na: «Yãayãa, yel a fʋ yúor kʋ̀ m.» Ʋ sɔw: «Bʋnʋ ƴãw n'a fʋ sowre mɛ̃ a ɩ̃ yúor?» Ɛ́ tɩ maal'ʋ a be.

Neemi 9:12

A mʋ̃tɔ̃w a, fʋ de nɩ a fʋ nɩ-bʋʋrɛ niwn ɩ zũzuwr na ɩ mɛ̃ kpul a, ɛ́ a tɩ̃ɩsɔw fʋ de bɛ niwn ɩ vũu na ɩ mɛ̃ kpul a caalɛ bɛ a sɔ́r.

Neemi 9:19

A na saa tɩ ɩ à ŋá a, fʋ̃ʋ a, a fʋ nɔ̃wfʋ na bɛ tɛr baarʋ a pʋɔ a, fʋ bɛ tɩ jɛ bɛ bɛr a wɛja-kpalɛ pʋɔ ɩ: a zũzuwr na ɩ mɛ̃ kpul a, ɛ́ wule bɛ a sɔ́r a mʋ̃tɔ̃w a, bɛ cen ɛ́ bɛr bɛ ɩ. A vũu na ɩ mɛ̃ kpul a tɩ cãà na caalɛ bɛ a sɔ́r a tɩ̃ɩsɔw.

Sɛb-sõw yielu 105:39

A Naaŋmɩn tɩ yɛ́r'ɩ zũzuwr piw nɩ bɛ, ɛ́ vũu be be, mɩ́ caalɛ bɛ a tɩ̃ɩsɔw.

Sɛb-sõw yielu 78:14

Zũzuwr'ʋ ʋ mɩ́ tɩ wule nɩ bɛ a sɔ́r a mʋ̃tɔ̃w, ɛ́ a tɩ̃ɩsɔw ʋ wule nɩ bɛ vũu cãà.

Eziptɩ tẽw yib 15:14

A nɩ-bʋʋr-yoru wõ n a yel ŋa màwr: pʋl-vʋ̃ɔ nyɔw nɩ a Filisɩtɛ̃ mɩnɛ,

Eziptɩ tẽw yib 33:11

A Sore mɩ́ tɩ ƴɛ̀rɛ nɩ nɩ a Moyiir, bɛ tori taa mɛ̃ nɩsaal na ƴɛ̀rɛ nɩ ʋ nɩsaal-tɔ a. Al pùorí, a Moyiir mɩ́ tɩ lɛb'a wa a pɛnɛ-sɛwr pʋɔ, ɛ́ a ʋ tõ-tõ-bi-pɔl Zozue na ɩ Nun bidɛb a mɩ́ be a pɛn-sɛw-sõw pʋɔ kʋralɛ.

Eziptɩ tẽw yib 33:16

Bʋ̃ʋ n'ʋ vɛ̃, fʋ̃ʋ bɛ wa bɩɛlɛ tɩ a, ŋmɩŋmɩn n'a a nɩbɛ na bãw k'aa fʋ pʋɔ pɛlɩ nɩ a mãa nɩ a fʋ nɩ-bʋʋrɛ ƴãw? A ʋlɩ bom nɛ na na ɩ kɛ̀ tɩɩm nɩ a tẽw zu nɩ-bʋʋrɛ za bɛ ɩ been a, ʋlɛ n'ɩ fʋ na na bɩɛlɛ a mãa nɩ a fʋ nɩ-bʋʋrɛ a.»

Eziptɩ tẽw yib 40:38

A Sore zũzuwr mɩ́ tɩ pàw nɩ a zi-sõw a mʋ̃tɔ̃w, ɛ́ vũu mɩ́ tɩ be a ʋ pʋɔ a tɩ̃ɩsɔw. A Ɩsɩrayɛl nɩbɛ za tɩ nyɛ̃ nɩ à á ŋá za a bɛ cenu za pʋɔ.

Sɔr-nɛ́ɛ 10:34

A mʋ̃tɔ̃w daarɩ́ a, a Sore zũzuwr mɩ́ tɩ be n a bɛ zu-sɔw, a lɛn daar bɛ na mɩ́ tɩ lɛb lore a sɔ́r a.

Sɔr-nɛ́ɛ 12:8

Ɩ̃ mɩ́ càar'a ƴɛ̀rɛ a ʋ zie, ƴɛ̀rɛ welwel. Ɩ̃ mɩ́ ɩ na ʋ nyɛ̃ m, ɩ̃ mɩ́ sãá na ʋ nyɛ̃, a mãa Sore. A na ɩ à ŋá a, ŋmɩŋmɩn za n'a nyɩ sʋ̃ɔmɩ sàw yere a ɩ̃ tõ-tõ-bie Moyiir?»

Zã 1:18

Nɩr za bɛ dãw nyɛ̃ a Naaŋmɩn ɛ, ɛcɛ a Bi-been, na ɩ Naaŋmɩn be a Sãà zie a, ʋlɛ n'ʋ ɩ kɛ́ tɩ bãw ʋ.

Zã 14:9

A Yeezu yel ʋ: «Ɩ̃ be n a nyɩ zie tɩ cɛlɩ sɛw à ŋá za, ɛ́ fʋ cãà bɛ bãw mɛ̃ ɩ, Filib i? Ʋlɩ sob na nyɛ̃ m a, ʋ nyɛ̃ nɩ a Naaŋmɩn Sãà. Ŋmɩŋmɩn za n'a fʋ yel: “Wul tɩ a Naaŋmɩn Sãà?”

1 Korɛ̃tɩ 13:12

Ƴɛrɛŋa a, caala pʋɔ n'a tɩ jɩ́rɛ mɩ́ nyɛ̃ a bom ʋ bɛ maal sãá ɩ, ɛcɛ a nɩdaar a, tɩ na mɩ́ càar'a nyɛ̃. A ƴɛrɛŋa a, a ɩ̃ bãwfʋ tɛr'ɩ tɛwfʋ zie, nɩdaar a, ɩ̃ na bãw nɩ a Naaŋmɩn vla mɛ̃ a lɛ ʋ na bãw mɛ̃ a.

Wulu-ayi-sob 1:19

«Al pùorí, a Sore tɩ Naaŋmɩn tɩ ƴãw na tɩ yi a Orɛb tãgɛ̃́, ɛ́ tu tɔl a wɛja-kpalɛ kpɛ̃ɛ kpɛ̃ɛ ŋa na ɩrɛ dɛ̃bɩ̃ɛ a pʋɔ, a wɛja ŋa nyɩ na nyɛ̃ a, ɛ́ lo a Amoritɩ mɩnɛ tan pʋɔ sɔ́r, tɩ ta Kadɛsɩ-Barneya.

Wulu-ayi-sob 34:10

A Ɩsɩrayɛl bʋʋrɛ pʋɔ a, nɩr bɛ lɛb dãw nyɛ̃ naaŋmɩn-ƴɛ̀r-manɛ ʋ ŋmɛ̃ mɛ̃ a Moyiir a ɩ: a Sore mɩ́ tɩ càar'a ƴɛ̀rɛ nɩ ʋ.

Wulu-ayi-sob 5:24

Bɛ tɩ yel'ɩ à ŋá a nyɩ yúor ƴãw: «A Sore tɩ Naaŋmɩn wul'a a sãá a tɩ niŋé, ʋ na ɩ kpɛ̃ɛ ɛ́ tɛr yúor-vɩɛlʋ-danʋ a. Tɩ wõ n a ʋ kɔkɔr na tɩ ƴɛ̀rɛ yire a vũu sɔwlɩsɔw a. Tɩ nyɛ̃ a nɩ a dɩ̃a: Naaŋmɩn na tʋ̃ɔ́ na ƴɛ̀rɛ a nɩsaalbɛ zie, ɛ́ bɛ bɛ kpi ɛ.

Wulu-ayi-sob 5:4

A Sore tɩ tori nyɩ na ɛ́ ƴɛ̀r a tãw zu, a vũu sɔwlɩsɔw.

Zozue 5:1

A Amoritɩ mɩnɛ na-mɩnɛ za na tɩ kpɩɛr a Zurdɛ̃ mʋ̃tɔ̃w-kpɛb-lowr a, nɩ a Kanãa tẽw dem na-mɩnɛ na tɩ kpɩɛr a Mediterane kʋ̃ɔ-kpɛ̃ɛ nʋɔr a, tɩ wõ na k'aa Sore ɩ na a Zurdɛ̃ kʋ̃ɔ sɩr, a Ɩsɩrayɛl nɩbɛ tʋ̃ɔ́ gãw. Lɛ n'a bɛ tɩ kpi zɩ̃, ɛ́ bɛ lɛb tɩ sàw na bà gbɛ́r a Ɩsɩrayɛl nɩbɛ niŋé ɩ.

1 Zã 3:2

Ɩ̃ bá mɩnɛ ɛ, a ƴɛrɛŋa, tɩ ɩ n Naaŋmɩn bibiir, ɛcɛ a lɛ tɩ nãà ŋmɛ̃ a n'a bɛ sãá sɛr ɛ. Tɩ bãwnɩ a n'a k'aa Kɩrɩta wa sãá a lɛn daar a, tɩ na ŋmɛ̃ na taa nɩ ʋ, tɩ na na nyɛ̃ ʋ mɛ̃ a lɛ ʋ na ŋmɛ̃ a ƴãw.