Sɔr-nɛ́ɛ 13:33 - A SƐB-SÕW

³³ Tɩ mɔ̃ mɩ̀ nyɛ̃ nɩ nɩ-kɛrɩ jarmam jarmam, a Anakɩ bʋʋrɛ. Tɩ tɩ nyɛ̃ na tɩ ɩ mɛ̃ sãsoge a, a bɛ zie, ɛ́ a lɛ n'a a bɛl tɛɛ za mɩ̀ tɩ nyɛ̃ tɩ.»

Sɔr-nɛ́ɛ 13:33 ပူးပေါင်းရင်းမြစ်များ

Yele-za-pɛr-tib 6:4

A lɛn daar, nɩ-kɛrɩ jarmam jarmam tɩ be n a tẽw zu, ɛ́ bɛ tɩ cãà nɩ be, a lɛn daar a Naaŋmɩn malkɩ mɩnɛ na tɩ wa páw a nɩsaalbɛ pɔwyaar bɛ dɔw bibiir kʋ̀ bɛ a. Bɛlɛ n'ɩ a koro za gãdaar, nɩbɛ na tɛr yúor a.

1 Bibie za yel-manɩ 11:23

Ʋlɛ mɩ̀ cãà n'ʋ kʋ a Eziptɩ tẽw dɔɔ na tɩ kɛrɩ ta mɛtɩr ayi nɩ ŋmãa a, ɛ́ tɛr kafin na bɛrmɛ sɛw pɛn-wobre dà-gbiwligi a. Dabɔl'ʋ ʋ tɩ tɛr ŋmãa nɩ a Eziptɩ tẽw dɔɔ a zɛbr, faa a ʋ kafin a ʋ nũú kʋ n ʋ.

Ɩzayi 40:22

A Sore naalʋ-dà-kɔw be n a tẽw tʋra zu-sɔw, ɛ́ a nɩsaalbɛ mɩ́ sãá a ʋ zie ɩ mɛ̃ sãsowe a. Ʋ yɛ́r'ɩ a salom mɛ̃ pɛn-kpɛ̃ɛ a, ʋ dɔl ʋ na mɛ̃ pɛn-sɛw a, a ʋ kpɛb ƴãw.

Sɔr-nɛ́ɛ 13:22

A Negɛɛvʋ lowr'a bɛ tɩ tu kpɛ a tẽw pʋɔ, ɛ́ cen tɩ sãá Ebrɔ̃. Be n'a a Ahiman, Sesaɩ nɩ Talmaɩ dɔwlʋ nɩbɛ tɩ kpɩɛr: a nɩ-kɛra jarmam Anakɩ bʋʋrɛ nɛbɛ. Bɛ tɩ ŋmãa nɩ a Ebrɔ̃ tẽw maalɩ yome ayopõi, ɛ́ bãw ŋmãa a Tanisɩ tẽw a Eziptɩ.

Sɔr-nɛ́ɛ 13:28

Ɛcɛ a nɩbɛ na kpɩɛr a tẽw a tɛr'ɩ fãw, ɛ́ a ten ɩ tẽ-bɛrɛ bɛrɛ bɛ na mɛ dacine viiri koli a. Tɩ mɔ̃ mɩ̀ nyɛ̃ nɩ a nɩ-kɛra jarmam Anakɩ bʋʋrɛ a be.

Sɔr-nɛ́ɛ 14:1

A Ɩsɩrayɛl nɩbɛ lãw za tɩ nyɔw nɩ cɛlsɩ ŋmɛb, ɛ́ a nɩbɛ tɩ kõ a ʋlɩ tɩ̃ɩsɔw nɛ za.

Wulu-ayi-sob 1:28

Bʋnʋ ƴãw n'a tɩ na cen a be? A tɩ yɛbr ɩ na a tɩ kanyir za baarɩ. Bʋ̃ʋ n'ʋ vɛ̃, bɛ yel'a: “A tẽw ŋa nɩbɛ kpɛmɛ na zuo tɩ, ɛ́ yãwmɛ zuo tɩ, a bɛ ten ɩ n tẽ-bɛrɛ bɛrɛ bɛ na mɛ dacine viiri koli a do tɩ tɔ salom a.” Bɛ mɔ̃ mɩ̀ tɩ nyɛ̃ nɩ a nɩ-kɛra jarmam, Anakɩ, bʋʋrɛ a be!»

Wulu-ayi-sob 2:10

A koro za a, Emitɩ mɩnɛ nɛbɛ tɩ kpɩɛr a Aar tẽw, nɩbɛ na kpɛmɛ, ɛ́ yãwmɛ, ɛ́ mɩ̀ kɛrɩ mɛ̃ a Anakɩ bʋʋrɛ a.

Wulu-ayi-sob 3:11

— A Basan nãà, Ɔgɩ, tɩ n'ɩ a Erefayim bʋʋrɛ nɩ-been na cɛ a. Bɛ na tʋ̃ɔ́ na cãà nyɛ̃ a ʋ gado a Araba na ɩ a Amoritɩ mɩnɛ tẽ-kpɛ̃ɛ a. Kʋsɩɛr na kpɛmɛ mɛ̃ kure a pʋɔ n'a bɛ tuw ʋ ír, a ʋ wogo zuo nɩ mɛtɩr anaar ɛ́ a ʋ yɛ̀lʋ ta mɛtɩr ayi.—

Wulu-ayi-sob 9:2

Ɛ́ baa zuo a za, nyɩ na diw nɩ a Anakɩ bʋʋrɛ, nɩbɛ na kpɛmɛ kpɛmɛ ɛ́ kɛrɩ a. Nyɩ bãwnɩ a na, ɛ́ wone bɛ yere a bɛ ƴãw à ŋá: «Ãa n'ʋ na sàw àr a Anakɩ bʋʋrɛ niŋé?»

Zozue 11:21

A lɛn daar, a Zozue tɩ cen na tɩ zɛb'ɩ a Anakɩ bʋʋrɛ na tɩ kpɩɛr a tan vuo pʋɔ, a Ebrɔ̃, a Deviir, a Anavʋ, nɩ a Zuda nɩ a Ɩsɩrayɛl ten tan vuo pʋɔ a. Ʋ tɩ kʋ bɛ na pàw pɛr, ɛ́ sãw a bɛ ten bɛr a za.

Zozue 14:12

A na ɩ à ŋá a, kʋ̀ m a tãw vuo ŋa, a Sore na tɩ ƴɛ̀r a ƴɛ̀rʋ a ʋlɩ bibir nɛ a, bʋ̃ʋ n'ʋ vɛ̃, fʋ mɩŋa za tɩ wõ n a ʋlɩ bibir nɛ, kɛ́ Anakɩ bʋʋrɛ nɛbɛ be a be, kpɩɛr tẽ-bɛrɛ nɩ tẽ-kpɛn kpɛn pʋɔ. A mɩnɛ kãw, a Sore na be n a ɩ̃ zie, ɩ̃ɩ na zɛb'a de a, mɛ̃ a lɛ a Sore na tɩ yel kʋ̀ m a.»

Zozue 15:14

A Kalɛb tɩ zɛb'a de ʋ, a Anakɩ bʋʋrɛ yie ata á ŋá zie: Sesaɩ yir, Ahiman yir nɩ Talmaɩ yir.

1 Samɩɛl 17:24

A Ɩsɩrayɛl nɩbɛ za na tɩ nyɛ̃ a dɔɔ ŋa a, dɛ̃bɩ̃ɛ tɩ kpɛ bɛ nɩ yaga za, bɛ tɩ̃wnɩ pùor.

1 Samɩɛl 17:42

A Filisɩtɛ̃ dɔɔ tɩ nyɛ̃ nɩ a Daviir, ɛ́ jewr'ʋ: ʋ tɩ ɩ n bi-pɛm, na ɩ zɩɛ ɛ́ pɔl a.