Sɔr-nɛ́ɛ 13:27 - A SƐB-SÕW

²⁷ À ŋá n'a bɛ tɩ manɩ kʋ̀ a Moyiir: «Tɩ cen nɩ a tẽw ʋl pʋɔ fʋ na tõ tɩ a. Yel-mɩŋa sa ziri, tẽw bʋ̀rʋ nɩ sɩwr na gbɔlɛ a n'ʋ. Nyɛ̃ a tẽw tɩ-wɔmɛ a mɩnɛ.

Sɔr-nɛ́ɛ 13:27 ပူးပေါင်းရင်းမြစ်များ

Neemi 9:25

Bɛ zɛb'a de tẽ-bɛrɛ bɛ na gù vla a, tẽsɔw-vɩɛlɩ, yie na paalɩ bʋ̃-vɩɛlɩ bʋʋrɛ za a, buli na tuw a, divɛ̃ tɩɩr, olivʋ tɩɩr nɩ tɩ-wɔnɩ yaga. A fʋ nɔ̃wfʋ na ɩ kpɛ̃ɛ a zũú a, bɛ dɩ na tɩw, bɛ 'wɔr'a, bɛ wõ n nʋ̃ɔ̀.

Eziptɩ tẽw yib 13:5

Nyɩ na mɩ́ tɛr'ɩ a tub ŋa a cuw ŋa tɔr za pʋɔ, a lɛn daar a Sore nãà wa ɩ nyɩ kpɛ a Kanãa tẽw dem tẽw pʋɔ a. A tẽw ŋa mɩ̀ ɩ n a Hititɩ mɩnɛ, a Amoritɩ mɩnɛ, a Hivitɩ mɩnɛ nɩ a Zebizitɩ mɩnɛ tẽw. A tẽw ŋa n'ʋ a Sore tɩ pɔ a nyɩ sãàkʋm-kore zie k'ʋʋ na kʋ̀ nyɩ na, tẽw bʋ̀rʋ nɩ sɩwr na gbɔlɛ a.

Eziptɩ tẽw yib 3:17

ɛ́ yel: Ɩ̃ na ír nyɩ nɩ a Eziptɩ tẽw wʋ̀ʋr pʋɔ cen nɩ a Kanãa tẽw dem tẽw, a Hititɩ mɩnɛ, a Amoritɩ mɩnɛ, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ tẽw, tẽw bʋ̀rʋ nɩ sɩwr na gbɔlɛ a.”

Eziptɩ tẽw yib 3:8

Lɛ so ɩ̃ siw wa k'ɩ̃ɩ wa faa bɛ a Eziptɩ tẽw dem nuru pʋɔ, ɛ́ ɩ bɛ yi a tẽw ŋa pʋɔ cen tẽw na vɩɛl ɛ́ yɛlmɛ a pʋɔ, tẽw bʋ̀rʋ nɩ sɩwr na gbɔlɛ a, tẽw a Kanãa tẽw dem, a Hititɩ mɩnɛ, a Amoritɩ mɩnɛ, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ na kpɩɛr a.

Eziptɩ tẽw yib 33:3

A na ɩ lɛ a, nyɩ cen a tẽw ŋa pʋɔ bʋ̀rʋ nɩ sɩwr na gbɔlɛ a. Ɛcɛ a mãa mɩŋa kʋ̃ bɩɛlɛ nyɩ ɛ. A nyɩ zuru kpɛmɛ na zuo, ɩ̃ nãà mab'a kʋ nyɩ pàw pɛr a sɔ́r zu.»

Zeremi 11:5

À ŋá n'a ɩ̃ na tu a pɔb ɩ̃ na pɔ a nyɩ sãàkʋm-kore zie yel bɛ k'ɩ̃ɩ na kʋ̀ bɛ nɩ tẽw bʋ̀rʋ nɩ sɩwr na gbɔlɛ a. Ɛ́ be n'a nyɩ be a dɩ̃a.”» Ɩ̃ tɩ sɔw n'a: «A ɩ a lɛ, Sore e.»

Zeremi 32:22

Fʋ tɩ pɔ na yel a tɩ sãàkʋm-kore kɛ́ fʋ na kʋ̀ bɛ nɩ a tẽw ŋa, bʋ̀rʋ nɩ sɩwr na gbɔlɛ a, ɛ́ fʋ ɩ n a lɛ.

Ezekɩɛl 20:15

Ɛcɛ a wɛja-kpalɛ pʋɔ a, ɩ̃ tɩ pɔ na yel bɛ k'ɩ̃ɩ kʋ̃ tɛr bɛ cen nɩ a tẽw ʋl ɩ̃ na tɩ kʋ̀ bɛ a pʋɔ ɩ. A ten za pʋɔ tẽ-vla vla za tɩ n'ʋ, tẽw bʋ̀rʋ nɩ sɩwr na gbɔlɛ a.

Ezekɩɛl 20:6

A ʋlɩ bibir nɛ a, ɩ̃ pɔ na yel bɛ k'ɩ̃ɩ na ƴãw na bɛ yi a Eziptɩ tẽw, ɩ̃ tɛr bɛ cen nɩ tẽw kãw ɩ̃ na nɛb kaa a bɛ ƴãw a. A ten za pʋɔ tẽ-vla vla za n'ʋ, tẽw bʋ̀rʋ nɩ sɩwr na gbɔlɛ a.

Levitɩ mɩnɛ 20:24

ɛ́ yel nyɩ à ŋá: “Nyɩmɛ nɛbɛ na so a bɛ tẽw, ɩ̃ dier ʋ na kʋ̀rɛ nyɩ kɛ́ nyɩ so ʋ, tẽw bʋ̀rʋ nɩ sɩwr na gbɔlɛ a n'ʋ!” Mãa n'ɩ a Sore nyɩ Naaŋmɩn na ɩ nyɩ ɩ nyɩ tʋɔra a nɩ-bʋʋr-yoru sɔgɔ a.

Sɔr-nɛ́ɛ 14:7

Al pùorí bɛ yel a Ɩsɩrayɛl nɩbɛ lãw za: «A tẽw tɩ na cen tɩ cɔlɩ kaa a ɩ n tẽw na vɩɛl vɩɛl vɩɛl a!

Sɔr-nɛ́ɛ 14:8

Tẽw bʋ̀rʋ nɩ sɩwr na gbɔlɛ a n'ʋ. A Sore wa tu tɩ a, ʋ na tɛr tɩ na cen nɩ a tẽw ŋa pʋɔ, tɩ de ʋ kʋ̀ tɩ.

Sɔr-nɛ́ɛ 16:13

Fʋ ɩ na tɩ bɛr tẽw bʋ̀rʋ nɩ sɩwr na gbɔlɛ a, ɛ́ tɛr tɩ wa n a wɛja-kpalɛ pʋɔ kɛ́ tɩ wa kpi, a cãà bɛ sɛw fʋ ɛ, fʋ bɔbr kɛ́ fʋ dɩ nɩ-kpɛ̃ɛnʋ a tɩ zu u?

Sɔr-nɛ́ɛ 16:14

Yel-mɩŋa za, fʋ bɛ tɛr tɩ cen nɩ tẽw bʋ̀rʋ nɩ sɩwr na gbɔlɛ a ɩ, fʋ bɛ kʋ̀ tɩ póru nɩ divɛ̃ tɩɩr póru tɩ so a ɩ! Fʋ de tɩ na bʋɔlɛ zɔn bɩɩ? Tɩ bɛ waar ɛ!»

Wulu-ayi-sob 11:9

kɛ́ nyɩ tʋ̃ɔ́ kpɛ a be cɛlɩ. A Sore pɔ na yel k'ʋʋ na kʋ̀ n a tẽw ŋa a nyɩ sãàkʋm-kore nɩ a bɛ bʋʋrɛ, a tẽw ŋa bʋ̀rʋ nɩ sɩwr na gbɔlɛ a.

Wulu-ayi-sob 26:9

Ʋ tɛr tɩ na wa ta n a ka kʋ̀ tɩ a tẽw ŋa bʋ̀rʋ nɩ sɩwr na gbɔlɛ a.

Wulu-ayi-sob 27:3

Nyɩmɛ wa dɛ ta a, nyɩ na sɛb'ɩ a wulu ɩ̃ na kʋ̀rɛ nyɩ a nɛ-ƴãwnɩ za ƴãw a kʋsɛbɛ zu. À ŋá n'a nyɩ na tʋ̃ɔ́ kpɛ a tẽw bʋ̀rʋ nɩ sɩwr na gbɔlɛ a pʋɔ, a tẽw a Sore nyɩ sãàkʋm-kore Naaŋmɩn na kʋ̀rɛ nyɩ mɛ̃ a lɛ ʋ na yel kʋ̀ nyɩ a.

Wulu-ayi-sob 31:20

Bʋ̃ʋ n'ʋ vɛ̃, ɩ̃ na tɛr'ɩ a nɩbɛ bɛ ŋa cen nɩ tẽw bʋ̀rʋ nɩ sɩwr na gbɔlɛ a, a tẽw ɩ̃ na pɔ yel a bɛ sãàkʋm-kore k'ɩ̃ɩ na kʋ̀ bɛ na a. Bɛ na mɩ́ nyɛ̃ a na dɩ tɩ sɛw, bɛ na 'wɔr'ɩ bɛ za. Al pùorí, bɛ na lɩɛb'a tu ŋmɩn-yoru, maalɛ a, bɛ kʋ̃ bʋɔlɛ mɛ̃ nɩr ɛ, bɛ na sãw nɩ a ɩ̃ wõ-taa bɛr.

Wulu-ayi-sob 6:3

Ɩsɩrayɛl nɩbɛ ɛ, nyɩ bɛrɛ wone a nɛ-ƴãwnɩ á ŋá, ɛ́ ƴãw fãw tuur a. Lɛ n'a nyɩ na wone nʋ̃ɔ̀, ɛ́ yɛ̀r ɩ nɩ-bʋʋr-yaga yaga a tẽw ŋa bʋ̀rʋ nɩ sɩwr na gbɔlɛ a pʋɔ, mɛ̃ a lɛ a Sore, a nyɩ sãàkʋm-kore Naaŋmɩn, na yel kʋ̀ nyɩ a.

Zozue 5:6

A Ɩsɩrayɛl nɩbɛ tɩ cen nɩ a wɛja-kpalɛ pʋɔ yome lɩz'a ayi. A yome lɩz'a ayi á ŋá na wa tɔl a, a dɛbr bɛl za na tɩ ta a zɛbr a Eziptɩ tẽw yib daar a tɩ kpi n bɛ za, bɛ na tɩ zawrɩ a Sore nʋɔr a zũú. Lɛ n'a a Sore tɩ pɔ k'ʋʋ kʋ̃ bɛr bɛ bɛ nyɛ̃ a tẽw ʋl ʋ na tɩ yel kʋ̀ a tɩ sãàkʋm-kore, k'ʋʋ na kʋ̀ tɩ na a ɩ, tẽw bʋ̀rʋ nɩ sɩwr na gbɔlɛ a.