Sɔr-nɛ́ɛ 11:25 - A SƐB-SÕW

²⁵ A Sore tɩ siw nɩ a zũzuwr pʋɔ ƴɛ̀r'ɩ a Moyiir, ɛ́ ɩ a vʋʋrʋ na be a Moyiir pʋɔ a blã kʋ̀ a nɩ-kore lɩz'a ata nɩ pie. A vʋʋrʋ na wa bere a bɛ zu wa báarɛ a, bɛ tĩ na ƴɛ̀rɛ mɛ̃ naaŋmɩn-ƴɛ̀r-manbɛ a, ɛcɛ bɛ tɩ ta n sɔgɔ bɛr.

Sɔr-nɛ́ɛ 11:25 ပူးပေါင်းရင်းမြစ်များ

2 Na-mɩnɛ 2:15

A Zeriko naaŋmɩn-ƴɛ̀r-manbɛ lãw nɩbɛ na tɩ àr zãá, ɛ́ nyɛ̃ a lɛ a Elize na ɩ a, tɩ yel'a: «A naaŋmɩn-ƴɛ̀r-manɛ vʋʋrʋ na tɩ be a Eli zie a, a Elize zie n'a ʋ be ƴɛrɛŋa.» Bɛ tɩ tuori ʋ na, gbĩ dume gũu tɩ tɔ tẽw a ʋ niŋé,

Neemi 9:20

A fʋ nɔ̃wfʋ pʋɔ, fʋ kʋ̀ bɛ nɩ a fʋ vʋʋrʋ kɛ́ bɛ tɛr yã. Fʋ kʋ̀ bɛ nɩ a mãan a bɛ dɩb ƴãw, nɩ kʋ̃ɔ a bɛ kʋ̃ɔ-nyúur ɓãafʋ ƴãw.

Sɛb-sõw yielu 99:7

A Naaŋmɩn mɩ́ tɩ ƴɛ̀rɛ nɩ a bɛ zie a zũzuwr na ba àr mɛ̃ kpul a pʋɔ, bɛ tɩ sàw nɩ a ʋ nɛ-ƴãwnɩ nɩ a wulu ʋ na tɩ kʋ̀ bɛ a.

Eziptɩ tẽw yib 32:32

Ɩ̃ zɛlɛ fʋ nɩ yãayãa, dɩ suur kʋ̀ bɛ! Alɛ bɛ ɩ lɛ, fʋ̃ʋ sãw a ɩ̃ yúor fʋ na sɛb a nyɔ-vʋʋrʋ sɛbɛ pʋɔ a bɛr.»

Eziptɩ tẽw yib 34:5

A Sore tɩ siw nɩ a zũzuwr pʋɔ wa àr a be kɔw a Moyiir. Ʋ tɩ bʋɔl'ɩ a ʋ yúor kɛ́: «Sore.»

Eziptɩ tẽw yib 40:38

A Sore zũzuwr mɩ́ tɩ pàw nɩ a zi-sõw a mʋ̃tɔ̃w, ɛ́ vũu mɩ́ tɩ be a ʋ pʋɔ a tɩ̃ɩsɔw. A Ɩsɩrayɛl nɩbɛ za tɩ nyɛ̃ nɩ à á ŋá za a bɛ cenu za pʋɔ.

Ɩzayi 63:11

Lɛ n'a a ʋ nɩbɛ tɩ lɛb tɩɛrɩ a Moyiir daar: «Nyɩnɛ n'a a sob nɛ na ɩ a ʋ nɩbɛ bɛ yi a kʋ̃ɔ-kpɛ̃ɛ pʋɔ lɛb do a be? Nyɩnɛ n'a a ʋ dʋn lãwnɩ a cɩ̃ɩnbɛ be? Nyɩnɛ n'a a sob nɛ na ƴãw a ʋ Vʋʋrʋ Sõw a tɩ sɔgɔ a be?

Ezekɩɛl 8:11

A Ɩsɩrayɛl nɩbɛ nɩ-kore lɩz'a ata nɩ pie tɩ àr'ɩ saaƴẽwn a ŋmɩn-bɛlɛbɛlɛ niŋé. A bɛ pʋɔ a, Safan bidɛb, Yaazaniyahu, tɩ be n be. Ŋa za tɩ tɛr'ɩ tɩ-suur-zɔ̃-na-nyùur-vla-vla-a nyɩwfʋ-kole a nũú, ɛ́ a tɩ-suur-zɔ̃-na-nyùur-vla-vla-a zʋ̀ʋ́r tɩ dúor a salom zu.

Sɔr-nɛ́ɛ 11:17

Ɩ̃ na siw na wa ƴɛ̀r'ɩ fʋ a be. Ɩ̃ na ɩ n a vʋʋrʋ na be a fʋ pʋɔ a blã ƴãw bɛ. Lɛ n'a bɛ na mɩ́ lãw nɩ fʋ tuo a nɩbɛ bɛ ŋa kaafʋ na ɩ tuor a, fʋ kʋ̃ cãà ɩ fʋ yõ tuore ɩ.

Sɔr-nɛ́ɛ 12:5

A Sore tɩ siw nɩ zũzuwr na ɩ mɛ̃ kpul a pʋɔ, àr a pɛn-sɛw dɩ̃dɔr nʋɔr ɛ́ bʋɔlɩ a Aarɔ̃ nɩ a Miriyam. Bɛ taw ta bɛ za ayi.

Sɔr-nɛ́ɛ 16:25

A Moyiir tɩ lɛb'a ìr cen a Datan nɩ a Abiram zie. A Ɩsɩrayɛl nɩbɛ nɩ-kore tɩ tu ʋ na cen.

Sɔr-nɛ́ɛ 24:2

Ʋ tɩ dʋɔ nɩ a zu nyɛ̃ a Ɩsɩrayɛl nɩbɛ na be a bɛ laɩ pʋɔ dɔwlʋ dɔwlʋ a. Lɛ n'a a Naaŋmɩn Vʋʋrʋ tɩ siw ʋ,

Sɔr-nɛ́ɛ 27:18

A Sore tɩ sɔw nɩ a Moyiir à ŋá: «De Nun bidɛb, Zozue, a ɩ̃ vʋʋrʋ be n a ʋ zie. Ír a fʋ nũu dɔwlɩ a ʋ zu.

Nɩ-toni 11:28

Vʋʋrʋ Sõw tɩ caal'ɩ a bɛ ƴen sob, na dɩ kɛ́ Agabisɩ a, ʋ yel kɛ́ kɔ̃-kpɛ̃ɛ kʋ̃ yaa kɛ́ lo a tẽ-daa za zu ɛ. A kɔ̃ ʋl wa sɩrɩ na lo a Ʋrɔm tẽw na-kpɛ̃ɛ Kuloor daar.

1 Korɛ̃tɩ 14:32

A naaŋmɩn-ƴɛ̀r-manɛ so a naaŋmɩn-ƴɛ̀r-manɛ tɩɛrʋ na ƴãw ʋ ƴɛ̀rɛ a.

Zakɩ 1:17

bʋ̃-kʋ̀ra za na bɛ tɛr tɔ a, ƴãw-taa bom za na vɩɛl bɛ cɛ a, saa-zu n'a a yire siwr. Naaŋmɩn zie n'a a yire, ʋl na ɩ a salom zu bʋ̃-caalɩ Íre a, ʋl na bɛ bãw lɩɛbʋ, ɛ́ bɛ lɩɛbɛ kɛ̀ ɓaarʋ lɩɛbɛ tuur a.

2 Pɩɛr 1:21

Bʋ̃ʋ n'ʋ vɛ̃, naaŋmɩn-ƴɛ̀r-manɛ ƴɛ̀rʋ kãw za bɛ dãw yi nɩsaal yõ na bɔbr a zie ɩ, Vʋʋrʋ Sõw n'ʋ tɩ ƴãw nɩbɛ ƴɛ̀r a Naaŋmɩn yúor ƴãw.

Ƴɛ̀r-dɩrbɛ 3:10

A Sore Vʋʋrʋ tɩ siw nɩ a ʋ zu, ʋ ɩ a Ɩsɩrayɛl nɩbɛ ƴɛ̀r-dɩrɛ. Ʋ tɩ yi n a zɛbr, a Sore ɩ ʋ zɛb tʋ̃ɔ́ a Mezopotami nãà Kusan-Iriseatayim.

1 Samɩɛl 10:10

A Sawul nɩ a ʋ tõ-tõ-bie na tɩ tarɛ a Givea a, bɛ tɩ tuor'ɩ naaŋmɩn-ƴɛ̀r-manbɛ. Lɛ n'a a Naaŋmɩn Vʋʋrʋ tɩ siw a ʋ zu, ɛ́ a naaŋmɩn-ƴɛ̀r-manɛ ƴã-cɩrʋ been nɛ nyɔw ʋ.