Sɔr-nɛ́ɛ 10:29 - A SƐB-SÕW

²⁹ A Moyiir tɩ yel'ɩ a Hobab, a ʋ dɩɛm-sãà Erewuyɛl na ɩ Madian tẽw nɩr a, bidɛb: «Tɩ cere nɩ a tẽw a Sore na yel k'ʋʋ na kʋ̀ tɩ na a. Wa tɩ cen, tɩ na tɩ ɩ na fʋ pʋɔ a maalʋ a Sore na yel k'ʋʋ na kʋ̀ n a Ɩsɩrayɛl a pʋɔ.»

Sɔr-nɛ́ɛ 10:29 ပူးပေါင်းရင်းမြစ်များ

Yele-za-pɛr-tib 12:7

A Sore tɩ ɩ na a Abram nyɛ̃ ʋ, ʋʋ yel ʋ: «A fʋ bʋʋrɛ nɛbɛ ɩ̃ na kʋ̀ a tẽw ŋa.» A Abram tɩ mɛ n bàwr-maal-kuur a Sore ƴãw, a be a Sore na tɩ ɩ ʋ nyɛ̃ ʋ a.

Yele-za-pɛr-tib 13:15

A tẽw ŋa za fʋ na nyɛ̃ a, ɩ̃ kʋ̀rɛ ʋ nɩ fʋ̃ʋ nɩ a fʋ bʋʋrɛ kɛ́ nyɩ só ʋ kʋralɛ.

Yele-za-pɛr-tib 15:18

A ʋlɩ bibir nɛ a, a Sore tɩ maal'ɩ nɩ a Abram wõ-taa. Ʋ tɩ yel ʋ nɩ à ŋá: «A fʋ bʋʋrɛ nɛbɛ ɩ̃ kʋ̀rɛ a tẽw ŋa na yi a Eziptɩ man ɛ́ tɩ tɔ a man-kpɛ̃ɛ a, a Efaratɩ man.

Yele-za-pɛr-tib 17:8

A tẽw fʋ na kpɩɛr ɩ nʋʋra a, a Kanãa tẽw za, ɩ̃ kʋ̀rɛ ʋ nɩ fʋ̃ʋ nɩ a fʋ bʋʋrɛ. Bɛ na so ʋ nɩ kʋralɛ, ɩ̃ɩ ɩ a bɛ Naaŋmɩn.»

Yele-za-pɛr-tib 32:12

Yãayãa, faa mɛ̃ a ɩ̃ yɛb Ezawu nũú, ɩ̃ zɔrɛ ʋ na, ɩ̃ zɔrɛ nɩ dɛ̃bɩ̃ɛ ʋ na na wa wa kʋ m, lãwnɩ a pɔwbɛ nɩ a bibiir a.

Sɛb-sõw yielu 100:1

Sɛb-sõw yielu a barka bàwr maalʋ ƴãw. Tẽ-daa nɩbɛ za a, nyɩ cáarɛ a Sore ƴãw.

Sɛb-sõw yielu 34:8

A Sore malkɩ mɩ́ àr'a gù a bɛlɩ dem na zɔrɛ a Sore a, ɛ́ mɩ́ faa bɛ.

Sɛb-sõw yielu 95:1

Nyɩ wa tɩ lɔbr nʋ̃ɔ̀ cɛlsɩ a Sore ƴãw! Tɩ cáarɛ danɛ nɩ a tɩ Pìir, a tɩ faarɛ!

Eziptɩ tẽw yib 18:1

A Moyiir dɩɛm-sãà Zetoro na ɩ a Madian bàwr-maalɛ a, tɩ wõ n a lɛ za a Naaŋmɩn na ɩ a Moyiir nɩ a ʋ nɩ-bʋʋrɛ ƴãw a. Ʋ tɩ wõ n a lɛ a Sore na ɩ bɛ yi a Eziptɩ a.

Eziptɩ tẽw yib 18:12

A Moyiir dɩɛm-sãà Zetoro tɩ maal'ɩ nyɩw-a-za-bàwr nɩ lãw-taa bagɛ kʋ̀ a Naaŋmɩn. A Aarɔ̃ nɩ a Ɩsɩrayɛl nɩ-kore tɩ wa na wa lãw nɩ a Moyiir dɩɛm-sãà dɩ a bàwr-maal-bʋ̃-dɩrɩ a Naaŋmɩn niŋé.

Eziptɩ tẽw yib 18:27

Al pùorí, a Moyiir bɛr a ʋ dɩɛm-sãà ʋ lɛb kul a ʋ tẽw.

Eziptɩ tẽw yib 2:18

Bɛ tɩ lɛb'a kul a bɛ sãà Erewuyɛl zie, ʋ tɩ sowri bɛ: «Bʋ̃ʋ n'ʋ so nyɩ dãwnɩ waa a dɩ̃a?»

Eziptɩ tẽw yib 2:21

A Moyiir tɩ sàw na be a Erewuyɛl zie, ʋ kʋ̀ ʋ a ʋ pɔwyaa Sefora ʋ kul.

Eziptɩ tẽw yib 3:1

A Moyiir tɩ àrɛ nɩ nɩ a ʋ dɩɛm-sãà Zetoro na ɩ a Madian tẽw bàwr-maalɛ a píir nɩ bʋʋr. Bibir kãw, ʋ tɩ kpa n a dʋn tɩ zuo nɩ a wɛja-kpalɛ bɛr ɛ́ tɩ ta n a Naaŋmɩn tãgɛ̃́, a Orɛb.

Eziptɩ tẽw yib 3:8

Lɛ so ɩ̃ siw wa k'ɩ̃ɩ wa faa bɛ a Eziptɩ tẽw dem nuru pʋɔ, ɛ́ ɩ bɛ yi a tẽw ŋa pʋɔ cen tẽw na vɩɛl ɛ́ yɛlmɛ a pʋɔ, tẽw bʋ̀rʋ nɩ sɩwr na gbɔlɛ a, tẽw a Kanãa tẽw dem, a Hititɩ mɩnɛ, a Amoritɩ mɩnɛ, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ na kpɩɛr a.

Eziptɩ tẽw yib 6:4

Ɩ̃ maal'ɩ bɛ nɩ wõ-taa yel k'ɩ̃ɩ na kʋ̀ bɛ nɩ a Kanãa tẽw bɛ na ɩ nʋʋrɩ kpɩɛr a.

Ɩzayi 2:3

Nɩ-bʋʋr-yaga na ìr'a lo a sɔ́r ɛ́ yere: “Nyɩ wa! Nyɩ wa tɩ do a Sore tãw zu, tɩ do a Zakɔb Naaŋmɩn yir. Ʋ na tɩ wul tɩ nɩ a ʋ sɛ́ɛ, ɛ́ tɩ na cere nɩ a ʋ soli zu.” Sɩza, Sɩyɔ̃ n'a a Sore wulu yire waar, Zerizalɛm'a a ʋ ƴɛ̀rʋ yire waar wa páwr tɩ.

Zeremi 50:5

Bɛ na sowr'a bãw a sɔ́r na cere a Sɩyɔ̃ a, ɛ́ bɛ na lɩɛb'ɩ a niŋe cɔw a ʋ lowr. Bɛ na wa na wa lãw nɩ mɛ̃, wõ-taa na be kʋralɛ a pʋɔ, wõ-taa bɛ na kʋ̃ yiiri bɛr towtow a pʋɔ.

Sɔr-nɛ́ɛ 10:28

A bɛ na tu taa à ŋá a n'a a Ɩsɩrayɛl nɩbɛ zɛbr-nɩbɛ tɩ lo a sɔ́r.

Sɔr-nɛ́ɛ 23:19

Naaŋmɩn bɛ ɩ nɩsaal na ŋmarɛ ziri ɛ, nɩsaal bie a tɩɛrʋ na mɩ́ lɩɛbɛ a bɛ n'ʋ ɛ. Ʋ na tʋ̃ɔ́ na yel ɛ́ bɛ ɩ ɛ? Ʋ na tʋ̃ɔ́ na ƴɛ̀r ƴɛ̀rʋ ɛ́ bɛ tu ɛ?

Nɩ-toni 7:5

A be a, Naaŋmɩn bɛ tɩ kʋ̀ ʋ zie ɩ, zie zaa pʋrɩ na yɛlmɛ man gbɛnaɓɛl a ɩ. Ɛcɛ ʋ tɩ ƴãw nɩ nʋɔr k'ʋʋ na kʋ̀ ʋ nɩ a tẽw nɛ ʋ ɩ a ʋ bʋ̃-sora, nɩ a ʋ bʋ̃-dɔwrɩ bʋ̃-sora a ʋ kũu pùorí, a Abraham na saa bɛ tɩ tɛr bie a lɛn daar a.

Wulu-ayi-sob 30:5

Ʋ na tɛr nyɩ na lɛb wa n a tẽw a nyɩ sãàkʋm-kore na tɩ dãw so a, ɛ́ nyɩ na lɛb'a so ʋ. A Sore nyɩ Naaŋmɩn na ɩ na nyɩ wone nʋ̃ɔ̀ ɛ́ yãwmɛ zuo a nyɩ sãàkʋm-kore.

Wulu-ayi-sob 4:40

Nyɩ sàwr a ʋ wulu nɩ a ʋ nɛ-ƴãwnɩ ɩ̃ na kʋ̀rɛ nyɩ a dɩ̃a a. Lɛ n'a a nyɩɩm nɩ a nyɩ bʋʋrɛ a pùorí, nyɩ na kpɛ a tẽw a Sore nyɩ Naaŋmɩn na kʋ̀rɛ nyɩ a baarɩ a cɛlɩ.

Títɩ̀ 1:2

kɛ́ bɛ tɩɛrɛ a nyɔ-vʋʋrʋ na be kʋralɛ a. A Naaŋmɩn na bɛ ŋmarɛ ziri a tɩ ƴãw nɩ nʋɔr k'ʋʋ na kʋ̀ bɛ nɩ a nyɔ-vʋʋrʋ ŋa, ɛ́ a dɩta-pɛ-yome za wa bãw be.

Ebre 6:18

A na ɩ à ŋá a, yele ayi na bɛ tɛr lɩɛbʋ a pʋɔ, Naaŋmɩn na kʋ̃ tʋ̃ɔ́ ŋmãa ziri a, alɛ n'a kʋ̀rɛ tɩ sõwfʋ kpɛ̃ɛ a tɩɩm na zɔ sɔwlɩ a ʋ zie a. Lɛ n'a tɩ na tʋ̃ɔ́ nyɔw a tɩɛrʋ tɩ na ƴãw a Naaŋmɩn ƴãw a kpɛ̃w za, a tɩɛrʋ ŋa bɛ na kʋ̀rɛ tɩ a.

Yel-wula 22:17

A Naaŋmɩn Vʋʋrʋ nɩ a Pɔw-sãan yere na: «Wa!» Sob nɛ na wone à à ŋá a, ʋ mɩ̀ yel: «Wa!» Sob nɛ kʋ̃ɔ-nyúur na kpɩɛr a, ʋ wa. Sob nɛ na bɔbr a, ʋ páw a nyɔ-vʋʋrʋ kʋ̃ɔ, mɔlɛ.

Ƴɛ̀r-dɩrbɛ 1:16

A Kenitɩ mɩnɛ na ɩ a Moyiir dɩɛm nɩbɛ a tɩ yi n a Kpãkparmɛ tɩɩr tẽw, ɛ́ páw a Zuda dɔwlʋ nɩbɛ cen a Zuda wɛja-kpalɛ pʋɔ na be a Aradɩ tẽw saa-pɛrɩ́-dʋrʋ-lowr a. Bɛ tɩ cen na tɩ kpɩɛr a Amalesitɩ mɩnɛ pʋɔ.

Ƴɛ̀r-dɩrbɛ 4:11

A Kenitɩ nɩr Ebɛɛr, tɩ kpɩɛr'a pɩɛlɩ a Kedɛsɩ. Ʋ tɩ bʋ́r'a yi a Kenitɩ mɩnɛ pʋɔ, a Moyiir dɩɛm-sãà Hobab yir Kenitɩ mɩnɛ, ɛ́ cen tɩ maalɩ a ʋ pɛn-sɛw pɩɛlɩ a Saanayim sɛn tɩɛ.

1 Samɩɛl 15:6

Al pùorí, ʋ tɩ ƴãw na bɛ yel a Kenitɩ mɩnɛ: «Nyɩ yi zaa a Amalɛkɩ tẽw dem sɔgɔ, nyɩ cen zãá nɩ bɛ, ɩ̃ taa wa ɩrɛ nyɩ mɛ̃ a bɛl a ɩ, bʋ̃ʋ n'ʋ vɛ̃, a lɛn daar a Ɩsɩrayɛl nɩbɛ na tɩ yi a Eziptɩ a, nyɩ tɩ ɩ n vla a bɛ zie.» Lɛ n'a a Kenitɩ mɩnɛ tɩ yi zaa a Amalɛkɩ tẽw dem sɔgɔ.