Nɩ-toni 5:9 - A SƐB-SÕW

⁹ Lɛ n'a a Pɩɛr tɩ yel ʋ: «Ŋmɩŋmɩn za n'a nyɩ wõ taa yel kɛ́ nyɩ ɩ a Sore Vʋʋrʋ kɛ́ nyɛ̃? Nyɛ̃, a bɛlɩ dem na cen tɩ ũù a fʋ sɩr a ƴɛrɛŋa a, bɛlɛ n'ɩ bɛ ŋa ta a dɩ̃dɔr nʋɔr, bɛ mɩ̀ na ɓáw fʋ na tɩ ũù.»

Nɩ-toni 5:9 ပူးပေါင်းရင်းမြစ်များ

Yele-za-pɛr-tib 20:13

A lɛ a Naaŋmɩn na tɩ ƴãw ɩ̃ yi ɛ́ bɛr a ɩ̃ Sãà yir a, ɩ̃ yel'ɩ a Saara: “Maalʋ ŋa n'ʋ ɩ̃ zɛlɛ a fʋ zie: zie za tɩ na tarɛ a, mɩ́ yel k'ɩ̃ɩ ɩ n a fʋ yɛ-dɛb.”»

2 Na-mɩnɛ 6:32

A Elize nɩ a tẽw nɩ-kore tɩ ɓã n taa a ʋ yir. A nãà tɩ tõ n nɩr a ʋ zie. Ɛcɛ a nɩr ŋa, bɛ na tõ a bɛ tɩ ta sɛr ɛ, ɛ́ a Elize yel a nɩ-kore: «Nyɩ nyɛ̃ a na a, a nɩ-kʋrɛ ŋa tõ n nɩr k'ʋʋ wa ŋmãa mɛ̃ a zu. Nyɩ cɛlɛ be: a nɩr ŋa wa ta a, nyɩɩm pàw a pan, ɛ́ ta sàw ʋ kpɛ ɩ. Ɛcɛ mɔ̃ mɩ̀, a ʋ nɩ-kpɛ̃ɛ bɛ n'ʋ cere tuur ʋ tɩ wone ɩ?»

Sɛb-sõw yielu 50:18

Fʋ̃ʋ wa nyɛ̃ nyãnyuge a, fʋ̃ʋ nɩ ʋl mɩ́ kpɛ n taa, ɛ́ fʋ̃ʋ nɩ a pɩ̃ɔ-yel-maalbɛ n'ɩ a tu-ta-dem.

Sɛb-sõw yielu 78:56

Ɛcɛ bɛ tɩ ɩ n a Naaŋmɩn-na-do-saa-bɛ-pɩɛl-a kaa, bɛ tɩ jɛrɛ na, bɛ sàwr a nɛ́ɛ ʋ na ƴãw a ɩ.

Eziptɩ tẽw yib 17:2

Lɛ n'a a nɩbɛ tɩ bɔ a Moyiir nɔhaarʋ, yel ʋ à ŋá: «Nyɩ kʋ̀ tɩ kʋ̃ɔ tɩ nyũ!» A Moyiir tɩ sɔw bɛ na: «Bʋ̃ʋ n'ʋ so nyɩ bɔbr mɛ̃ nɔhaarʋ? Bʋnʋ ƴãw n'a nyɩ yel kɛ́ nyɩ ɩ a Sore kaa?»

Eziptɩ tẽw yib 17:7

Bɛ tɩ por'ɩ a zie nɛ yúor kɛ́ Masa nɩ Meriba, a pɛr lɛ kɛ́ “Ɩ-kaafʋ” nɩ “Nɔhaarʋ”. A Ɩsɩrayɛl nɩbɛ na tɩ bɔ a Moyiir nɔhaarʋ a ƴãw, nɩ bɛ na tɩ ɩ a Sore kaa sowri: «A Sore be n a tɩ sɔgɔ, bɩɩ ʋ bɛ ka be mɔ̃?»

Zʋkpaɩ 11:21

A bɛ tɛr à ŋá ɩ, a nɩ-faa kʋ̃ vɛ̃ bɛ nyɛ̃ dɔwrʋ ɛ, ɛcɛ a nɩ-mɩn za na cɩ̃ɛ na.

Zʋkpaɩ 16:5

A Sore bɛ nɔnɛ a pɔ̀lʋ dem towtow ɛ. Bʋnʋ bɛ ka be ɩ, bɛ na nyɛ̃ nɩ dɔwrʋ.

Mise 7:3

Bɛ de nɩ jalɩ a ɩ-faar maalʋ ƴãw. A nɩ-bɛrɛ nɩ a ƴɛ̀r-dɩrbɛ mɩ́ fɛr'a ƴãw bɛ ŋmɛ bɛ nʋɔr. A nɩ-yée mɩ́ yel'ɩ a bɛ bʋ̃-bɔbrɩ cãàmɩ́ lɛ, ɛ́ a bɛ za ɓã taa tɛr a bɛ gõlõgõlõ ɩb.

Sɔr-nɛ́ɛ 14:22

k'aa nɩbɛ bɛ ŋa kãw za kʋ̃ kpɛ a tẽw ŋa pʋɔ ɩ. Bɛ nyɛ̃ nɩ a ɩ̃ yúor-vɩɛlʋ-danʋ nɩ a fãw ɩb al za ɩ̃ na ɩ a Eziptɩ nɩ a wɛja-kpalɛ pʋɔ a, ɛcɛ, bɛ bɛ bɛr a ɩ̃ ɩ-kaafʋ ɛ, zawrɛ a ɩ̃ nʋɔr kʋralɛ. Lɛ so, a bɛ been kãw za kʋ̃ nyɛ̃ a tẽw ɩ̃ na yel k'ɩ̃ɩ na kʋ̀ n a bɛ sãàkʋm-kore a ɩ, bɛ za na faa zawrɩ mɛ̃ bɛr a ƴãw.

Matie 4:7

A Yeezu tɩ sɔw na: «Bɛ mɩ̀ cãà na sɛb: “Fʋ kʋ̃ ɩ a Sore fʋ Naaŋmɩn kaa ɩ.”»

Luka 16:2

A nɩ-kpɛ̃ɛ tɩ bʋɔl'ʋ na wa yel ʋ: “Ɩ̃ wõ na kɛ́ fʋ ɩrɛ nɩ ŋmɩn a? Manɩ a lɛ fʋ na kaarɛ a ɩ̃ bome zie a kʋ̀ m, bʋ̃ʋ n'ʋ vɛ̃, dɩ̃a na ta a, fʋ kʋ̃ cãà ɩ a ɩ̃ bʋ̃-kaarɛ ɩ.”

Nɩ-toni 15:10

A na ɩ à ŋá a, bʋnʋ ƴãw n'a nyɩ yel kɛ́ nyɩ ɩ a Naaŋmɩn kaa? Nyɩ na de tuor, tɩɩm nɩ a tɩ sãàkʋm-kore na bɛ tʋ̃ɔ́ tuo a, bɔbr kɛ́ nyɩ tuo a po-tuurbɛ a?

Nɩ-toni 5:6

A pɔlbili tɩ wa na wa de pɛn pili pàw a kũu, ɛ́ ɓáw cen nɩ tɩ ũù.

Ʋrɔm 10:15

Ɛ́ ŋmɩŋmɩn n'a bɛ na ɩ hiere a ʋ yele, bɛlɛ bɛ wa tõ nɩbɛ a al ƴãw a? Mɛ̃ a lɛ a Sɛb-sõw na yel a: «Nyɛ̃ a yel-vɩɛlɩ yerbɛ waa na vɩɛl a!»

Ʋrɔm 3:19

Tɩ bãw na k'aa alɩ bome nɛ za a Naaŋmɩn wulu na yere a, ʋ yere na kʋ̀rɛ a Zifʋ mɩnɛ a Wulu ŋa na fɛrɛ a, kɛ́ nɩr za ta tʋ̃ɔ́ háa nʋɔr manɩ a ʋ yel-mɩŋa ɩ, ɛ́ bɛ nyɛ̃ a tẽ-daa za na tɛr sãwna a Naaŋmɩn niŋé a.

1 Korɛ̃tɩ 10:9

Tɩ mɩ̀ ta ɩrɛ a Sore kaar ɛ, mɛ̃ a lɛ a bɛ mɩnɛ kãw na tɩ ɩ a bɛ pʋɔ a ɩ: wɩɩr kʋ bɛ na.