Nɩ-toni 2:4 - A SƐB-SÕW

⁴ A lɛ n'a a Vʋʋrʋ Sõw tɩ paalɩ bɛ za bɛ tĩ ƴɛ̀rɛ bʋʋr-yoru ƴɛ̀rʋ. Ŋa za mɩ́ tɩ ƴɛ̀rɛ na mɛ̃ a lɛ a Vʋʋrʋ Sõw na kʋ̀ ʋ k'ʋʋ ƴɛ̀rɛ a.

Nɩ-toni 2:4 ပူးပေါင်းရင်းမြစ်များ

2 Samɩɛl 23:2

Mãa zie n'a a Sore Vʋʋrʋ mɩ́ tu ƴɛ̀rɛ, a ʋ ƴɛ̀rʋ be n a ɩ̃ nʋɔrɩ́.

Ɩzayi 28:11

Ʋ̃ʋ, à à ŋá n'a, nɩ-bʋlmɛ ƴɛ̀rʋ nɩ ƴɛ̀r-sãan n'ʋ a Sore na ƴɛ̀r a nɩ-bʋʋrɛ bɛ ŋa zie.

Ɩzayi 59:21

A Sore yere na ƴãw pʋɔ: «Ɛ́ a mãa a, nyɛ̃ a wõ-taa ɩ̃ na maalɛ nɩ a nɩbɛ bɛ ŋa a: A ɩ̃ vʋʋrʋ be n a nyɩ zu, ɩ̃ɩ ƴãw nɩ a ɩ̃ ƴɛ̀rʋ a nyɩ nɛ̃ɛ́. Nyɩmɛ so a, a nyɩ bibiir so a, nɩ a bɛ bibiir mɩ̀ bibiir, a ƴɛrɛŋa nɩ kʋralɛ. Ɩ̃ bɛ lɛb dier a a nyɩ zie towtow ɛ. A mãa, a Sore, mãa n'ʋ yere.»

Zeremi 6:11

A Sore suur paalɩ mɛ̃ na, ɩ̃ kʋ̃ tʋ̃ɔ́ cãà nyɔw ʋ tɛr ɛ. «Lɩɛb ʋ ƴãw a bibiir a sɛ́ɛ zu nɩ a pɔlbili za zu. Bɛ na nyɔw nɩ bɛ za cen nɩ, dɛbr nɩ pɔwbɛ, nɩbɛ na kòr nɩ nɩbɛ na kòr tɩ kòr a.

Ezekɩɛl 3:11

Al pùorí, cen a fʋ nɩ-bʋʋrɛ nɩbɛ bɛ na diw wa n a ka a zie. Ƴɛ̀r a bɛ zie yel: “À ŋá n'a a Sore Naaŋmɩn ƴɛ̀rɛ”. Ƴɛ̀r a bɛ zie, bɛlɛ saa bɛrɛ wone bɩɩ bɛ bɛrɛ wone fʋ a.»

Mise 3:8

Ɛcɛ mãa a, a Sore Vʋʋrʋ ʋ na kʋ̀ m a zũú, ɩ̃ tɛr'ɩ fãw yaga za. Mɩnʋ nɩ kanyir be n a ɩ̃ zie, ɩ̃ yere a Zakɔb bʋʋrɛ sãwna kʋ̀rɛ bɛ, ɛ́ yere a Ɩsɩrayɛl nɩbɛ yel-bier kʋ̀rɛ bɛ.

Matie 10:19

Bɛlɛ wa nyɔw nyɩ cere nɩ a ƴɛ̀rʋ-dɩb zie a, nyɩ ta dɩ tuo bɔbr a ƴɛ̀r-bie al nyɩ na na yel bɩɩ a lɛ nyɩ na na ƴɛ̀r a ɩ. A ƴɛ̀rʋ daar wa ta a, a ƴɛ̀r-bie al na wa n a nyɩ nʋɔrɩ́.

Markɩ 16:17

Ɛ́ bãwfʋ á ŋá n'a na tuur a bɛlɩ dem na sàw de a: a ɩ̃ yúor ƴãw, bɛ na diwr'ɩ kɔ̃tɔmɛ, bɛ na ƴɛ̀rɛ nɩ ƴɛ̀r-paalɛ.

Luka 1:15

Ʋ na ɩ n kpɛ̃ɛ a Sore niŋé, ʋ kʋ̃ nyúur divɛ̃ nɩ dã-bɩ̃ɩ kãw za ɩ. Ʋ na cãà nɩ a ʋ mã púorí ɛ́ a Vʋʋrʋ Sõw paalɩ ʋ.

Luka 1:41

Zɩ̃ kɛ́ a Elizabɛr na tɩ wõ a Marya puoru a, a bie tɩ dam'ɩ a ʋ púorí. Lɛ n'a a Vʋʋrʋ Sõw tɩ paalɩ a Elizabɛr,

Luka 1:67

Vʋʋrʋ Sõw tɩ siw na paalɩ a ʋ sãà Zakari, ʋ ƴɛ̀r naaŋmɩn-ƴɛ̀r-manɛ ƴɛ̀rʋ à ŋá:

Luka 12:12

A Vʋʋrʋ Sõw na wul nyɩ nɩ a pɛr nɛ pʋɔ, lɛ a na sɛw kɛ́ nyɩ ƴɛ̀r a.»

Luka 21:15

Mãa mɩŋa na ƴãw nɩ ƴɛ̀rʋ a nyɩ nʋɔrɩ́, ɛ́ kʋ̀ nyɩ yã-bãwfʋ na na ɩ a nyɩ dɔ̃ dem ƴɛ̀rʋ bɔr a.

Luka 4:1

A Yeezu tɩ yi n a Zurdɛ̃ manɩ́ lɛb wa, ɛ́ a Vʋʋrʋ Sõw tɩ paalɩ ʋ. A Vʋʋrʋ sõw tɩ tɛr ʋ na kpɛ n a wɛja-kpalɛ pʋɔ,

Zã 14:26

Ɛcɛ a Gùre, a Vʋʋrʋ Sõw, a Sãà na na bɛr k'ʋ wa a nyɩ zie, a ɩ̃ yúor ƴãw a, ʋl na wul nyɩ nɩ a za. Ʋ na lɛb'a sɩ̃w a nyɩ tɩɛrʋ a yele al za ɩ̃ na yel kʋ̀ nyɩ a ƴãw.

Zã 20:22

Ʋ na wa yel à ŋá baar'a, ʋ pɛbl'ɩ pɩɛlʋ ƴãw a bɛ zu ɛ́ yel bɛ: «Nyɩ de a Vʋʋrʋ Sõw!

Nɩ-toni 1:5

Nyɩ bãwnɩ a, kʋ̃ɔ n'a a Zã-Bati kʋ̀ n a nɩbɛ a suob, ɛcɛ a nyɩɩm a, ka nɩ bibie à ŋá lɛ tɛwr ƴãw a, Vʋʋrʋ Sõw pʋɔ n'a nyɩ na de a suob.»

Nɩ-toni 1:8

Ɛcɛ a Vʋʋrʋ Sõw na siw nɩ a nyɩ zu, kʋ̀ nyɩ fãw, ɛ́ nyɩ na ɩ n ɩ̃ dãsɩɛ nɩbɛ a Zerizalɛm, a Zude nɩ a Samaari ten za pʋɔ, tɩ tɔ n a tẽw baarʋ ziir za.»

Nɩ-toni 10:46

Bɛ tɩ sɩrɩ na wone bɛ ƴɛ̀rɛ ƴɛ̀r-pɛ-bʋʋrɛ kãw, ɛ́ danɛ a Naaŋmɩn kpɛnʋ. Lɛ n'a a Pɩɛr tɩ yel:

Nɩ-toni 10:47

«Ãa n'ʋ na tʋ̃ɔ́ sɩb a suob kʋ̃ɔ, ɛ́ yel kɛ́ a nɩbɛ bɛ ŋa ta de a suob, bɛl na páw a Vʋʋrʋ Sõw mɛ̃ a tɩɩm a?»

Nɩ-toni 11:15

Ɩ̃ tɩ tine nɩ a ƴɛ̀rʋ wa báarɛ, a Vʋʋrʋ Sõw siw a bɛ zu, mɛ̃ a lɛ ʋ na tɩ siw a tɩ zu a pɛr-tib daar a.

Nɩ-toni 11:24

A Banabasɩ tɩ ɩ n nɩ-vla, ʋ tɩ tɛr'ɩ naaŋmɩn-sàwfʋ, ɛ́ a Vʋʋrʋ Sõw tɩ be a ʋ zie. Nɩ-yaga yaga tɩ sàw na de a Sore.

Nɩ-toni 13:52

A po-tuurbɛ bɛl a, nʋ̃ɔ̀ tɩ ɩrɛ bɛ nɩ yaga, ɛ́ a Vʋʋrʋ Sõw tɩ be a bɛ za zie.

Nɩ-toni 13:9

Lɛ n'a a Vʋʋrʋ Sõw tɩ paalɩ a Sol, mɩ̀ na dɩ kɛ́ Pol a, ʋ jɩ́r a tɩtɩblɛ gbẽgbẽ

Nɩ-toni 15:8

A Naaŋmɩn na bãw a nɩsaalbɛ socie a tɩ dɩ n a bɛ dãsɩɛ, a lɛn daar ʋ na tɩ kʋ̀ bɛ a Vʋʋrʋ Sõw mɛ̃ a tɩɩm a.

Nɩ-toni 19:6

A Pol tɩ ír'ɩ nuru dɔwlɩ a bɛ zu, a Vʋʋrʋ Sõw siw bɛ, bɛ ƴɛ̀rɛ ƴɛ̀r-pɛ-bʋʋrɛ bɛ na bɛ tɩ dãw wone a, ɛ̀ ƴɛ̀rɛ naaŋmɩn-ƴɛ̀r-manbɛ ƴɛ̀rʋ.

Nɩ-toni 2:11

a bɛl na dɔw ɩ a Zifʋ mɩnɛ bʋʋrɛ a, nɩ a bɛl na kpɛ a Zifʋ mɩnɛ puoru a, Kɩrɛtɩ tẽw dem nɩ Arabʋ mɩnɛ za, tɩ za wone na bɛ hiere a Naaŋmɩn nɔ-ɓãa-yele a tɩ bʋʋrɛ ƴɛ̀rʋ pʋɔ.»

Nɩ-toni 2:3

Lɛ n'a bɛ tɩ nyɛ̃ bom na ŋmɛ̃ mɛ̃ vũu a, ʋ siw põ yaarɩ mɛ̃ zɛlɛ a, dɔwlɩ a bɛ za been been zu.

Nɩ-toni 4:31

Bɛ na tɩ puori baar'a, a dĩó nɛ pʋɔ bɛ na tɩ ɓã taa a, tɩ dam'a: a Vʋʋrʋ Sõw tɩ paal'ɩ bɛ za, bɛ ɓãá ƴãw hiere a Naaŋmɩn ƴɛ̀rʋ.

Nɩ-toni 4:8

Lɛ n'a a Vʋʋrʋ Sõw tɩ paalɩ a Pɩɛr ʋ yel bɛ: «Nyɩɩm, nɩbɛ nɩ-bɛrɛ nɩ nɩ-kore e,

Nɩ-toni 6:3

A na ɩ lɛ a, yɛbr i, nyɩ bɔ dɛbr ayopõi a nyɩ pʋɔ, nɩbɛ na ɩrɛ vla, ɛ́ a Vʋʋrʋ Sõw nɩ yã-bãwfʋ be a bɛ zie a, ɛ́ tɩ na de nɩ a ton ŋa kʋ̀ bɛ.

Nɩ-toni 6:5

A bɛ ƴɛ̀rʋ ŋa tɩ nʋmɛ nɩ a bɛ za zie, lɛ n'a bɛ tɩ kaa ír Ɩtɩɛn, na tɩ tɛr naaŋmɩn-sàw-deb yaga ɛ́ Vʋʋrʋ Sõw mɩ̀ be a ʋ zie yaga a, nɩ Filib, Porokɔɔr, Nɩkanɔɔr, Tɩmɔ̃, Parmena nɩ Nɩkola na yi Ãtɩɔsɩ ɛ́ kpɛ a Zifʋ mɩnɛ puoru a.

Nɩ-toni 6:8

A Naaŋmɩn maalʋ nɩ a Naaŋmɩn fãw tɩ be n a Ɩtɩɛn zie, ʋ maalɛ yel-bãw-guuri nɩ nɔ-ɓãa-yel-bɛrɛ a nɩbɛ sɔgɔ.

Nɩ-toni 7:55

Ɛcɛ a Vʋʋrʋ Sõw tɩ paal'ɩ a Ɩtɩɛn, ʋ úori a salom nyɛ̃ a Naaŋmɩn yúor-vɩɛlʋ-danʋ nɩ a Yeezu na àr a Naaŋmɩn dʋrʋ lowr a.

Nɩ-toni 8:17

A Pɩɛr nɩ a Zã tɩ íre nɩ nuru dɔwlɛ a bɛ zu, ɛ́ bɛ tɩ páwr a Vʋʋrʋ Sõw.

Nɩ-toni 9:17

A Ananɩasɩ tɩ cen na tɩ kpɛ a yir pʋɔ, dɔwlɩ a nuru a ʋ zu ɛ́ yel: «Ɩ̃ yɛb Sol i, a Sore n'ʋ tõ m. A Yeezu ʋl na wul ʋ tʋɔra fʋ nyɛ̃ ʋ a sɔ́r ʋl fʋ na tɩ lo waar a zu a, ʋlɛ n'ʋ tõ m k'ɩ̃ɩ wa ɩ fʋ lɛb nyɛrɛ ɛ́ a Vʋʋrʋ Sõw paalɩ fʋ.»

Ʋrɔm 15:13

A Naaŋmɩn na n'ʋ tɩ mɩ́ tɩɛrɛ a, ʋ ɩ kɛ̀ nʋ̃ɔ̀ nɩ ƴã-ɓaarʋ paalɩ nyɩ a nyɩ sàw-deb pʋɔ, k'aa nyɩ tɩɛrʋ nyɩ na ƴãw a Naaŋmɩn ƴãw a, ɩ kpɛ̃ɛ yaga za a Vʋʋrʋ Sõw fãw zũú.

1 Korɛ̃tɩ 12:10

Kãw páw nɩ nɔ-ɓãa-yele maalʋ fãw, ƴen sob páw naaŋmɩn-ƴɛ̀r-manɛ tome maalʋ, ŋa sob ʋl páw nɩ maalʋ mɩ́ bãw a vʋʋr-bɛlɛbɛlɛ nɩ a Vʋʋrʋ Sõw tɔr za, kãw páw nɩ a ƴɛ̀r-pɛ-bʋʋrɛ ƴɛ̀rʋ fãw, ɛ́ kãw bãw a ƴɛ̀rʋ á ŋá pɛ́ɛ íru.

1 Korɛ̃tɩ 13:1

Mãa saa ɩ mɛ̃ ɩ̃ ƴɛ̀rɛ nɩ a ƴɛ̀r-pɛ-bʋʋrɛ za a, a nɩsaalbɛ dem nɩ a malkɩ mɩnɛ dem a, ɛ́ mãa bɛ wa tɛr a nɔ̃wfʋ a, ɩ̃ ɩ na mɛ̃ kure bɛ na ŋmɩɛr ʋ kone yire a, bom bɛ na ŋmɩɛr ʋ pàwr gɔmɛ a.

1 Korɛ̃tɩ 13:8

A nɔ̃wfʋ bɛ tɛr nãà tɔl ɛ. A naaŋmɩn-ƴɛ̀r-manɛ tome na baar'ɩ bibir kãw, a ƴɛ̀r-pɛ-bʋʋrɛ ƴɛ̀rʋ na kpiir'a, a bãwfʋ na baar'a.

1 Korɛ̃tɩ 14:18

Naaŋmɩn so yãanɩ, ɩ̃ na ƴɛ̀rɛ ƴɛ̀rʋ nɩr na bɛ wone a zuo a nyɩ za a.

1 Korɛ̃tɩ 14:5

Mãa zie a, ɩ̃ tɩ bɔbr'a kɛ́ nyɩ za nãá ƴɛ̀rɛ ƴɛ̀rʋ nɩr na bɛ wone a, ɛcɛ nyɩ ƴɛ̀rɛ naaŋmɩn-ƴɛ̀r-manɛ ƴɛ̀rʋ, alɛ n'a ɩ̃ nɔnɛ zuo. A sob nɛ na ƴɛ̀rɛ ƴɛ̀rʋ nɩr na bɛ wone a, ʋlɛ bɛ mɩ́ wa ír a pɛr a lãw nɩbɛ tʋ̃ɔ́ nyɛ̃ tɔnɛ a, a sob nɛ na ƴɛ̀rɛ a naaŋmɩn-ƴɛ̀r-manɛ ƴɛ̀rʋ a zuo ʋ na.

Efɛɛzɩ 3:19

ɛ́ bãw a Kɩrɩta nɔ̃wfʋ na gãw bãwfʋ za a, lɛ n'a a Naaŋmɩn na paalɩ nyɩ ʋ za.

Efɛɛzɩ 5:18

Nyɩ ta kuole dãa ɩ, alɛ n'a waar'ɩ a faalʋ, ɛcɛ nyɩ ɩ a Vʋʋrʋ Sõw paalɩ nyɩ.

Efɛɛzɩ 6:18

Nyɩ puore zɛlɛ à á ŋá za a Naaŋmɩn zie. A Vʋʋrʋ Sõw, ʋ sõwne nyɩ nyɩ puore kʋralɛ. A lɛ ƴãw a, nyɩ bɛr gʋ̃ɔ ɛ́ taa lɛbr pùor ɛ. Nyɩ puore kʋ̀rɛ a Naaŋmɩn nɩ-bʋʋrɛ za.

1 Pɩɛr 1:12

A Naaŋmɩn tɩ wul bɛ na kɛ́ a yel ŋa bɛ na tɩ yere a, a bɛ ɩ bɛl mɩŋa ƴãw ɛ, a nyɩɩm ƴãw n'a. Ɛ́ a ƴɛrɛŋa a, a Vʋʋrʋ Sõw bɛ na tõ ʋ yi a tẽ-vla pʋɔ wa a, ʋ ɩ na a Yel-nʋ̃ɔ̀ hierbɛ manɩ a yel ŋa kʋ̀ nyɩ, a yel ŋa a malkɩ mɩnɛ na vuole bɔbr'ɩ a bãwfʋ a.

2 Pɩɛr 1:21

Bʋ̃ʋ n'ʋ vɛ̃, naaŋmɩn-ƴɛ̀r-manɛ ƴɛ̀rʋ kãw za bɛ dãw yi nɩsaal yõ na bɔbr a zie ɩ, Vʋʋrʋ Sõw n'ʋ tɩ ƴãw nɩbɛ ƴɛ̀r a Naaŋmɩn yúor ƴãw.

1 Samɩɛl 1:14

ɛ́ yel ʋ: «Debor'a a dãa na cɩ b? Yi cen zi-yũo tɩ ɩ a fʋ dãa a cɩ!»

1 Samɩɛl 10:10

A Sawul nɩ a ʋ tõ-tõ-bie na tɩ tarɛ a Givea a, bɛ tɩ tuor'ɩ naaŋmɩn-ƴɛ̀r-manbɛ. Lɛ n'a a Naaŋmɩn Vʋʋrʋ tɩ siw a ʋ zu, ɛ́ a naaŋmɩn-ƴɛ̀r-manɛ ƴã-cɩrʋ been nɛ nyɔw ʋ.