Nɩ-toni 2:1 - A SƐB-SÕW

¹ A Pãtɩkɔtɩ cuw bibir na wa vɩɛ a, a yɛbr tɩ ɓã n taa bɛ za zi-been.

Nɩ-toni 2:1 ပူးပေါင်းရင်းမြစ်များ

2 Bibie za yel-manɩ 30:12

A Zuda naalʋ-tẽw pʋɔ a, a Sore tɩ ɩ na a nɩbɛ lãw taa sàw tu a lɛ a nãà nɩ a ʋ tõ-tõ-bi-bɛrɛ na tɩ yel a.

2 Bibie za yel-manɩ 5:13

A wɩ-pɛblɛ nɩ a yiel-yielbɛ tɩ lãw nɩ taa vla vla maal yiele mɛ̃ kɔkɔr-been a, yiele danɛ nɩ a Sore: «Nyɩ danɛ a Sore, a ʋ vɩɛlʋ ƴãw, a ʋ nɔ̃wfʋ na be kʋralɛ a ƴãw.» A yielu ŋa mɩ́ ìr'a do lãwnɩ a wɩɩr, a sɛ̃sɛgɛ nɩ a yielu bome al na cɛ a, zũzuwr mɩ́ paal'ɩ a Ŋmɩn-yir-kpɛ̃ɛ.

Sɛb-sõw yielu 133:1

Zerizalɛm dob daar yielu. Daviir so ʋ. Nyɛ̃ a yɛbr lãw-kpɛb na vɩɛl ɛ́ nʋmɛ a!

Eziptɩ tẽw yib 23:16

Al pùorí, nyɩ na maal'ɩ a Dàrʋ cuw, a lɛn daar nyɩ nãà wa dier a nyɩ póru nyɩ na kʋ́ɔr a bʋ̃-dan a. Ɛ́ a zie wa yi a, a ũo-yi-paala, nyɩ na maal'ɩ a Bʋ̃-dieri-deb cuw, nyɩmɛ wa de a nyɩ póru tome bome za baarɩ a.

Eziptɩ tẽw yib 34:22

Nyɩ na mɩ́ maal'ɩ a Dàrʋ cuw cuw, a lɛn daar nyɩ na ŋmarɛ a ble zu-dan a, ɛ́ maalɩ a Bʋ̃-dieri-deb cuw a yũon baarʋ daar.

Zeremi 32:39

Ɩ̃ na kʋ̀ bɛ nɩ soci-been nɩ ɩb na ɩ been a, bɛ tʋ̃ɔ́ ƴãwnɛ mɛ̃ kʋralɛ. A lɛ pʋɔ a, nʋ̃ɔ̀ na ɩrɛ bɛ na, a bɛl nɩ a bɛ bibiir a bɛ pùorí.

Sofoni 3:9

«Lɛ n'a ɩ̃ na maalɩ a nɩ-bʋʋrɛ nɛ́ɛ a vɩɛl: bɛ na puore nɩ a mãa Sore, ɛ́ tɛr tɩɛr-been tone nɩ mɛ̃.

Nɩ-toni 1:5

Nyɩ bãwnɩ a, kʋ̃ɔ n'a a Zã-Bati kʋ̀ n a nɩbɛ a suob, ɛcɛ a nyɩɩm a, ka nɩ bibie à ŋá lɛ tɛwr ƴãw a, Vʋʋrʋ Sõw pʋɔ n'a nyɩ na de a suob.»

Nɩ-toni 1:8

Ɛcɛ a Vʋʋrʋ Sõw na siw nɩ a nyɩ zu, kʋ̀ nyɩ fãw, ɛ́ nyɩ na ɩ n ɩ̃ dãsɩɛ nɩbɛ a Zerizalɛm, a Zude nɩ a Samaari ten za pʋɔ, tɩ tɔ n a tẽw baarʋ ziir za.»

Nɩ-toni 2:46

Bibi-vɩɛrɩ za, bɛ mɩ́ tɩ lãw nɩ soci-been cere nɩ a Ŋmɩn-yir-kpɛ̃ɛ pʋɔ bɛ tɛr nawfʋ ɛ, bɛ mɩ́ tɩ lãw na ŋmarɛ a dipɛ̃ pone a yie pʋɔ, ɛ́ lãw dɩrɛ a bɛ bʋ̃-dɩrɩ nɩ nʋ̃ɔ̀ nɩ pʋ-pɩɛlʋ.

Nɩ-toni 20:16

A Pol tɩ dɛ n a Efɛɛzɩ bɛr, kɛ́ tɩ ta kɔwrɩ zawlalɛ a Azi ɛ. Ʋ tɩ páwr'a, bɔbr kɛ́ alɛ wa tʋ̃ɔ́ a, ʋ̃ʋ ta a Zerizalɛm a Pãtɩkɔtɩ cuw bibir.

Nɩ-toni 4:24

Bɛ tɩ bɛr'a wõ a Pɩɛr nɩ a Zã manʋ. Al pùorí, bɛ za tɩ lãw nɩ nɔ-been puori a Naaŋmɩn à ŋá: «Bome za zu-sob i, fʋ̃ʋ n'ʋ ír a salom, a tẽw, a kʋ̃ɔ-kpɛ̃ɛ nɩ bom za na be a pʋɔ a.

Nɩ-toni 4:31

Bɛ na tɩ puori baar'a, a dĩó nɛ pʋɔ bɛ na tɩ ɓã taa a, tɩ dam'a: a Vʋʋrʋ Sõw tɩ paal'ɩ bɛ za, bɛ ɓãá ƴãw hiere a Naaŋmɩn ƴɛ̀rʋ.

Nɩ-toni 4:32

A nɩ-yaga bɛl za, na tɩ sàw de a Yeezu yele a, tɩ lãw nɩ soci-been nɩ tɩɛr-been. Kãw za bɛ mɩ́ tɩ yere kɛ́ ʋl yõ so a ʋ bʋ̃-tɛrɩ ɛ, ɛcɛ a bɛ bʋ̃-tɛrɩ za mɩ́ tɩ ɩ n a bɛ za dem.

Nɩ-toni 5:12

A Yeezu nɩ-toni tɩ maalɛ nɩ nɔ-ɓãa-yele nɩ yel-bãw-guuri yaga a nɩbɛ sɔgɔ. A bɛlɩ dem za na tɩ sàw de a Yeezu yele a, mɩ́ tɩ lãw nɩ taa be a Salomɔ̃ bɛ-caar na ƴãw kpule cɔrɩ cen a pʋɔ.

Ʋrɔm 15:6

Lɛ n'a nyɩ na lãw tɛr tɩɛr-been nɩ nɔ-been danɛ nɩ a Naaŋmɩn, tɩ Sore Yeezu Kɩrɩta Sãà.

1 Korɛ̃tɩ 16:8

Ɛcɛ, ɩ̃ na kpɛ n a Efɛɛzɩ tɩ ta a Pãtɩkɔtɩ,

Filib 1:27

Alɛ saa ŋmɛ̃ ŋmɩŋmɩn a, nyɩ ɩ a nyɩ nyɔ-vʋʋrʋ tuur a Kɩrɩta Yel-nʋ̃ɔ̀, kɛ̀ mãa wa wa a nyɩ nyɛ́b bɩɩ mãa bɛ wa ka be a, mãa wone kɛ́ nyɩ lãw nɩ taa tɛr tɩɛr-been kpɛ̃w za, kɛ́ nyɩ lãw nɩ soci-been zɛbr a naaŋmɩn-sàwfʋ na yi a Yel-nʋ̃ɔ̀ pʋɔ a zɛbr,

Filib 2:2

nyɩɩm ɩ a ɩ̃ nʋ̃ɔ̀ paalɩ tɩ tɔ. Nyɩ ɩ a nyɩ socie lãw taa, a nyɩ nɔ̃wfʋ nɩ a nyɩ tɩɛrʋ, a ɩ been. Nyɩ bɔbr kɛ́ nyɩ lãw taa ɩ been.