Nɩ-toni 12:3 - A SƐB-SÕW

³ Ʋ na tɩ nyɛ̃ a nʋmɛ a Zifʋ mɩnɛ zie a, ʋ tɩ ƴãw na bɛ mɩ̀ nyɔw a Pɩɛr. A dipɛ̃ na bɛ ƴãw dãbɩl a cuw bibie pʋɔ tɩ n'a.

Nɩ-toni 12:3 ပူးပေါင်းရင်းမြစ်များ

Sɛb-sõw yielu 76:10

a lɛn daar fʋ na mɩ́ ìr a ƴɛ̀rʋ-dɩb ƴãw a, fʋ na mɩ́ ìr kɛ́ fʋ faa a tẽw bãbàalbɛ za a. Tɛw-àrʋ

Eziptɩ tẽw yib 23:15

A dãw-niwn sob na ɩ n a dipɛ̃ na bɛ ƴãw dãbɩl a cuw: a Abɩb cuw pʋɔ a, nyɩ na 'wɔbr'ɩ dipɛ̃ na bɛ ƴãw dãbɩl a bibie ayopõi ƴãw, mɛ̃ a lɛ ɩ̃ na yel kʋ̀ nyɩ a. Bʋ̃ʋ n'ʋ vɛ̃, a cuw ʋl pʋɔ n'a nyɩ yi a Eziptɩ. Nyɩ bɛ waar wa nyɛrɛ mɛ̃ nɩ nũ-zawlɛ ɩ.

Matie 26:17

A dipɛ̃ na bɛ ƴãw dãbɩl a cuw bibi-dãw-niwn sob, a Yeezu po-tuurbɛ tɩ wa na wa sowr'ʋ: «Nyɩnɛ n'a fʋ bɔbr kɛ́ tɩ cɔbrɩ a Tɔl-gãw dɩb?»

Zã 12:43

Bɛ tɩ nɔnɛ nɩ a yúor a nɩsaalbɛ zie zuo a yúor ʋl na yi a Naaŋmɩn zie a.

Zã 19:11

Ɛcɛ a Yeezu tɩ sɔw ʋ na: «Naaŋmɩn bɛ tɩ kʋ̀ b a fãw a, fʋ kʋ̃ʋ tɩ tɛr fãw kãw za a ɩ̃ zu ɛ. Alɛ so, a nɩr ʋl na mɩl mɛ̃ nyɔw ƴãw a fʋ nuru pʋɔ a tɛr'ɩ sãwna zuo fʋ.»

Zã 21:18

Yel-mɩŋa sɩza sɩza n'a ɩ̃ yere kʋ̀rɛ fʋ: fʋ na tɩ ɩ pɔlbile a lɛn daar a, fʋ mɩ́ tɩ sɛ n a fʋ kpàwr fʋ tʋɔra cere nɩ be fʋ na bɔbr a. Fʋ̃ʋ wa kor a, fʋ na mɩ́ zɛw nɩ a kpãkpamɛ ɛ́ nɩ-yũo sɛ b a kpàwr, ɛ́ tɛr fʋ cere nɩ ʋlɩ zie nɛ fʋ na bɛ bɔbr a.»

Nɩ-toni 12:4

Bɛ na tɩ nyɔw a Pɩɛr baarɩ a, a Erɔdɩ tɩ ƴãw na bɛ pàw ʋ gaso pʋɔ, ɛ́ ƴãw sojarɩ anaar ziir anaar gùre ʋ. A Erɔdɩ tɩ bɔbr'a k'aa Tɔl-gãw cuw dɩ yi baarɩ, ʋʋ bãw maal'ɩ ʋ a ƴɛ̀rʋ a nɩbɛ niŋé.

Nɩ-toni 2:14

Lɛ n'a a Pɩɛr tɩ ìr àr, ʋlɛ nɩ a nɩ-toni pie nɩ been bɛl na tɩ cɛ a, ɛ́ zɛw kɔkɔr ƴɛ̀r à ŋá: «Zude tẽw dem i, nɩ nyɩɩm za na kpɩɛr a Zerizalɛm ka a, nyɩ bãw a yel ŋa na ɩrɛ a vla, nyɩ ƴãw tobr a ɩ̃ ƴɛ̀rʋ ƴãw.

Nɩ-toni 20:6

A tɩɩm a, a dipɛ̃ na bɛ ƴãw dãbɩl a cuw bibie na wa tɔl baar'a, tɩ tɩ yi n a Filib cen tɩ kpɛ a gbor cere kɛ́ tɩ tɩ páw bɛ. Bibie anũu pùorí n'a tɩ wa tɩ páw bɛ a Tʋrʋwasɩ, tɛw maalɩ kɔsɩɛr-ɓil.

Nɩ-toni 24:27

Yome ayi pùorí, Pɔrsɩyisi Fɛsɩtɩsɩ tɩ lɩɛr'ɩ a Felisɩ ɩ a Ʋrɔm tẽw na-kpɛ̃ɛ-lɩɛrɛ. Ɛcɛ a Felisɩ na tɩ bɔbr k'ʋʋ ɩ nʋ̃ɔ̀ kpɛ a Zifʋ mɩnɛ a, ʋ tɩ cãà na bɛr a Pol a gaso pʋɔ.

Nɩ-toni 25:9

A Fɛsɩtɩsɩ na tɩ bɔbr k'ʋʋ ɩ a pɛlɩ a Zifʋ mɩnɛ pʋɔ a, ʋ yel'ɩ a Pol: «Fʋ na sàw na do a Zerizalɛm bɛ tɩ maal'ɩ fʋ a ƴɛ̀rʋ a ɩ̃ niŋé e?»

Nɩ-toni 4:13

Nɔ-ɓãan tɩ nyɔw nɩ a Zifʋ mɩnɛ ƴɛ̀rʋ-dɩb-lãw nɩbɛ. Bɛ tɩ nyɛ̃ na kɛ́ a Pɩɛr nɩ a Zã ƴɛ̀rɛ na bɛ zɔrɛ nɩ bom za ɩ, ɛ́ ɩ nɩ-zawlɛ na bɛ bãw sɛbɛ a. Bɛ tɩ nyɛ̃ na bãw bɛ ɩ a Yeezu po-tuurbɛ.

Galasi 1:10

A ƴɛrɛŋa a, nɩsaalbɛ nɛbɛ ɩ̃ bɔbr kɛ́ bɛ kpɛ m bɩɩ Naaŋmɩn n'ʋ? Nɩsaalbɛ nɛbɛ ɩ̃ bɔbr k'ɩ̃ɩ ɩrɛ nʋ̃ɔ̀ kpɩɛr bɩɩ? Mãa tɩ cãà ɩ mɛ̃ ɩ̃ bɔbr'a k'ɩ̃ɩ ɩrɛ nʋ̃ɔ̀ kpɩɛr a nɩsaalbɛ a, ɩ̃ kʋ̃ʋ ɩ a Kɩrɩta tõ-tone ɩ.

1 Tesalonikɩ 2:4

Tɩ nɩ̃ɛ na mɩ́ ƴɛ̀rɛ kʋralɛ mɛ̃ a lɛ a Naaŋmɩn na bɔbr a, bʋ̃ʋ n'ʋ vɛ̃, ʋ ɩ tɩ na kaa ɛ́ de a Yel-nʋ̃ɔ̀ kʋ̀ tɩ. Nɩsaalbɛ bɛ nɛbɛ tɩ bɔbr kɛ́ tɩ ɩrɛ nʋ̃ɔ̀ kpɩɛr ɛ, Naaŋmɩn n'ʋ tɩ bɔbr kɛ́ tɩ ɩrɛ nʋ̃ɔ̀ kpɩɛr, ʋlɛ na n'ʋ mɩ́ ɩ a tɩ socie kaa bãw a ŋmɛ̃a a.