Neemi 9:7 - A SƐB-SÕW

⁷ Sore Naaŋmɩn i, fʋ̃ʋ n'ʋ kaa ír a Abram. Fʋ̃ʋ n'ʋ ƴãw k'ʋ yi ɛ́ bɛr a Uur a Kalde tẽw, ɛ́ fʋ por ʋ a yúor Abraham.

Neemi 9:7 ပူးပေါင်းရင်းမြစ်များ

Yele-za-pɛr-tib 11:31

A Tera tɩ tɛr'ɩ a ʋ bidɛb Abram nɩ a ʋ yãw Lɔtɩ na ɩ a Haran bidɛb a. Ʋ mɩ̀ tɩ tɛr'ɩ a ʋ bie-pɔw Saraɩ na ɩ a Abram pɔw a. Ʋ tɩ tɛr bɛ na yi n a Uur na be a Kalde tẽw a, k'ʋʋ cen nɩ Kanãa tẽw. Bɛ tɩ cen na tɩ ta Haran kpɩɛr a be.

Yele-za-pɛr-tib 15:7

Ʋ tɩ yel ʋ na: «Mãa n'ɩ a Sore na ɩ fʋ yi kɛ́ bɛr a Uur na be a Kalde a, k'ɩ̃ɩ wa kʋ̀ b a tẽw ŋa fʋ so ʋ.»

Yele-za-pɛr-tib 17:5

Bɛ kʋ̃ cãà bʋɔlɛ fʋ Abram ɛ, a fʋ yúor na dɩ n Abraham. Bʋ̃ʋ n'ʋ vɛ̃, ɩ̃ na ɩ na fʋ ɩ nɩ-bʋʋr-yaga yaga sãà.

Yele-za-pɛr-tib 18:19

Ɩ̃ kaa na ír ʋ k'ʋʋ yel a ʋ bidɛbr nɩ a ʋ yir dem a ʋ pùorí, kɛ́ bɛ sàwr a ɩ̃ nɛ-ƴãwnɩ, tuur a mɩnʋ nɩ a yel-na-tu-sɔr-a. Lɛ n'a ɩ̃ na kʋ̀ ʋ a ʋlɩ bom nɛ ɩ̃ na yel k'ɩ̃ɩ na kʋ̀ ʋ na a.»

1 Bibie za yel-manɩ 1:27

Tera dɔw Abram na wa dɩ Abraham a.

Ɩzayi 51:2

Nyɩ bɛl nyɛ̃ a nyɩ sãà Abraham a, nɩ a Saara na dɔw nyɩ a. A Abraham bɛ tɩ tɛr bie a lɛn daar ɩ̃ na tɩ bʋɔl'ʋ a ɩ. Ɛcɛ ɩ̃ maal'ʋ na, ɛ́ ɩ k'ʋ ɩ nɩ-bʋʋr-yaga sãà.»

Wulu-ayi-sob 10:15

Ɛcɛ a koro koro a, a nyɩ sãàkʋm-kore pùor'a a Sore tɩ tu k'ʋʋ nɔnɛ bɛ, ɛ́ ƴɛrɛŋa a, a nyɩɩm na ɩ a bɛ bʋʋrɛ a, nyɩmɛ nɛbɛ ʋ kaa ír a nɩ-bʋʋrɛ za pʋɔ, mɛ̃ nyɩ na nyɛ̃ a dɩ̃a a.