Neemi 9:5 - A SƐB-SÕW

⁵ Al pùorí, a levitɩ bɛ ŋa: Yesua, Kadɩmɩɛl, Bani, Hasavɩneya, Serevɩa, Hodiya, Sevanɩa nɩ Petaya tɩ yel'ɩ kpɛ̃w kpɛ̃w za: «Nyɩ ìr àr! Nyɩ puore a Sore nyɩ Naaŋmɩn yãanɩ kʋralɛ, ɛ́ taa bɛrɛ ɩ!» «Sore e, ŋa za, ʋ mɩ́ puore fʋ yãanɩ, fʋ na ɩ yúor-vɩɛlʋ-danʋ tɛwr'a ƴãw, fʋ ɩ n kpɛ̃ɛ zuo yãanɩ puoru za nɩ danʋ za!

Neemi 9:5 ပူးပေါင်းရင်းမြစ်များ

1 Na-mɩnɛ 8:14

A Ɩsɩrayɛl nɩbɛ lãw za tɩ àr'ɩ saaƴẽwn. A Salomɔ̃ tɩ lɩɛb'a puori bɛ.

1 Na-mɩnɛ 8:15

Al pùorí ʋ yel à ŋá: «Ɩ̃ puore nɩ a Sore, a Ɩsɩrayɛl Naaŋmɩn, yãanɩ! Ʋl mɩŋa maal'ɩ a lɛ ʋ na tɩ yel kʋ̀ a ɩ̃ sãà Daviir a. Ʋ tɩ yel ʋ na:

1 Na-mɩnɛ 8:22

Al pùorí, a Salomɔ̃ tɩ àr'ɩ saaƴẽwn a Sore bàwr-maal-kuur niŋé, tori a Ɩsɩrayɛl nɩbɛ lãw za. Ʋ tɩ tur'ɩ a nuru cɔw a salom

1 Na-mɩnɛ 8:27

«Ɛcɛ a Naaŋmɩn na tʋ̃ɔ́ na sɩrɩ kpɩɛr a tẽw zu u? A salom yɛlmɛ na bɛ dɩ vuo ɩ, ɛ́ a Naaŋmɩn kʋ̃ tʋ̃ɔ́ kpɛ a ʋ pʋɔ ɩ. Ɛ́ bʋ̃ʋ baa n'ɩ a Ŋmɩn-yir-kpɛ̃ɛ ŋa ɩ̃ na ŋmãa a!

1 Bibie za yel-manɩ 16:36

A Sore, a Ɩsɩrayɛl Naaŋmɩn, ʋ tɛr'ɩ puoru yome yome za. A lãw nɩbɛ za tɩ sɔw na: «Amɛn! Aleluya!»

1 Bibie za yel-manɩ 29:11

Sore e, fʋ̃ʋ na ɩ kpɛ̃ɛ bɛ tɛr tɔ a, fʋ̃ʋ so a fãw nɩ a kpɛnʋ, a ƴãwfʋ nɩ a yúor-vɩɛlʋ-danʋ. Fʋ̃ʋ so bom za a salom zu nɩ a tẽw zu. Fʋ̃ʋ n'ɩ a nãà, fʋ̃ʋ so a bome za.

1 Bibie za yel-manɩ 29:13

Ƴɛrɛŋa a, tɩ Naaŋmɩn i, tɩ puore fʋ nɩ yãanɩ ɛ́ danɛ a fʋ yúor na vɩɛl a.

1 Bibie za yel-manɩ 29:20

Al pùorí, a Daviir tɩ yel'ɩ a lãw nɩbɛ za: «Nyɩ puore a Sore nyɩ Naaŋmɩn yãanɩ.» Lɛ n'a bɛ za tɩ puori a Sore, a bɛ sãàkʋm-kore Naaŋmɩn yãanɩ. Bɛ tɩ gbĩ n dume ɛ́ gũu tɩ tɔ tẽw a Sore niŋé nɩ a nãà niŋé.

2 Bibie za yel-manɩ 20:13

A Zuda nɩbɛ za tɩ àr'ɩ saaƴẽwn a Sore niŋé lãwnɩ a bɛ yie nɩbɛ, a pɔwbɛ nɩ a bibiir.

2 Bibie za yel-manɩ 20:19

Al pùorí, a Kehatɩ nɩ a Koore dɔwlʋ levitɩ mɩnɛ tɩ ìr'a vaa kɔkɔr danɛ nɩ a Sore, a Ɩsɩrayɛl Naaŋmɩn.

Ɛsɩdɩrasɩ 3:11

Bɛ tɩ cáarɛ na ɛ́ danɛ a Sore yiele nɩ a sɔwfʋ ŋa lɩɛrɛ taa: «A Sore vɩɛl'a, ɛ́ a ʋ nɔ̃wfʋ a Ɩsɩrayɛl ƴãw bɛ tɛr baarʋ ɛ!» A nɩbɛ za mɩ̀ tɩ ŋmɩɛr'ɩ kuryii danɛ nɩ a Sore bɛ na tɩ bine a ʋ yir-pɛr a ƴãw.

Neemi 9:4

Yesua, Bani, Kadɩmɩɛl, Sevanɩa, Buni, Serevɩa, Bani nɩ Kenani tɩ ìr'ɩ a levitɩ mɩnɛ gboro zu ɛ́ zɛlɩ a Sore bɛ Naaŋmɩn kpɛ̃w kpɛ̃w za.

Neemi 9:6

Fʋ̃ʋ n'ɩ a Sore, fʋ̃ʋ yõ tẽtẽ! Fʋ maal'ɩ a salom na bɛ dɩ vuo a, nɩ a ŋmar-bie za, a tẽw nɩ bom za na be a ʋ zu a, a kʋ̃ɔ-bɛrɛ nɩ bom za na be a pʋɔ a. Fʋ kʋ̀rɛ nɩ nyɔ-vʋʋrʋ bʋ̃-íra za. A saa-zu kpɛnʋ siwre nɩ a tʋɔra a fʋ niŋé.

A Zɔb sɛbɛ 1:21

ɛ́ yel: «Nũ-zawl'a ɩ̃ dɔw, ɛ́ nũ-zawl'a ɩ̃ na kpi. A Sore tɩr'a, a Sore lɛb'a de. A Sore yúor tɛr'ɩ danʋ!»

Sɛb-sõw yielu 106:2

Ãa n'ʋ na tʋ̃ɔ́ manɩ a Sore gãda-tome, ɛ́ cɛ̀ a ʋ danʋ ziir za bɛ wõ?

Sɛb-sõw yielu 134:1

Zerizalɛm dob daar yielu. Alɛ! Nyɩ puore a Sore yãanɩ, nyɩɩm, Sore tõ-tõ-biir za a, nyɩɩm na mɩ́ be a ʋ yir pʋɔ a tɩ̃ɩsɔw a!

Sɛb-sõw yielu 145:2

Bibie za n'a ɩ̃ na puore fʋ a yãanɩ, ɛ́ íre a fʋ yúor kʋrakʋralɛ.

Sɛb-sõw yielu 145:5

Ɩ̃ na manɛ na fʋ na ɩ kpɛ̃ɛ a, ɛ́ íre a fʋ yúor vɩɛlʋ, ɩ̃ na manɛ nɩ a nɔ-ɓãa-yele fʋ na maalɩ a.

Sɛb-sõw yielu 146:2

Ɩ̃ na danɛ nɩ a Sore a ɩ̃ nyɔ-vʋʋrʋ daar za, ɩ̃ na yiele na danɛ nɩ a ɩ̃ Naaŋmɩn, lɛn daar za ɩ̃ na na cãà a.

Sɛb-sõw yielu 16:2

Ɩ̃ yere nɩ a Sore zie à ŋá: «Fʋ̃ʋ n'ɩ a ɩ̃ Sore, a fʋ zie tɛwr'a ɩ̃ wone a nʋ̃ɔ̀.»

Sɛb-sõw yielu 66:2

Nyɩ yiele ɛ́ íre a ʋ yúor vɩɛlʋ, nyɩ danɛ ʋ, ɩ k'ʋ nyɛ̃ yúor.

Sɛb-sõw yielu 99:3

A nɩbɛ, bɛ íre a fʋ yúor: — fʋ̃ʋ Naaŋmɩn na ɩ kpɛ̃ɛ ɛ́ bɛ tɛr dɩ̃ɛnʋ a. Fʋ ɩ n sõw.

Eziptɩ tẽw yib 15:11

A ŋmɩmɛ pʋɔ a, ãa n'ʋ ɩ mɛ̃ a fʋ̃ʋ a, Sore e? Ãa n'ʋ ɩ mɛ̃ a fʋ̃ʋ na nyɩwrɛ nɩ sonu a? Na bɛ tɛr dɩ̃ɛnʋ, ɛ́ sɛwnɩ danʋ a? Na maalɛ nɔ-ɓãa-yele a?

Eziptɩ tẽw yib 15:6

A fʋ dʋrʋ nũu a bɩɩ, Sore e, nyɛ̃ kpɛ̃w ʋ na kpɛmɛ a! A fʋ dʋrʋ nũu a, Sore e, ʋ tʋ̃ɔ́ nɩ a fʋ dɔ̃ dem pẽlẽpẽlẽ.

Matie 11:25

A lɛn daar, a Yeezu tɩ de nɩ a ƴɛ̀rʋ yel: «Ɩ̃ danɛ fʋ na, ɩ̃ Sãà a, salom nɩ tẽw za Sore e, fʋ na sɔwlɩ a yele á ŋá a yã-bãwnbɛ nɩ a bãw-bãwnbɛ zie, ɛ́ wul a a bibi-cãpili a.

2 Korɛ̃tɩ 4:6

Bʋ̃ʋ n'ʋ vɛ̃, a Naaŋmɩn ʋl na yel kɛ́: «A cãà, ʋ caalɩ a lige sɔgɔ a», ʋl mɩŋa n'ʋ caalɩ a tɩ socie pʋɔ, k'ʋʋ ɩ tɩ bãw a ʋ yúor-vɩɛlʋ-danʋ cãà na caalɛ a Kɩrɩta niwn ƴãw a.

Wulu-ayi-sob 28:58

Nyɩ ƴãw fãw sàwr a Naaŋmɩn wulu nɛ-ƴãwnɩ za na sɛb a sɛbɛ ŋa pʋɔ a. Nyɩ ƴãwnɛ a sob nɛ na tɛr a yúor ŋa na ɩ yúor a, yúor na bɛ tɛr dɩ̃ɛnʋ a, ɛ́ dɩ kɛ́ «Sore nyɩ Naaŋmɩn» a.

1 Pɩɛr 1:3

A Naaŋmɩn tɩ Sore Yeezu Kɩrɩta Sãà tɛr'ɩ puoru. A ʋ su-ɓaarʋ na ɩ kpɛ̃ɛ a ƴãw n'a ʋ ɩ tɩ lɛb dɔw, ɛ́ ƴãw a tɩ tɩɛrʋ a nyɔ-vʋʋrʋ tɩ na páw a ƴãw, a Yeezu Kɩrɩta kũu-pʋɔ-lɛb-yibu zũú.

Ƴɛ̀r-dɩrbɛ 13:18

A Sore malkɩ tɩ sɔw ʋ na: «Bʋ̃ʋ n'ʋ so fʋ sowre mɛ̃ a ɩ̃ yúor? Ʋ bɛ tɛr bãwfʋ ɛ.»