Neemi 9:34 - A SƐB-SÕW

³⁴ A tɩ na-mɩnɛ nɩ a tɩ nɩ-bɛrɛ, a tɩ bàwr-maalbɛ nɩ a tɩ sãàkʋm-kore bɛ tɩ sàw a fʋ wulu ɛ. Bɛ bɛ cɛlɩ a fʋ nɛ-ƴãwnɩ zie, nɩ a kpaalʋ fʋ na kpaalɛ bɛ a ɩ.

Neemi 9:34 ပူးပေါင်းရင်းမြစ်များ

2 Na-mɩnɛ 17:13

A Sore tɩ ƴãw na a naaŋmɩn-ƴɛ̀r-manbɛ za, nɩ a yel-nyɛrbɛ za kpaalɩ a Ɩsɩrayɛl nɩbɛ nɩ a Zuda nɩbɛ à ŋá: «Nyɩ bɛr a nyɩ ɩ-faar, nyɩ sàwr a ɩ̃ nɛ-ƴãwnɩ nɩ a lɛ ɩ̃ na yel a, mɛ̃ a lɛ a na be a wulu ɩ̃ na wul a nyɩ sãàkʋm-kore a pʋɔ a, ɛ́ ƴãw a ɩ̃ ƴɛ̀r-manbɛ, a ɩ̃ tõ-tõ-biir, ɩ nyɩ bãw a a.»

2 Na-mɩnɛ 17:15

Bɛ tɩ zawr'ɩ a Naaŋmɩn nɛ́ɛ bɛr, nɩ a wõ-taa ʋ na tɩ maal'ɩ a bɛ sãàkʋm-kore a, nɩ a kpaalʋ ʋ na tɩ kpaalɩ bɛ a. Bɛ tɩ tu n ŋmɩmɛ na bɛ ɩ bom za a, mɩ̀ lɩɛbɩ nɩbɛ na bɛ ɩ bom za a. Bɛ tɩ cɔwr'ɩ a nɩ-bʋʋr-yoru na viiri koli bɛ a ɩ-ɩrɩ, a Sore na saa tɩ yel bɛ, kɛ́ bɛ taa ɩrɛ mɛ̃ a bɛl a.

2 Bibie za yel-manɩ 29:6

Bʋ̃ʋ n'ʋ vɛ̃, a tɩ sãà mɩnɛ bɛ tu a Sore tɩ Naaŋmɩn ɛ, bɛ ɩ n bom nɛ na bɛ pɛlɩ a ʋ pʋɔ a: bɛ zawrɩ ʋ na bɛr, bɛ lɩɛbɩ kpaar cɔw a ʋ zi-sõw, ɛ́ ŋmɛlɩ pùor cɔw ʋ.

Ɛsɩdɩrasɩ 9:10

Ƴɛrɛŋa a, tɩ Naaŋmɩn i, tɩ yel kɛ́ bʋnʋ a yele á ŋá pùorí? Tɩ zawr'ɩ a fʋ nɛ-ƴãwnɩ

Neemi 9:30

Fʋ nyɔw nɩ fʋ tʋɔra a bɛ ƴãw, yome yaga ƴãw. A fʋ ƴɛ̀r-manbɛ na tɩ tɛr a fʋ vʋʋrʋ a, tɩ zɛlɛ bɛ nɩ a fʋ yúor ƴãw, ɛcɛ bɛ bɛ bɛr wõ ɩ. Lɛ n'a fʋ tɩ bɛr bɛ kʋ̀ nɩ-bʋʋr-yoru bɛ so bɛ.

Neemi 9:33

Fʋ tu n mɩnʋ nɩ yel-mɩŋa, a yele za na ta tɩ a pʋɔ, ɛ́ tɩɩm maalɩ faa.

Neemi 9:35

Bɛ na tɩ be a bɛ naalʋ-tẽw pʋɔ, tɛr a fʋ maalʋ yaga za, nɩ fʋ na tɩ ƴãw bɛ zɩ̃ a tẽw na yɛlmɛ ɛ́ a tẽsɔw kpɛ a pʋɔ a, bɛ bɛ tõ a fʋ tome ɩ, bɛ bɛ bɛr a bɛ tõ-faar ɛ.

Zeremi 29:19

Bʋ̃ʋ n'ʋ vɛ̃, bɛ bɛ bɛr wõ a ɩ̃ ƴɛ̀rʋ ɛ, a Sore n'ʋ yere. Ɛcɛ ɩ̃ ƴãw nɩ nũu tõ a ɩ̃ tõ-tõ-biir, a ɩ̃ ƴɛ̀r-manbɛ, a bɛ zie, ɛ́ bɛ bɛ bɛr wõ a bɛ ƴɛ̀rʋ ɛ, a mãa, a Sore n'ʋ yere.”

Zeremi 44:17

Tɩ na ɩ n a lɛ za tɩ na yel a. Tɩ na nyɩw nɩ tɩ-suur-zɔ̃-na-nyùur-vla-vla-a, de nɩ divɛ̃ kʋ̀ a ŋmɩn-pɔw Asɩtarte, a salom pɔw-nãà, mɛ̃ a lɛ tɩ na ɩ wa tɔ a ka a, a tɩɩm tɛɛ za, a tɩ sãà mɩnɛ, a tɩ na-mɩnɛ nɩ a tõ-tõ-bi-bɛrɛ, a Zuda tẽ-bɛrɛ pʋɔ nɩ a Zerizalɛm sɛ́ɛ zu a. A lɛn daar a, tɩ tɩ tɛr'ɩ bʋ̃-dɩrɩ a man, ɛ́ tɩ vʋʋrɛ nʋ̃ɔ̀ pʋɔ bɛ bãw kpɩɛrʋ ɛ.

Zeremi 44:4

Ɩ̃ ƴãw nɩ nũu tõ a ɩ̃ tõ-tõ-biir na ɩ a ɩ̃ ƴɛ̀r-manbɛ, a nyɩ zie, kɛ́ bɛ yel nyɩ: Nyɩ ta maalɛ a yel-faar á ŋá na bɛ maal'ɩ wob ɩ̃ na bɛ nɔ̃w towtow a ɩ!

Ezekɩɛl 5:6

A ʋ kpɩɛrbɛ zawr'ɩ a tub nɩ a wulu ɩ̃ na tɩ kʋ̀ bɛ a. Bɛ maal'ɩ faa zuo a nɩ-bʋʋr-yoru a ten al na viiri koli bɛ a pʋɔ. Bʋ̃ʋ n'ʋ vɛ̃, bɛ zawr'ɩ a ɩ̃ tub nɩ a ɩ̃ wulu bɛr, bɛ bɛ tu a ɩ.

Wulu-ayi-sob 31:21

A kpɩɛrʋ nɩ a wʋ̀ʋr wa páw bɛ a lɛn daar a, a yielu ŋa na dɩ n a bɛ sãwna dãsɩɛ, bʋ̃ʋ n'ʋ vɛ̃, a bɛ bʋʋrɛ tɛɛ za kʋ̃ bɛr a ʋ yielu towtow ɛ. A dɩ̃a a, ɩ̃ bɛ tɛr bɛ kpɛ n a tẽw ɩ̃ na pɔ yel k'ɩ̃ɩ na kʋ̀ bɛ na a pʋɔ sɛr ɛ, ɛ́ bãw a lɛ bɛ na tɩɛrɛ a.»