Neemi 9:33 - A SƐB-SÕW

³³ Fʋ tu n mɩnʋ nɩ yel-mɩŋa, a yele za na ta tɩ a pʋɔ, ɛ́ tɩɩm maalɩ faa.

Neemi 9:33 ပူးပေါင်းရင်းမြစ်များ

Yele-za-pɛr-tib 18:25

Fʋ ɩ a nɩ-mɩŋa ʋ kpi lãwnɩ a sãwna sob i? Aɩ, fʋ kʋ̃ tʋ̃ɔ́ ɩ à à ŋá ɩ! Fʋ ɩ a nɩ-mɩŋa mɛ̃ a sãwna sob a? A ɩb ŋa tɔ a, ʋ zãá nɩ fʋ! A tẽw za ƴɛ̀r-maalɛ kʋ̃ ɩ a lɛ-na-tu-sɔr-a bɩɩ?»

Ɛsɩdɩrasɩ 9:15

Sore e, Ɩsɩrayɛl Naaŋmɩn i, fʋ ɩ n su-ɓaarʋ sob, a dɩ̃a a, fʋ sàw na tɩ mɩnɛ cãà vʋʋrɛ. Bʋ̃ʋ n'ʋ vɛ̃, tɩmɛ n'ɩ bɛ ŋa tuo a tɩ sãwna àr'ɩ a fʋ niŋé, ɛcɛ nɩr bɛ tɛr k'ʋʋ àr a fʋ niŋé a yele wa ŋmɛ̃ à à ŋá a ɩ.»

Neemi 9:34

A tɩ na-mɩnɛ nɩ a tɩ nɩ-bɛrɛ, a tɩ bàwr-maalbɛ nɩ a tɩ sãàkʋm-kore bɛ tɩ sàw a fʋ wulu ɛ. Bɛ bɛ cɛlɩ a fʋ nɛ-ƴãwnɩ zie, nɩ a kpaalʋ fʋ na kpaalɛ bɛ a ɩ.

Neemi 9:8

Fʋ nyɛ̃ na ʋ tu b, lɛ so fʋ maal'ɩ ʋ wõ-taa: fʋ yel'a kɛ́ fʋ na kʋ̀ ʋ nɩ a Kanãa tẽw dem tẽw, a Hititɩ mɩnɛ, a Amoritɩ mɩnɛ nɩ a Perizitɩ mɩnɛ ten, a Zebi tẽw dem tẽw nɩ a Gɩrgasitɩ mɩnɛ tẽw, ʋlɛ nɩ a ʋ bʋʋrɛ. Fʋ tu n a lɛ fʋ na yel a, fʋ na ŋmɛ̃ fʋ ŋmɛ̃a ƴãw.

A Zɔb sɛbɛ 33:27

Ʋ mɩ́ yiele nɩ a nɩbɛ niŋé yere nɩ: «Ɩ̃ tɩ maal'ɩ yel-bier, a ɩ̃ ɩb bɛ tɩ tu sɔ́r ɛ, ɛcɛ a Naaŋmɩn bɛ dɔwrɩ mɛ̃ mɛ̃ a lɛ a na tɩ sɛw taa nɩ a ɩ.

A Zɔb sɛbɛ 34:23

A bɛ tɛr k'aa Naaŋmɩn piwri a nɩsaal kɔwrɩ tʋ̃ɔ́ bʋɔl'ʋ ƴɛ̀rʋ zie a ʋ niŋé ɩ.

Sɛb-sõw yielu 106:6

Tɩ maal'ɩ yel-bebe mɛ̃ a tɩ sãàkʋm-kore a, tɩ maal'ɩ a yel-faa, tɩ sãw na.

Sɛb-sõw yielu 119:137

Sore e, fʋ tɛr'ɩ yel-mɩŋa, ɛ́ a ƴɛ̀rʋ fʋ na dɩ a tori.

Sɛb-sõw yielu 145:17

A Sore ɩ n nɩ-mɩŋa a ʋ tub za pʋɔ, a ʋ nɔ̃wfʋ mɩ́ sãá nɩ a ʋ ɩ-ɩrɩ za pʋɔ.

Eziptɩ tẽw yib 32:31

A lɛ n'a a Moyiir tɩ lɛb do a Sore zie tɩ yel ʋ: «'Woi! Sore e, a nɩbɛ bɛ ŋa maal'ɩ yel-bier-kpɛ̃ɛ, bɛ maal'ɩ ŋmɩn nɩ salm-zɩɛ tɛr.

Zeremi 12:1

Sore e, fʋ ɩ n nɩ-mɩŋa zuo, nɩ ɩ̃ na na ƴɛ̀rɛ a fʋ sãwna ƴɛ̀rʋ a. Ɛcɛ ɩ̃ bɔbr'a kɛ́ mãa nɩ fʋ̃ʋ nãá ƴɛ̀r mɩnʋ ƴɛ̀rʋ: Bʋ̃ʋ n'ʋ so a nɩ-faar yele mɩ́ cere vla? Bʋ̃ʋ n'ʋ so a bɛlɩ dem na bɛ tu b a bɛ mɩ́ bãw damnʋ?

Zeremi 44:3

À á ŋá za ta na, a faa bɛ na maalɩ ƴãw a ɩ̃ suur ìr a zũú. Bʋ̃ʋ n'ʋ vɛ̃, bɛ cen na tɩ maalɩ bagɛ kʋ̀ ŋmɩn-yoru ɛ́ maalɩ a. Ɛcɛ bɛ bɛ bãw a ŋmɩmɛ á ŋá ɩ. Lɛb waar mɩ̀, a nyɩɩm nɩ a nyɩ sãàkʋm-kore mɩ́ bɛ tɩ bãw a ɩ.

A Lãw-mʋɔlɛ 1:18

A Sore dem de na, bʋ̃ʋ n'ʋ vɛ̃, ɩ̃ bɛ tɩ sàw tu a lɛ ʋ na yel a ɩ. Nyɩ bɛr wõ vla, nɩ-bʋʋrɛ za a, ɛ́ nyɛ̃ a ɩ̃ kpɩɛrʋ. Bɛ diw nɩ a ɩ̃ pɔwsɩrali nɩ a ɩ̃ pɔlbili cen nɩ.

Ezekɩɛl 11:12

Lɛ n'a nyɩ na bãw kɛ́ mãa n'ɩ a Sore, a sob nɛ nɛ́ɛ nyɩ na bɛ tu ɛ́ bɛ sàw a ʋ wulu a. Bʋ̃ʋ n'ʋ vɛ̃, nyɩ tu n a nɩ-bʋʋr-yoru na viiri koli nyɩ a tub.»