Neemi 9:32 - A SƐB-SÕW

³² Fʋ̃ʋ tɩ Naaŋmɩn i, fʋ ɩ n kpɛ̃ɛ, fʋ tɛr'ɩ fãw ɛ́ bɛ tɛr dɩ̃ɛnʋ ɛ, fʋ tɛr'ɩ a wõ-taa fʋ na maal'ɩ tɩ a vla. Cɛlɛ a kpɩɛrʋ a fʋ nɩ-bʋʋrɛ, a tɩ na-mɩnɛ nɩ a tɩ nɩ-bɛrɛ, a tɩ bàwr-maalbɛ, tɩ naaŋmɩn-ƴɛ̀r-manbɛ, a tɩ sãàkʋm-kore nɩ a tɩɩm tɛɛ za na nyɛ̃ a zie, a Asiiri na-mɩnɛ daar za wa tɩ tɔ a dɩ̃a a.

Neemi 9:32 ပူးပေါင်းရင်းမြစ်များ

1 Na-mɩnɛ 8:23

ɛ́ puori à ŋá: «Sore e, Ɩsɩrayɛl Naaŋmɩn i, Naaŋmɩn bɛ be be mɛ̃ a fʋ̃ʋ, a saa-zu a salom zu ɛ, nɩ a pile a tẽw zu ɛ. Fʋ mɩ́ maal'a tɛr a fʋ wõ-taa nɩ nɔ̃wfʋ a fʋ tõ-tõ-biir zie, a lɛn daar bɛ na mɩ́ sàwr a fʋ nʋɔr nɩ bɛ pʋɔ za a.

2 Na-mɩnɛ 15:19

A Asiiri tẽw nãà, Pul, tɩ kpɛ na so a Ɩsɩrayɛl tẽw. Lɛ n'a a Menahɛm tɩ kʋ̀ ʋ salm-pla tɔn lɩzɛr'ɩ pie, k'aa Pul sõw ʋ, ʋ zɩɩlɩ a ʋ naalʋ ʋ kpɛmɛ.

2 Na-mɩnɛ 15:29

A Ɩsɩrayɛl tẽw nãà Peka daar, a Asiiri tẽw nãà, Tɩgɩlatɩ-Pilesɛɛr, tɩ zɛb'a de a tẽ-bɛrɛ á ŋá: Iyon, Avɛl-Bɛtɩ-Maaka, Yanoa, Kedɛsɩ nɩ Hasɔɔr. Ʋ tɩ de nɩ a Galaadɩ tẽw, a Galile tẽw nɩ a Nɛfɩtali tẽw za. Ʋ tɩ ír'ɩ a ziir á ŋá nɩbɛ cen nɩ a Asiiri.

2 Na-mɩnɛ 17:23

A Sore bɛ wa tɩ cãà bɔbr k'ʋʋ mɩ́ nyɛ̃ bɛ a ʋ niŋé ɩ, ɛ́ ƴãw bɛ diw bɛ cen nɩ Asiiri tẽw, bɛ cãà nɩ a be nɩ dɩ̃a. À à ŋá n'a a Sore tɩ tu a lɛ ʋ na ƴãw a ʋ ƴɛ̀r-manbɛ, ʋ tõ-tõ-biir, yel a.

2 Na-mɩnɛ 17:3

A Asiiri tẽw nãà, Salmanasaar, tɩ wa na wa zɛb'ɩ a Oze. A tɩ fɛr'a a Oze sàw ʋ na tʋ̃ɔ́ ʋ a, ɛ́ yarɛ yar kʋ̀rɛ ʋ yũon za.

2 Na-mɩnɛ 17:6

A Oze naalʋ-dɩb yome piwaɩ sob'a a Asiiri tẽw nãà de a Samaari tẽw. Ʋ tɩ ír'ɩ a Ɩsɩrayɛl nɩbɛ cen nɩ a Asiiri, tɩ ƴãw bɛ zɩ̃ Hala vuo pʋɔ, Gozan vuo pʋɔ a Habɔɔr man na tɔlɛ a, nɩ a Medi tẽ-bɛrɛ pʋɔ.

2 Na-mɩnɛ 23:29

A ʋ naalʋ-dɩb daar'a a Faarawɔ̃ Neko, a Eziptɩ nãà, tɩ cere a Efaratɩ man lowr k'ʋʋ tɩ sõw a Asiiri tẽw nãà. A nãà Zozɩasɩ tɩ cen na k'ʋʋ tɩ ŋmãa ʋ a sɔ́r. Ɛcɛ a Eziptɩ tẽw nãà na dɛ tɩ nyɛrɛ ʋ wa báarɛ a, ʋ kʋ ʋ nɩ a Megido.

2 Na-mɩnɛ 25:7

Bɛ tɩ kʋ n a Sedesɩasɩ bidɛbr a ʋ mimirí. Al pùorí a Nabikodonozɔɔr ƴãw bɛ cɔ̀r a Sedesɩasɩ mimie kpol, ɛ́ 'lẽ ʋ nɩ kur-zɩɛ bãzɔlɛ ayi na ɓɛrɩ taa a, cen nɩ a Babɩlɔn.

Ɛsɩdɩrasɩ 4:10

A nɩ-bʋʋrɛ ŋmãa bɛl a Asɩnapaar na tɩ ɩ na-kpɛ̃ɛ na tɛr yúor a, na diw wa n a yúor ƴãw, bɛl na zɩ̃ a Samaari tẽ-bɛrɛ pʋɔ nɩ a vuo ʋl za na be a Efaratɩ gãwn, a mʋ̃tɔ̃w-kpɛb-lowr a...»

Ɛsɩdɩrasɩ 4:2

Bɛ tɩ wa na wa páw a Zorobabɛl nɩ a yie nɩ-bɛrɛ yel bɛ à ŋá: «Tɩ bɔbr'a kɛ́ tɩ sõw nyɩ, nyɩ ŋmãa a Ŋmɩn-yir-kpɛ̃ɛ ŋa, bʋ̃ʋ n'ʋ vɛ̃, a Naaŋmɩn-been n'ʋ tɩ puore mɛ̃ a nyɩɩm a, ɛ́ maalɛ bagɛ kʋ̀rɛ ʋ, a lɛn daar za a Asiiri tẽw nãà Asaradɔ̃ na diw tɩ wa n a ka a.»

Ɛsɩdɩrasɩ 9:13

'Woi! Tɩ Naaŋmɩn i, a tɩ ɩ-faar nɩ a tɩ sãwna na bɛrmɛ a n'a so a tɩ kpɩɛrʋ á ŋá za páw tɩ. Ɛcɛ fʋ bɛ dɔwrɩ tɩ man nɩ a tɩ yel-bebe ɩ, fʋ bɛr tɩ na tɩ cãà vʋʋrɛ, a tɩɩm na be a ka a.

Neemi 1:5

ɛ́ tɩ yel ʋ à ŋá: «'Woi! Sore e, fʋ̃ʋ Naaŋmɩn na be a salom zu a, Naaŋmɩn na ɩ kpɛ̃ɛ, ɛ́ bɛ tɛr dɩ̃ɛnʋ a! Fʋ mɩ́ tɛr'ɩ a fʋ wõ-taa, fʋ̃ʋ nɩ a bɛlɩ dem na sàwr a fʋ nɛ́ɛ a zie, fʋ ŋmɛ̃ n fʋ ŋmɛ̃a a bɛlɩ dem na nɔnɛ fʋ a zie.

Sɛb-sõw yielu 47:2

Nyɩɩm nɩ-bʋʋrɛ za a, nyɩ puore nuru carcarcar! Nyɩ ŋmɩɛr nʋ̃ɔ̀ cɛlsɩ cáarɛ nɩ a Naaŋmɩn ƴãw,

Sɛb-sõw yielu 66:3

Nyɩ yel a Naaŋmɩn: «Nyɛ̃ a fʋ tome na ɩrɛ dɛ̃bɩ̃ɛ sɛw a! A fʋ dɔ̃ dem mʋʋrɛ fʋ na, fʋ na kpɛmɛ yaga a ƴãw.

Sɛb-sõw yielu 66:5

Nyɩ wa nyɛ̃ a ʋlɩ bom nɛ a Naaŋmɩn na ɩ a. A ʋ tome sɩrɩ na ɩrɛ a nɩsaalbɛ dɛ̃bɩ̃ɛ.

Eziptɩ tẽw yib 18:8

Ʋ tɩ manɩ na kʋ̀ a ʋ dɩɛm-sãà a lɛ za a Sore na ɩ a Faarawɔ̃ nɩ a Eziptɩ tẽw nɩbɛ, ɛ́ a ɩ a Ɩsɩrayɛl nɩbɛ ƴãw n'a a, nɩ a kpɩɛrʋ al za bɛ na nyɛ̃ a sɔ́r zu, ɛ́ a Sore faa bɛ a.

Ɩzayi 9:6

Ʋ na dɩ n a nɩ-kpɛ̃ɛnʋ yaga za, ɛ́ ɩ ƴã-ɓaarʋ na bɛ tɛr baarʋ a ʋ be be. Ʋ na zɩ̃ n a Daviir naalʋ-dà-kɔw zu, ɛ́ dɩ naalʋ a ʋ naalʋ-tẽw zu. Ʋ na ɩ n a lɛ-na-tu-sɔr-a nɩ a mɩnʋ a be be, k'ʋʋ tʋ̃ɔ́ ɩ a ʋ naalʋ-tẽw ʋ be be, ɛ́ kpɛmɛ a ƴɛrɛŋa nɩ a kʋralɛ. A yel ŋa n'ʋ a Sore, a kpɛnʋ-za-sob na maalɩ, a ʋ nɔ̃wfʋ na dɩrɛ mɛ̃ vũu a ƴãw.

Levitɩ mɩnɛ 26:18

Nyɩmɛ cãà bɛ wa bɛrɛ wone a ɩ̃ ƴɛ̀rʋ a, ɩ̃ na dɔwrɩ nyɩ nɩ gb'a ayopõi dɔwlɩ a nyɩ yel-bebe zũú.

Levitɩ mɩnɛ 26:21

Nyɩmɛ bɛ wa bɛrɛ wone a ɩ̃ ƴɛ̀rʋ, zawrɩ a ɩ̃ tub a, ɩ̃ na bãwnɩ nɩ a nyɩ yel-bebe, dɔwrɩ nyɩ gb'a ayopõi dɔwlɩ.

Levitɩ mɩnɛ 26:24

a mãa mɩ̀ a, ɩ̃ na zawr'ɩ a nyɩ tub, ɛ́ lɛb maal dɔwrɩ nyɩ gb'a ayopõi dɔwlɩ a nyɩ yel-bebe zũú.

Levitɩ mɩnɛ 26:28

a mãa mɩ̀ a, ɩ̃ na nyɛ̃ nɩ suur yaga zawrɩ a nyɩ tub, mãa mɩŋa na dɔwrɩ nyɩ nɩ gb'a ayopõi dɔwlɩ, a nyɩ yel-bebe zũú.

Wulu-ayi-sob 7:12

Nyɩmɛ wa cɛlɛ be a tub á ŋá ƴãw a, nyɩmɛ wa tɛr a tuur a, a Sore nyɩ Naaŋmɩn na ŋmɛ̃ ʋ ŋmɛ̃a a na maal'a tɛr a wõ-taa ʋ na maal'ɩ a nyɩ sãàkʋm-kore a, a nyɩ vla ƴãw.

Wulu-ayi-sob 7:13

Ʋ na nɔnɛ nyɩ na, ʋ na maalɩ nyɩ na, ʋ na ɩ na nyɩ yãwmɛ. Ʋ na kʋ̀ nyɩ nɩ bibiir yaga, ɛ́ ɩ nyɩ de bʋ̃-dieri yaga: ble, divɛ̃ nɩ kãá. Ʋ na ɩ n a nyɩ dʋn a yɛ̀r, a nĩi, a píir nɩ a bʋʋr a tẽw ʋl ʋ na na kʋ̀ nyɩ a pʋɔ, mɛ̃ a lɛ ʋ na pɔ yel kʋ̀ a nyɩ sãàkʋm-kore a.

Wulu-ayi-sob 7:21

Nyɩ taa màwr a nɩ-bʋʋrɛ bɛ ŋa niŋé ɩ: a Sore nyɩ Naaŋmɩn be n a nyɩ zie, ɛ́ ɩ Naaŋmɩn na ɩ kpɛ̃ɛ ɛ́ bɛ tɛr dɩ̃ɛnʋ a.

Wulu-ayi-sob 7:9

Nyɩ bãwnɩ a k'aa Sore nyɩ Naaŋmɩn n'ɩ a Naaŋmɩn-sɩza been yõ. Ʋ ŋmɛ̃ n ʋ ŋmɛ̃a, ɛ́ mɩ́ tɛr a ʋ wõ-taa nɩ a ʋ nɔ̃wfʋ tɩ ta a nɩbɛ na dɔw tu taa gb'aa túr a, a bɛlɩ dem na nɔnɛ ʋ ɛ́ sàwr a ʋ nɛ-ƴãwnɩ a zie.