Neemi 9:27 - A SƐB-SÕW

²⁷ Lɛ n'a fʋ bɛr bɛ kʋ̀ a bɛ dɔ̃ dem, bɛ dɔwrɩ bɛ. A kpɩɛrʋ á ŋá daar a, bɛ kõ na bʋɔlɩ fʋ, ɛ́ a fʋ̃ʋ a, fʋ be n a salom zu ɛ́ bɛr wõ bɛ. A fʋ nɔ̃wfʋ na bɛ tɛr baarʋ a pʋɔ a, fʋ tõ n faarbɛ bɛ wa faa bɛ a bɛ dɔ̃ dem nuru pʋɔ.

Neemi 9:27 ပူးပေါင်းရင်းမြစ်များ

2 Na-mɩnɛ 13:5

A Sore tɩ kʋ̀ n faarɛ a Ɩsɩrayɛl nɩbɛ, ʋ faa bɛ a Siiri tẽw dem nuru pʋɔ. Lɛ n'a a Ɩsɩrayɛl nɩbɛ tɩ tɛr ƴã-ɓaarʋ mɛ̃ a dãwdãw a.

2 Na-mɩnɛ 14:27

Ɛcɛ a Sore bɛ tɩ yel k'ʋʋ na kʋ n a ʋ nɩ-bʋʋrɛ pàw pɛr ɛ, alɛ n'a so ʋ ƴãw a Zowasɩ bidɛb, Zerobowam, faa ʋ.

2 Na-mɩnɛ 17:20

Alɛ n'a so a Sore tɩ zawrɩ a Ɩsɩrayɛl nɩbɛ za bɛr. Ʋ tɩ siwri bɛ na, bɛr bɛ kʋ̀ a nɩ-farbɛ, ɛ́ wa baa diw bɛ bɛr zãá nɩ ʋ.

2 Na-mɩnɛ 17:39

A mãa Sore nyɩ Naaŋmɩn n'ʋ nyɩ na puore, mãa n'ʋ na faa nyɩ a nyɩ dɔ̃ dem za nuru pʋɔ.»

2 Bibie za yel-manɩ 36:17

Lɛ n'a ʋ tɩ ƴãw a Babɩlɔn tẽw nãà kpɛ a bɛ tẽw, ʋʋ de bom za ƴãw a ʋ nũú. A nãà ŋa tɩ kʋ n a sojarɩ tɩ ta n a Ŋmɩn-yir-kpɛ̃ɛ pʋɔ. Ʋ bɛ tɩ jɩɩrɩ nɩr za bɛr ɛ, a pɔlbili, a pɔwsɩrali, a nɩ-bɛrɛ nɩ a dɛnyamɛ.

Neemi 9:19

A na saa tɩ ɩ à ŋá a, fʋ̃ʋ a, a fʋ nɔ̃wfʋ na bɛ tɛr baarʋ a pʋɔ a, fʋ bɛ tɩ jɛ bɛ bɛr a wɛja-kpalɛ pʋɔ ɩ: a zũzuwr na ɩ mɛ̃ kpul a, ɛ́ wule bɛ a sɔ́r a mʋ̃tɔ̃w a, bɛ cen ɛ́ bɛr bɛ ɩ. A vũu na ɩ mɛ̃ kpul a tɩ cãà na caalɛ bɛ a sɔ́r a tɩ̃ɩsɔw.

Sɛb-sõw yielu 136:24

ʋ faa tɩ nɩ a tɩ dɔ̃ dem nuru pʋɔ, a ʋ nɔ̃wfʋ na be kʋralɛ a ƴãw.

Levitɩ mɩnɛ 26:17

Ɩ̃ na ìr'ɩ a nyɩ ƴãw, ɛ́ a nyɩ dɔ̃ dem na tʋ̃ɔ́ nyɩ na. A bɛlɩ dem na hɩ̃ɛn nyɩ a na so nyɩ na, ɛ́ nyɩ na mɩ́ lɩɛb'a zɔrɛ nɩr saa bɛ diwr nyɩ a.

Abɩdɩasɩ 1:21

Bɛ na zɛb'a tʋ̃ɔ́, ɛ́ do a Sɩyɔ̃ tãw zu, ɛ́ a be n'a bɛ na tɩ dɩrɛ naalʋ a Edɔm tẽw zu. A Sore na ɩ n nãà!

Ƴɛ̀r-dɩrbɛ 2:18

A Sore na mɩ́ tɩ ɩ ƴɛ̀r-dɩrɛ yi a bɛ ƴãw a, ʋ mɩ́ tɩ be n a ƴɛ̀r-dɩrɛ ʋl zie, ɛ́ a ƴɛ̀r-dɩrɛ ʋl mɩ́ faa bɛ a bɛ dɔ̃ dem nuru pʋɔ a ʋ cãafʋ daar za, bʋ̃ʋ n'ʋ vɛ̃, a Sore mɩ́ tɩ zɔ n bɛ nɩbaalʋ, a lɛ a bɛ dɔ̃ dem na mɩ́ tɩ dɔwrɛ bɛ bɛ kone a.