Neemi 9:26 - A SƐB-SÕW

²⁶ Ɛcɛ bɛ bɛ sàw a fʋ nʋɔr ɛ, bɛ gaar'ɩ nɩ a fʋ zie, bɛ gur'ɩ pùor cɔw a fʋ wulu. Bɛ kʋ n a fʋ ƴɛ̀r-manbɛ na zɛlɛ bɛ kɛ́ bɛ lɛb wa a fʋ zie a. A bɛ ɩb bɛ tɩ vɩɛl towtow ɛ.

Neemi 9:26 ပူးပေါင်းရင်းမြစ်များ

1 Na-mɩnɛ 14:9

Fʋ maal'ɩ faa zuo a bɛlɩ dem za na de fʋ niwn a: fʋ nyɩl'ɩ kure maal'ɩ ŋmɩn-yoru dasuli, ƴãw a ɩ̃ suur ìr, ɛ́ a mãa fʋ zawrɩ mɛ̃ bɛr.

1 Na-mɩnɛ 18:13

Ɩ̃ sore e, bɛ bɛ manɩ kʋ̀ b a lɛ ɩ̃ na ɩ, a lɛn daar a Zezabɛl na tɩ ƴãw bɛ kʋrɛ a Sore ƴɛ̀r-manbɛ a ɩ? A lɛ ɩ̃ na tɩ sɔwlɩ nɩbɛ kʋba (100) a bɛ pʋɔ, bʋ́r bɛ lɩz'a ayiri nɩ piir tãw bɔwrɩ pʋɔ ɛ́ kʋ̀rɛ bɛ a bʋ̃-dɩrɩ nɩ a kʋ̃ɔ a ɩ?

1 Na-mɩnɛ 18:4

a lɛn daar a Zezabɛl na tɩ ƴãw bɛ kʋ a Sore ƴɛ̀r-manbɛ a, a Ovadɩa tɩ sɔwl'ɩ nɩbɛ kʋba (100) a bɛ pʋɔ. Ʋ tɩ bʋ́r bɛ nɩ lɩz'a ayiri nɩ piir, ƴãw tãw bɔwrɩ pʋɔ, ɛ́ ƴãw bɛ kʋ̀rɛ bɛ a bʋ̃-dɩrɩ nɩ a kʋ̃ɔ.

1 Na-mɩnɛ 19:10

Ʋ sɔw: «Sore, Kpɛnʋ-za-sob i, nɔ̃wfʋ bɛ n'a ɩ̃ nɔnɛ fʋ ɛ! Ɛcɛ a Ɩsɩrayɛl nɩbɛ zawr'ɩ a fʋ wõ-taa bɛr, bɛ ŋmɛr'ɩ a fʋ bàwr-maal-kube bɛr, bɛ kʋ n a fʋ ƴɛ̀r-manbɛ. Mãa ɩ̃ yõ n'ʋ cɛ, bɛ bɔbr kɛ́ bɛ ír a ɩ̃ nyɔ-vʋʋrʋ.»

2 Na-mɩnɛ 21:10

Lɛ n'a a Sore tɩ ƴãw a ʋ tõ-tõ-biir, a naaŋmɩn-ƴɛ̀r-manbɛ, ƴɛ̀r à ŋá:

2 Na-mɩnɛ 21:11

«A Zuda tẽw nãà, Manase, na ɩ a ɩ-faar á ŋá za na bɛ maal'ɩ wob a, ʋ na ɩ a ɩb a kpɛ faa zuo a lɛ a Amoritɩ mɩnɛ na tɩ dãw ɩ a, ʋ na tɛr a ʋ tɩbɛ ƴãw a Zuda nɩbɛ maalɩ a yel-bier a,

2 Bibie za yel-manɩ 36:16

ɛcɛ a Ɩsɩrayɛl nɩbɛ tɩ ɩ n a nɩ-toni bɛ ŋa la, ɩ a naaŋmɩn-ƴɛ̀r-manbɛ la, ɛ́ zawrɩ a Naaŋmɩn ƴɛ̀rʋ bɛr. Lɛ n'a a Sore wa tɩ bɛr a ʋ suur ìr a bɛ ƴãw, a bɛ tɛr zɛlɩ bɛr ɛ.

Neemi 9:18

Bɛ nyɩl'ɩ kure maal'ɩ nále ɛ́ yel: “Nyɛ̃ a tɩ Naaŋmɩn na ɩ tɩ yi a Eziptɩ tẽw a!” A bɛ ɩb ŋa bɛ tɩ vɩɛl towtow ɛ.

Neemi 9:29

Fʋ zɛlɩ bɛ na kɛ́ bɛ lɛb tuur a fʋ wulu, ɛcɛ a bɛ pɔ̀lʋ zũú a, bɛ bɛ bɛr wõ a fʋ nɛ-ƴãwnɩ ɛ. Bɛ zawr'ɩ a tub fʋ na ƴãw kʋ̀ bɛ a bɛr, ɛcɛ alɛ n'a kʋ̀rɛ a nyɔ-vʋʋrʋ a bɛlɩ dem na tuur a a. Bɛ kpãa nɩ tobr ɛ́ gaarɩ, bɛ bɛ bɛr wõ b towtow ɛ.

Neemi 9:30

Fʋ nyɔw nɩ fʋ tʋɔra a bɛ ƴãw, yome yaga ƴãw. A fʋ ƴɛ̀r-manbɛ na tɩ tɛr a fʋ vʋʋrʋ a, tɩ zɛlɛ bɛ nɩ a fʋ yúor ƴãw, ɛcɛ bɛ bɛ bɛr wõ ɩ. Lɛ n'a fʋ tɩ bɛr bɛ kʋ̀ nɩ-bʋʋr-yoru bɛ so bɛ.

Sɛb-sõw yielu 50:17

fʋ̃ʋ na bɛ bɔbr kɛ́ bɛ wule fʋ, ɛ́ mɩ́ de a ɩ̃ ƴɛ̀rʋ sɔ kpaar a?

Zeremi 16:11

A lɛ pʋɔ a, fʋ na sɔw bɛ nɩ à ŋá: “À ŋá n'a a Sore yere: A nyɩ sãàkʋm-kore na zawrɩ mɛ̃ bɛr ɛ́ tu ŋmɩn-yoru pùor, maalɩ a ɛ́ gbĩ dume gũu tɩ tɔ tẽw a niŋé a n'a so. Mãa a, bɛ zawrɩ mɛ̃ na bɛr, bɛ bɛ sàw tu a ɩ̃ wulu ɛ.

Zeremi 2:30

Zawla lɛ n'a ɩ̃ ŋmɛ nyɩ. Nyɩ bɛ sàw de a kpãàfʋ ɛ. Nyɩ nɩ̃ɛ na kʋ a nyɩ naaŋmɩn-ƴɛ̀r-manbɛ mɛ̃ gben na kpɛ po-tuo a.

Zeremi 2:7

Ɩ̃ ɩ na nyɩ kpɛ tɩ-wɔnɩ tẽw a tẽsɔw na pʋ̃ɔ́ a pʋɔ, kɛ́ nyɩ tɩ tʋ̃ɔ́ íre tɔnɛ a ʋ bʋ̃-kʋ́ɔrɩ nɩ a ʋ na-bome pʋɔ. Ɛcɛ nyɩ na wa kpɛ a ʋ pʋɔ a, nyɩ dɛw nɩ a ɩ̃ tẽw bɛr, ɛ́ ɩ a ɩ̃ zi-sóra lɩɛbɩ zi-faa faa.

Zeremi 32:23

Bɛ kpɛ n a tẽw pʋɔ, so ʋ. Ɛcɛ bɛ bɛ bɛr wõ a fʋ ƴɛ̀rʋ ɛ, bɛ bɛ tu a fʋ wulu ɛ, bɛ bɛ ɩ a lɛ fʋ na yel a ɩ. Lɛ so fʋ bɛr a kpɩɛrʋ á ŋá za na tarɛ a dɩ̃a a, a wa.

Zeremi 42:19

A Zeremi tɩ yel'a ƴãw pʋɔ: «Nyɩɩm Zuda nɩbɛ na cãà cɛ vʋʋrɛ a, a Sore yere na kʋ̀rɛ nyɩ: Nyɩ taa cere a Eziptɩ tẽw ɛ! Nyɩ bãwnɩ a vla ɩ̃ na bɛ yere a yel ŋa kʋ̀rɛ nyɩ lãwnɩ dɩ̃ɛnʋ a.

A Lãw-mʋɔlɛ 3:42

Tɩɩm a, tɩ gaarɩ na, tɩ ɩ n nɔ-zawrbɛ, ɛ́ fʋ̃ʋ a, Sore e, fʋ bɛ dɩ suur ɛ!

Ezekɩɛl 20:21

Ɛcɛ a bɛ bibiir mɩ̀ tɩ ìr'ɩ a ɩ̃ ƴãw. Bɛ bɛ tɩ sàw a ɩ̃ wulu ɛ, bɛ bɛ tɩ tu a ɩ̃ tub ɛ. Ɛcɛ alɛ n'a kʋ̀rɛ a nyɔ-vʋʋrʋ a bɛlɩ dem na sàwr a a. Bɛ tɩ jewr'ɩ a pɩ̃ɛnʋ-bibir. Tɩɛrʋ tɩ wa m'a k'ɩ̃ɩ bɛr a ɩ̃ su-yãyaar ʋ ìr a bɛ ƴãw, yɛ́r pàw bɛ a wɛja-kpalɛ pʋɔ.

Matie 21:35

Ɛcɛ a divɛ̃ tɩɩr po-kʋ́ɔrbɛ tɩ nyɔw nɩ a ʋ tõ-tõ-biir, pɔb a kãw, kʋ a ƴen sob, ɛ́ lɔb a kãw nɩ kʋsɛbɛ kʋ.

Nɩ-toni 7:52

Naaŋmɩn-ƴɛ̀r-man-buor sob'ʋ a nyɩ sãàkʋm-kore bɛ dɔwrɩ? Bɛ kʋ n a bɛl na tɩ dãw hiere a nɩ-mɩŋa waa a. A Nɩ-mɩŋa ŋa tɔr za nyɩ na pãa mɩl kʋ a,

Wulu-ayi-sob 32:14

A nĩi nɩ a píir tɩ kʋ̀rɛ bɛ nɩ bʋ̀rʋ, a peli, a pʋr-'wɔɛ nɩ a bʋrɩ tɩ kʋ̀rɛ bɛ nɩ nɛn. Ble na ɩ ble a n'a bɛ tɩ dɩrɛ, ɛ́ nyúur a bɛ divɛ̃ tɩɩr divɛ̃.

Wulu-ayi-sob 32:15

A Yesurun na wa kpɛ bɛ́rʋ baar'a, ʋ gaarɩ na. Ʋ na wa kpɛ bɛ́rʋ a, ʋ na wa 'wɔr a, ʋ na wa tɩbrɛ baar'a, ʋ zawr'ɩ a Naaŋmɩn bɛr, a ʋ Íre, ʋ ƴãw nɩ a ʋ pì-kpɛ̃w vĩ, a ʋ faarɛ.

Ƴɛ̀r-dɩrbɛ 10:6

A Ɩsɩrayɛl nɩbɛ tɩ lɛb'a maal tĩ ɩrɛ a bɛ pɛlɛ a Sore pʋɔ ɩ: bɛ tɩ puor'ɩ a Báàl mɩnɛ nɩ a Asɩtarte mɩnɛ, lãwnɩ a Siiri tẽw dem, nɩ a Sɩdɔ̃ tẽw dem, nɩ Mowab tẽw dem, nɩ a Amɔ̃ tẽw dem, nɩ a Filisɩtɛ̃ mɩnɛ ŋmɩmɛ. Bɛ tɩ zawr'ɩ a Sore bɛr, bɛ cãà puore ʋ ɛ.