Neemi 9:16 - A SƐB-SÕW

¹⁶ Ɛcɛ a tɩ sãàkʋm-kore dɩ n pɔ̀lʋ, bɛ ɩ n bɛ-won ɩb, bɛ bɛ bɛr wõ a fʋ nɛ-ƴãwnɩ ɛ.

Neemi 9:16 ပူးပေါင်းရင်းမြစ်များ

2 Na-mɩnɛ 17:14

Ɛcɛ a nɩbɛ bɛ ŋa bɛ tɩ bɛr wõ ɩ. Bɛ tɩ kpãa nɩ tobr mɛ̃ a bɛ sãàkʋm-kore na bɛ tɩ sàw de a Sore bɛ Naaŋmɩn a.

2 Bibie za yel-manɩ 29:6

Bʋ̃ʋ n'ʋ vɛ̃, a tɩ sãà mɩnɛ bɛ tu a Sore tɩ Naaŋmɩn ɛ, bɛ ɩ n bom nɛ na bɛ pɛlɩ a ʋ pʋɔ a: bɛ zawrɩ ʋ na bɛr, bɛ lɩɛbɩ kpaar cɔw a ʋ zi-sõw, ɛ́ ŋmɛlɩ pùor cɔw ʋ.

2 Bibie za yel-manɩ 30:8

Nyɩ mɩ̀ ta gaarɩ mɛ̃ a nyɩ sãà mɩnɛ a ɩ: nyɩ bɛr a Sore so nyɩ, nyɩ lɛb wa ʋ zi-sõw pʋɔ ʋ na ɩ ʋ ɩ sõw a nʋɔr kʋ a, ɛ́ nyɩ tone a Sore nyɩ Naaŋmɩn. Lɛ n'a a ʋ su-tʋlʋ a nyɩ ƴãw na ɓãá.

2 Bibie za yel-manɩ 36:13

Ʋ mɔ̃ mɩ̀ wa ìr'a gaarɩ a Nabikodonozɔɔr zu, ʋl na tɩ ƴãw ʋ kõ nʋɔr a Sore yúor ƴãw a. Ʋ tɩ kpãa nɩ tobr zawrɩ a Sore, a Ɩsɩrayɛl Naaŋmɩn zie lɛb waa kʋra kʋra.

Neemi 9:10

Fʋ maal'ɩ nɔ-ɓãa-yele nɩ yel-bãw-guuri càar'ɩ a Eziptɩ tẽw nãà, a nɩbɛ na lãw kpɩɛr'ɩ ʋ a, nɩ a ʋ tẽw nɩbɛ za, bʋ̃ʋ n'ʋ vɛ̃, fʋ tɩ bãw nɩ a Eziptɩ tẽw dem pɔ̀l-ɩb bɛ na ɩ a tɩ sãàkʋm-kore zie a. Fʋ ɩ n a fʋ yúor yi cãà wa tɩ tɔ a dɩ̃a.

Neemi 9:29

Fʋ zɛlɩ bɛ na kɛ́ bɛ lɛb tuur a fʋ wulu, ɛcɛ a bɛ pɔ̀lʋ zũú a, bɛ bɛ bɛr wõ a fʋ nɛ-ƴãwnɩ ɛ. Bɛ zawr'ɩ a tub fʋ na ƴãw kʋ̀ bɛ a bɛr, ɛcɛ alɛ n'a kʋ̀rɛ a nyɔ-vʋʋrʋ a bɛlɩ dem na tuur a a. Bɛ kpãa nɩ tobr ɛ́ gaarɩ, bɛ bɛ bɛr wõ b towtow ɛ.

Sɛb-sõw yielu 106:6

Tɩ maal'ɩ yel-bebe mɛ̃ a tɩ sãàkʋm-kore a, tɩ maal'ɩ a yel-faa, tɩ sãw na.

Sɛb-sõw yielu 81:8

Fʋ na tɩ be a kpɩɛrʋ pʋɔ ŋmɩɛr cɛlsɩ a, ɩ̃ faa fʋ na. Ɩ̃ tɩ sɔwl'a be a saa pʋɔ ɛ́ sɔw fʋ. Ɩ̃ tɩ ɩ b'a kaa a Meriba kʋ̃ɔnɩ pɛr. Tɛw-àrʋ

Eziptɩ tẽw yib 15:26

Ʋ tɩ yel bɛ na: «Nyɩmɛ wa sɩrɩ sàwr a mãa Sore nyɩ Naaŋmɩn nʋɔr, maalɛ a lɛ ɩ̃ na mɩ́ nyɛ̃ a tu sɔ́r a, nyɩmɛ wa bɛrɛ wone a ɩ̃ nɛ-ƴãwnɩ, ɛ́ tuur a ɩ̃ wulu za a, a bàalʋ ɩ̃ na ƴãw a Eziptɩ tẽw nɩbɛ a, ɩ̃ bɛ ƴãwnɛ nyɩ a bàalʋ á ŋá been kãw za ɩ. Bʋ̃ʋ n'ʋ vɛ̃, mãa n'ɩ a Sore na sanɛ nyɩ a.»

Eziptɩ tẽw yib 32:9

Ɩ̃ nyɛ̃ nɩ a nɩ-bʋʋrɛ bɛ ŋa: zu-kpɛn dem nɛbɛ!

Zʋkpaɩ 29:1

Nɩr bɛ na mɩ́ wul a ʋ sãwna ʋ bɛ sàw ɛ́ kpãa tobr a na ur'a lo, ɛ́ a bɛ lɛb tɛr ɩb kãw za ɩ.

Ɩzayi 48:18

Fʋ̃ʋ tɩ ɩ mɛ̃ fʋ cɛlɩ nɩ a ɩ̃ nɛ-ƴãwnɩ zie a, a fʋ ƴã-ɓaarʋ nãà ɩ na mɛ̃ man a, ɛ́ a fʋ mɩnʋ ɩ mɛ̃ a kʋ̃ɔ-kpɛ̃ɛ kʋ̃ɔ-mie a!

Ɩzayi 48:4

Ɩ̃ bãw nyɩ na nyɩ ɩ nɩ-bʋʋr-gaarɩ. Nyɩ bɛ wone ƴɛ̀rʋ ɛ, ɛ́ a nyɩ zuru kpɛmɛ.

Ɩzayi 63:10

Ɛcɛ a bɛl a, bɛ tɩ gaarɩ na, ɩ a ʋ Vʋʋrʋ Sõw ʋ tɛr pʋ-sãwna. Lɛ n'a a Sore tɩ lɩɛbɩ a bɛ dɔ̃ sob zɛb'ɩ bɛ.

Zeremi 19:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Ɩ̃ na ɩ na a dɔwrʋ al ɩ̃ na tɩ yel a tẽ-kpɛ̃ɛ ŋa ƴãw a, a wa a ʋl nɩ a ʋ tẽli-kpɔwlɩ ƴãw. Bʋ̃ʋ n'ʋ vɛ̃, a tẽw dem ɩ n zu-kpɛn dem, bɛ zawr'ɩ a ɩ̃ ƴɛ̀rʋ bɛr-wob.”»

Zeremi 2:31

—A nyɩɩm, dɩ̃a nɩbɛ ɛ, nyɩ ƴãw tobr vla a Sore ƴɛ̀rʋ ƴãw!— Ɩsɩrayɛl nɩbɛ ɛ, ɩ̃ lɩɛb'ɩ wɛja-kpalɛ a nyɩ zie bɩɩ tẽw a zie na sɔb kʋralɛ a? Bʋ̃ʋ n'ʋ so a ɩ̃ nɩbɛ yel: “Be tɩ na bɔbr a n'a tɩ cere, tɩ kʋ̃ lɛb wa a fʋ zie ɩ?”

Zeremi 7:26

Ɛcɛ nyɩ bɛ bɛr wõ m ɛ, nyɩ bɛ cɛlɩ be ɩ, nyɩ ɩ n zu-kpɛ̃w ɩb. Nyɩ kpɛ n faa zuo a nyɩ sãàkʋm-kore.

Ezekɩɛl 5:6

A ʋ kpɩɛrbɛ zawr'ɩ a tub nɩ a wulu ɩ̃ na tɩ kʋ̀ bɛ a. Bɛ maal'ɩ faa zuo a nɩ-bʋʋr-yoru a ten al na viiri koli bɛ a pʋɔ. Bʋ̃ʋ n'ʋ vɛ̃, bɛ zawr'ɩ a ɩ̃ tub nɩ a ɩ̃ wulu bɛr, bɛ bɛ tu a ɩ.

Nɩ-toni 7:51

Zu-kpɛn dem n'ɩ nyɩ! A nyɩ tobe nɩ a nyɩ socie bɛ wone a Naaŋmɩn bʋɔlʋ ɛ. Nyɩ mʋɔrɩ nɩ a Vʋʋrʋ Sõw kʋralɛ. Nyɩ sɩrɩ na ŋmɛ̃ mɛ̃ a nyɩ sãàkʋm-kore a.

Ʋrɔm 2:5

A fʋ zu-kpɛnʋ ƴãw, nɩ fʋ na yel kɛ́ fʋ kʋ̃ lɩɛbɩ a fʋ ɩb a, fʋ cɔbrɛ nɩ dɔwrʋ na ta dɔwrʋ a a fʋ mɩŋa ƴãw, gùre nɩ a Naaŋmɩn suur bibir nɩ a ʋ ƴɛ̀rʋ maalʋ na tu yel-mɩŋa a bibir nãà wa vɩɛ a,

Wulu-ayi-sob 31:27

Bʋ̃ʋ n'ʋ vɛ̃, ɩ̃ bãwnɩ a na bɛ na ɩ nɩ-gaarɩ a, ɩ̃ bãw nɩ a bɛ zu-kpɛnʋ. Bɛlɛ wa gaarɛ a Sore zie, a dɩ̃a ɩ̃ na cãà vʋʋrɛ be a bɛ sɔgɔ a, a ɩ̃ kũu pùorí a, a na ɩ n towtow.

Wulu-ayi-sob 32:15

A Yesurun na wa kpɛ bɛ́rʋ baar'a, ʋ gaarɩ na. Ʋ na wa kpɛ bɛ́rʋ a, ʋ na wa 'wɔr a, ʋ na wa tɩbrɛ baar'a, ʋ zawr'ɩ a Naaŋmɩn bɛr, a ʋ Íre, ʋ ƴãw nɩ a ʋ pì-kpɛ̃w vĩ, a ʋ faarɛ.

Wulu-ayi-sob 5:29

Bɛlɛ ɩ mɛ̃ bɛ ƴãw nɩ fãw zɔrɛ mɛ̃ ɛ́ sàwr a ɩ̃ nɛ-ƴãwnɩ za a, bɛlɛ nɩ a bɛ bʋʋrɛ na nyɛrɛ nɩ nʋ̃ɔ̀ a pʋɔ kʋralɛ.

Wulu-ayi-sob 9:13

Al pùorí, a Sore yel ƴãw pʋɔ: «Ɩ̃ nyɛ̃ a na, zu-kpɛn dem n'ɩ a nɩ-bʋʋrɛ bɛ ŋa.

Wulu-ayi-sob 9:27

Cãà bãwnɩ a fʋ tõ-tõ-biir Abraham, Ɩzaakɩ nɩ Zakɔb. Ta cɛlɛ a nɩbɛ bɛ ŋa zu-kpɛnʋ, a bɛ ɩ-faar nɩ a bɛ yel-bebe zie ɩ.

Wulu-ayi-sob 9:6

A na ɩ à ŋá a, nyɩ bãwnɩ a, a Sore nyɩ Naaŋmɩn wa kʋ̀rɛ nyɩ a tẽ-vla ŋa kɛ́ nyɩ so a, nyɩ na ɩ nɩ-mɩn a ƴãw bɛ n'a ɩ. Bʋ̃ʋ n'ʋ vɛ̃, nɩ-bʋʋrɛ a zuru na kpɛmɛ a n'ɩ nyɩ.

Ebre 3:13

A na ɩ lɛ a, a «Dɩ̃a bibir» ŋa yúor na cãà pore a, nyɩ kpaalɛ taa bibir za, k'aa yel-bier taa wa bɛlɩ a nyɩ been kãw za ʋ kpãa tobr ɛ.

Ebre 3:15

Bɛ yel'ɩ à ŋá: «A dɩ̃a bibir nyɩmɛ wa wõ a Naaŋmɩn kɔkɔr a, nyɩ ta kpãa tobr mɛ̃ a lɛn daar nyɩ na tɩ zɛbr'ɩ ʋ a ɩ.»