Neemi 9:14 - A SƐB-SÕW

¹⁴ Fʋ tu n a fʋ tõ-tõ-bie Moyiir, ɩ bɛ bãw a pɩ̃ɛnʋ-bibir fʋ na so a, fʋ kʋ̀ bɛ nɩ nɛ-ƴãwnɩ, tub nɩ a wulu.

Neemi 9:14 ပူးပေါင်းရင်းမြစ်များ

Yele-za-pɛr-tib 2:3

A Naaŋmɩn tɩ maal'ɩ a bibie ayopõi sob, ɛ́ ɩ k'ʋ ɩ a ʋ bibi-sora. Bʋ̃ʋ n'ʋ vɛ̃, ʋ tɩ pɩ̃ɛnɩ nɩ a ʋlɩ bibir nɛ a ʋ bome íru tome za ƴãw.

Neemi 1:8

Ɛcɛ cãà bãwnɩ a ƴɛ̀rʋ ʋl fʋ na ƴãw a Moyiir ƴɛ̀r kʋ̀ tɩ a: “Nyɩmɛ bɛ wa tu m a, ɩ̃ na diw nyɩ na yaarɩ a nɩ-bʋʋr-yoru pʋɔ.

Neemi 10:32

A nɩbɛ bɛ ŋa wa wa n ble bɩɩ yɛ̀rʋ́ bom za a pɩ̃ɛnʋ-bibir bɩɩ cuwr bibie a, tɩ bɛ dàar bom za ɩ, ɛ́ a yome ayopõi sob a, tɩ na mɩ́ bɛr'ɩ a tẽsɔw ʋ pɩ̃ɛnɩ, ɛ́ tɩ lɛb bɛr a samɛ za.

Eziptɩ tẽw yib 16:23

ʋ yel bɛ: «Lɛ n'a a Sore yel. A bio a, ton za bɛ tone ɩ, pɩ̃ɛnʋ-bibir a Sore na so a n'ʋ. A al nyɩ na sɩ̃ɛn a, nyɩ sɛ̃, a al nyɩ na dʋwr a, nyɩ dʋw, ɛ́ a al na guu a, nyɩ bin a biɓaara.»

Eziptɩ tẽw yib 16:29

Nyɩ bãwnɩ a, ɩ̃ kʋ̀ nyɩ nɩ a pɩ̃ɛnʋ-bibir kɛ́ nyɩ mɩ́ pɩ̃ɛnɩ, ɛ́ a al ƴãw n'a ɩ̃ mɩ́ kʋ̀ nyɩ bibie ayi bʋ̃-dɩrɩ a bibie ayʋɔb sob. A na ɩ lɛ a, ŋa za ʋ mɩ́ be a ʋ yir a bibie ayopõi sob, nɩr za ta yi a ʋ yir ɛ.»

Eziptɩ tẽw yib 24:12

A Sore tɩ yel'ɩ a Moyiir: «Do wa a ɩ̃ zie a tãw zu, wa be be. Ɩ̃ bɔbr'a k'ɩ̃ɩ kʋ̀ b a kʋsɛ-pamɛ al zu a Wulu nɛ-ƴãwnɩ na sɛb a, fʋ tɩ wul a a Ɩsɩrayɛl nɩbɛ bɛ bãw a.»

Ezekɩɛl 20:11

Ɩ̃ tɩ kʋ̀ bɛ nɩ a ɩ̃ wulu, ɩ̃ tɩ wul bɛ nɩ a ɩ̃ nɛ́ɛ, ɛ́ a kʋ̀rɛ nɩ nyɔ-vʋʋrʋ a bɛlɩ dem na sàwr a a.

Ezekɩɛl 20:12

Ɩ̃ mɩ̀ tɩ kʋ̀ bɛ nɩ a pɩ̃ɛnʋ-bibir. Bãwfʋ tɩ n'ʋ a mãa nɩ a bɛl cará, k'ɩ̃ɩ lɛb sɩ̃w a bɛ tɩɛrʋ k'aa mãa Sore, ɩ̃ ka n nũu ƴãw bɛ a ɩ̃ tome ƴãw.

Ezekɩɛl 20:20

Nyɩ ɩ a pɩ̃ɛnʋ-bibir ɩ bibi-sõw a ɩ̃ ƴãw, tʋ̃ɔ́ wul a wõ-taa na lãw a nyɩɩm nɩ a mãa taa, ɛ́ mɩ́ lɛb sɩ̃w a nyɩ tɩɛrʋ kɛ́ mãa n'ɩ a Sore nyɩ Naaŋmɩn a.”

Levitɩ mɩnɛ 19:3

«A nyɩ kãw za na ƴãwnɛ nɩ a ʋ sãà nɩ a ʋ mã, ɛ́ ƴãwnɛ a pɩ̃ɛnʋ-bibir. Mãa n'ɩ a Sore nyɩ Naaŋmɩn.»

Levitɩ mɩnɛ 27:34

A nɛ-ƴãwnɩ n'ɩ à á ŋá a Sore na tɩ ƴãw a Moyiir kʋ̀ a Ɩsɩrayɛl nɩbɛ, a Sinayi tãw zu a.

Zã 1:17

Moyiir'ʋ a Naaŋmɩn tɩ dãw tu tɩr a wulu, ɛcɛ a maalʋ nɩ a yel-mɩŋa a, Yeezu Kɩrɩta n'ʋ wa n a.

Wulu-ayi-sob 4:45

Bɛ na tɩ yi a Eziptɩ baar'a n'a ʋ manɩ a fɛrʋ, a wulu nɩ a tub na be be a kʋ̀ bɛ.

Wulu-ayi-sob 4:5

Nyɩ nyɛ̃, ɩ̃ kʋ̀rɛ nyɩ nɩ wulu nɩ tub, mɛ̃ a lɛ a Sore ɩ̃ Naaŋmɩn na yel kʋ̀ m a. Nyɩmɛ wa kpɛ a tẽw nyɩ na na so a pʋɔ a, nyɩ tuur a wulu nɩ a tub á ŋá.

Wulu-ayi-sob 5:31

Ɛcɛ fʋ̃ʋ a, àr a ɩ̃ zie ka. Ɩ̃ na kʋ̀ b'ɩ a nɛ-ƴãwnɩ za, a wulu nɩ a tub fʋ na na wul bɛ kɛ́ bɛ tuur a tẽw ɩ̃ na na kʋ̀ bɛ bɛ so a pʋɔ a.»