Neemi 9:13 - A SƐB-SÕW

¹³ Fʋ yi n a salom zu siw wa ƴɛ̀r a bɛ zie a Sinayi tãw zu: fʋ kʋ̀ bɛ nɩ tub na tɛr yel-mɩŋa a, wulu na ɩ sɩza a, wulu nɩ nɛ-ƴãwnɩ na vɩɛl a za a.

Neemi 9:13 ပူးပေါင်းရင်းမြစ်များ

2 Na-mɩnɛ 17:37

Nyɩ na sàwr'ɩ a nɛ-ƴãwnɩ, a tub nɩ a wulu za ɩ̃ na sɛb kʋ̀ nyɩ a, ɛ́ nyɩ na sàwr a nɩ bibie za. Nyɩ kʋ̃ puore ŋmɩn-yoru ɛ.

Sɛb-sõw yielu 119:137

Sore e, fʋ tɛr'ɩ yel-mɩŋa, ɛ́ a ƴɛ̀rʋ fʋ na dɩ a tori.

Sɛb-sõw yielu 119:160

Zuo a za, a fʋ ƴɛ̀rʋ ɩ n yel-mɩŋa, ɛ́ a ƴɛ̀rʋ fʋ na dɩ a tu a mɩnʋ a, be n be kʋralɛ.

Sɛb-sõw yielu 119:4

Fʋ yel'ɩ a tub a na fɛr k'aa nɩbɛ tuur a, kɛ́ bɛ ƴãw fãw tuur a vla a.

Eziptɩ tẽw yib 16:23

ʋ yel bɛ: «Lɛ n'a a Sore yel. A bio a, ton za bɛ tone ɩ, pɩ̃ɛnʋ-bibir a Sore na so a n'ʋ. A al nyɩ na sɩ̃ɛn a, nyɩ sɛ̃, a al nyɩ na dʋwr a, nyɩ dʋw, ɛ́ a al na guu a, nyɩ bin a biɓaara.»

Eziptɩ tẽw yib 19:11

Bɛ cɔbrɩ gù a deyere, bʋ̃ʋ n'ʋ vɛ̃, a deyere n'a ɩ̃ na siw a Sinayi tãw zu, a nɩbɛ za niŋé.

Eziptɩ tẽw yib 20:1

Ƴɛ̀rʋ á ŋá n'a a Naaŋmɩn tɩ ƴɛ̀r kʋ̀ a Ɩsɩrayɛl:

Eziptɩ tẽw yib 20:22

A Sore tɩ yel'ɩ a Moyiir: «Tɩ ƴɛ̀r à ŋá kʋ̀ a Ɩsɩrayɛl nɩbɛ: “Nyɩ nyɛ̃ a na, salom zu n'a ɩ̃ be ɛ́ ƴɛ̀r a nyɩ zie.

Ɩzayi 64:1

Fʋ nãá ɩ na mɛ̃ vũu na mɩ́ dɩ a tuwr a, bɩɩ na mɩ́ ɩ a kʋ̃ɔ a karɛ a. À ŋá n'a fʋ nãá ɩ a fʋ dɔ̃ dem bãw a fʋ yúor. A nɩ-bʋʋr-yoru nãá màwr'ɩ a fʋ niŋé,

Ɩzayi 64:3

Nɩr bɛ dãw wõ a ɩ, nɩr bɛ dãw wõ bɛ yel ɛ, mimir bɛ dãw nyɛ̃ kɛ́ ŋmɩn kãw ɩ n à à ŋá nɩr na ƴãw a ʋ tɩɛrʋ a ʋ ƴãw a, a bɛ ɩ a fʋ̃ʋ ɛ.

Habakukɩ 3:3

Teman tẽw n'a a Naaŋmɩn yi waar, a Naaŋmɩn na ɩ sõw a yi n a Paran tan pʋɔ waar. A ʋ vɩɛlʋ caal'ɩ a salom, a ʋ yúor-vɩɛlʋ-danʋ paal'ɩ a tẽw.

Ʋrɔm 7:16

Mãa wa ɩrɛ a ʋlɩ bom nɛ ɩ̃ na bɛ bɔbr a, ɩ̃ sàw na k'aa Naaŋmɩn wulu vɩɛl'a.

Wulu-ayi-sob 33:2

«A Sore yi n a Sinayi tãw zu wa. Ʋ pur'ɩ a Seyiir tẽw, mɛ̃ mʋ̃tɔ̃w a, a ʋ nɩbɛ ƴãw. A ʋ cãà yi n a Paran tãw zu, ɛ́ caalɩ. Ʋ wa n a ʋ nɩbɛ zie, ʋlɛ n'ɩ malkɩ túre túre, ɛ́ tɛr a wulu a ʋ nũú, ʋ 'lere mɛ̃ vũu a.

Wulu-ayi-sob 4:33

Nɩ-bʋʋrɛ kãw dãw na wõ ŋmɩn ʋ be vũu sɔwlɩsɔw ɛ́ ƴɛ̀rɛ a ʋ zie, ʋʋ bɛ kpi ɛ, mɛ̃ a lɛ a na ɩ a nyɩ zie a a?

Wulu-ayi-sob 4:36

Ʋ tɩ be n a salom zu ɛ́ ɩ nyɩ wõ a ʋ kɔkɔr a nyɩ wulu ƴãw. A tẽw zu a, ʋ tɩ ɩ na nyɩ nyɛ̃ a ʋ vũu-kpɛ̃ɛ, ɛ́ nyɩ wõ ʋ ƴɛ̀r a vũu sɔwlɩsɔw.

Wulu-ayi-sob 4:8

Nɩ-bʋʋrɛ kãw be n be, a nɩ-bʋʋr-bɛrɛ bɛrɛ za pʋɔ, tɛr wulu nɩ tub a tɛr yel-mɩŋa man a al na be a wulu pʋɔ, ɩ̃ na kʋ̀rɛ nyɩ a dɩ̃a bɩɩ?

Wulu-ayi-sob 5:4

A Sore tɩ tori nyɩ na ɛ́ ƴɛ̀r a tãw zu, a vũu sɔwlɩsɔw.